العشق الاسود

p5

دخلت وراه مغلوبة على امرها ... قابلتها مرت عمو تضحك في ضحكة صفرة ...

_ عسلامة بلعرقوب الخضر ...المرة لولا دخلتي بيك شد الحبس ...تو ربي يستر ..( حطت رجل على رجل )  

_( طبست عليها مهرة ... سنيها تضرب في بعضهم من الغزول )...خاف على روحك ...بالك دورك ...ماذبيك تتغطى مليح في ليل لا نبرك عليك كيف جاثوم نطلع روحك ...

من كثر ما خافت نجوى كبت على روحها فنجال القهوة ... خلتها مهرة تترجم و طلعت للبيت ...او بالأحرى زنزانه الي وارد برشا تعدي فيها بقية عمرها ... ارتاحت كيف دخلت ما لقاتوش ...ترمت على سرير تاعبة ...

ايهم دخل عند بوه ...ترمى تحت رجليه ... لقاه كيف العادة عند شباك ... 

_ بابا ...بلحق انا تحولت لمستنقع كيف ما قالت ... لدرجة انا وليت مجرد ظلمة خايفة من ضو الشمس ...معادش عارفني يا بابا ( يمسح في دموعو ... هز ايد بوه حطها على وجهو )... شوفلي يا بابا انا ايهم ولدك ...الي صار اقوى مني ... اقوى من طاقتي ..انا بعت روحي لشيطان باش نرجع حقكم ...صحيح انا قاسي و خايب اما عمري ما كنت ظالم .. لو وطيت كانو عفسو عليا و ركبو على ظهري ...كلها تستنى فيا نطيح ...و اولهم خوك .. مهرة حكمت عليا من غير ما تعرفني ...كيفها كيف غيرها ...اليوم لو كان الفرد معمر كانت قتلتني ...تكرهني و انا نكرها خاطرها بنت الراجل الي حرمني منكم ...دلني انت ... وين نمشي و اش نعمل ... انا معادش عارف صحيح من الغالط ...

هز بوه حطو في سريرو ... تمد جنبو حتى طلع صباح دخل للبيت لقاها راقدة ...حست بحركة بجنبها حلت عينيها ... سمعت صوت دوش.... حكت عينيها و طلعت شعرها ...تلفتت لقت الفاست متاعو ... نقزت عليها تلوج على تلفونها هزاتو مزالت تبربش فيه خرج لافف روحو بلمنشفة ..... 

_ اش تعمل ... مهرة رجع تلفون لبلاصتو و قت الي يظهرلي تو نعطيهولك و على بلادتك ظاهر فيك معادش باش تاخذو جملة ... ( واقف ينشف في شعرو تلفتت مفجوعة ... عينيها وساعت ... ضحك على خدها الي ولى روز و ربثتها )... مهرررة... شبيك بكمت نكلم فيك وينو لسانك ..

_ ( فاقت من دوختها ...غطت عينيها )...لاباس خارج هكة ...متحشمش ياخي ...معاك صبية في البيت يا اش اسمك ... ماو احترم روحك و كح و لا اعمل اي حركة ...خرااا متع وذني ...

_ كيف انت مش عاجبك الوضع علاش من دقيقة كانت ريقتك قريب توصل لمرفقك ... ( يحكي و على وجهو ابتسامة صفرة )...

_ قداكش ضاربو في روحك حاصيلو ... علاه ربي مخلقش غيرك ... كان يغطسوك بذهب صدقني لا نخسر عليك هزت عيني ...بطبيعتي نحب واحد منبدلوش بكنوز دنيا( صوتها تقطع ...قربلها ... حصرها بينو و بين الحيط ... صدرها يتهز و يتنفض تحتو ... حاسة قلبها باش يطرشق) ...

_ اش قلت ...عاود ...( عينيه ضياقت و حواجبو طلعت )... قتلك ربك عاود ...( ضرب الحيط بإيدو تهزت و تحطت )... تو فمة وحدة محترمة ...مرت راجل محترم تحكي هكة ...اش عندك هنا ( حط صبعو على جبهتها ) عقل و لا طاسة فارغة ...كان نسيت تو نفكرك ...انا راجلك يا مدام ...