(ضيغم الغاب)..

Part 22

ورجعت الكم بقصة (ضيغم الغاب)..

#الكاتبة_نمارق_الاسدي

#الكاتبة_N

ليس كل ما نحتاجه بهذه الحياه..
يأتي بسرعه..

_________________________________

Part 22

اكو عيون عسليه شافت كل الي صار.. وعرفت الشي المضموم عن الكل.. ورح تنتقم!!!!!...

~~~~~~~~~~~~~~~~~~~~~~~

حسيت روحي بظلمه و بنص ابواب و باب من البوب انفتح و طلع ضوء ابيض منها و اجوي امي وابويه عليه.. لكن اكو قوة ردعتهم و هي قوة ميان.. وراها صار كلشي ابيض..

اسمع صوت اجهزه يمي و احس اكو صونطه بحلكي فتحت عيوني شويه شويه شفت سكف ابيض درت وجهي لليمنه لكيت ممرضة دتحقن المغذي شافتني كعدت.. صاحت للدكتور اجى الدكتور عليه..

الدكتور: حمدالله على سلامتك استاذ ضيغم..

ضيغم: اني ليش هنا؟؟..

الدكتور: استاذ ضيغم انت تعرضت لطلقه اجت قريبه من ركبتك.. وصايرلك يومين بغيبوبه الحمدلله انو ما تاخرت هوااي وكعدت لان جنى مصورين اكثر رح تبقى بالغيبوبه لان الطلقه جانت بمكان حساس..

ضيغم: شكرا دكتور...

الدكتور: العفو استاذ ضيغم انت توصايه ابو ميان لان نحرص عليك..

ضيغم: اشكركم اثنينكم.... عافني الدكتور و راح حسيت شويه احسن جسمي تقريباً وره نص ساعة دخل عليه ضرغام مبين عليه تعبان..

ضرغام: شونك ضيغم..

ضيغم: الحمدلله ابو ميان..

ضرغام: ضيغم اني مكدرت انام هاي الليلتين..

ضيغم: ليش ابو ميان شبيك؟؟..

ضرغام: ضيغم انت منو ليش صحت عمي من نقذتني من الطلقه مال زهير؟؟...

ضيغم: عوف السالفه هسه..

ضرغام: ما اكدر التفكير رح ياكلني ارجوك اخجي انت منو..

ضيغم: تمام رح احجيلك.... وسولفتله على كل شيء من مات ابويه لحد هاي اللحظة.. طبعا هو ضل بس يبجي و سولفنا شويه وراها...اجه الدكتور وفحصني وكال اسبوع و تكدر تطلع لان صحتي بسرعة تحسنت..

صدك بهذا الأسبوع ضرغام حجه كل شيء لعمتي و ميان وهمه خطيه معافوني بهذا الأسبوع و حتى ام يوسف و ابو محمد هم خطيه معافوني و انخبصوا بيه..

ضرغام ما قبل ارجع لبيت ابو محمد يعني يريدني ببيته وياه علمود يديرون بالهم عليه اكثر.. صدك رحتا للبيت وخصصولي غرفة وحدي و الحمام قريب عليها..

مرن يومين و ضرغام هوااي يداريني بس احسهم خايفين من شيء ما اعرف شنوه.. بعد يومين صارت هوسه بالبيت..