#فرقتنا_عادات مكتمله

الحلقه13

#فرقتنا_عادات
#الحلقة_الثالثة_عشر
******************************************لايك قبل لاتقروا 👍👍👍👍👍👍👍👍👍
والتعليق بعد تكملوا قراية نبي توقعاتكم للحقة الجاية 💬💬💬💬💬💬💬💬💬💬
******************************************
كملنا عشانا وغسلنا الماعين وخدينا احني البنات دار بروحنا
انا_شن رايكم نلعبوا لعبة الصراحه
ريماس_لا بايخه كل شيء نعرفوه علي بعض
انا_ايه حق كساد لكن
فرح_تو شويه ويرن عليك احمد وياسمين تكلم كريم وانا وريماس نمصوا ليم
كلنا_هههههههههههههههه
وفعلا شويه ورن احمد
احمد_هلا نوستي
انا_هلا احميده
احمد_شن جوك امتا مروحين
انا_تمام ومزال يمكن نهاية الأسبوع
أحمد_اوووف مطولين يعني
انا_هانت خلاص
أحمد_اسمعي راه معاش فيه مشي لسبها خلاص
انا_ههههه مستحيل هادي بلادي راه غير بابا يخدم في طرابلس وكان هدا رانا ساكنين اهني
أحمد_والله ماهو راي استاحشتك هلبا خاطري انشوفك ونملى عيوني بشوفت وجهك آه خاطري انعضك علي غمازاتك
انا_تحشم راه نصكر
أحمد_كان تصكري غدوه تلقيني في سبها
انا_هههههههههه مهبول اديرها
أحمد_ماهبلت الا بعدك عرس اختي خوله بعد اسبوعين
انا_ما شاء الله ربي يكمل علي خير
احمد_كان غير اتجي للعرس نبي انشوفك
انا_حلوه حتى هدي نمشي لعرس اخت حبيبي
احمد_نعم....شن قلتي..اخت من
انا_آه......وفي خاطري ( هبله هبله طيح سعدي)...لا .....مش قصدي
أحمد_كيف مش قصدك
انا_مانبيش انقول صاحبي مش حلوه الكلمة
أحمد_حرام عليك فرحتك نحسابك قاصدتيها
انا_وعلاش فرحت
أحمد_نوستي تعرفي شن خاطري
انا_غيرت الموضوع ولا لا ...عموما شن خاطرك
احمد_خااااطري تو في هاللحظه اتكوني معاي
انا_لاااااا انت اليوم مش طبيعي سلام
احمد_تي خيرك
انا_لانه كلامك بدي يتعدا الخطوط الحمرا
احمد_بلاش تو نكلمك في السياسه ولا الطبخ غير خليك ع الخط ليا اسبوع محروم منك
انا_حارم روحك بروحك
وقعدوا يتكلموا للفجر
.....
عند كريم و ياسمين
خدت الرقم من ريماس
وبعد تردد اتصلت
كريم_الو
ياسمين_الو هلا
كريم_وأخيراااا تنازلتي واتصلتي من بكري وانا نستنى في السياره
ياسمين_اسفه باهي الي تشجعت واتصلت قبل بنرقد وانفوتك
كريم_تفوتي .....تي وقتها انجيك وين انتي وانكلمك قدام الكل تي ليا اسبوع نستنى تعرفي انا قبل علي اساس بنقعد ثلاث ايام بس وبنروح لكن وين شفتك قررت انكمل العطلة اهني
ياسمين_قصدك قاعد علي خاطري
كريم_وشن رايك انتي
ياسمين_مانعرفش
كريم_اسمعي فوتي هالمقدمااات كلها نبي تحكيلي عليك كل شيء شن تحبي في الماكله والألوان والماركات والعطور وشن تكرهي وعندك علاقه قبل ولا لا
ياسمين_احكي انت قبل
كريم_حاااضر انحب العصبان ادمان كل جمعه امي اديره ..وانحب المكرونه ما انحبش الكسكي بكل
الألوان انحب الأسود والأبيض
العطور مش شيء محدد لكن اكتر شي لاكوست وارماني
والعلاقات ....آه
كانت عندي قصة حب مش علاقة بنت جيرانه وحبيتها وقبل مانعترف بحبي 💔 ضربتها سيارة وتوفت قدام عيوني وبس
ياسمين_ الله يرحمها .😟...وحتى انا انحب العصبان ...واكتر وجبه انحبها الكسكسي هههههه ..
