(ضيغم الغاب)..

Part 13

ورجعت الكم بقصة (ضيغم الغاب)...

#الكاتبة_نمارق_الاسدي

#الكاتبة_N

لم استطع تحمل..
كل ذلك الألم الذي أشعر به في كل لحظة..

_______________________________

Part 13

مرن اسبوعين على شغلي.. كلش طبيعين العمال و الشغل حلو و تعرفت على العمال و صاروا كلهم يحبوني لان ما ااذي احد و كلهم عندي نفس المقياس..

اليوم يرجع يوسف ابن ام يوسف الي تشتغل بيت ابو محمد.. ابو محمد هو الي ربى على ايده و اعتبره مثل ابنه.. كالي ابو محمد تعال من وكت علمود اتعرف على يوسف..

صدك رجعت للبيت من وكت وام يوسف خطيه راحت جابت جدتي من بيتها لان ابو محمد ما خلاني اروح كالي اخاف حاط عليك مراقبين و هنوب تخرب الاول و تالي لذلك راحت ام يوسف تجيبها..

اجت جدتي لبيت ابو محمد و اني باهي الاسبوعين ما عفتها وحدها.. جانت ام يوسف محظره كومه اكل من الي ابنها يحبه..

وصل يوسف للبيت و الكل فرحان بي و مشتاقيله.. و امه خطيه كامت تبجي من شافته (كول جان بالصومال ههه) بس حقها يبقى ابنها..

سلم على ابو محمد و على جدتي طلع يعرفها.. وصل الي و صفن جان يعيط بوجهي: بس لا انت ضيغم (بتفاجئ)..

ضيغم: بسم الله اي اني ضيغم ليش؟؟؟!!.. فجأة حظني..

يوسف: خبصتني بيك امي كل ما تخابرني تكلي عليك و تسولفلي..

ضيغم: ايي مو اني حالياً بالبيت حديث الساعه.. عاينت على ام يوسف.. ام يوسف ابتسمت وراحت للمطبخ هي و بنتها..

احنا كعدنا و ضل يسولف يوسف.. طبعا يوسف فد شخص مرح و بس يسولف و يضحك و يحشش حتى عليه و من يشوفني اضوج يدور وجهه ويكلي انكلب الوجه بعد ما احجي هههه.. وره شويه يرجع يضحك عليه و يتشاقه..

طبعا شلكه ملون هههه يعني اشكراني و عيونه شهل مثل عيون امه و جسمه حلو محافظ على لياقته و تقريبا بنفس عمري هو..

بليل قريب العشاء دك التليفون الارضي رحت عليه..

.... : الو سلام عليكم ضيغم ويايه

ضيغم: عليكم السلام اي اني صيغم خير ابو علي خو ماكو شيء..

ابو علي(مدير المصنع مال ضرغام الي اشتغل عنده): هاا ابني لا ماكو شيء بس محتاجك تجي تساعدني بس ما اريد استاذ ابو ميان يعرف انو انت رح تجيني..

ضيغم: ان شاء الله هسه جايك.. سديت التليفون منه و رحت بدلت و داطلع صار بوجهي يوسف..

يوسف: هاا خير ان شاء الله وين يا طير رايح للحب موو هههههه...

ضيغم: هاا يوسف شلجيت ويايه اليوم يا حب يا بطيخ.. ابو المصنع اتصل عليه يريدني هسه...

يوسف: اممم علينا يله نمشيها الك وعود سلملي على ابو المصنع ههههه...

ضيغم: يوصل ان شاء الله.. عفته و طلعت اضحك عليه بقلبي ميدري انو اني لحد ما اخذ انتقامي و ارتاح يله عود افكر بهيج امور...

وصلت للمصنع شفت سيارات حمل و سيارتين مظلله واكفات يم باب المصنع.. من بعيد لمحت ابو علي رحت عليه..

ضيغم: خير شصاير ابو علي و شنو هاي السيارات؟..

ابو علي: هذني سيارات تابعات لابو ميان.. ابني الكلام الي رح اكوله الك كلام ثگيل لذلك اريد منك كلشي متحجي و لان ادري بيك من طرف ابو ميان رح احجيلك..

ضيغم: خير ابو علي خوفتني..

ابو علي: شوف ابني هاي السيارات كلها تابعه لابو ميان و كلها اسلحه و بعد شويه يجون جماعة ياخذوهن (احنا تجار اسلحة).. لذلك خابرتك علمود تجي تساعدني لان الولد الي يساعدني ماهو اليوم عنده غير مهمه لذلك ما لكيت غيرك يساعدني..

ضيغم: ابو علي انت صدك تحجي؟!!..

ابو علي: لعد شنو اجذب عليك هيج امود ما بيها جذب وهااا هاي اليله تنساها بعد متخلص..

ضيغم: والله يا ابو علي سالفتكم ما ادري شنو و هاي سالفة الأسلحة ما اطمئنيت الها..

ابو علي: مو اني لو انت الي نطمئن او لا.. و هسه يله كوم ساعدني..

ضيغم: رغم ما اعرف ليش اطمئنيت الي انو ما رح احجي شيء..

ابو علي: عاشرتك بهاي الاسبوعين و عرفت معدنك اصيل.. ويله كوم

ضيغم... ما ادري ليش كمت ساعدتهم ساعه اكول َجان لازم اساعدهم من عرفت السالفه بيها أسلحة اعوفهم و اروح و ساعه اكول يجوز هاي الشغلة صارت من رب العالمين علمود اكتشف الحقائق الي اريد اعرفها..

ضلينا تشتغل لحد ما كالوا رح يجون مستلمين الأسلحة و صدك اجوي و بدا نقل الأسلحة لسياراتهم..

و فجأه بلمح البصر صار علينا رمي طلق مو طبيعي بحيث ادير وجهي لليمنه الكى طلق من اليسره.. ايدر وجهي لليسره الكى الطلق صار من اليمنه..

و صار مثل المطر علينا مندري هذوله شرطه لو غدر... درت وجهي على ابو علي و الكى غرگان بدمه.... يتبع
.
.
.
.
.
.
.
.
.
.
.
انتظروني بالبارت القادم من قصة (ضيغم الغاب).. احبكم 🥰😍❤️