(ضيغم الغاب)..

Part 12

ورجعت الكم بقصة (ضيغم الغاب)..

#الكاتبة_نمارق_الاسدي

#الكاتبة_N

لم اكن عاقدة نية الحب..
لكن تعثر بك القلبُ سهواً فسقط..

#مقتبس..

____________________________

Part 12

ضيغم.. نزلت من الدرج بنيه و صوت الكعب مالتها يرن ويه كلامهم.. عطرها سبقها و من شفتها قلبت كياني و انصدمت طلعت هاي المخبله ام لسان شنو چابها لهنا...

اجت و سلمت على ابو محمد سلام قوي و كلها بنتي ميان يعني هذه ام لسان تصير بنت عمي..

اجت دسلم عليه.. واحنا واحد منصدم بوجه الثاني.. اني ابتسمت ابتسامه جانبيه.. فجأة ضرغام نبز من يمه..

ضرغام: اكو شيء بابا بيج شيء..

ميان: هااا لا ماكو شيء بابا بس شويه دخت..

ضرغام: اكعدي خل اكلها لام سامر تسويلج ليمون..

ميان: لا بابا ميحتاج هسه اصير احسن..

كعدت على الكوشه الي يمي.. يعني قريبه عليه اسمعها وتسمعني بالهمس..

كالت: انت ياا حقير شجابك لهنا هاا تريد تفضحني كدام أبويه لو شنو؟؟..

ضيغم: أولاً احترمي نفسج ثانياً يعني انتي طالعه بدون علمه للسيد الولد خوش نقطة ضدج شكرا لان انطيتينياها..

ميان: شوف ما اسمحلك تهددني.. تريد تروح تكله روح مخايفه منك..

ضيغم: تمام لعد شوفي اذا ما كتله فما يكون اسمي ضيغم..

ميان: ااذيك والله..

ضيغم: ههه متكدريلي اطيح حظج..

ميان: اني اعلمك يا غبي يا حقير..

ضيغم... عافتني وكامت راحت للمطبخ.. وبعدها بشويه اجه وكالت يله للسفره جهزت تفطلوا.. كمنا على السفرة چانوا شاوين سمك و دجاج و هبيط و كوومه حبشكلات و الاكل چان طيب بس ما اكلت هوااي لان نفسي مسدوده كبالي كاعد ضرغام..

ضايج و طافره روحي بس اريد يخلص الغده علمود نرجع و هنوب هاي الي حركت قلبي بلبسها هسه اني شكو مادري.. خلصنا غدة و جابولنا الجاي و فواكه و حلويات.. بس ما اكلت منهن شيء اكلت شويه بس..

ما اتحملت كلت الهم اني تعبت و اريد ارجع ارتاح.. وصدك طلعنا اني و ابو محمد رجعنا للبيت يله كدرت اتنفس..

دخلت لغرفتي غسلت و رحت على السرير اتصطحت لان احس جسمي تعبان و كلت الهم لحد يكعدني.. ونمت نومه لليل يله كعدت جوعان كمت رحت للمطبخ لكيت بنت ام يوسف دتقرا و تاكل..

خطيه اخذت كتبها وعافت الاكل وراحت.. اكو اكل لكيت بالفرن حميته واكلت وسويت جاي شربته ورجعت لغرفتي..

هم رجعت نمت هوااي نمت بهذا اليوم..

كعدت الصبح من وكت لان ضرغام كالي تعال علمود افهمك على الشغل.. كمت بدلت و رحت لبيت ضرغام عرفوني الحمايه دخلوني بدون ما يسئلوني..

دخلت من المطبخ شفت المرأة ااي تشتغل عدهم سلمت عليها وكتلها على الموعد ويه ضرغام.. كالتي هسه اروح اشوفه واجيك انطتني جاي و راحت..

جان تدخل الكارثة مال ضرغام غضب الله على راسها.. دخلت و شعرها مكفش مبينه هستوها كاعده من النوم ضلت تصح على ام سامر محد جاوبها...

وهي الثوله لخد صريخها على ام سامر للمره الميه وهيه ما انتبهت انو اني موجود.. جان تلتفت على الميز و تعيط عيطه كمزتي بنت الذين..

عطت بيها: شبيج ولج شنوو مخبله انتي مو صاحيه شنو شفتي جني؟؟!..

ميان: كون شايفه الجني و لا شايفتك شنو انت تطلعلي باليانصيب.. بعدين خو حمحم كول انت هنا لو لازم تخرعني من صباحيات الله..

ضيغم: بله خاب متسكتين م. اني هم وين ما اولي اشوفج بعدين منو كلج لاتنتبهين صيري ثوله هاا؟؟!...

ميان: عادي غض البصر.. فجأة صفنت ورها طكتها بركضه ههه عرفت روحها هيه مكفشه ضليت اضحك عليها بقلبي..

اجه ضرغام وكالي تعال لغرفة المكتب.. رحت وياه للغرفة طبعا مو كلش چبيره.. كعد هو على كرسي المكتب مالته و اني كعدت مقابيله..

ضرغام: شوف ضيغم رح اخليك المساعد الاول لابو علي المدير مال المصنع مالتي مال النسيج شنو رايك..

ضيغم: عادي الي تريده اني اسوي..

ضرغام: زين اذا ترد فمن اليوم تبلش عادي..

ضيغم: هاهي من اليوم ابلش.. خل نروح هسة...

ضرغام: لعد اكوم ابدل و نروح سويه..

ضيغم... راح ضرغام يبدل.. بقيت انتظرة بالمكتب تقريباً عشر دقائق و اجه اخذني.. صعدنا بالسيارة اني وياه سويه و حمايه وسائق السياره مشينا مسافة طويله..

بعدين وصلنا للمصنع دخلنا وچان كله مكائن وعمال يشتغلون.. رحنا على غرفه المدير و دخلنا اله كام لضرغام و سلم عليه...

كعد ضرغام على الكرسي مال المدير و ضل يسئل على امور الشغل و كله للمدير انو اني رح اكون المساعد مال المدير..

رحب المدير بالموضوع ورحب بيه بالشغل.. راح ضرغام وكالي هذا مكان عملك وعافني و راح...

حسيت بلشت الخطه من هسه لان دتمشي عدل و تدريجياً رح اع ف كوومه امور عن ضرغام... يتبع
.
.
.
.
.
.
.
.
.
.
.
.
.
.
.
.
انتظروني بالبارت القادم من قصة (ضيغم الغاب).. احبكم ❤️😍🌹🥰