#فرقتنا_عادات مكتمله

الحلقه32

#فرقتنا_عادات
#الحلقة_الثانية_والثلاثتون
********************* 💔💔**************
لايك قبل ماتقرواا
والتعليق بعد تكملوا
******************************************
ريماس_باااابا يااا بابا لحق علي
ع عبد السلام_خيييرك اتعيطي شن فيه
ريماس_ايناس ياابابا داخت
خش بابا وماما وفاروق لقوني دايخه
بابا_جيبي عطر واميه فيسع
فاروق مد العطر  وريماس جابت الميه
بخلي بابا العطر وبديت انفيق
اول ماشبحت بابا انهرت بكي 😭
بابا_خيرك يابنتي شن جاك. .. قولي تكلمي
انا اظبطته وقعدت نبكي وبابا يقرا عليا وكلهم حايرين الا ريماس الي تبكي معاي وماما تسأل فيها وهيا تهز في راسها بمعنى مانعرفش
كانت من اصعب ليالي عمري فعدت ماما وبابا معانا لقريب الفجر لين رقدت في حضن بابا
(مافيش حد حيحبك اكتر من امك وبوك ابدا هدا اصدق وانقى حب هادوا الي مستحيل اتهون عليهم الي مهما درتلهم وقت تحتاجهم مستحيل يردوك )
عند قيس_
نزلوا اصحابه وقعمزوا جنبه
علي_ خلاص سادك  ... الي درته هو الصح لامتا بتعلق البنت معاك ..
نادر_ مرحلة وتفوت ايجيك يوم وتنسى وتحب غيرها
قيس_ انحب غيرها هههههههه اصلا القلب عندها بكري ..وملكاته هيا وبس ..انا الي قاهرني صوتها. وهيا تترجى تقولي نمووت بلاك ماتكسرني ..... كيف بيفوت الوقت وهيا مش معاي
كيف بس ..المشكله اني تو نبي نمشيلها نبي نمسح دموعها وانقوللها والله غصبا عني كان بودي تكوني مرتي لكن حاااولت وفشلت
طبس راسه ويبكي _نبيها يا ناس نبيهاااااا
احمد_غير استهدا بالله ياراجل  ما اديرش في روحك هكي
علي_نوض انخشوا داخل توضأ وصلي وارتاح
قيس_خشوا انتم تو نلحق
احمد_تي نووض
قيس_والله تو نلحقكم خشوا بس
ناضوا كلهم بيخشوا ..
قيس_وين تليفوني
احمد_مش خبطته ع الطريق
قيس_هداك لبيانا المدار محطوطه في الأيفون وينه
علي_اكيد في السيارة...شن تبيه التليفون
قيس_ غير بنكلم امي انقولله بايت في الحوازة
نادر_قصدك مش امروح
قيس_لاا ............ناض جاب تليفونه وخشوا هما للحوازه علي كلم امه ونادر كلم زينب واحمد كلم امه ع اساس كلهم بيباتوا مع قيس _كلم امه وفتح ع التسجيلات وفتح التسجيل الي سجله قبل اسبوع
انا_انحبك.. انحبك .انحبك انحبك انحبك انحبك... انموووت فيك
وقعد يسمع ويعاود فيه ويبكي وشوي وخش لصحابه
علي_انت لاوم تبعد لازم ترجع لألمانيا
احمد_لا شن يبعد يحظر عرسي قبل
نادر_اووووه واخيرا
احمد_ايه كملت الشقة وبديت في الأثاث
علي_علي بركة الله ربي يسهلك
قيس_مبارك ربي يكمل علي خير
ورقدوا كلهم الا قيس ومشي الفجر للأسطبل وركب ع حصانه وقعد يلهد لين جاه نادر
نادر/صباح الخير
قيس_صباح الخير ..نايض بكري
نادر_ايه بنروح عندي عمل ...شكلك مارقدتش
قيس_ النوم جافاني زي ماجافيتها وعيونه دمعوا
نادر_تو تبرد ياقيس تو تبرد نار قلبك
قيس_ الي قاهرني اني كسرتها الي قاهرني اني بكيتها وجرحتها
نادر_احسن لازم تكرهك باش تقدر اتكمل حياتها ...
قيس_ربي يبعد عليها الحزن ويفرحها ويجيها حب ينسيها فيا ...ونزل من علي حصانه ورفعه للإسطبل
روح نادر وخش قيس دوش ورقد ...
.....عندي انا
نضت لقيت ريماس نايضه ومش في الدار
شويه وخشت ماما معاها صفرة فطور
ماما_صباح الخير
انا_صباح الخير
ماما_كيف حالك تو
انا_الحمد لله بخير
ماما_خيرك امس خوفتينا عليك والله بوك قبل حتى للعمل مايبيش يمشي قال نقعد لين نفهم خيرها ...
انا_لا شيء بس ..حلمت بفروووحه ....وعيوني دمعوا... وقعدت نبكي معاش نندري علي شيء لين فيقني بابا واول ماشفته تدكرت الحلمه. و وفاتها وكل شيء بس
ماما_ الله يرحمها كان غير هكي باه سااهلة ..نوضي دوشي وصلي وتعالي افطري
انا_باه .نضت دوشت وطلعت صليت وقعمزت ع صفرة الفطور وماخاطريش نيتي مسدوده نبي نبكي بس ....شربت حليب وقمت السفرة عاركتني ماما وقالت كولي قلتلها ماعندي نية خشيت لداري وسكرتها بالمفتاح .وقعمزت بكيت لين طاب خاطري تفرجت ع صورنا في المانيا وفي بالي معقولة كله كدب معقولة حيتزوج غيري ..لهالدرجة كنت غبيه كيييف بس ...ما انتبهتش ..وكيف خاطب من قبل لايكلمني ...
