العشق الاسود

31

رجعو لدار ... مهرة مزالت متنجمش تتحرك برشا ... كانت تحاول ما تتلهاش برشا بزهرة و تخلي ايهم هو الي يعمل كل شي ... خايفة لا تضعف ... خايفة لا تهزها و تهرب ... خايفة من لفراق ... 

_(وقفت قدام ايهم حطتلو كتب بقى يتفرج فيهم ... ) شنوة هذوما ...

_ كتب اقراهم باش تعرف كفاش تتعامل مع زهرة ...(تلفتت لشباك ) 

_ مهرة ...اسمعني اش باش نحكي للخر من غير ما تقص عليا ... نستعرف بلي علاقتنا بدات بطريقة خايبة ووفات بطريقة اخيب ...لكن لا انت و لا انا نجمو ننكرو الي انا و ياك عشقنا بعضنا ... ( وقف وراها )... قرارك انك تخليلي زهرة و تمشي ثقيل عليك ... عارفك مكش باش تستحمل ...تنجم تفلم عليا قد ما تحب ... لكن دموعك كل ليلة و انت في بيتها فضحاتك ...لكرادن الي حضرتهم و خبيت في وسطهم حبك و دموعك فضحاتك ... ( قربلها اكثر )

_( دارتلو جاء وجها في وجهو )... تحبها تكبر بين زوز حطمو بعضهم ... بين زوز عفسو على بعضهم ..اش باش تتعلم منا .. الكره ...الحقد الانتقام ...منحبش نورث بنتي السواد ... نحبها تعيش بيضة ... انا منجمش نربيها ... تعرف لاش خاطر كل ما باش نشوف لوجهك باش نتذكر الي عملتو فيا و كل ما باش تشوف لوجهي باش تتذكر انت زادة ...هاذا غير خطيبتك ...( شداتو من الكول متاعو تخض فيه )... لازمك تتبدل على خاطرها فهمت و لا ... لازمك تعمل المستحيل على خاطرها ... اوعدني ...

_ اولا فماش لا خطيبة لا غيرو منجمتش نحب غيرك ...يمكن خنتك ببدني لكن قلبي مزال كيف ماهو عمرو لا خانك ...ثانيا علاش ما نتبدلوش زوز ... و نعملو المستحيل على خاطرها ... علاش ما نوحدوش النهار و الليل و نخرجو فجر جديد مزيان ... علاش اخترت تضحي و حدك ... خليني نهز معاك وذن لقفة في نهاية انا زادة كنت واحد ساقط معاك ...( كل مرة يقربلها شوي )... داويني و نداويك ... 

 _ الحب مش كل شي ... ( بعدت عليه ووخرت لتالي )

_ عشقي ليك يكفينا زوز ...( حاوطها بإيديه مخلهاش تهرب )

_ باش نكرهك و نجرحك بجروحي ...( تركزت على الحيط )

_ نداوي روحي و نداويك ...( قرب وجهو من وجها )

_ ايهم انا ظلام ...( لفتت وجها بعيد عليه )

_ نحط ظلامي على ظلامك تو تجي زهرة و تضويه ... ( دورلها وجها و غطس في شفايفها ... استسلمت ... خلاتو يداوي جراحها ... استسلمت لنشوة اللحظة ...للبنه الي حستها ... لشعورها ... ولو في الوقت الحالي )

الحلقة قبل الاخيرة 

واقفة قدام لاندو هزت بنتها شمت ريحتها و حملتها ضمتها بقوة لآخر مرة ..بالك تخبي شوي من ريحتها معاها ... رجعتها ايديها ترعش ... قلبها ذاب مليع ...حاسة روحها باش تخرج ... وصلت للباب منجمتش ... رجعت تجري عاودت حملتها ... جت باش ترجعها لقتها شادة في روبتها ... عاودت حملتها بلقوي ...دموعها تكوي في خدها ... رضعتها و رقدتها ... هزت فاليزتها و خرجت تكر في روحها ... 

قام ايهم يتفقد في زهرة شافها خارجة ...

_ مهررررررررة ... وين ماشية ... هاربة ... تصورتكش وحدة ضعيفة لدرجة ... كان مسخفتكش انا ...مسخفتكش بنتك ... تخب تحرمها من كلمة ماما ... المفروض انت اكثر وحدة تحس عليها ... خاطرك تربيت يتيمة الام ... ترجيتك و بست ايدك ...باش ما تمشيش علاش مصممة تحرق قلوبنا ... ( شدلها فاليز و لوحها ...صوتو يزلزل في دار ) ما يزيناش حزن ...مايزيناش دموع ... وفينا ...

_ ( دارتلو تبكي )... خايفة يا ايهم ...خايفة ... كل انسان يقربلي يتوجع و يموت ... نحبهاش تتوجع ... افهمني بربي ...

_ افهمني انت ... نجمش نعيش من غيرك ...نعششششقك يا خرا ...نعشقك يا سخطة ... يا جرحي يا داوايا ...نعشقك ... منجمش نعيش بعيد عليك ... جربت و عافرت و تعبت و تأكدت انا منجمش نتنفس من غيرك ... حط ايدك في ايدي ... خلينا ندبو مع بعضنا نتعلمو نعيشو مع بعضنا ... هاني مادلك ايدي ...شدها و معادش تسيبها ... كبش فيا نعديك لبر الامان ...مش انت قولتلي خرج وجيعتك البرة ... انا ناخذها منك ... انا نخبيك في ضلوعي و نبعدها عنك ..انا نداويك .... هاني انا اليوم نقلك هات وجيعتك ... متخليش ايدي ممدودة ...تبرد ... 

 مدت ايديها ترعش ... مترددة ...تقربها و تبعدها ...قرب ايدو و شد ايدها ...جبدها ليه و عنقها بقوة ... بقى يبوس فيها ... وهي بين ايديه كيف الوردة الي تفتحت ...

سمعو زهرة تبكي ...طلعولها حملوها ...حطوها بناتهم ... مهرة من الفرحة منجمتش تعبر ... خلت دموعها تمسح كل شي ... 

العشق ما عندوش لا قواعد و لا حدود ... العشق هو اضطراب دقت قلب و نفس هارب ... جنون ...العشق هو ادمان هو حديث روح لروح ...

مهرة تحولت من ظلام لصباح مشمس ...نورت حياتها و حياة ايهم معاها ... القدر عندو طرق ملتوية للحياة ... لكن في لخر اكيد باش نهزو على قد قلوبنا ...