(ضيغم الغاب)..

Part 19

ورجعت الكم بقصة (ضيغم الغاب)..

#الكاتبة_نمارق_الاسدي

#الكاتبة_N

الحب هو الشئ الوحيد الذي يلون هذه الحياة..
فما بالك لو كان كل حبي لك وحدك..

___________________________________

Part 19

ضيغم... انصدمت من طلب ميان الي بس كلت اكيد تريد تسوي فد شيء.. لان مو هذا اسلوبها الي متعود عليه و خصوصا ويايه..

صار ثاني يوم الصبح..
رحت للمصنع و ب٩ ونص طلعت من المصنع رحت لبيت ضرغام.. وديت اله بعض الاوراق الي تخص المصنع و شفت ميان دتتريك مبين هستوها كاعده..

ضيغم: صباح الخير..

ميان: صباح النور.. شونك

ضيغم: متأكده هاي انتي مو الروح مالتج..

ميان: اهووو شبيك ويايه مو صوجك صوجي..

ضيغم: ديله كومي البسي علمود نروح للخيول..

ميان.. مادري شبي ويايه احسه مستغرب تصرفاتي و هذا الشيء مضوجني.. وحتى تعامله ويايه كأنما عدوته..

بدلت ونزلت اله.. : يله كوم..

ضيغم: يله امشي.. رحنا للبستان يم الاسطبل مال الخيول..
ضيغم: يله هسة ندرب على ابطئ واحد بالخيول.. لان اعرف فد وحده اخذت فرسه جامحه وهيه متعرف للفرسه خلتها تتخبل لكن اجه الخيال وكفهن اثنينهن لان تخبلن..

ميان: امممم منو هاي بله..

ضيغم: فد وحده منريد نجيب أسماء هسه..

ميان: كأنو عرفتها..

ضيغم: اممم عفيه عليج.. وصلنا يم الفرسه الجامحه كتلها: صدك عود اذا انتي متعرفين للخيول ليش ركبتيها و خبلتيها وياج..

ميان: مادري عجبني اركبها لان ابويه يكول هاي محد يوصل الها.. اني عجبني اروح واركب بيها و اريد اشوف شنو تسوي..

ضيغم: ليش ابوج ميقبل احد يركب عليها؟؟..

ميان: لان هي مال عمي شبل اشتراها قبل ليعوفنا وجانت بعدها صغيره وكبرت ويانه و بقت عايشه.. بس صدك انت شلون كدرت توكفها هاا؟!..

ضيغم (من عرفت هاي الفرسه جان خيالها ابويه كلت اكيد شمت ريحتي وهدئت لان مثلها مو بسرعة تهدئ) : لعد اني مو مدرب خيول لو مدرب حمير شبيج..

ميان: اهاا.. ديله خل ناخذ هذا الفرس حباب مبين..

ضيغم: اكيد ناخذ الحباب..

ميان: يله صعدني عليه..

ضيغم.. صعدتها و صعدت وراها.. مشى الفرس بينا و الهوى يلعب بشعرها وصاير على وجهي.. مادري شبيه شعرت شعور جديد اول مره اشعره او احس نغمشه صارت بداخلي ما اتحملت كتلها..

ضيغم: ريحه شعرج طيبه..

ميان: شكراً.. اظاهر ضوجك المه..

ضيغم: لا عادي.. اقصد براحتج.. مادري شبيه او ليش كتلها هيج بس ما ردتها تلمه لكن هي خبيثة وعانده ولمته.. سرعت حركته للحصان..

من ديركض الحصان الهوى كام يكفخ بيها لان كاعده كبالي بحيث عطرها سطرني سطر بسرعه وكفت الخيل ونزلت..

ضيغم: خلص درس اليوم..

ميا: ياا شبسرعه..

ضيغم: مو اتذكرت عندي شغل..

ميان: اووف ميهم..

ضيغم: ابقي على الحصان اني اخذكم للاسطبل..

ميان.. بقيت راكبه على الحصان و هو يمشي الحصان.. شعرت شعور حلو من كالي طيبه ريحه شعرج و اني متعمده من لميته.. و هسه هو الي ديمشي الحصان و اني راكبه عليه.. قلبي كام يدك اله اكثر من قبل..

ضيغم... رجعت الحصان للاسطبل و رجعتها هي هم لبيتهم و اني رجعت للمصنع... و ريحتها بعدها بخشمي احسها صارت بهدومي..

صار ثاني يوم الصبح.. خلصت شغلي بالمصنع و رحت للبستان هناك انتظرتها يم الاسطبل.. اجتي و مسويه شعرها كصيبه..

ميان: سلام.. شونك

ضيغم: سلام.. الحمدلله عايش..

ميان: يله نبلش..

ضيغم: يله.. اخذتها واخذنا نفس حصان البارحه و علمتها شلون تلزم اللجام مال الحصان و شون تتحم بي للحصان..

من خلصنا و قريب منوصل للاسطبل سئلتني سؤال غريب..

ميان: سؤال ضيغم.. ادري هو سؤال شخصي و مامن حقي اسئل هيج بس حبيت اسئل..

ضيغم: عادي اسئلي..

ميان: هم حبيت بحياتك؟؟..

ضيغم(سؤالها صفني لان اني شخصيا ما مفكر بهذا الموضوع): ليش رح يغير شي عليج..

ميان: فهمتني غلط ولا اكلك عوف الموضوع كله..

ضيغم.. دا اجاوبها بس اجه الفلاح و كالي انو ضرغام يريدني.. اني هم غلست على الموضوع ورجعنا للبيت.. تذكرت اليوم اخر يوم بالاتفاقية رحت على غرفة المكتب مالت ضرغام دكيتها ودخلت سلمت عليه..

ضيغم: اجه الفلاح وكالي ابو ميان يريدك.. خير خو ماكو شي؟؟..

ضرغام: انت تعرف انو اليوم هو يوم انتهاء الاتفاقية الي بينا..

ضيغم: ايي اعرف و اني اصلا اجيت علمود اسئلك شنو مصيري بعد اليوم؟؟..

ضرغام: الصراحه اشهدلك انت جنت كد وعدك الي و الحمدلله نجحنا نجاح باهر بهذه السنه.. وحتى زهير خسر واتحمل نتيجة أخطائه الي سواهن.. لذلك اريد اسئلك انت حاب تكمل ويايه شغل لو خلص لهنا و انتهى كلشي و كل واحد بطريقه..

ضيغم(لازم اتخذ هيج قرار على هدوء مو بهيج طريقه مثل اول الاتفاق) جاوبته: ابو ميان انت بدايه الاتفاق ما انطيتني وقت افكر بي.. لذلك اطلب منك اريد تنطيني اسبوع افكر بي و اجازه عن كل هذه السنه الي راحت واتمنى متردني..

ضرغام:....... يتبع
.
.
.
.
.
.
.
.
.
.
.
.
.
.
انتظروني بالبارت القادم من قصة (ضيغم الغاب).. احبكم 😘❤️🌹🥰