امممم
الألوان انحب الأحمر والأبيض والأخضر
العطور_عندي عطر ومانغيرش فيه نفس عطر ايناس اختك جون ريشموند خفيف وصيفي وانحبه
ماعنديش علاقات قبل ولا حبيت الا الفنانين بس هههههه
كريم_ههههههه تمام هدا الأساس تو هدرزلي علي خدمتك قالوا صيدلانيه ما شاء الله
ياسمين_ايه ونخدم في صيدليه ليا انا ومعاي ولد خالي كيف متخرج من الصيدله حتى هو
كريم_يابخته يشوف فيك كل يوم
ياسمين_تعرف لتو مش داخل الموضوع دماغي نحس فيه كله جري في جري لين دماغي استك
كريم_خير البر عاجله وبصراحه مانبيش الحرام نخطبك ع الأقل نرتاح يقولوا لو تبي ولدك في العرب يسما فكر في خاله قبل لاتجيب امه وانتي خوتك ما شاء الله وانتي تبارك الله عليك زين وعقل وشعر طويل وجسم حلوو و
ياسمين_هييي اس ..هدا غير ماتبيش الحرام
كريم_هههههه شن بنديرلك نتخايل فيك قدامي تو باللبسة الي شفتك بيها اول مره طرف اطلع طوول
ياسمين_باهي ياسر سادك هكي
كريم_لا والله مااافيش للصبح اليوم
ياسمين_اما صبح بنرقد غدوه بيجوا باقي العيله كلها
كريم_انخليك تصكري لكن بشرط
ياسمين_وشن هو ان شاء الله
كريم_عندي في السيارة شكلاطه ونبي نعطيهالك تعالي خوديها
ياسمين_لا والله تتكلم جد ولا تبصر شن تحساب ديما عيد
كريم_تي اطلعي بلا جو والله ماتخافي غير نبي نملى عيوني بيك قبل لانرقد
ياسمين_مستحيل نطلع ..بروحي ..ومعاك ..وتو.الساعه.._3:30
كريم_شوفي فرح تطلع معاك تي هيا هو الأسبوع هدا وبنروح اشبح امتا نتلاقوا ثاني نبي نشبع منك مع انه ماينشبعش منك
ياسمين_انشوفها هيا راقده لو فاقت باهي ولو مابتش مش حنطلع
كريم_تمام خليك ع الخط لين تفيقيها
ناضت اتفيق في فرح
فرح_تي اخطني ياسمين بلا براده
ياسمين_نخطى عينك نووووضي نبيك
فرح _فتحت عيونها _شن تبي في جدي اخطيني
ياسمين_كريم قال اطلعلي مانبيش نطلع بروحي
فرح_وااااك قولليه مابتش اتنوض شن بيطلعني في هالصقع
ياسمين_مابتش تسمع فيها
كريم_عطيهالي
فرح_تي شن تبوا مني
كريم_تي هيا فرووحه اطلعي معاها نبي انشوفها قبل نرقد
فرح_برا سلم ولد خوي ارقد
كريم_تعرفي كان اطلعيها تو غدوه نعطيكم السياره انتي والبنات وهيجوا في الحوازه لين تملوا
فرح_كان هكي بااااه 😒
كريم_اصلليه انتي نستنى فيكم ورا الحوش
فرح_هيا اطلعي يامصيبه
لبست ياسمين وشاحها وطلعت هيا وفرح يتسحبوا لين وصلوله
وكان منظره عند ياسمين يقتل لابسه توته وشعره يحرك فيه ااريح وهو ناعس يهبل وكانت القمر بدر والجو حلوو
كريم_هلا
ياسمين هلا
فرح_هيا بسرعه انت وياها بنعطيكم ربع ساعه وبنبعد شويه ونعطيكم ظهري ماتاخدوش راحتكم هلبا
كريم_عارفك فرووحه تفهمي في الجو علميها ه العبيطه
ياسمين_ماعبيط الا انت راه انخش وانخليك
كريم_تخشي عينك تعالي قعمزي اهني
وقعمزوا ع الأرض مقابلين بعض
كريم_انتي هكي ديمه
ياسمين_كييف هكي
كريم_تاخدي عقل اي حد يشوفك
ياسمين_ابتسمت وا واطت راسها
كريم رفع راسها بإيده وياسمين نحت يده
كريم_ حلوه الغميزه الي في دقنك من تحت
ياسمين_ مانحبهاش مش حلوه
كريم_بالعكس تهبل بالدات بعد تضحكي
ياسمين _شكرا كلك دوق
كريم_يعني مش عاجبك شكلي مثلا من بكري وانا نتغزل فيك وانتي ماجاملتينش بكل وقلتي حتى انت حلو هو صح الزين مش للتريس لكن حلو لما حبيبتك تتغزل في شكلك
ياسمين_حبيبتك...
