(ضيغم الغاب)..

Part 23

ورجعت الكم بقصة (ضيغم الغاب)..

#الكاتبة_نمارق_الاسدي

#الكاتبة_N

لكل شي نهاية..
حتى ارواحنا لها نهاية..

_________________________________

Part 23

ضيغم: عمي حاجيني.... الطلقة مو كلش قريبه من قلبه..

ضرغام: ابني سامحني على كل شيء و الوصية الحقيقة حاطها عند عمتك و اني اعرررف منوو الي كتلني و لتأخذ حقي منه اه ه ه دير بالك على بنتي و عمتك اه اه..

ضيغم: عمي منو الي هيج سوا بيك..

ضرغام: خاااا..... اه ه ه

ضيغم.... شهك شهكه الموت و راح من بين ايدي.. هنا ميان انهارت و كامت تصيح وتلطم على وجها و دك على صدر ابوها علمود بلكي يكعد

ميان: ولك باباااااا كوووومي حببيييبي كوووم لتعوفني وحدي ولك بويه كسرت ظهري كووووم.. ضيغم بداعت عمي كعده ارجوكم كعدوا ولكم تعالوا كعدوا يجوز زعلان منيييي.. بويه والله بعد ما اذيك والله بااابااااا كوووم..

ضيغم... منظرها كسر قلبي و الدم صاير على كل ملابسها و تلطم على وجها حتى على وجها صار دم منظر يقشعر اله البدن..

عيني دمعت وعمتي كاعده على جهه تبجي.. ميان اتخبلت كامت تملخ بشعرها كوه لزمت ايدها و٩ظنتها و ضلت تدك على ظهري وتشهك كل شهكه تزل من عيني دمعه عليها..

ميان: ضيغم راح أبويه معندي بعد ابوو جان هو امي و ابويه راح دلاله الي اني ينته وحيدته هاي حجايته دائما يكولها الي انتي مياني الصافي ولك رااااااح و راااح دلالي ويااااه....

ضيغم: معاش الي يذلج واني موجود ان شاء الله اكدر ابقى واحميج من الي ياذوج... إغماء عليها بين ايدي شلتها ودهلتها اني وعمتي بغرفتها وجان ضغطها صاعد..

الولد شالوا جثمانه لعمي واخذوا للمستشفى.. واني من خلصت ويه ميان لحكتهم للمستشفى و صارت سين وجيم و منين هاي الطلقة بس لان جان بالحزب طمطموا على السالفه بسرعة..

مر هذا اليوم بشكل عصيب جدا و عمتي كل شويه تخابرني تكلي ميان تخربطت.. خليت واحد من الحرس يجيبخا للمستشفى و صدك حطولها مغذي..

الفجريه اخذنا جثمان عمي و ابو محمد خيطه هم اجه وساعدني ورجال المنطقة هم اجوي ودفنا عمي وعزوني و اتفاجئوا من عرفوا اني ابن شبل..

ضلوا يسئلوني على ابويه و من يعرفون مات ينقهرون عليه و هذا الموضوع هم شوية زعجني و الحمدلله ابو محمد من شافني انزعجت كام هو يرد عليهم..

نصبنا فاتحه ثلاث ايام و كوومه مسؤلين اجوي ومن غير محافظات هم يجون و ينصدمون من يعرفون اني ابن اخو عبالهم اخو ميت...