#فرقتنا_عادات مكتمله

الحلقه8

#فرقتنا_عادات
#الحلقة_الثامنة
::::::::::::::::::::::::::::::::::☺:::::::::::::::::::::::::::::::::::
انا _صباح الخير
بابا وماما_صباح النور
ريماس_صباح الخييير
كلنا _صباح النور
بابا_امتا اتكملو امتحانات
انا_مزال ليوم الثلاثاء
ريماس_اني ليوم الاربعاء
بابا_شن عندكم اليوم
انا_عندي نحو وااعر هلبا
ريماس_عندنا مكانيكا وحتى انا واعره
ماما_ان شاء الله تجابوا
بابا_بالنجاح ان شاء الله
طلعنا و وصلت للمدرسه
هبه_بنت تقرا معاي ..صباح الخير
انا_صباح النور
هبه_اسمعي انتي فاهتيها قاعده الدو do
انا_ايه
هبه_باه اشرحيهالي ع السريع
انا_تو بعد نطلعوا نشرحهالك
هبه_شن بعد نطلعوا نبيها مرات ايجي منها في الإمتحان
أنا_امتحان شن؟؟
هبه_خيرك دايخه امتحان الإنجليزي اليوم
أنا_لا عندنا نحو
هبه_لا انجليزي
انا_نحو ومتأكده
هبه_بري شوفي الجدول كلهم قروا في الأنجليزي
سيبتها وجري🏃 للجدول ولقيت الماده انجليزي فعلا 😨 خلاص بديت نبكي 😭😭وخشيت للإداره وخبرتهم ورفضوا 😈 وقالوا لازم انخش للإمتحان وبعدين كان وافقت الأبله تعاوده عادي  😑 وانا نعرفها مسمومة😈 ومستحيل اتعاودهولي
طلعت وفتحت تليفوني وصلوني مسجات من أحمد فتتهم رنيت علي كريم
كريم_الو
انا_😭
كريم_خيرك شن فيه
انا_تلخبطت في جدول الإمتحان وقريت نحو وعندنا انجليزي والمدير رفض يعاوده او يأجاله ليا وقال خشي للإمتحان وبعد العطله كلمي الأبله كان رضت تعاوده ليك وانا نعرفها ياكريم مسمومة ومستحيل اتعاوده
گريم_ماتخشيش للإمتحان لين انجيك وانكلم الإدارة
صكرت من كريم وخديت كتاب🔰 من وحده من البنات وقعدت نقرا في القواعد المهمه ونبكي والدنيا مخلطه عندي رن تليفوني رديت بدون مانركز
انا_نتكلم ونبكي 😭 _الو كريم وصلت
أحمد_هلا نوستي 😨انا مش كريم خيرك تبكي 
انا_احمد ااااه 🙀 غلطت في مادة اليوم قريت نحو وعندي انجليزي
أحمد_وعلاش تبكي خلاص كلمي الإدارة تأجله
انا_كلمتهم ورفضوا وقالوا خشي ديري الإمتحان ولو ماجوبتي كلمي ابلة الماده بعد العطله تعاودهولك
أحمد_وباه خلاص انحلت معاش تبكي
انا_شن انحلت 😭 ابلة الإنجليزي مستجيل تعاوده تكرهه الطلبه ومسمومه 👹 مستحييل اتعاوده 😖 بنهبل خلاااص 😭
أحمد_اسسسس 😮 معاش تبكي وخشي للإمتحان وماتطلعيش انهاية الوقت تو انحلها اني
انا_كيف بتحلها
أحمد_مش شورك تو انحلها بس ماتطلعيش لنهاية الوقت فاهمه
انا_باه
أحمد_ومعاااش تبكي 😤 دموعك غاليات هلبا عندي💕
انا_حاضر
........
وبعد شوي وصل كريم ورفضوا وقالوا لا لو كان امتحان نصفي او شهري انعاودوه لكن نهاية الفترة لا
........
خشيت للقاعه نرعش ونبگي  مافهمت شي من الأسئله كانت واعره ودقيقه هلبا ...
.....
عند قيس
قيس_الو علي
علي_وااك معاش تتصل بيا في الصبح بنرقد اني
قيس_نوض يامخمج بسرعه انا قريب نوصلك
وكيف بيتكلم علي قطع الخط
علي_تي شن هالصحبه الحرفه من فجر الله اتصالات وااااك
علي_فدووووووى 😣
فدوى_نعم خيرك تعيط
علي_حددتي الحوايج 👖👕👔
فدوى_غير نوض اغسل وجهك وافطر بعدين أسأل ع الحوايج..