كريم_حبيبتي ونص وقريبا خطيبتي وشهرين ولا ثلاثه واتكوني حلالي ومرتي
ياسمين_ان شاء الله . ماتزعلش حتى انت حلو وبدات عيونك وشعرك
كريم_اووه هكي كويس تعرفي
فرح_تعرفوا انه وقت خلاص
كريم_باه هاك الشكلاطه
ياسمين_شكرا..تصبح علي خير
كريم_وانتي من اهلي
........
ثاني يوم جو عمامي وعماتي حتى فاديه اخت عميمه فرح وكانت حامل تتوحم
واخر من وصل عمتي نصرة وبناتها الي قلتكم انهم طروف لكن جت ود وهديل بس
وشاف صهيب هديل طاح فيه بوجهه هو من قبل امتع بنات يابال هديل تهبل وجوها حلو تقرا في الثانوي
جي صهيب يدحنس عليه
هديل_صهيب انت ولا
صهيب_ايه 😍
هديل_مالخير اخطاااني نعرفك امتع بنات وانا اصلا ماعنديش ع الجو السامط هدا اخطاااني
صهيب_غير خيرك معصبه انا ماننكرش اني امتع بنات لكن انتوب علي خاطرك
هديل_دمك ولا زيت كراهب هدا بالله فوتني وانت زي سحانين طرابلس يوم انقرر انشوف للتريس حيكون رااااااجل يستاهل مش سحنون زيك
صهيب_ 😬احترمي نفسك خير لك
هديل_بالله تخطاني برا برا
وخشت وخلاته مصدوم نسيت انقوللكم ان هديل اعصاب ماتتحملش بكل وتكره الولاد الي يلعبو ع البنات لأنه عندها صاحبتها حبت واحد وخدي صورها وبعتهم لخوتها وقتلوها من سنه فاتت ...
لهادا تكره الشباب..
......
وفات اسبوع وكريم وياسمين منسجمين وكل ماتواتي فرصه يتلاقوا
وخطب ياسمين قبل مانروحوا زي ماوعدها
وصهيب بيهبل من كلام هديل ......وماطلعت من باله بكل لدرجة معاش يرد ع البنات الي يتصلوا بيه بكل
وانا احمد بيهبلني يبني انروح ....
وفرح معاش كلمها مصعب بكل..وتحسابه فاتها لان حتى الصور جي راجل اخت مصعب خداهم
........
