(ضيغم الغاب)..

Part 8

ورجعت الكم بقصة (ضيغم الغاب)..

#الكاتبة_نمارق_الاسدي

#الكاتبة_N

اسوداد ارواحنا...
ابشع من اسوداد اشكالنا..

_______________________________

Part 8

ضرغام... بهاي الأحداث الي صارت ومرض أبويه بدأ يدخل خالي وچال شنو يكلي اني اسوي لان احترمه وهو يعرف بمجال شغلنا اني وابويه لذلك چنت استعين بي وابويه چان ميدري اي شيء لان من الغرفة چان ميكدر يطلع..

وصحته كلش تازمت وبقى عليل وخالي حسيته يدخل حتى بامور خاصة.. الى ان غركني وياه و باعماله الي هي كانت تجارة الأسلحة الفاسدة للعرب أثناء حرب ١٩٥٦ وبنفس هذه السنه احد التجار الي نتعامل وياهم بتجارة الأسلحة..

عرض عليه بنته بالبداية ما وافقت بس بعد ملحه و اصرار من قبل خالي وامي علمود نكبر مشاريعنا لذلك وافقت واتزوجت..

طبعا زوجتي چانت متمد اي صله بسدن من ناحيه الجمال و ابد ما بيها اي معاير للجمال اكيدد هسه تكلون لان ما حبيتها..

لكن ماكو اي شيء يخليني احبها حتى اسلوب ما عدها بالكلام ويايه او ويه غيري انسانه جاهله وتحب مشاكل هوااي..

بسرعة حبلت و الحمدلله وره اشهر الحمل نورت لحياتي ميان احسها هي حلمي هي مو بس بنتي لا هذه قطعة من گلبي..

وكالعادة امها المهمله عافتها علينا اني و رؤى و امي وخطيه رؤى ابتلت بيها واني أبداً ما عفتها..

مرت سنتين و بسنة سقوط النظام الملكي بسنه ١٩٥٨ توفه أبويه و صار كل شيء بأيدي لكن چانت وصيه أبويه الي محد يدري بيها بس اني و خالي و امي...

كانت ( الحلال مالتي تتقاسموا انتوا الاخوة بما يرضي الله و اهل بيته و اغضب ليوم الدين يوم الحساب اذا ما انطيتوا حقه لشبل صح هو غلط بحقي بس اني مسامحه لان يبقى هو ابني حاله من حالكم... اهم شيء شبل تتواصلون وياه وتنطوا حقه)..

هذه چانت الوصية مالته لكن كرهي لشبل عماني عن الحلال والحرام و بعد الوز من قبل خالي و امي خلوني اغير حتى بالوصيه وبمكان ما انطي حقه لشبل لا محروم من حقه ليوم الدين..

و كأنما احساس الأب بابنه و صدك بس خلصت سالفة سقوط نظام الملكي و تحويله لنظام الجمهوري ونحلت السالفه ... اجه شبل و اتصل عليه و راد يعرف اخبارنا..

لكن اني كتله أبويه حرمك من كل شيء و خلص حتى وجهك بعد ميريد يشوفه و انغلق الاتصال بينا وبعد حتى اخباره معرفتها..يمكن احد الاسباب ااي دفعتني اسوي هذا الشيء بشبل لان اخذ حب حياتي..

بهذه السنة اكتشفنا انو ام ميان طلع عدها كانسر و بوگت متأخرة و للأسف سنه و فقدنها مهما كانت افعالها بس العشره متهون الا على ابن الحرام...

چان عمر ميان اربع سنوات وكم شهر تيتمت بنتي من امها بعمر صغير و لو هي مجانت تعتبرها ام حتى..

دللت بنتي دلال مو طبيعي اي شيء تريده يصير الها و بوگتها انتميت الاحد الاحزاب الي صار.. وخالي چان ويايه بكل خطوه اخطيها ان كانت صح او غلط...

___________________

بعد ما انتهيت من قصة ضرغام.. احب اكلكم انو بكل قصه اكو الخير و اكو الشر ودائما الشر محد ميعرف شنو سببه او ليش صار شر اني وضحت الكم سبب ضرغام او ليش صار بهذا السوء و منو سببه.. احنا من أيدينا نصنع المجرمين و القتلة واحنا من ايدينا نسوي ابنائنا صالحين لو عاقيين.. من خلال كوومه امو اما التفريق بين الأبناء او التنمر على اولادنا ايي اكو بعض الاهل يتنمرون على اولادهم ان كان من ناحيه الشكل فالكثير من الاهل ميحبون شكل اولادهم لو التفريق بين البنت او الولد.. أتمنىوصلت فكرتي.. وهسه نرجع لضيغم و لعائلته الجديدة ااي تعرف عليها...

_______________________

ضيغم.... كعدت ثاني يوم الصبح مرتاح و بالي صافي شميت ريحه اكل كمت لكيت جدتي و ام يوسف بالمطبخ ام يوسف تحضر الريوك و جدتي كاعده على الميز تسولف دخلت عليهن للمطبخ..

ضيغم: صباح الخير..

ام سدن: صباح الورد وليدي..

ام يوسف: صباح النور يمه..

ضيغم: شنو مسوين ريوك؟؟

ام سدن: اي حبيبي تعال تريك.. ليش متريد ريوك؟

ضيغم: لا مو هيج بس ابو محمد عازمني على الريوك..

ام يوسف: تريك هنا وليدي ويه جدتك و اني اكله لابو محمد انت على الغدة تجي يمنا ويه الحجيه..

ضيغم: لا ام يوسف متقصرين بس ما اريد اتعبكم على الغدة..

ام يوسف: عيب هذا الكلام ابني و اذا سمعك ابو محمد يزعل منك...

ضيغم: هاهي ام يوسف الي ترتاحين عليه سوي... كعدت اتريك ويه جدتي و ام يوسف راحت تحظر الغده بيبت ابو محمد...يتبع
.
.
.
.
.
.
.
.
.
.
.
.
انتظروني بالبارت القادم من قصة (ضيغم الغاب).. احبكم 🥰❤️😍

أتمنى ينال اعجابكم 🥰

لسان حال ضرغام 🥺💔🌹💫