(ضيغم الغاب)..

Part 7

ورجعت الكم بقصة (ضيغم الغاب)..

#الكاتبة_نمارق_الاسدي

#الكاتبة_N

الحياة فرص..
ويجب في كل فرصة لنا ان نجعلها من صالحنا..

_______________________

Part 7

ضرغام:... عفتها لسدن ملحيت وياها لان حسيتها صعبه وكلت بمرور الوقت اخليها تحبني وضليت اراقبها من بعيد وكل يوم يزيد حبي الها اكثر من اليوم الي قبله ..

إلى أن اجى شبل وغير كل الموازين وصرت اشوفه شلون يتودد الها واني احترك حرك وادري بي لشبل اي شيء يريده رح يحصله اذا مو من ابويه فهو ياخذه لان تعلم على الدلال..

إلى أن مره شفته واكف وياها ويسولف ويضحك وياها وهي تضحك بخجل اني هنا صعدت لسماء وانركعت بالكاع..

بسرعة رحت لابويه كتله: بويه شبل ديجاوز حده ويه بنت ابو سدن و اني البنيه هاويها واريدها مرأة الي ارجوك لتحرمني منها يابه بس هذا الطلب الي اريده منك وهاي اول مرة بحياتي اطلب منك لتردني..

اسد: اسكتت وحسسك ما اسمعه احنا منزوج ولدنا لبنات الفلاليح شنو قصدك انت تريدها.. لا انت و لا شبل اقبل تاخذون بنت الفلاح اغضب عليكم ليوم الدين اذا تزوجها واحد بيكم...

ضرغام: بوين قلبي هواها لتحرمني منها..

اسد: حسسك ما اسمعه ويله روح لغرفتك بسرعه...

ضرغام.. رحت لغرفتي ضايج ومتوتر وخربت الغرفة كلها من اعصابي ولليل سمعت صياح ابويه و شبل انصدمت اول مره بالتاريخ تصير انو ابويه يتعارك ويه شبل...

نزلت من فوك للصاله و اشوف أبويه كاعد على القنفه ويصيح على شبل وشبل هم يصيح ويكله ما من حقك تحرمني منها اني ازوجها يعني اتزوجها..

واجه عليه وكالي: لتصير نذل وتتدخل بحياتي و اني عايف الكم البيت و طالع خلص بعد لتددخلون بحياتي...

عافنا وراح صعد بغرفته شفت أبويه لرم گلبه اول مره اخاف عليه يمكن حسيت انو هو سندي رغم ما شفت منه اي شيء بي خير بس تبقى غريزه حب الاب بداخلي وامي واكفه تضحك ضحكتها الشريره وتعاين على الي صار كله...

طلع شبل من البيت چلبت بي رؤى الي هي اختي لكن هو چان قافل.. واني احس رح يصير شيء ومن كلامه الشبل احس گلبي ديتفطع وذره وذره..

للفجر أبويه تعبت صحته واخذنا للمستشفى بقى يومين بالمستشفى ورجعنا للبيت بعد اسبوع سمعت من واحد يشتغل يمنا انو هو عرف من الفلاليح انو ابو سدن زوج بنته لشبل وسافروا ...

رجعت للبيت متخبل شكو شيء كدامي كسرته لان خلص هاهي شبل اخذ حب حياتي عشگ گلبي ولا متزوجين وماخذها ومسافر...

احس جبل و وكع عليه تخبلت بيومها غرفتي صارت رماد و كلهم عافوني وحدي محد دخل بيه إلى ان نهاريت وكمت ابجي اييي كمت ابجي لان خلص راحت الي احبها او اول شيء اختاره بنفسي اخذه أخوية الي هو دائما چان ماخذ حقي وكلشي ياخذه اله..

دخلت عليه امي لغرفتي اول مره احس بحنانها او حسيتها خايفه عليه هنا صدك كمت ابجي بصوت وهي هم كامت تبجي شكد ما اشوف امي بعض الاحيان شريره لكن حنانها ما اكدر استغني عنه لان هو ااي مبقيني على قيد الحياة لحد هسه نهاريت بحضنها وكلتها: يممه اخذها لحبيبتي ليش يوم الي اختار شيء ياخذه هو ليش محد عدل بينا ليش هيج... چان جوابها مثل كل مره: بسبب ابوك هو الي فرق بينكم لتبجي وليدي انت زلمه والزلم متبجي واجيبلك الي احسن منها..

ضرغام: ماكوو زلمه ميبجي ماكو واحد گلبه من حجر اقنعي گلبي ياخذ الاحسن منها..

وضلت امي يمي طول اليوم لحد ما انطتني مهدئ وعافتني وراحت واني من التعب نمت...

بقيت اني و رؤى نداري ابويه بالبيت وامي هم مرات تساعدنا بس احسها دائما تريد تفرض رأيها على البيت كله و اني ما خال بالي يمها فما اهتم لكلامها..

بهاي الأحداث الي صارت ومرض أبويه بدأ يدخل خالي وچال شنو يكلي اني اسوي لان احترمه وهو يعرف بمجال شغلنا اني وابويه لذلك چنت استعين بي وابويه چان ميدري اي شيء لان من الغرفة چان ميكدر يطلع.. وصحته كلش تازمت وبقى عليل وخالي حسيته يدخل حتى بامور خاصة.. الى ان غركني وياه و باعماله الي هي كانت تجارة الأسلحة الفاسدة للعرب أثناء...... يتبع
.
.
.
.
.
.
.
.
.
.
.
.
انتظروني بالبارت القادم من قصة (ضيغم الغاب) احبكم ❤️🥰😍
أتمنى تنال اعجابكم ❤️❤️

حال ضرغام من عرف بزواج شبل وسدن 🥺💔💔🌹