وروحنا وبدينا انوتوا للمدرسه
ونمشوا لهند اخت أيمن نعاونوا فيه وأكثر شيء تمشي ريماس لأنها انسجمت أكتر مع هند وشافها أيمن أكتر من مره وعجباته كشكل وامه واخته يشكروا في اسلوبها وعقلها
لكن قاعد مانساش خلود ولتو يتلخبط بيني انا وياها وهدا سبب ثاني خففت المشي علي خاطره
وروحت خلود وبدت مع خوله يجهزوا لفرح خوله
وجي يوم الزفه وطلعت خوله آيه من الجمال وكان فيلوها كله ساده ومن فوق واصل لرقبه ومن تالي ظهره كله عريان ومنفوخ من غير ديل وتاجها كان من اللولي
ومكياجها سموكي وردي وسماوي محدد بالأكحل ورسمة اي لاينر قويه واوضحه وروجها كاتفه و وردي
وكانت الحفلة رووعه وحتى خلود طلع حلوه بقفطان اكحل في الاحمر قصير من قدام وطويل من تالي منفوخ وفيه لمعه ع الدهبي
ومع نهايتة الحفله
خش معتصم  وكان طالع حلو ولأول مره خوله اتشوفه من غير لبس الخدمه واللحية الكثيفه كان مخفف الليحه وبدلته ازرق كحلي مع سورية بيضه وقرواطه رصاصيه فيها لمعة فضيه وساعه فضية من مايكل كور
خولة قعدت امتنحه فيه واتقول مستحييل يكون هدا معتصم..
وصل معتصم ورفع الطرحه وهيا مانحتش عيونه من عليه
معتصم_مبروك ☺
خوله_ايبارك فيك والله ماعرفتك
معتصم_باس راسه ..وقال وانتي من امتا تعرفني
خوله _هالكلام نرفزها لكن ابتسمت وقاتله_تو نتعرفوا عادي
معتصم_تأخرتي هلبا
وكملوا مجاملات لبعض قدام الناس وطلعوا .....
عند هند كانت حفلتها حلوه وطلعت حلوه مع مكياج عيون ترابي ورسمة عين قوييه وروج أحمر ..والفيلو كان التوب كله مطروز باللولي والباقي منفوخ وساده مافيه شيء من تحت لبست معاه تاج بسيط وخراص لولي طوال
وريماس_لبست شرط فظي مع بلوزه بسيور عراض كحله منقوش عليها قلب مرصع بفصوص فضيات وكندره كحلة كعب عالي
وانا لبست زيها بس ع الدهبي مع صندلي اكحل
وهيا خلت شعرها مفتوح واستريت
وانا كالعاده شعري خليته كيرلي وجت هند ودخلها أيمن وقعدوا يصورا وريماس مشت لدار العروس هند تبي تليفونها ونحت العبايه لانه لبسناها لما أيمن خش وبدت تعدل في شعرها ولبستها
وشوي وايخش عليها أيمن
أيمن قعد واقف ومتنح فيها
وهيا مصدومه...وشويه وخدت عبايتها و وشاحها ولبستهم بسرعه
أيمن_ما شااااااء الله شعرك هدا طبيعي ؟؟؟
ريماس_آه
أيمن_اسف مش بقصدي انخش عليك غير نسيت موبايلي اهني..لكن بجد السؤال شعرك طبيعي ولا  لا؟؟
ريماس_ ياريت تطلع
أيمن_غير جاوبي تو خلاص شفته ..
ريماس_طبيعي ..تو اطلع يشوفك حد يطلعوا علي كلام مافيش منه
أيمن_ماشاء الله عليك انتي ريماس صح؟؟
ريماس_ايه اطللع
أيمن_باهي غير ارقي روحك قبل لا تطلعي بالدات شعرك
ريماس_ لما خش عليها ايمن ..قلبها شبه وقف لكن لما قاللها ارقي روحك ..كان احساسها يهبل طول رنت عليا وقاتلي تعالي في دار العروسة
أيمن_لما شاف ريماس بالبسة وشعرها الطويل ومكياجها الخفيف الي مبين  جمالها من غير تكلف نسي العالم كله ريماس من هاللحظه خدت مكان في قلب أيمن....
