(ضيغم الغاب)..

Part 24 The End

ورجعت الكم بقصة (ضيغم الغاب)..

#الكاتبة_نمارق_الاسدي

#الكاتبة_N

كل شخص سيحاسب على اعماله عند الله..
ليس نحن من نحاسب الأشخاص السيئين..

__________________________________

Part 24 الأخير

رؤى: خالي شافك من انت صحت على ضرغام عمي عرفك انت ابن شبل و ما سكت تعارك ويه ضرغام..لكن جان جواب ضرغام كال أتمنى لو صدك يطلع ابن شبل علمود اعتذر اله على كل اغلاطي ويه ابوه و ياه...

هنا خالي شاط و عافنا و طلع ورها جبنك لبيتنا اجى وكال انو عرفك انت ابن شبل صدك و ما رح يخليك عايش و ميخلي ضرغام يكلك على الوصية..

لكن ضرغام جان مصر انو يكلك على الوصية بعدها خالي هدده لضرغام انو يقتله اذا حجه شيء... اختفى خالي و بعدها مات ضرغام..

و هاي الوصية المضبوطة جان ضامها ضرغام و الأملاك حطها كلها بأسمك ما عدى املاكي و املاك ميان علمود يضمن حقها..

ضيغم.. سلمتني الأوراق كلها الي تخص الوصية و الأملاك.. من هنا عرفت صار عندي عدو جبير كلش الي هو خال ضرغام و عرفته هو انسان دنيئ و ما رح يسكت عني او يعوفني بحالي...

بعدها مر اسبوع و ا٩نا كل أسبوع نوزع ثواب على روح عمي وصدقات... ما رجعت الشغل كلت وره الأربعين ارجعه حتى الي جانوا بالحزب ويه عمي رادوا يجون ويشوفوني اني كلت الهم ما استقبل اي احد قبل أربعين مال عمي...

مشت الايام و هوااي احاول اغير من نفسيتها لميان لكن جانت بس تكعد يمنا فجأة تكوم تبجي وتشهك وتضل تكول بابا جان هيج يسوي لو جان يكعد بهذاك المكان تخلينا كلنا نكوم نبجي وياها..

بالرغم من اخطائه لعمي لكن ما عكس نفسيته المتحطمه من قبل امه و ابوه على بنته بالعكس عاملها معامله يمكن هو جان يحلم اهله يعاملوا هيج..

ميان لجئت الي كامت متاكل اذا مو اني موجود.. لو متطلع من غرفتها اذا اني ما موجود و تكعد كل يمي و حتى تحسسني مرات انو اني مثل ابوها ولكت الامان الي فقدته بعد ابوها مني...

اليوم اخر اسبوع نسوي بي ثواب لان الأسبوع الجاي الاربعين مال عمي.. كعدنا كلنا من الصبح وكالعادة ميان متقبل تطلع من غرفتها بيوم الي نسوي بي ثواب اجتني عمتي..

رؤى: عماتي حبيبي هاي ميونه متقبل تطلع من غرفتها و هذا اخر اسبوع ثواب نسوي بي ميصير لازم تطلع من غرفتها الناس كلها تسئل عليها روح حاجيها بعد عمتك بس انت تسمع كلامك...

ضيغم: ميخالف عمتي.. تدللين انتي وياها

رؤى: ميدلل عليك ظالم حبيبي..

ضيغم... رحت لغرفتها دكيتها ماكو جواب دخلت لكيتها مظلمه الغرفه و مخطيه راسها بالفراش مدري يمكن تريد تخنك روحها رحت يمها...