(ضيغم الغاب)..

Part 2

ورجعت الكم بقصة (ضيغم الغاب)..

#الكاتبة_نمارق_الاسدي

#الكاتبة_N

عندما تشعر بأن العالم كله ضدك..🥀
تأكد بان الله معك مهما حدث.. 🙏

___________________

Part 2

ضيغم ..وصلت للمحافظة واخذت تكسي وللعنوان مال الرجال وصلت لبيت ابو محمد الي ابويه كالي عليه..

كان بيته حلو و مرتب وبي بستان كلش كبير والبيت صاير بمقدمة البستان وصلت لبابهم ودكيتها طلعت الي مراة متوسطة بالعمر..

كلتلها: سلام عليكم حجيه بس بلا زحمه ابو محمد موجود..

المرأة: اي موجود يمه منو اكله..

ضيغم: كليله ضيغم شبل اسد..

المرأة: تدلل وليدي تفضل فوت بالديوان..

ضيغم.. دخلتني للبيت كان بيت متوسط ومبين ناس عدهم مال بس متوسط راحت المرأة وكالتلي هسه شوية ويجي ابو محمد بس اصيحله هزيتلها براسي راحت هي...

صفنت على البيت مبيت كبير بس مابي هوسه او كأنما فارغ واثاثة مو كلش فخم بس مرتب وكلش حلو كانت كعده ديوانية وبالنص فواكه و دله قهوة وفناجين.. الواضح انو ناس عرب لان محافظة ناس عرب اصيلين من الجنوب..

فجأة دخل للديوان حجي كبير بالعمر اني وكفت اله اشو راسن اجه حضني وضل يمسح على راسي و باسني براسي..

كالي: شلونك وليدي.. ان شاء الله كلكم بخير

ضيغم: الحمد لله عمي تسلم الله يخليك..

ابو محمد: شلونه ابوك وليدي..

ضيغم بحزن: انطاك عمره..

ابو محمد: لا لا الله يرحمه مو خوش خبر شلون هيج صار اخر اتصال اني وياه چان مابي شيء..

ضيغم: والله ضربته جلطة قلبية لان خسر كل املاكه بالبورصة ما اتحمل وكع وره اسبوع انطاك عمره..

ابو محمد: اويلي تدري يا ابني هذا ابوك اني مربي على ايدي چنه اني وجدك و ابوك كله سويه چان جدك اعز صديق عندي..

وابوك چان مثل ابني بس القدر چان كفيل بأن يخلي الگلوب مجروحه ويأخذ النفوس الطيبة..

ضيغم.. كلامه احسه بي الغاز و اني اتخبل من واحد يحجي هيج ويايه ما اتحملت..

جاوبته: عمي اني أبويه قبل ليتوفه كالي عليك وكالي انو اكو أسرار هو ضامها عني وانت رح تكلي عليها (اشرت عليه) وكالي انو هو حقه مغدور بي و انو هو مظلوم..

ارجوك عمي ياريت توضح الي كلشي لان اني حالياً كمت حتى بنفسي اشك اخاف اطلع مو ابنه و ياريت لو يكون كلامك بس ادله علمود اصدك كلامك..

ابو محمد: ما شاء الله عليك مثل جدك دمك حامي... شوف وليدي اي شيء تريد تعرفه اني حاضر وحتى اذا تريد ادله هم موجودة.. اسئل و اجاوبك على كل شيء تريده..

ضيغم: منو أبويه و شنو قصته و منو جدي الي هسه كالت عليه يشبهني؟؟

ابو محمد: شوف وليدي اني رح اسولفلك سالفة و انت رح تعرف منو ابوك و منو جدك و منو عمك..

ضيغم: عندي عم؟؟

ابو محمد: ايي عندك عم.. خل اسولفلك و انت رح تفهم كل شيء..

ضيغم: كول عمي اسمعك...

ابو محمد: بايام النظام الملكي چان جدك متزوج بنت عمته بس ضلت خمس سنين هي ميصير عدها خلفة..

بس خوات جدك اسد ميصرف الهن هذا الوضع كامن زوجنه وحدة بالمنطقة چانت شابة حليوة وصغيرة..

حضرن خوات اسد كلشي علمود يزوجنه الثانية و صدك اتزوج و هاي المرأة الثانية بسرعة حبلت ما طولت شهر...

مرت الاشهر والايام لحد ما مرته الجديدة وصلت لقريب شهرها وطلعت مرته الأولى لاسد هم حامل وهيج صارت الفرحه عند اسد فرحتين...

مشت الأيام واجه موعد ولادتها لزوجته الثانية جابولها القابلة بالبيت وجابت ولد..

وچان بوگتها اسد فرحان بحيث الكاعه متسيعه من الفرحه هم اول ولد وهم اول طفل اله.. لكن الفرحه مكملت وتوفت زوجته ام الولد..

اسد من فرحته بأبنه وحزنه انو الطفل صار يتيم من الولاده سمى شبل و چان اختيار امه للطفل طلبت يكون هيج اسمه وعلمود ياخذ صفات ابوه..

طبعا خيم الحزن على بيت اهل اسد و چان شبل محتاج مرضعة جابوا ام ترضع اطفال المنطقة (مرضعة) و رضعت شبل..

مشت الايام وصلت مرحلة ولادة مرت اسد الأولى وهم جابوا القابلة بالبيت والصلوات والأدعية والقرآن جابت.... يتبع
.
.
.
.
.
.
.
.
.
.
انتظروني بالبارت القادم من قصة (ضيغم الغاب).. احبكم 😍🌹❤️

اتمنى ينال اعجابكم هذا البارت 😍🌹❤️

استمتعوا بالموسيقى 😍😘🌹🥰