#فرقتنا_عادات مكتمله

الحلقه6

#فرقتنا_عادات
#الحلقة_السادسة
"""""""""""""""""""""""""""""""""""""""""""""""""""""""
لاااااايك قبل ماتقروا
والتعليق بعد ماتكلموا
اليوم بتبكوا 😭
الله غالب لازم انكد عليكم
""""""""""""""""""""""""""""""""""""""""""""""""""""""""
وصلت للمدرسة درت الإمتحان مش عارفه كيف جاوبت بعد خلعت الصبح
تموا الحصص وروحت وانا طالعة شوفت سيارته امدرسه قدام المدرسة واول ماطلعت شغل السيارة وفات وراي ولما وصلنا لراس الشارع اجتازني ونزل
أحمد_اسف لو خلعتك اليوم لكن والله مش بإيدي جنييييت لما لقيتك انتظار ....وعموما معاش بنضايقك بنجي انشوفك من بعيد بس ويااااريت اتردي علي الواتساب ما اتعبينيش أكتر ما أني تعبان
انا_شن تبي مني بس انا الجو هدا منحبااااش يا أخي اخطاااااااني بس
أحمد_انحااول لاكن مانوعدكش ....لكن انتي خيرك كل يوم احلى من الي قبله .ً....وغمازاتك حلواااات معاااش تضحكي الا ليا أني
انا_اول ما بدي يتغزل واطيت راسي ولماقال غمازاتك  فتته  خفت علي فرحت علي تحشمت وقلبي يدق بقوه
احمد_ تلفتلي ....تحشمتي ...ياحليلي اني بس شن درتي فيا
انا _لفيت عليه ورفعت كتافي وميلت راسي _انا ماااادخلي ما جيت يلاك..ولفيت وشبه جري للحوش
احمد_قعد واقف يضحك ويمشي في ايديه علي شعره_جننتيني وعاودها بصوت عااااالي جنننننننتيييينييييي 💓
انا_نسمع فيه _والله مجنوون ههههههههه
.......
روحت للحوش وكانت ماما  وريماس شبه امكمليين وجاب كريم غدي واتي تغدينا وانتقلنا للحوش الجديد 
كان حوش ارضي كبير وماشاء الله بني جديد وكل شيء حلو فيه
جنان داير بالحوش كله وفيه باب خلفي وباب كبير قراج وباب صغير وجنانه نصه مزلز ونصه معشب و من داخل اتخشي ع وممر وع اليمين ايجيك وسط الحوش وع اليسار ممر ثاني فيه مربوعه ودار لكريم وهيثم
ولما اتخشي لوسط الحوش عاليمين المطبخ يفتح علي وسط الحوش وعلي اليسار دار نوم بابا وماما وجنبها حمام وبعد الحمام فيه ممر في نهايته مربع يفتحوا فيه دارين وحده ليا انا وريماس والثانية لفاروق وصهيب
ومبني ع الدور الثاني غير مش كامل ناوين انديروه دار استقبال صغيره ودار ضيوف  وحمام وصاااله كبيره تقعد للمناسبات الكبيره
وهدا حوشنا الجديد بابا من زمااااان وهو يدور في حوش لينا لانه حوشنا الأول صغيير وتو بعناه وزدنا عليه وشرينا هدا🏠
المهم انتقلنا وكان يوم تعبه رهييييب وماكملنا واول ليله بتناها فيه كانت ليلة الخميس وطبعا فات الجمعه والسبت وحتى الأحد واحني انستفوا في الحوش وغبت يوم الأحد ع المدرسه ولأنه حوشنا الجديد بعيييد ع المدرسة يوم الإثنين مشينا في باص المدرسة 🚃
عند قيس
مشيت يوم الأحد ورااااجيت للساعه عشره وما شفتها مشيت للجامعه ورجعت ف المرواح وما شفتها والأيام الي فاتت تليفونها مقفل ماحصلتهاش بكل خلاااص بنهبل وييينها مختفيه جي يوم الإثنين وماشفتها خلااص وصلت حدي مشيت درست قدام حوشهم قلت لو صاير عندهم شيء تو انشوف زحمه عندهم في الحوش
لقيت الحوش امصكر وماقدامه ولا سياره قعدت لبعد الظهر والحوش مسكر روحت وانا علي نار اتصلت بيها رن تليفونه فرحت لكن فرحه ماتمت ماردتش بعت مسجات مهناش رد بكلللل
عند ايناس_ من يوم الإثنين وبدت الزحمه عندنا معارفنا اقارب ماما وبابا الي في طرابلس  ولنهاية الإسبوع علي هالوضع
شفت مسجات من احمد كلها ردي وينك
شن صاير معاك  كنت نبي انجربه لحد امتا بيصبر بنختبر هل هو جاد ولا لا وطبعا باش اتقولوا كيف ماشافكش في الباص
