(ضيغم الغاب)..

Part 5

ورجعت الكم بقصة (ضيغم الغاب)..

#الكاتبة_نمارق_الاسدي

#الكاتبة_N

لولا الحب في هذه الحياة..🌹
لم يستطع احد العيش فيها.. ❤️

_________________

Part 5

ضيغم: دخلنا للبيت كان بيت جدا جدا بسيط من البيوت العراقية القديمة.. بمقدمه البيت حديقة صغيرة والبيت متوسط لا كبير ولا صغير مبين مال نفرين..

دخلنا لداخل البيت واول مدخلنا بالمطبخ كان صغير وبي كاونتر صغير وبي طباخ ابو خمس عيون.. وبي سنك ومصفطين عليه الماعين..

وراها دخلتني ام يوسف للصاله وهنا شفت مرأة كبيرة بالعمر والتجاعيد ماخذه وجها ولابسه شيلة مال امهاتنا قبل و بيدها عوجية خشب..

من دخلنا اندارت علينا وصفنت بوجهي وكلتلها لام يوسف: منو هذا الوليد ام يوسف؟؟

ام يوسف: ههههه على كيفج حجيه بالاول سلمي عليه وعلية..

ام سدن(اسم ام ضيغم): يله سلام عليكم.. منو هذا الوليد الحليو؟؟

ام يوسف: هذا حفيدج ام سدن..

ام سدن: شنوه يا حفيد هذا ويطلع هيج حليو لا تقشمرين عليه ام يوسف شهلحجي..

ام يوسف: وداعتج ام سدن هذا حفيدج ابن سدن الله يرحمها چان بنفسج تشوفي..

ام سدن: لا عفيه لا تجذبين عليه سدن كالت ما كلتله لابني لان ما اريد يعرف الحقيقة ما معقوله عرف شيء..

ام يوسف: ايي يا عيني اليوم كل شيء عرف.. تعال وليدي سلم على جدتك..

ضيغم.. اني طول هذا الكلام الي بينهم وصافن عليها لجدتي حسيت بيها ريحة امي وبيها حنان عمري محسيته و چان يعجبني اشعر بي..

انو تحس عندك جدة تخاف عليك او تحسك من ريحه اولادها.. كلش ضجت من امي لان حرمتني منها وحرمتها مني..

من حاجتني ام يوسف وكلتلي تعال سلم على جدتك بعدتني من صفنتي وانتبهت كأنما كلتلي تعال لعشك الجديد الي هو يم جدتي..

ركضت عليها وبستها من راسها و من ايدها و اول مره انطق هاي الكلمة لغير امي و چانت طالعه من قلبي: شلونچ يمة...

چنت فاقد هاي الكلمه فتره طويله ما كلتها واحس روحي كأنما امي رجعت الي صدك بس بغير شكل لان كلش تشبه امي..

جاوبتني: شلونك وليدي.. ولك من اجاني خبر موت امك كلت هاهي بعد كل عمري مرح اشوفه لوليدي بس چان املي بالله لان انت الوحيد الي بقيت من ريحتها للغاليه.. شلونك يا روح جدتك..

ضيغم: يمة اه ه ه يا يمة والله لو چنت اعرف انتي موجودة بعمري مچان عفتج ولا اضيع الفرصة الي اجيج بيها اه ه يا يمة محتاجج هسه كلش محتاج توكفين ويايه..

ام سدن: يا روح امك اني وياك بكل وگت حتى من چنت ما اعرف وين اراضيك هم چنت ادعيلك وادعي انو ربي يجيبك الي والف الحمدلله والشكر انو ستجاب دعائي..

ضيغم.. حاضنها وابوس بأيدها وكلتلها لام يوسف اني يم جدتي تروح هي على راحتها وصدك هي عافتنا وراحت.. بقيت يم جدتي وضلينا سالفه جر سالفة وتعاتبنا هوااي..

وحجينا و سولفنا هوااي لحد ما تعبنا و سولفتلي على امي وابويه وشون چانت علاقتهم وكوومه سوالف چانت بهذا اليوم بالنسبة إلي احلى يوم رغم عرفت أسرار اذتني هوااي لكن من تعرفت على جدتي الي كنت احلم انو تصير عندي جدة چان هذا الشيء وحدة كافي بأن يجعلني انسان مرتاح.. صار الليل وكلتلها لجدتي اريد انام بحضنج هيه معارضت بالعكس كيفت.. وچانت هاي الليل احلى ليل واني نايم بيها مرتاح.... ❤️

_________________________

وهسه نترك ضيغم مع بيبيته اوجدته مثل ميكول هو.. ونرجع بالزمن ويه احداث جديده ❤️🌹..
_____________________________

....: وكلللللللليش الف مبروك اجاكم ولد يارب يتربى بعزك ودلالك ابو شبل وكللللللليش.. قاطعها اسد..

اسد: اشششششش كافي ما اريد هلاهل ولا صفكات هاهيه اجه ولد الحمدلله لتضلن تسون هوسات احنا ناس عدنا عزاااااا و تراب ام شبل بعده مناشف... وااي اسمعها بعد تهلهل او تهوس متلوم إلا نفسها..

..... من اول يوم بحياتي بدأت التفرقة و چانوا يفضلون دائما شبل عليه محد ما شفت بعينه حب الي غير امي الي چانت كل يوم تعيدلي نفس السالفه من فطنت للدنيا انو ابويه ميحبني ويحب شبل و چان دائما هو وياه بكل شيء مرات احسه يكول بينه وبين نفسه لوما جايني هذا الولد احسن... كم مره ومره اشوفه يشتري شيء لشبل واني مركون على الرف واصلا زين لو سئل عليه اعتبره هذا احلى يوم يوم الي أبويه يفتقدني لكن للأسف چانت فقط امنيات و عمرها الامنيات تحققت ويايه.. تمنيت لو امي الميته وتمنيت لو اني بمكانه لشبل.. ردت أبويه يغلط فد يوم ويكول عندي ابن اسمه ضرغام وكنت حتى افتعل المشاكل في سبيل الف انتباهه لكن كل محاولاتي بائت بالفشل... چنت افكر انو لو أاذي شبل رح يشوفني او يذكرني.. بس چنت كل ما أاذي اني الي اتعاقب واني الي انكتل بس هم اكول زين انتبه الي... لحد ما يوم.... يتبع
.
.
.
.
.
.
.
.
.
.
انتظروني بالبارت القادم من قصة (ضيغم الغاب)...احبكم 🌹❤️😍🥰

أتمنى ينال اعجابكم 🌹😍