(ضيغم الغاب)..

Part 3

ورجعت الكم بقصة (ضيغم الغاب)...

#الكاتبة_نمارق_الاسدي

#الكاتبة_N

الحياة لم تكن منصفة..💔
حتى مع أولئك السعداء.. 🥀

_____________________

Part 3

ابو محمد: مشت الايام وصلت مرحلة ولادة مرت اسد الأولى وهم جابوا القابلة بالبيت والصلوات والأدعية والقرآن جابت ولد الثاني لاسد بس اسد مفرح بي هلكد لان كان بعده حزنان على ام شبل و بقى شبل اله مكان ومعزه بگلب ابوه اسد تفرق عن اخوه...

طبعاً اسد سمى ابنه الثاني ضرغام وبعدها السنه جر سنه لحد ما كبروا ولده لاسد وصاروا شباب وصارت عدهم اخت من زوجته الأولى يعني تصير اخت ضرغام من امه وابوه..

مرت السنين واسد خلى ابنه شبل يكمل دراسته بالخارج ياخذ شهادة من الاردن وبهذاك الوگت مو اي احد يحصل على هيج شهاده..

اما اخوه لشبل ضرغام فما حب يكمل دراسة ولحد السادس اعدادي وعاف الدراسة مكمل جامعة وصار يشتغل ويه ابوه اسد باعماله يعني يساعده..

رجع شبل من الخارج و العربان كلها چانت فرحانه بي على اعتبار اول شخص بينهم يحصل شهادة هندسة من الخارج..

وهيج شهادة مو كل شخص يحصل عليها غير بس الي الله رازقهم.. وعلى العموم من رجع شبل لأول مرة ينبض قلبه بالحب وچانت نبضات قلبه من نصيب بنت الفلاح الموجود عدهم بالبستان...

وچانت هاي اول بنت يحبها بحياته وضل كل يوم يطل عليها ويسئل عليها ويسولفون وسالفه تجر سالفه.. إلى ان مره چان ديحجي ويه بنت الفلاح شافهم اخوه ضرغام...

ضرغام راح راسن لابوه اسد كله انو شبل يحب بنت الفلاح وشافهم ديسامرون سويه..

بس اسد ميصرفله هذا الحجي و هو مره بنفسه شاف ضرغام يتودد الها بس هي ما انطته مجال وبقاهم لان عرفها بنت اصيلة وما خلت ضرغام بعد يحجي وياها عباله انو هي دتلعب على ولده لو مئاربها على شبل...

طبعاً بنت الفلاح چانت ايه من الجمال عيون وساع وسود وبياض مثل بياض الثلج وجسم چنة شطب ريحان...

بعد ما ضرغام كاله لابوه انو شبل عنده علاقة ويه بنت الفلاح گام شبل طرد الفلاح هو وعائلته.. الفلاح چان عنده بس هاي البنيه الوحيده...

وصدك الفلاح اخذ غراضة وعائلته واجوا هنا يمي بالبستان مالتي اني كلت الهم تعالوا يمي عيشوا وصدك اجه هو وبنته و زوجته..

بهل الأثناء شبل تخبل على ابوه وسوى مشكلة كلش چبيره ويه ابوه واخوه وعافهم وطلع من البيت اجه يمي ورادني واسطة خير بينه وبين الفلاح...

بالبداية الفلاح مقبل وكاله لشبل روح چيب ابوك يجي يخطب بنتي ويكون راضي على هاي الزواجة.. شبل كاله اني عفتهم بس هو ضل مصمن على رايه..

ادخلت اني و حجينا ويه ابو البنيه الفلاح بالكوه يله قبل من شاف بنته رايدته لشبل بالتواسيل يله وافق..

واكيد هذا الشيء چان من حقه واني كتله لشبل انو اي اب بمكانه وتصير مشاكل بسبب بنته او يدري انو رح ياذون بنته رح يسوي هيج..

اتزوجوا شبل وسدن بنت الفلاح واخذها وسافروا وبعد محد عرف عنهم شيء... وابوها كلش تعبت صحته من القهر على بنته وره تقريباً سنه من راحت بنته.. ابوها سلم روحه للبارئ متحمل فراق بنته وحيدته ومن القهر عليها مات بقت بس امها..

اما عند اهله لشبل فأبوه هم صحته دهورت وسلم اعماله بيد ضرغام لان ضرغام چان هو ويه ابوه بالشغل فيعرف يدير الاعمال مال ابوه كلها صارت بيده... يتبع
.
.
.
.
.
.
.
.
انتظروني بالبارت القادم من قصة (ضيغم الغاب).. احبكم 🥰😍🌹
انتظروني بعد شويه نتزل الكم مفاجأة على تفاعلكم الحلو للقصه 😍🥰

استمتعوا بالموسيقى 😍🥰🌹🌹