(ضيغم الغاب)..

Part 1

رجعت الكم بقصة جديدة قصة (ضيغم الغاب)..

#الكاتبة_نمارق_الاسدي

#الكاتبة_N

Part 1

أحياناً نحتاج إلى أن تكتشف بعض الحقائق..
بعضها تكون مؤلمه وبعضها تكون حقيقة..
#خواطر_بقلمي
_______________

... كنت كاعد اشرب شاي واشوف منظر البستان من على مالتي البالكون

تذكرت يوم الي اتصلوا عليه من المستشفى كالوا الي انو ابويه يريدني.. واني كنت بالبيت راجع شويه ارتاح وارجعله بس بدلت ورحت بسرعة للمستشفى..

كان صايرلي اسبوع من جبته للمستشفى لان صارت عنده جلطة قلبيه بسبب انو خسر كلشي بالبورصة ومابقى اله غير بيتنا..

بقيته بالمستشفى اسبوع حفاظاً على صحته لان حالته كانت حرجة بسبب الجلطة.. بس اليوم عفته لان كلش تعبت كلت اروح ارتاح وارجع بس عفت كلشي علمود ابويه لان هو اخر شخص بقالي بهاي الدنيا واعتبره مو بس ابو الي لا اخ وصديق...

وصلت للمستشفى رحت بسرعة على الطابق الثاني وصلن يم غرفته فتت للغرفة.. رحت يمه للسرير..

كتله: شبيك بوية اتصلوا عليه وكالوا رايدني خو مابيك شيء..

الأب: شوف بويه حبيبي اني اكو عندي سر خافي عنك كل هذه السنين ولازم تروح تاخذ حقك من الي غدروا ابوك وغدروك.. لان بعد هنا مالك اي شيء لان اني خسرت كلشي بالبورصة..

جاوبته: بويه شنو هذا الكلام مدا افتهمك..

الأب: شوف حبيبي اني ايامي معدوده وما اعرف شوكت الرب ياخذ امانته رح انطيك عنوان شخص هو يكون الي بمقام والدي واني حييل احبه و احترمه هو كان صديق جدك هم..

جاوبته: زين وين مكانه لهذا الرجال..

الأب: رح تلكى عنوانه بالمكتب مالتي بالدرج الثاني بعلبة خشبية..

رديت عليه: ادلل بويه بس اني متأكد انت الي رح تعرفني عليه..

الأب بابتسامة: لا وليدي اني خلص ايامي رح تخلص لذلك اريدك يمي هسه.. بس رح اكلك كلمه وحده انو ابوك مظلوم..

جاوبته: بويه كول يا الله مابيك غير العافيه.. كمت وبسته من راسه كأنما كان حاس انو اليوم منيته لان هوااي كالي دير بالك على روحك كأنما ديوصيني..

وصدك لليل ابويه سلم امانته بوقتها عاهدت نفسي انو اجيبله حقه لان مات و هو مظلوم...

وتحولت من إنسان بسيط عادي إلى شخص قاسي ومستفز لدرجة حقيره جدا حتى ويه أصدقائي تغيرت ما اعرف شنو السبب تغيرت تماماً..

بعد أيام الفاتحه رحت لغرفه المكتب مال ابويه وفتحت الدرج الثاني وطلعت العلبه الخشبية وكان بيها ورقة قديمه مكتوب بيها رقم وعليها اسم ابو محمد وكان بيها عنوانه هم بس بغير محافظة يمكن المحافظة الي أبويه انولد بيها..

بالبداية ترددت بس بعدين كلت لازم اروح اخذ حق ابويه و صدك حظرت غراضي واخذت جنطه مال سفر خليت بيها شكم قطعه ملابس وبقيت ملابس بالبيت لان اخاف اروح ما الكى شيء على الاقل عندي بيت هنا يأويني...

سافرت للمحافظة المكتوبة بالعنوان وكان اسم الرجال ابو محمد وطول الطريق و اني كل شويه تجيني فكره شكل ساعه اكول اخاف هذا يطلع جدي بس أبويه ما كالي وساعه اكول اخاف هذا هسه يجذب عليه.. وكومه افكار شيطانية اجت بالي..

وصلت للمحافظة واخذت تكسي وللعنوان مال الرجال وصلت لبيت ابو محمد الي ابويه كالي عليه.. كان بيته حلو و مرتب وبي بستان كلش كبير والبيت صاير بمقدمة البستان وصلت لبابهم ودكيتها طلعت الي مراة متوسطة بالعمر..

كلتلها: سلام عليكم حجيه بس بلا زحمه ابو محمد موجود..

المرأة: اي موجود يمه منو اكله..

جاوبتيها: كليله ضيغم شبل اسد....... يتبع
.
.
.
.
.
.
.
انتظروني بالبارت القادم من قصة (ضيغم الغاب).. احبكم😍😘🌹
مرحبا يحلوين أتمنى يعجبكم هذا البارت وتكون بداية للقصه موفقه وهاا لتنسون تفاعلكم هو الدعم الي احبكم فرداً فردا 😍😍..

استمتعوا إلى الموسيقى 🌹😍