اتصلت بيه ليبيانا مقفل والمدار مارد بعثلة مسج
(ﺳَﺄَﺭْﻗُﺺُ ﻳَﻮْﻡَ ﺯِﻓَﺎﻓِﻚَ ﺣَﺘّﻰ ﺃَﻧْﺤَﻞْ . .
ﻭَ ﻛُﻠّﻤَﺎ ﺇَﻧْﺘَﻬَﺖْ ﺍﻷُﻏْﻨِﻴَﺔ ﺳَﺄَﻃْﻠُﺐُ ﻣِﻨْﻬُﻢْ ﺃَﻥْ ﻳُﻌِﻴﺪُﻭﻫَﺎ ﻣِﻦَ ﺍﻷَﻭّﻝْ
ﻻَ ﺗَﺴْﺘَﻐْﺮِﺏْ ﺍﻷَﻣْﺮَ ﻛﺜَﻴﺮًﺍ ﺃَﻟَﻢْ ﺗَﺮَﻯ ﻃَﺎﺋِﺮًﺍ ﻳَﺘﺨَﺒّﻂُ ﻋِﻨْﺪَ ﺫَﺑْﺤِﻪِ ، ﻭَ ﺃَﻧﺎ
ﻛَﻔِﻌْﻠَﺘِﻪ ﺳَﺄَﻓْﻌَﻞْ
ﺳَﺄُﺭَﺍﻗِﺺُ ﺍﻟﺤُﺰْﻥَ ﺑِﺎﺑْﺘِﺴَﺎﻣَﺔِ ﺟَﺮْﺡٍ ﻻَ ﻳَﺒْﺮَﺃْ ﻭَ ﻻَ ﻳَﺮْﺣَﻞْ
ﺭَﺍﻗِﺒْﻨِﻲ ﺍﻟﻴَﻮْﻡَ ﻓَﻠﻦْ ﺗَﺮﻯ ﺭَﻗْﺼًﺎ ﺃَﺟْﻤَﻞْ . .
ﺭَﻛِّﺰْ ﻣَﻌِﻲ ﺩَﻋْﻚَ ﻣِﻦْ ﺭَﺍﻗِﺼَﺔٍ ﻻَ ﺗَﻌْﺮِﻑُ ﺍﻟﺘّﻤَﺎﻳُﻞَ ﺇِﻻّ ﺑَﻌْﺪَ ﺃَﻥْ ﺗَﺜْﻤَﻞْ
ﺃَﻧﺎ ﻋَﺸِﻴﻘَﺘُﻚَ ﻋَﺎﺷِﻘَﺘُﻚَ ﺭَﻓِﻴﻘَﺔُ ﺩَﺭْﺑِﻚَ ﺣُﺒُّﻚَ ﺍﻷَﻭَّﻝْ
ﺟِﺌْﺘُﻚَ ﺍﻟﻴَﻮْﻡَ ﻟِﺄَﺯُﻓَﻚَ ﺇِﻟَﻰ ﺣَﻼَﻟِﻚَ ﻭَ ﺑِﺪَﺍﺧِﻠﻲ ﺃَﻟَﻢٌ ﺃَﺣْﻮَﻝْ
ﻻَ ﻳَﻌْﺮِﻑُ ﻃَﺮِﻳﻘًﺎ ﻏَﻴْﺮ ﻗُﻠُﻮﺏ ﺍﻟﻌُﺸّﺎﻕ ﻭَ ﺍﻟﻴَﺘﺎﻣَﻰ ﻭﺍﻟﺜُﻜّﻞْ
ﺩَﻋْﻨِﻲ ﺃَﺭْﻗُﺺُ ﺍﻟﻴَﻮﻡَ ﺣَﺘّﻰ ﺃَﻧْﺤَﻞْ
ﺭُﺑّﻤَﺎ ﻓَﻘَﺪْﺕُ ﺫَﺍﻛِﺮَﺗِﻲ ﻣَﻊَ ﺧِﻠْﺨَﺎﻟِﻲ ﻗَﺒْﻞ ﺃَﻥْ ﺃَﺭْﺣَﻞْ
ﻭَ ﻳَﻜُﻮﻥُ ﻳَﻮﻡ ﺯِﻓﺎَﻓِﻚَ ﻳَﻮﻡ ﻣِﻴﻼَﺩِﻱ ﺍﻟﺠَﺪِﻳﺪ ﺍﻷَﻭّﻝْ
ﻓَﺘَﺒْﺪَﺃُ ﺃَﻧْﺖَ ﺭِﺣْﻠَﺘﻚَ ﻣَﻊَ ﺍﻟﺤَﻼﻝِ ﻭَ ﺍﻟﻄُﻬْﺮِ ﺍﻟﻤُﺒَﺠّﻞْ
ﻭَ ﺃَﻋُﻮﺩُ ﺃَﻧﺎ ﺇِﻟَﻰ ﺑَﻴْﺘِﻲ ﻭَ ﻛَﺄّﻥّ ﺷَﻴْﺌًﻳَا لم يحصل)