(ضيغم الغاب)..

Part 11

ورجعت الكم بقصة (ضيغم الغاب)..

#الكاتبة_نمارق_الاسدي

#الكاتبة_N

نبضات القلب تبدأ..
من اول لقاء..

_________________________

Part 11

ضيغم... رحنا لبيت عمي او بيت جدي بس مو بيت قصر.. وكله حماية و قبل ما ندخل للبيت سئلوا ابو محمد ليش جاين و كللهم نريد نشوف ابو ميان..

دخلونا و استقبلنا مضيف الديوان مال ضرغام دخلنا للديوان چان ديوان عملاق و اثاثه حديث بوقتنا..

كال النا المضيف انو ضرغام رح يتاخر شويه.. كعدنا و قدم النا گهوه.. وره شويه دخل علينا رجل مبين عمره چبير لان الشيب غازي شعره..

اجه سلم على ابو محمد سلام حار مبين يعرفه او اكيدد يعرفه لان صديق اسد اقصد صديق جدي..

كال لابو محمد: معرفتنا منو الي وياك..

ابو محمد: هذا ابن اقاربنا اني و ام محمد من غير محافظة و اجه يمي يدور على شغل..

ضرغام: من يا محافظة؟؟..

ابو محمد: من (.....)

ضرغام: شعجب لعد ماكو هناك شغل جاي لهنا..

ضيغم... ردت اكوم و اطيح حظه بس بعدين كلت اسكت لا اخرب الخطة..

ابو محمد: لا لأن يمون علينا اني و ام محمد و چان يچي يمنا قبل ما تتوفه الله يرحمها..

ضرغام: الله يرحمها..

ابو محمد: و لهذا السبب اچت الك اريدك تشغله يمك لأن هو ميعرف بسوالف الزرع و هاي الأمور فكلت اچيبه و ياك يساعدك..

ضرغام: ههههههههه شنو يعرف علمود اعرف وين احطه يشتغل..

ابو محمد: شوف ابني هو خريج قانون و مدرب خيول و محصل البطولة بالرمايه (التقنيص).. اكيد يفيدك ههههههههه..

ضرغام: ههه افا عليك عمي ابو محمد شكالولك عليه قابل قناصيني بكل مكان ههههه..

ابو محمد: هههههه لا محشوم ابو ميان..

ضرغام: زين و شنو اسمه؟؟..

ابو محمد: اسمه ضيغم..

ضيغم.. صفنت على ابو محمد و كلت بس لا ضحك عليه و الله ما ارحمه و اشرب من دمه اذا صدك ضاحك عليه..

ضرغام: اهااا ضيغم شنو؟؟

ابو محمد: ضيغم محمد علي..

ضيغم... تنفست براحه و استغفرت ربي لان سئت الظن بأبو محمد..

ضرغام: امممم ان شاء الله خير .. اني اتصل عليك ابو محمد و اكلك شنو يصير..

ابو محمد: هاهي اتفقنا..