(ضيغم الغاب)..

Part 15

ورجعت الكم بقصة (ضيغم الغاب)..

#الكاتبة_نمارق_الاسدي

#الكاتبة_N

لو كان تغيير اقدارنا بأيدينا...
لما اصبح حالنا هكذا..

________________________________

Part 15

ضيغم.. عفت ضرغام و طلعت من المكتب.. وصلت للمطبخ ظلمه و اسمع سوت طكطكه.. علكت الضوه وجان اشوف كارثة ضرغام..

كاعده تاكل من شفتها شون دتاكل من يمي جعت لان طالع بدون عشى كلتلها: انتي شنو كاعده تسوين هنا؟..

طفرت و دارت وجها بصدمه عليه: بسم الله الرحمن الرحيم انت شنوو جني ابتعد عني يممه شسالفه هسه جنت افكر بيك معقوله طلعتلي من افكاري..

ضيغم ضحكت عليها: شبيج انتي شاخطه شنو جني شهلخرابيط..

ميان: والله جني وين ما اروح الكاك كبالي..

ضيغم: يله روحي نامي الوگت متاخر.. وبعدين ليش جنتي تفكرين بيه؟!..

ميان: يعني انت حقيقي موو.. بابا شجاك بس تخرع بيه شطالبني.. وبعدين انت شعليك افكر لو ما افكر وبعدين اني جعر نزلت اكل لو حتى الاكل تريد تحاسبني عليه..

ضيغم: استغفرالله بدأ مناكرج خل اولي احسن الي..

ميان: تسوي فضل على البشريه.. بعدين انت شجابك لبيتنا هااا..

ضيغم: ابوج رادني.. يله تصبحين على خير ام الجننون..

ميان: تروح منا لا اتحول عليك اقسم بالله..

ضيغم... ضحكت عليها و عفتها و طلعت شفت الدنيا فجريه قريب متطلع الشمس.. توجهت لبيت ابو محمد و اني طول الطريق افكر بالعرض مال ضرغام..

ادري لو واحد غيري رح ينفذ بجلده من هيج مستنقع.. لكن اني معندي شيء اخسره كلشي خسرت لذلك كلت ابقى هنا و احصل حقي احسن مما كلشي ما اخذ منه لضرغام..

وصلت للبيت دخلت للمطبخ اخذت ماعون وحطيت بب كباب عروك من الثلاجة و اكو طماطه لجع وبتيته واخذت خبزايه وصعدت لغرفتي اكلتهن و دخلت سبحت و شريط الحادثه مال المصنع صار كله كبالي...

طلعت من الحمام رحت على السرير اتمدتت وبدات الافكان تهاجم عقلي و تاخذني لحد ما النوم كان هو المنصر عليهن و عليه بالنهاية...

حسيت على ام يوسف وهي تكعدني..

ضيغم: صباح الخير ام يوسف..

ام يوسف: صباح الظهر وليدي ههههه..

ضيغم: ليش ساعة بيش هسة..

ام يوسف: ساعه ب٢ ونص الظهر.. يله وليدي كوم تغده شنو البارحه رجعت فايت وكت..

ضيغم: اييي صار شغل عدنا وتاخرت..

ام يوسف: الله يرزقك وليدي..