(ضيغم الغاب)..

Part 14

ورجعت الكم بقصة (ضيغم الغاب)..

#الكاتبة_نمارق_الاسدي

#الكاتبة_N

الحياة دروس..
و كل درس منها يجب ان نأخذ عبره منه..

__________________________________

Part 14

ضيغم... درت وجهي على ابو علي و الكى غرگان بدمه.. اخذت من الأسلحة الي جانوا ديسلموها ورميت عليهم مادري اذا كتلت احد او لا..

بعدين شفت السالفه مابيها مجال انو ادافع اكثر من هيج اخذت ابو علي سحل لداخل المصنع.. هنوب حتى المصنع هم ديرمون عليه طلق..

كمت اصيح على ابو علي: ابوو علييي قوي قلبك بس اجيبلك عبله الاسعافات اصبرلي... ادور على علبه الإسعاف ماكو لحد ما سمعت هدئ الطلق..

تقريبا ربع ساعة يرمون علينا.. طلعت ليبرى و شفت كل الولد سابحين بدمهم كانما تأكدوا انو الكل مات و راحوا.. احس انهيار احتل جسمي وما اعرف شنو اتصرف..

ابو علي حوى يلتقط انفاسه الاخيره و هذوله المساكين كلهم سابحين بدمهم.. شفت واحد من الولد الي ويانه رجله مصوبة رحت عليه كتله: يولد تسمعني دا احاجيك..

الولد: ايي اخخ اسمعك..

ضيغم: يولد متندل وين دفتر الأرقام اريد اتصل على الاسعاف..

الولد: اخخخ ايي موجودة بالمكتب اخخخخ بمكتب ابو علي اخخخخ..

ضيغم: خوش اتحمل هسه اتصل على الاسعاف يجون اتحمل خويه..

عفته و دخلت للمصنع شفت ابو علي ياشرلي اروح اله.. رحت يمه كتله: هااا ابو علي شنو تحس هسة اتصل على الإسعاف بس اتحمل شويه..

ابو علي: لا وليدي هذا الي جنت خايف منه صار.. وليدي اني عندي مرأة و اثنين بنات و ولد صغير دير بالك عليهم..

ضيغم: ابو علي كول يا الله ان شاء الله ما بيك شيء هسة اخابر على الإسعاف يجون..

ابو علي: لا وليدي خلص اني احس هذه لحظاتي الاخيره.. دير بالك على اهلي..

و شهك شهكة الموت.. ضليت احاول ويا ماكو.. خلص كل شي انتهى الولد برى ميتين و هسه ابو علي لحكهم..واني ما ادري شسوي و اذا اروح اخاف يكتلوني...

وره تقريباً عشر دقايق من موتت ابو علي سمعت صوت سيارات برى... دخل علينا ضرغام و جفل بوجهي و صفن على ابو علي..

ضرغام: شنووو صاير هااا؟؟ وانت شجابك هنا!!..

ضيغم (عاينت عليه): اجوي مسلحين منعرف منين لان جانت ظلمة و رموا على الكل و ما بقوا واحد صاحي بس اني نجيت منهم..دافعت بكل قوتي لكن للأسف فقدنا ابو علي..

ضرغام: شنووو هلحجي منوو هذوله و انت منو جابك لهنا هاا...

ضيغم: ابو علي اتصل عليه لان الولد الي يساعده ما هو اليوم كالي تعال انت ساعدني و صار الي صار..

ضرغام: انا لله وانا اليه راجعون.. استغفر الله..

ضيغم... جانت اكو على وحدة من المكائن علبه زجاجية بيها خيوط ركعها بالكاع ضرغام.. وهمس ويه نفسه: اني اعلمك زهير الكلب..

عافني و طلع خارج المصنع اجوي الحمايه اخذوا ابو علي من يمي و كالولي تعال و يانا ابو ميان يريدك...

كمت و ياهم جانت الساعة تقريبا صايره ب٤ ونص الفجر.. طلعنا من المصنع رحت لضرغام بالسيارة اشرلي اصعد يمه..

صعدت بالسياره.. ضرغام كاله لسايق نروح لبيتهم يعني لبيت ضرغام.. و طول الطريق احنا ساكتين..

احس روحي كلش تعبان لان الساعات الي مريت بيها مو قليله ما ادري شلون نفذت منها اني بجلدي.. احسها معجزه من رب العالمين او علمود اكدر اخذ حقي من ضرغام...

وصلنا للبيت دخلت وياه للصاله ظلمه جانت مبين نايمين..

اخذني ضرغان لغرفة المكتب مالته وسد الباب وراه وكال: شوف ضيغم انت اليوم عرفت شيء ملازم تعرفه و ما ادري اذا انت رح تسكت او لا.. لذلك شكد تريد و تسكت عن هذا الموضوع و كأنه اليوم هذا انحذف من حياتك؟..

ضيغم.. صفنت عليه وعلى صلافته عنده كلشي بالفلوس يسوي جاوبته: انت تحجي صدك ابو ميان شنو قصدك من هذا كلامك انو اني مو كد المسؤليه الي انتوا انطيتونياها و رح احجي كلشي عنكم موو..

ضرغام: اي لان اي احد بمكانك رح يسوي هيج لكن اذا انطينا فلوس رح يسكت وميحجي..

ضيغم: شكرا الك ابو ميان لان شفتني واحد رخيص و بايع نفسه للفلوس.. اني عندي ضمير الناس الي مدت ايدها الي ما اقطع يدها.. بالعكس اشكرهم لان وثقوا بيه..

ضرغام: هههه عجبتني ضيغم.. رغم اني ما عرفتك غير ثلاث اسابيع بس كل خير ديجني عنك.. لذلك اني رح احطك باختبار و هذا الاختبار هو الي رح يخليك اما تكون ايدي اليمنه او ترجع منين ما اجيت..

ضيغم: ان شاء الله اكون كد الاختبار الي رح تسوي الي..

ضرغام: كبالك سنة رح تكون بيها انت بمكان ابو علي يعني مدير المصنع و المسؤل عن توزيع الأسلحة.. لكن اذا صار شيء مو طبيعي اعتبر نفسك بالسماء.. لكن اذا طورت المصنع و عوضت الأسلحة الي رح تكون ايدي اليمنه شنو رايك... كلي من هسة علمود اذا موافقت كل واحد بطريق و تنسانا من حياتك...

ضيغم.. انصدمت من عرضه لكن مجان عندي غير حل علمود اكدر اوصل للي اريده لذلك جاوبته: اخذها من هشارب ابو ميان.. رح اكون كد الامانه...

ضرغام: هاهي اتفقنا و هسه ارجع لبيتك و ارتاح لان وراك مشوار طويل.. سلملي على ابو محمد

ضيغم: يوصل ان شاء الله... عفته و طلعت من المكتب.. وصلت للمطبخ ظلمه و اسمع سوت طكطكه.. علكت الضوه وجان اشوف.... يتبع
.
.
.
.
.
.
.
.
.
.
.
.
.
انتظروني بالبارت القادم من قصة (ضيغم الغاب).. احبكم 😍😍🥰🥰😘😘