جيت انا
انا_خيرك شن فيه
ريماس_ايمن كان اهني
انا_وين اهني...في الدار 😨😨
ريماس_اييه وشافني من غير عبايه ولا وشاح
انا_شنوووووووووو هبلتي انتي
ريماس_تو نحكيلك غير قعمزي
وحكتلي كل شيء
انا_ربي يسهل ويسسستر  نوضي البنت تبي موبايلها
......عند خوله ومعتصم في الحوش
معتصم_لما شفتها بالأبيض نسيت كل شيء كانت تهبل والأبيض امطلعها ملااااك
كنت لو نقدر نمسح كلامها وتصرفاتها الخمس سنين الي فاتوا كنت مسحتهم في هديكا اللحظه روحنا للحوش ومش طايقني صبر نبي نحطها قدامي ونملى عيوني بجمالها
وصلنا للحوش
معتصم_تفضلي
خوله_زاد فضلك
خشت
معتصم_هاتي انساعدك انحي الكاب
خوله_يااريت
نحى الكاب ورفع الطرحه
معتصم ماقدرش يبعد وهيا كانت متنحه فيه
كان عطره حلو اسمه بلاك افانغوا عطر غاللي هلبا وريحته خيال وشكله حلوو عمرها مانتبهتله حط يده علي خصره واالايد الثانية علي وجهها
معتصم_علااش بس تكرهني لهالدرجه 
خوله_كنت نكرهه طريقة ارتباطنا طريقة خطبنا
معتصم_انت بروحك قلتي تكرهني وشد علي خصرها بقوووه_لكن اندمك علي هالكلمه
خوله_دفاته_حووول هدا  كلام يقوله عريس لعروسه ليلة دخلتهم
معتصم_ماشفتي شيء غرورك هدا وحط صبعه علي راسها وعنادك وتسكير راسك ننهيه تو اتشوفي وتو خشي حطي العشي جهزي روحك البسي روبك ياااااعروووووس
خولة_تحلم انك تمسني
معتصم_ههههههههههههههههههههه وفنص فيها غصبااااا عنك اسمعي الكلام خير مانبدا تو انوريك الحلم كيف شكله ....انتلفيييي
خوله_خشت للدار وحاولت تصكر الدار مالقتش مفتاح خشت للحمام نفس الشيء
طاحت بفيلوها ع السرير وتبكي
شويه وتسمع صوته يعيط بصوت عالييي
معتصم _هيييااا ويييينك
نطت خشت للحمام نحت الفيلوا وفكت شعرهاوهي تبكي خشت تحت الدوووش وقعمزت تبكي تحت الميه وشويه وطق الباب
معتصم_بتطلعي ولا انخش
خولة _خافت_هيا شويه وطالعه
معتصم_خمس دقايق لو ماطلعتي ودرتي الي قتلك عليه انفد كلامي
وطلع من الدار
طلعت ولبسة بجامه كحله
وطلعت للمطبخ
وشافها معتصم
معتصم_بالرغم من انها لابسة أكحل لكن كان عاكس علي لون بشرتها الأبيض وشعرها الأشقر كانت حلوووه حلوه هلبا مش شوي سألت روحي بنقدر اندير الي في دماغي ولا نضعف لكن تفكرت لما نبي بس رضاها وهي تتكبر وتنفخ
قررت انكمل
خولة_حطت العشي ع الطاولة _اوينه العشي جاهز ع الطاولة وجت بتخش شدها من يدها_ياحلوووه انا لما نبدا موجود انتي قدامي ولما ناكل تاكلي معاي انا مش كلب ناكل بروحي
خولة_عيونها دمعوا_ايدي توجع هلبا
معتصم_دفها فوتي قدامي
خشوا تعشوا مع بعض و خولة كانت تساير بس
معتصم_حطي الماعين في الغساله والحقني في الدار
خش معتصم وبدل لبس شرط مريح بيج مع تيشرت اكحل
و ولع الدخان وخشت خوله ترعش
لكن منظره وهو متكي علي السرير
وعطره معبي الدار مع الدخان حاجه تقتل تهبل
معتصم _خشي توضي خلي انصلوا وانكملوا بسرعه
خولة تحشمت وفي نفس الوقت خافت منه ..
