(ضيغم الغاب)..

Part 21

ورجعت الكم بقصة (ضيغم الغاب)..

#الكاتبة_نمارق_الاسدي

#الكاتبة_N

ستبقى سري الوحيد..
و ستبقى وراء كل شيء اكتبه..
ومقصدي بكل كلامي..

#مقتبس

_____________________________

Part 21

ابو محمد: شوف ابني هذا عمك و تكدر هم اذا تريد تروح وتكله انو انت ابن شبل و تنتهي من كل شيء.. شوف داخلك شنو يريد تسوي..

تريد تكمل شغلك و تعوف موضوع انو هو عمك يعني تبقى تشتغل وياه باعمالكم.. وهذا الاختيار يمك وليدي اني رح اعوفك هسه علمود تختار براحتك...

ضيغم.. عافني وراح ابو محمد ما اعرف شنو رح تكون رده فعله لضرغام اذا عرف اني ابن اخو.. اخاف يرفضني او يقتلني مادري شنو اسوي..

اجى يمي يوسف و سئلني شبيك.. احتاجيت احد احجي وياه غير ابو محمد و ينصحني هم.. رغم اني كلشي ما حاجي ليوسف غير عن تجاره الأسلحة..

سولفتله عن العرض و الاتفاقية الي بينا اني و ضرغام.. كالي انت الي ترتاح عليه سوي..جان هذا راي يوسف و ابو محمد..

مشى اليوم و اني افكر بقراري الي مادري صح لو غلط.. صار ثاني يوم الصبح.. بعد ما خلصنا ريوك اني كمت بدلت ردت اطلع شويه اختنكت من البيت وكلت اروح بطريقي لجدتي هم اشوفها شونها..

رجعت للبيت تقريباً ب٥ العصر دخلت للصاله و شفت عمتي و كارثة ضرغام.. كاعدين يسولفون ويه ام يوسف و ابو محمد دخلت عليهم وسلمت..

ضيغم: سلام عليكم..

الجميع: عليكم السلام..

كعدت قريب من ميان سئلتني: شونك ضيغم؟..

ضيغم: الحمدلله..

كعدنا وسولفنا و بقوا يمنا للعشى وميان مدري شبيها بس تعاين عليه ومن ادير وجهي عليها تسوي روحها مو يمها وحسيتها تريد تحاجيني..

رادوا يطلعون السايق مالتهم براه ينتظرهم.. طلعت اني اودعهم عمتي صعدت بالسياره.. وميان قبل لتصعد اجتي يمي..

ميان: ضيغم حباب لتعوفنا..

ضيغم: عن شنو دتحجين؟؟..

ميان: اني اعرف بكل اتفاقيتكم من قبل سنه سمعتكم بليل..

ضيغم: يعني مجنتي دتاكلين بليل

ميان: لا نزلت جوعانه بس لفت نظري انو جان اكو ضوه بمكتب بابا واجيت يم الباب وسمعت كل كلامكم.. و اول البارحه هم سمعت كلامكم.. حباب ضيغم لتعوفنا و بابا محتاج واحد مثلك بشغل وياه..

ضيغم: انتي بعدج صغيرة لتدخلين بهيج امور..

ميان: لا مو صغيرة و اعرف كلشي.. واذا ما وافقت رح اجي كل يوم لهنا وبالفرسه الجامحه وحدي.. واذا صار عليه شيء اكلهم ضيغم هيج علمني..