(ضيغم الغاب)..

Part 9

ورجعت الكم بقصة (ضيغم الغاب)..

#الكاتبة_نمارق_الاسدي

#الكاتبة_N

دائما في اول مواجهة..
يأُخذ الانطباع الاول..

_________________________

Part 9

ضيغم.. طبعاً رح اسولف الكم عن واحد واحد بالقصة نجي على ام يوسف هي مره على باب الله عدها ولد وبينة بنتها بالاول متوسط وابنها يشتغل ويه ابو محمد ذراعه الايمن.. بعد ما زوجها توفه ابو محمد چان يعزه لابو يوسف فطلب منهم يجون يعيشون يمه واعتبر يوسف مثل ابنه...

كاعدين يم ابو محمد لان رجال وحيد و عنده ولد اثنين و زوجته متوفيه و ولده اثنينهم بالخارج وكلشي ميعرف عنهم و لا فد يوم كلفوا نفسهم يجون يشوفوا عايفي وحده..

هو ضاج من الوحده فجمع الناس الي على باب الله والي معدهم مأوى والي معدهم شغل يجون يمه لان هو عنده خير الله ويريد يساعد الناس المحتاجه بي..

اما اني فلحد هسه محجيت عن نفسي اني انسان عشاق للخيل و الرمايه (التقنيص) و حتى محصل على البطوله الرمي بالنادي الي كنت ادرب بي..

وماخذ بطوله بالفروسية هم.. اني چنت انسان عادي و احب هذني الهواتين.. لكن چانت رغبة أبويه انو اتخرج من القانون و تكون عندي شهادة قانون...

صدك كملت جامعة قسم قانون بس بعدها كتله لابويه اني احب هواياتي و اريد اشتغل بيهن.. ما عارضني وخلاني براحتي وصرت مدرب خيل بالنادي ااي كنت اللعب بي و بعدها صارت هاي الأحداث ويه ابويه وخسر كل شيء بالبورصة عفت النادي وبقيت ويه ابويه بمحنته...

وبعد وفاة أبويه اني بدا عندي مشوار جديد بحياتي هو الانتقام و اخذ حق أبويه...

بعد ما خلصنا ريوك اني وجدتي.. كمت اني لميت ااسفر وكعدنا اني وياها بالصاله الي بيها التلفزيون ضلت تسولفلي على ايام قبل و شلون كانت هي و جدي عايشين سويه و واحد يحب الثاني و اخذنا الوگت بالسوالف لحد ما ام يوسف اتصلت على جدتي وكلتلها يله تعالوا على الغدة...

كمنا اني وجدتي تحضرنا ورحنا لببت ابو محمد استقبلتنا ام يوسف اني رحت كعدت يم ابو محمد كالي: هاا شلونك عمي اليوم

ضيغم: الحمدلله.. عمي اريد اشوف ضرغام

ابو محمد: كل عقلك رح يتقبلك انو انت ابن شبل ويهليك تأخذ شيء تحلم..

ضيغم: بس هذا حقي اني و ابويه..

ابو محمد: اي صح تروح تكله هيج يكلك جيب الي يثبت انو ابوك اله حق.. ابوك ماله شيء عندي..

ضيغم: عمي لتخبلني شنو هذا الكلام...

ابو محمد: انت رح تروح لشخص ملعب مو واحد هين..

ضيغم: و اني ملعب اكثر منه..

ابو محمد: وليدي لتستعجل نطبخها على نار هادئة اني وياك..

ضيغم... ردت احجي بس قاطعتنا ام يوسف علمود نروح على الغدة.. رحنا كعدنا على السفره ابو محمد ترأس الطاولة و اني على جهته اليمنة و ام يوسف مقابيلي و بصفي جدتي و بصف ام يوسف بنتها و ابنها مو هنا ابو محمد دازه على شغله بغير محافظة..

بلشنا بالغده بس صوت الخواشيك ينسمع لحد ما ابو محمد كسر الصمت وكال: شنو رأيك ابني ضيغم تجي انت و الحجية تعيشون هنا.. البيت چبير و محد بي يكفينا..

ضيغم: الرأي رأي الحجيه شتكول اني وياها..

الحجية: ابو محمد انت ما قصرت و يايه ابو محمد ما اريد اثقل عليك اني وحفيدي خليني بيتي مرتاحين..

ابو محمد: والله ما حبيتها منج هاي يا حجيه هذا ابني مو بس حفيدج و انتي انسانه صالحة عيب تحجين هيج...

الحجية: لا العفو منك ابو محمد والله كرمك مفضل على راسي بس منريد نزعجك..

ابو محمد: لا خيتي كل الهله بيكم البيت بيتكم هسه هم اخلي الشباب هنا يجون يساعدون ضيغم بشيل الغراض الي تحتاجوها...

الحجية: الله يجازيك بالافراح يا ابو محمد و ينور طريقك ربي بس اني كاعده بمكاني و هذاك بيتي ما أريد اتحرك منه..

ضيغم: هاهي عمي... يتبع
.
.
.
.
.
.
.
.
.
.
.
انتظروني بالبارت القادم من قصة (ضيغم الغاب).. احبكم 🥰😍
انتظروني بليل البارت الجدي 🥰 ادري بارت قصير بس بليل رح اعوضكم 😘