لكن فاتت الليله علي خير
معتصم_هييي انتي
خوله_بسم الله ناضت مخلوعه _شن فيه
معتصم_نوضي حطي الفطور شن راقده لتو انا مايمشيش عندي هدا نوضي بكري مره ثانية الساعة 8:00 يكون اافطور جاهز
خوله _بصوت عالي_شن  هدا خلعتني ع الصبح
معتصم_فنص فيها واااطي صوتك وااااطيه فاااهمه
خولة_ناضت شبحت الساعه لقتها_10:00
_ مصح وجهه امنوضني تو وهو ماخلاني نرقد لبعد الفجر
خشت دوشت وبدلت لبست قفطان نوم قصير ازرق وعليه ديشمبر وردي في الأزرق
وحطت الفطور وفطر معتصم
معتصم_وتي روحك الغدي عند امي راه
جهزت روحها ولبست بدله لونها وردي وأبيض حلوه ونازكه وقونتها قصييره هلبا
خش معتصم _وقعد متنح واطى راسه و ايمسد علي رقبته ويشبح فيها من تحت لتحت شاد روحه بالسيييف خلاص معاش قدر يقاوم صكر الباب
وووو مش ضروري تعرفوا
رجعت خولة جهزت نفسها من اول وجديد ودوش معتصم ومشوا لحوش اهله وكان عيلتهم موجوده خالته وبناته وكانت فيه وحده من بنات خالته اسمها ريهام تدحنس علي معتصم وهو باش يحرق دم خوله يضحك معاه ومنسجم
وخوله _تحرررق بتنفجر وشويه وجت جنب معتصم
خولة_عصوووومي تعال نبيك وشدت يدها وكراته وراها
معتصم_عرف روحه ظرب الهدف بالزبط
وخشوا لدار فاااضيه
معتصم_شن تبي
خولة_ انت متزوجني انا فتحترم هالشيء ماتجيش تتلصق ع بنات خالتك ولا غيرهم مدامني علي دمتك
معتصم_حررر اني مادخلكش انا يحلي ناخد اررررررربعه يا مدام وطلع وخلاها
وشويه وكلمهاوروحوا.......
.......
وفات شهر ثاني.....
.
فرح_الووو
انا_هلا شن الجو
فرح_تماام ميه ميه
انا_شكلك فرحانه شن فيه
فرح_بنطير بالفرحه قولي من كان عندنا
انا_من
فرح_ام مصعب وخواته جايين يخطبوا فيا لمصعب
انا _لا الللف مبروك فروووحه
فرح_يبارك فيك امس كلمني وقالي امي بتجيك وماقالش بتخطب ولا شيء
انا_هو يكلم فيك؟؟
فرح_لا من يومها معاش اتصل الا أمس كان في الجبهه مش فاضي
انا_تمام وشن قالت امك
فرح_نسألو وانشوفوا خوتها وراي البنت يعني زي الرد المعتاد
انا_تمااام فرحانتلك هلباااا
فرح_الفال ليك انتي واحمد
انا_مش باين يافرح لتو ملخبطني تصرفاته وااضحه انه يحبني لكن ولا مره قالها
فرح_غرييب هالولد مرات نخاف منه
انا_اووووف شن انقول اني
....
وانخطبت فرح لمصعب وكانت احلى فترة اتفوت علينا وخطب أيمن ريماس اختي مبسوطه
......
وانا واحمد زي مانحنا مش امخلني طول اليوم معاي يإما مسجات او  اتصالات وصهيب قاعد ورا هديل وهيا ولا معبراته
والقاسم خو قيس خش في علاقة مع بنت تخدم معاه في الإداعه
وكريم خوي تزوج ياسمين وكانت احلى فترة
.........
وفاتت السنه ودرنا امتحنات  الشهاده ونجحنا وكنت فرحانه واحمد هدالي في نجاحي سلسلة دهب وكدبت علي اهلي وقلت من فرح .....
وصكرنا سنة انا واحمد بديت نعشقه مش انحبه مافوتش ولا مناسبه الا بهدية احلى من يلي قبلها.....
وجي اسبوع احمد كان مش علي بعضه
علي_خيرك مش عاجبني
نادر_صكر سنه هو ولكبيده وتيلي الساعه بالله
احمد_شكله طاح خلاص اعترف تمتلك
قيس_مانحبهاااااااااش خيييركم اصلا خلاص ببنفصلوا
علي_وعلاش اتعيط علينا احني
نادر_هدا يقنع في روحه بحاجة مستحيييله
تي انت تحبها علاش تعاند
قيس _اس ليا اسبوع نفكر بطريقة ننفصل بيها عليها ولقيتها
احمد_شن هيا ياعبقري
قيس_بنسافروا لتونس
#يتبع
#najah_alhaj