(ضيغم الغاب)..

Part 6

ورجعت الكم بقصة (ضيغم الغاب)...

#الكاتبة_نمارق_الاسدي

#الكاتبة_N

مهما مرت الحياة معنا بصعاب..
نتخطاها بكل شموخ وعلي..

________________________

Part 6

ضرغام: چنت افكر انو لو أاذي شبل رح يشوفني او يذكرني.. بس چنت كل ما أاذي اني الي اتعاقب واني الي انكتل بس هم اكول زين انتبه الي...

لحد ما يوم الي امي ولدت بي اختي اني كلش حبيتها لكن هم لكيت الاضواء چانت بس عليها واني محد الي حتى شبل..

ابد ما فد يوم تقرب مني او كال عندي اخو ولازم اسولف وياه او نكون اصدقاء چان هو بعالم واني بعالم ثاني...

كبرنا وصدمني ابويه يوم الي خلى شبل يطلع للخارج ياخذ شهادة.. هنا حسيت نفسي لا شيء عند أبويه وامي الي چانت تحرضني انو ما اخلي شبل يسافر...

لكن بكل مرة اريد اسوي شيء وتفشل كل خططي لان الكلى ابويه مسوي شيء ميخليني اسوي خطتي...

سافر شبل واني مقبلت اكمل دراسة محد اعترض خلصت السادس بمعدل ناصي بس چنت اكدر اجيب معدل اعلى من شبل...

لكن تعرفون من واحد يحس روحه لا شيء بعد شكو يكمل دراسته..

مرت الايام واني صرت ايد ابويه الثانية اهتم بكل الاعمال مع العلم مرات احس ابويه ضايج من هذا الشيء بس يخاف من واجهته امامهم حتى بالبيت يعاملني مثل العمال الي يشتغلون عنده لكن بالشكل لا بس يحجي بيه وبيني وبين نفسي اكول لعد شكد عندك وجهين..

مرات اكرهه لان يتعامل ويايه هيج..

مرت السنين ورجع شبل من الخارج واحس رجعت هموم جديده وياه..

لكن قبل لا يرجع شبل نبض قلبي لاول بنت بحياتي شعرت بشعور عمري وحياتي كله ما شعرته يوم الي نبض قلبي نبض قوي من شفتها بالبستان وهيه تقطف ورد من يم بيتهم لان اكو زارعين ورد بالباب مال بيتهم بس معرفت بيت منو لان صايرين ثلاث بيوت نفس الشيء وما افرق بينهم..

وهيه تقطف ورد وتحطه على شعرها الحرير إلي لونه بلون سواد اليل وتسمح بعرگ جبينها لا چان الجوو حار مادري ليش طالعه بهذا الوگت وتقطف ورد وتتحمل لخاطره حتى الحر وخدودها صايرات حمر من الحرر وعيونها چنها عيون غزال عمري وحياتي مشفت مرأة وحبيتها...

چان كل فكري انو اريد اكسب ابويه الي بس  من شفتها حسيت انو بالدنيا اكو ناس بريئة بيها رحت عليها...

كلت الها: يا بنيه انتي شمطلعج بهذا الحر والدنيا ظهريه؟؟

.... :وانت شعليك..

ضرغام: بابا روحي فوتي لبيتكم هسه تضربج الشمس وتتاذين..

.... : عادي الي يريد الورد يتحمل شوكة وهااا لتدخل انت بيه..

ضرغام... حتى ما سمعت مني جواب راحت ودخلت لبيتهم.. بعدين كلت صدك اني شعليه وعفتها ورجعت لبيتنا بس بقت بالي ولا فارقت مخيلتي مدري شجايه...

كلت اني هاهي هاي البنيه اريدها ورح اخطبها وازوجها بس لازم اشوفها واسئلها بنت منو علمود اروح واخطبها..

مرت ايام وشفتها بالمطبخ ويه ام زيد دسولف صفنت هاي شجابها هنا معقوله تكون بنتها لام زيد بعدين تذكرت انو ام زيد معدها غير زيد و مو هنا بغير محافظة يشتغل...

حجيت ويه ام زيد: سلام حجيه شونج.. اندارت هي وام زيد عليه.. هي صفنت بعدين دارت وجهها و ام زيد درت عليه: زينه يمه انت شونك..

ضرغام: عايشين حجيه.. طلعت ام زيد من المطبخ لان امي صاحت الها واخيرا بقيت وحدي وياها علمود اسئلها..

ضرغام: انتي بنت منو وشنو تصيرين من ام زيد..

.... : اني بنت ابو سدن وما اصير شيء من ام زيد مرية احبها واعزها اجيت يمها... خزرتني ودارت وجهها عني..

ضرغام: هااا يعني انتي سدن لو اختها..

..... : اني سدن ومعندي اخت وتضل تلح.. عافتني و رادت تمشي..

ضرغام: على كيفج عيني بس ردت اجي اخطبج لا اكثر ولا اقل..

سدن: شنووو... وبينت على وجهها الصدمة و الوجها صار احمر من الخجل..

ضرغام: ايي اريد اجي اخطبج عيب لو حرام..

سدن: انت شنو دتحجي عيب عليك وابتعد عني احسلك... وفجأة دخل علينا للمطبخ ابويه وكال: خير شديصير هنا؟؟

سدن: لا عمو العفو ماكو شيء

ضرغام: ماكو شيء يابه..

اسد: لعد روحي لبيتكم لا اهلج يضل بالهم عليج..

سدن: يله مع السلامه عمو..

ضرغام... عافتنا وراحت لبيتهم وابويه خزرني وراح مفهمت خزرته شنو معناها بس بمرور الايام عرفت شنو قصده..

اني عفتها لسدن ملحيت وياها لان حسيتها صعبه وكلت بمرور الوقت اخليها تحبني وضليت اراقبها من بعيد وكل يوم يزيد حبي الها اكثر من اليوم الي قبله لكن مو كلشي يدوم النا؟؟!!..... يتبع
.
.
.
.
.
.
.
.
.
.
.
.
انتظروني بالبارت القادم من قصة (ضيغم الغاب)... احبكم 😍😘😘❤️
أتمنى تنال اعجابكم ❤️❤️

رايكم بتصميمي.. ورايكم ببارت اليوم 😍😘