#فرقتنا_عادات مكتمله

الحلقه1

اهلا بنات انا Loka  نزلت اسماء  روايتين ونبيكم تختارو بينهم باش انزللكم وحده منهم
ولو حد يكتب في روايات ويبي دعم يكلمني لاكن لازم نقرا الرواية قبل مانديرلها نشر للمصداقية يعني  لاني ماانزلش في روايات من غير مانقراهم ❤️❤️💗
✨وحنكمل رواية يكبرني ب 22 عاماً✨

#فرقتنا_عادات
#الحلقة_الأولى
‰‰‰‰‰ ☺ ‰‰‰‰
اقبل كل شيء خلي انعرفكم عليا وبعدها نحكيلكم قصتي ....
انا ايناس_مواليد 98  عندي اخت وحده وهيا توؤمي اسمها ريماس تشبهني بس فيه فرق واحد بينا انا عندي شاامه على خدي وفوق شفايفي وهيا لا ...شكلي زي ما ايقولولي حلوه شعري اسود وطويل هوا ناعم بس انا انحب انخليه كيرلي عكس اختي ريماس  ديما مفرود عيوني كبار ولونهم اسود خشم منحوت نحت صغير و وواقف شفايفي صغيره لكن مليانه ....و وجهي طويل طول مش مدور مش بيضه ولا سمرا معدله يعني...جسمي معدل مش ظعيفه ولا سمينه طولي متوسط شبيها هلبا بماما
ماما_نوره مدرسة لغة انجليزيه....من يفرن حلوه نشبهلها في كل شيء بس شخصيتي اقوا منها في طبعي نشبه لبوي
وبوي_من الجنوب من سبها اسمه عبد السلام دكتور في الجامعه تخصصه لغة فرنسيه ...طبعه صعب لكن حنون كلمته مستحييل تولي اثنين وانسان وااثق هلبا بنفسه مرتبط بعيلته هلبا مؤمن بالعادات والتقاليد...
وعندي ست خوت... قولوا ماشاء الله انسميهملكم بالترتيب
محمود الكبير والكبير الله مواليد _81
مهندس متزوج من ندى وعنده ولد وبنت عبدالسلام وريم ..
فاضل_هدا متع قراايه طول الوقت وراسه بين الكتب دكتور متخرج ويحضر في المااستر مواليد 83 متزوج من دكتوره عن حب اسمها سعاد و حامل قريب اتجيب مسافر ل ألمانيا يكمل في قرايته
كريم_حبيب البي هدا موليد 85 جوه يهبل اضحك بس مافيش حد يسلم منه طرف يهبل عيونه بنيات وكبار خليط بين ماما وبابا ليحته مرسومه رسم مهتم بنفسه ولبسه انييق هلباااا وجسمه رياضي يخدم مع محمود في شركة مقاولات يبني وقاعد ماكمل حوشه..
كان يحب بنت جيرانه وماتت بحادث قدام عيونه قبل مايعترفلها ولتو معاش يعدل ع البنات بكل ومقرر يخطب بنت خطوبه تقليديه ويتزوج طول..هادا حيااتي و وخي الغالي امدللني هلبا انا وريماس
صهيب مواليد 92 ماتستغربوش بالفرق بينه ولبن خوني لكن ماما وقفت ست سنين ماحملتش لين كبروا خوتي يقرا صيدله قريب يتخرج امتع بنات ومهبل بوي ..
هيثم _زي فاضل بين الكتب ومهبلنا بالطايرات يبي يكون كابتن طياره مواايد 93
معنداش في جو البات بطل عكس صهيب ومايتفاهموش بكلللل
واخيرا فاااروق هدا مسكين واكلها من خوتي كلهم هو طيب وهما يستغلوا فيه مع انا جينا علي راسه لكن يحبنا هلبا مايحبش القرايه لكن شاطر في البزنس والمشروعات الصغيره عنده اكتر من خدمه
وهادي عائلتي الكريمه
عااائلة قيس
عائله امازيغيه اصلهم من جادو لكن عايشين في طرابلس زي ما يقولوا مالهم هارد ع المالح مايحبوش العرب بكل ويستصغروا من يناسب من العرب لكن عدا هكي يعتبروا من اكرم وافضل عائلات جادو
بوهم محمد عنده مجموعه محلات للثريات في اكتر من مدينة في ليبيا
معز_خو قيس الكبير مواليد 84 متزوج وعنده ولدين محمد اربع سنين و احمد سنتين متزوجه من هبه
قيس مواليد_91 اخر سنه يقرا وبيتخرج حتعرفوا تخصصه في الروايه اشقر وعيونه خضر وكبار ملامحه شرقيه لكن ع الأشقر خشمه واقف حواجب كثيييفه وعريضه رموشه طويله ومبرومه جسم رياضي طويل وكتافه عراض .....متعصب للأمازيغ ومايحبش خلط النسب بالعرب ماعنداش ع العلاقات بكل مستقبله مرسوم من اول ماانولد ع الدنيا
خوات_خوله 86 مخطوبه لود عمها وعرسها قريب وماتحباش بكل ...
خلود _مواليد88 اتحب دكتور معها في الكليه معيده في الكليه وملامحها زي قيس ...
القاسم_مواليد_93 اصغر واحد جوه حلو ومش زي العيله عنده تخلف وجهل مافيش فرق بين عربي وامازيغي في الاخر كلنا ليبين ومسلمين...
........
نادر و احمد_وعلي اصحاب قيس نفس التفكير و نفس الطبع.....
...........
تو نوا في روايتنا
...........................