علي_مانبيش نبي الحوايج
فدوى_اوينهم في الدولاب وبرا تزوج مش ملزومه انا بيك طول الوقت وانا انحدد
علي_باااه بااه بري بري دوري من يرفعك ل حناين باهي ويشريلك البلوزه الي تبيها
فدووى_لا بيرفعني اوخي الغالي عليييوه العشيه
علي_اييوه تكلمي كويس
ورن تليفونه
علي_وااك وصل
فدوى_من
علي_قيس اطلعي اطلعي بنبدل
وبعد عشر دقايق طلع
قيس_خيرك عطلت
عاي_الناس نقول صباح الخير
قيس_صباح الخير اركب اركب أحمد يراجي
علي_علاش شن صاير معاك
قيس_تي غير اركب تو نحكيلكم مع بعض و ووصل لأحمد وكان جاهز ويستنى
أحمد_صباح الخير خيرك ع الصبح نايض وتلم فينا تقول باص
قيس_اركبب ..صباح الخير كلمت نادر
أحمد_كلمته ومانعرفش ادا ناض ولا رجع رقد
قيس_تو بنلقوه راقد
علي_باه خيرك تجري بتقتلنا
وصلوا لحوش نادر
أحمد_هيا اطلع احني قدام الباب
نادر_كان راقد وكلامه مش مفهوم _همم من انتم
أحمد_تي قاعد راقد نوووض احني الزوامل ( حشاكم) الي مصاحبينك
نادر_باه اني طالع
وشوي وطلع لابس السروال  والكنتيرا بس .......والتشيرت والشخشير في ايديه والسبيدور دوب لامدخل فيه صوابعه وشاد النضاره والصنه ويجري ...
الشباب_ههههههههه
نادر_اضحك يازامل انت( حشاكم) وياه
أحمد_اركب اركب وانت جايب دولابك معاك
نادر_علي اركب التالي خلي انكمل لبس
نزل علي ومش قادر يفتح عيونه قاعد ناعس
ركب نادر_انا مانقدرش نطلع مهبدل افرض تشوفني بنت وتكون طرف مستحيل ترضى بيا لو طالع بمنظر قيس
قيس_وخيره منظري ياحيوان.
نادر_لا شيء غير من فراشك للسياره طول شكلك
قيس_مش وقت تو اسمع انت وياه ...هييي علي نوووض
علي_معاك معاك ادووي
قيس_البنت الي نكلم فيها
نادر_اختصر وقول لكبيييييده
قيس_كملت تسهويك
نادر_سكتنا
قيس_المهم اليوم عندها امتحان انجليزي وهيا قاريه نحو
احمد_خزييي ان شاء الله جايبنا باش انسمولها
قيس_خرف لا طبعا نبي منكم من عنده معارف في مدرسة_-٪٪٪
أحمد_مدرسه خاصة ولا لا؟
قيس_ايه
أحمد_مره مشيت مع ولد خالي للمدرسه يبي يسجل اخته وطلع صاحبه ليه من زمان يخدم في الإداره
قيس_ميه ميه نبيك تكلم قريبك هدا يكلم صاحبه يطلعنا الأسئله وانحلوها عند اختك ياعلي مش مدرسه انجليزي
علي_ايه باه
قيس_وانخش انا نكتبهالها
نادر_اول شيء من قالك انه الشاب بيوافق وثاني شيء لاش بتخش انت
قيس_لان لما كلمتها البنت تبكي ومش حتقدر تنقل الإجابه لهادا بنخش اني
احمد_اسمع انت روح بدل وحمم ريحتك زي وجهك وتو احني انفدوا الخطه ولما انكملوا انجوك ونرفعوك للكبيده تم هكي
قيس_لا خلوني معاكم
نادر_تي روح ساهلة تو انحلوها
قيس_هاك يا احمد مفتاح السياره وانا تو ناخد تاكسي انروح بيها وماتعطلوش الساعه العشره ونص ايتم الوقت
.........