الباص اتخش لسور المدرسة وترفعنا من سور المدرسه يعني ماشافنيش
لحد يوم الجمعه في الليل
عند قيس_
كان اطول اسبوع فات عليا ما شفتهاش بكل حاولت نوصلها اتصلت بيها راسلتها وماتردش بكل خلاااص استاحشتها طبعا لما كنت انراسل فيها مانبينش شوقي ليها لكن خلاااااص استاحشتها مش قادر
بعتلها
( كيف حالك وينك ياظالمه معقوله أسبوع وعشر ساعه وخمسين دقيقه مش شايفك ولا سامع صوتك ولا عندي أي معلومه عليك شن درتي فيا يابنت استااااحشتك طمنيني ولو بمسج اتصلي حتى كان بتعاركي المهم نسمع صوتك وصل بيا الهبال لدرجة قعدت يوم كامل قدام حوشكم ونزلت وطقيت لين ايدي وجعوني ردي عليا عارفك تقري في مسجاتي وتتغلي رووفي بحال هالهبل الي معلق فيك)
انا_لما وصلني المسج حسيته كلام من القلب وخش لقلبي طول رفعت التلفيون ورنيتله كانت الساعه 12:30 في الليل
انا_ألووووو
أحمد_هلا هلا بالظالمه
انا_علاااش ظالمه
أحمد_حارمتيني منك طول هالأيام خليتيني زي المجنون نلف بسيارتي ونضرب في ايدي ع الستيرسوا ونعيط وييييينك ويييينك
أنا_كنت مشغوله
أحمد_فاش مشغوله وحتى المدرسة قطعتيها وماعش تمشي
أنا_لا قاعدين نمشوا
أحمد_وينك ماشفتكش بكل
أنا_بدينا نمشوا في الباص
أحمد_حوشكم مصكر ومحد يطلع ولا يخش ليه
انا_حولنا لحوش جديد يوم الخميس الي فات
أحمد_وانا انقول وين اختفوا فجأه مبارك عليكم الحوش وين مكانه
انا_مجنووونه انا انقولك مكانه باش ادير هبالك الأول
أحمد_هههههههههههههههه والله كنت عاقل انتي هبلتيني
انا_شن دخلي فيك انا
أحمد_انتي أااااه منك وخلاص
أنا_باه تو اطمنت ارتحت خليني نرقد غدوه بيجونا عمامي
أحمد_اوووووه ربي يونسكم ببعض خطرها يومها قلتي انا عمتك صاحبتك وصغيره
لما فكرت فيه بوك ماشاء الله كبير في العمر وخوتك كدالك كيف عندك عمه صغيره
انا_ماهو جدي متزوج اربعه
أحمد_مااااااااشااااااااء الللله 😮😶 تبارك الله قداش عندك عم وعمه
انا_يبارك في حسناتك عندي عشر عمام من غير بوي و سبع عمات و فرح أصغر وحده
أحمد_تبااارك الله عيلتكم بس قبيلة
انا_ايه ماشاء الله وفيه الي امكنن من عمامي عمامي الكبار ولادهم وبناتهم كلهم متزوجين وعندي عمي الكبير بكل حتى ولاده مزوجين ولادهم
أحمد_ربي يحفظكم لبعض عيله كبيره تبيلي مدكره باش انسجل كل عم وعمه وصغارهم واحفادهم باش نعرفهم
انا_وشن تبي فيهم
أحمد_كيف لازم نعرف كل عمامك ونعرف ولاد عمامك وعماتك الي في عمر الزواج واحتمال يحطوا عينهم عليك لازم نعرف منافسيني
انا_هههههههههههه شن هالتفكير
أحمد_يابنت معاش تضحكي أنا صوتك بس يدوخني ولما تضحكي انخش عالم ثاني فمعاش تضحكي
انا_باهي نسألك سؤال ...
أحمد_أسئلي إلي تبيه
انا_شن تبي مني
أحمد_شن قصدك
أنا_يعني من الأخير لو تبي علاقه وجو صاحبتي وصاحبي والله هالجو مايمشي معاي بكل ولو تبي صديقه فشوف بنت ثانية لأني مانؤمنش بالصداقه بين الشاب والبنت ولو عاجباتك وموضوعك جدي تفظل للحوش من بابه
أحمد_ ولو قتلك إني كل إلي نبيه حاليا هو اني نسمع صوتك كل يوم وانشوفك كل صبح ومش عارف علاش شن يكون ردك
انا_معناها تبي علاقة؟؟
أحمد_بالزبط
انا_مااااااانقدرش انخاااف وسمعة اهلي كله الموضوع نخاف منه انا
أحمد_ماتخافيش والله مانضرك ولا نخرب سمعتك ولا فيه حد حيسمع مني حاجه علي الي بينا بس عطيني فرصه
انا_فرصة لشنو؟؟؟
أحمدنتعرفوا ونجربوا عجبنا الوضع وتفاهمنا انكملوا ماعجبناش كل حد يمش فحاله .
