(ضيغم الغاب)..

Part 20

ورجعت الكم بقصة (ضيغم الغاب)..

#الكاتبة_نمارق_الاسدي

#الكاتبة_N

انت جميع وسائلي في حُب الحياة..

#مقتبس

__________________________________

Part 20

ضيغم(لازم اتخذ هيج قرار على هدوء مو بهيج طريقه مثل اول الاتفاق) جاوبته: ابو ميان انت بدايه الاتفاق ما انطيتني وقت افكر بي..

لذلك اطلب منك اريد تنطيني اسبوع افكر بي و اجازه عن كل هذه السنه الي راحت واتمنى متردني..

ضرغام: اي صح حقك هاهي مثل متريد بعد اسبوع تنطيني قرارك.. وياريت لو يكون القرارك انو تبقى ويايه لان تعودت عليك..

ضيغم: الله كريم.... دنسولف و دك تليفون الارضي مال ضرغام كام شاله وعصب كلش.. بس ما حجى اي شيء بسرعة سد التليفون..

ضيغم: خير ابو ميان..

ضرغام: عادي زهير الكلب تدز تهديد للمصنع.. اني اعلمه لهذا الحقير..وانت ابني فكر و انطيني خبر بعد اسبوع..

ضيغم: ان شاء الله.. عافني وطلع كلت اكيد هذا زهير مسوي فد صخمه الي هيج عصب.. طبعا زهير هو منافس النا بتجارة الأسلحة و كلش يلح ويه ضرغام.. و ضرغام من النوع الي يحب المشاكل وميسكت و هذا مكيف عليه كم مره و مره اكله عوفه وخده بس ميكدر..

رجعت للبيت كلشي ما سويت غير النوم.. كعدت العصرية و طلعت بالبستان يم الولد و هم سالفه منا على سالفة منا وياهم..

يوسف: هااا ضيغم ما وكعت بعدك..

ضيغم: بشنو اوكع؟؟..

يوسف: بحفره الحب..

ضيغم.. صفنت بعدني دا اريد اجاوبه نط علي..

علي: لا لا مبين من الصفنه هههههه

ضيغم: دطيروا اني حاير بشغلي و هذوله حايرين بحفر الحب... عيني عفت الحب لاصحاب الحب مو الي مثلي الي حياتهم على كف عفريت..

(طبعا الولد يعرفون شنو طبيعة شغلي لكن سالفة الثار محد يعرف بيها غير ابو محمد)..

علي: ولك ليش اكو واحد يعوف الكائنات اللطيفه لك همه الحياة بهاي الدنيا..

يوسف: صدقت علاوي.. اكلك اريد فد شيء يبعد عني الحب شنو ههههه..

علي: دطير اني وين احجي و انت وين..

يوسف: هههههه سكتنا استاذ..

ضيغم: اكلكم انتوا بدال ما تصفون راس الواحد.. تتعاركون مثل الديوجه خل اكوم احسلي.. عفتهم يتناكرون وكمت..

تذكرت ميان مادري ليش علقت بالي هاي البنيه مع العلم مجنت خاطها بالي أبداً.. تذكرت ريحتها ما شام هيج عطر.. احس روحي اشتاقيت اشوفها..كلت لا هاهي تخبلت اني.. رحت لغرفتي وتمددت ونمت...