عند ايناس_كنت منهاره والا نبكي وحاولوا يسكتوني وعطوني اميه واللجنه كانت واعره وانا من الخوف حتى الحاجات الساهلة نسيتها فات نص الوقت بسرعه وانا خلاص أيست نفكر نمد ورقتي ونطلع قررت نستنى للساعه عشره ولو مافيش شيء صار بنسلم ورقتي ونروح
خلاص جت العشره وربع وماقعد في الفصل الا انا وبنت تانيه بس وبديت انلم في اقلامي وطاحت محايتي طبست قمتها وسمعت صوت الأستاد علي
استاد_خلاص يا أبله اطلعي انتي تو نكمل اني اللجنه
الأبله_باهي مشكور
وطلعت الأبله
استاد _خش  بسرعه
وشويه وخش احمد
قعمز جنبي
احمد_زيدي غادي
اناانت شن جابك
احمد_غير هاتي ورقتك وقت
وخدي ورقت الإجابه وبدي ينقل في الإجابه فيها كنت فرحااانه ومصدومه
وشويه ونسيت الإمتحان وقعدت نسرق في نضرات من تحت لتحت ليه كان يهبل اللحيه مرسومه وعيونه الخضر وشكله كان يفترش القلب وزيدها بريحة العطر امتعه عبت الفصل وبعد ربع ساعه
أحمد_مره ثانيه تاكدي من الجدول كل يوم قبل لاتروحي مش هكي اتخوفني وتوقفي قلبي مانتحملش  دموعك اني... وناض بيطلع
انا_ شكرا يا احمد مش عارفه كيف نشكرك
احمد_طبس عليها معاش تزيدي جمال كل يوم بس وعطرك هدا معاش تغيريه بكل ☺😍
سلام تو
انا_سلام 😳
......
عند قيس لما شفتها اول مارفعت راسها كانت الدموع مخلي عيونها حمر وملامحها كأنها بيبي خدو منه لعبته قعمزت جنبها وبعدت لحاشية الكرسي شوي واطيح كان ريحة عطرها حلو وخفيف خداني لعالم فيه انا وهيا  وبس ماتمنيت الوقت يتم ماكنت نبي انوض من احداه😍ا هالبنت ملكتني نقولها وانا متأكد منها بعدها مستحيل تملكني بنت زيه
💓ا ملكت قلبي وتربعت علي عرشه مش عارفه بس كيف بعد سنه حنسيبها 
وصيتها انها ماتغيرش العطر ووطلت
طلعت ولما وشمحت جماعتي جري ولوحت روحي علي علي
علي_تي غادي حول من علي كان تبي حظنها برا اظبطها هيا شن جايني أني
أحمد_مرات كبيدته تشبهلك
نادر_ههههههه والله الا تحبها  اعترف ياغبي
قيس_مانحبهاش مجرد اعجااااب بس
علي_تو انشوفوا  قداش ليكم مع بعض
قيس_تي غيرو الموضوع خلوني مبسووط
نادر_باهي هيا روح بيا ابنمشي  للكليه
احمد_مش تخرجت
نادر_ياغبي بنت عمي روحت وبتمشي اليوم للكليه بنمشي ندحنس عليها بالك تروف بهالقلب
قيس_قداش ليك تحبها
نادر_من ثالثة تانوي
قيس_وامتا ناوي تقوللها
نادر_اليوم غير روحو بيا
قيس_هيا اركبوا هي
وصلهم قيس للحوش ورجع للمدرسة
طلعت الباص وقيس وراهم لين وصلوا لحوش ايناس نزلت هيا وريماس واول ماتحركت الباص بيب قيس لإيناس
انا_حييي هدا شن يدير اهني
ريماس_حيي عليك عرف الحوش
نزل قيس جري و وقف قدام ايناس ومد ورده حمره معاها هدية
انا_حي علي امشيي
أحمد_ياهبله ماتخافيش هدي هديه ليك علي خاطر اجمل يوم في عمري واليوم لازم نتكلموا
انا_باه غير امشي وقعدت ندف فيه
ريماس_هيااااا تو ايجي واحد من خوتك
أحمد_سلاام
انا  _سلام
أحمد تلفت عليا قبل مايركب السياره وكان بيقول حاجه بعدين هز راسه وضحك وركب
انا_كنت من الرعب قريب انطيح
ريماس_هيا خشي
انا_غير افتحي شنطتك خلي انحط فيها هالكيسه
ريماس_وااك تعرفي علي هباله هدا بيقطع رقبتنا
وخشينا للحوش واحني نرعشوا