انا_اوووف باه لكن بشروطي انا
احمد_حااضر وموافق علي كل شروطك
انا_اول شيء معاش توقف قدام المدرسه هكي بتجيبلي الكلام ولا تجي لحوشنا
وثاني شيء معظم تواصلنا حيكون بالرسائل ع الواتساب والمكالمات ماكلمتين في الإسبوع مكالمه يوم الجمعه في الليل والثانية يوم الأثنين
ثالث شيء جو تتحكم فيا وين ماشيه وخودي شوري وماتطلعيش  لااا ولبسي ماليك علاقة بيه
أحمد_حاااضر ادللي لكن المكالمات حنتصل كل ليله ومش حنطول عشر دقايق ربع ساعه بالكثير مااانقدرش نصبر
انا_بااه اوكي وتو تصبح علي خير
أحمد_وانتي من اهل الخير نوستي
انا_شنن شن شنو قلت
أحمد_انوستي ونوستي انوسه هادوا الأسماء الي بناديك بيهم لما نبدا رااايق وراضي عليك ولما نزعل منك او نعصب حتسمعي اينااااااس بصوت عالي هههههههه
أنا_ ههههههه يصير خير بنرقد تو
أحمد_انتي من بكري بنرقد وبنرقد نعستيني معاك
أنا_تي غدوه عمامي شبه كلهم جايين وبنوض بكري باش انوتوا الغدي والسلايط والفواكه تي يوم حااافل غدوه وانت ناوي تسهرني
أحمد_انجي انعاونك عطيني بس عنوان حوشكم الجديد
أنا_ههههههههههههه وحق ربي مهبول
أحمد_منك انتي انا كنت شاب طيب وفي حالي لين خبطي انتي فيا وعموما مش حنسهرك مايهونش علي تعبك أهم شيء غدوه تتحجبي قدام ولاد عمامك وعماتك وماتحطيش اي لبز علي وجهك وكان فيها كيف تلبسي خمار ألبسي
أنا_هههههههههههههههه مادخلكش بنطلق شعري وبنحط مكياج خفيف زي اللبنانيات وبنلبس سروال اتش دي مع بلوزه قصيره
أحمد_راه خيرلك يابنت تي انتي تحكي تخايلتك هبلت يابال اديرها حق فكينا من الجو واستري روحك
أنا_تي بنرررررقد خلاااص
أحمد_باهي باهي تصبح علي الخير
انا_وانت من اهله
............
ثاني يوم كان يوم حافل عندنا وجو عمامي كلهم وعماتي واولادهم وبناتهم العزابه بس المتزوجين بيجو يوم ثاني
ماشاء الله درنا قريب عشر قعاد
طبعا حنعرفوكم بعمامي وعماتي الي عندهم شباب وبنات عزابه
عمي سالم عنده ياسمين 93 صيدلانيه متخرجه العام يلي فات بنت هبله وجوها حلووو وحلوه هلبا
عندها خو واحد عمر مواليد 90 يخدم في التمر  وبحوشه وخمس بنات البنات كلهم متزوجات قعدت هيا وخوها بس
عمي عبد الحكيم عنده ست ولاد ولا واحد متزوج ومعنداش بنات
ولاده
حسن _مواليد 88. واحمد_مواليد_91 . ابوبكر مواليد_ 93. هانيبال_مواليد 95  يوسف_مواليد_97. اسامه_مواليد 99
وبالمجل يعتبروا سمحين ههههه لكن جوهم يهبل الا حسن ماااانحبه مع انه واااضح معجب بيا ويبيني لكن انا مانحباش
عمتي_ ناديه عندها مااااشاااء الله هلبا ....ثمانيه ولاد وسبع بنات متزوجات البنات كلهم واولاد ماقعد الا أحمد مواليد _91.  ومعظم مواليد السنه هاديكا اسمهم أحمد علي اسم عم بوي توفى في حادث ومحمد مواليد_94
عمتي نجاة
عندها ثلاث بنات وكلهم دمهم رصااااص ثقيل وكل وحده حاطه عينها علي واحد من شباب العيله
سهى مواليد_93 وتموت في التراب االي يمشي عليه حسن وهو ولا معبرها
سهير_مواليد 95 واتحب أحمد ولد عمتي ناديه ويحبها
سلمى_موليد 97_ واتحب عمر وهو معجب بيها ولتو ماحد عنده علم بمشاعر الثاني
عمتي نصره عندها ماااشاء اللله ست بنات وكلهم بنات طرووووف ويهبلوا وجوهم حلو وشباب العيله بيتكالبوا عليهم
ود مواليد 90
غيداء_مواليد 92
ريان موليد 95
رنده وريناد توؤم مواليد 97
هيام مواليد 2000