#فرقتنا_عادات مكتمله

الحلقه30

#فرقتنا_عادات
#الحلقة_الثلاثون
::::::::::::::::::::::::::::::: 💕💕:::::::::::::::::::::::::::::::
لاايك قبل ماتقروا
وتعليقاتكم وتوقعاتكم للحلقات الجاية بعد تكملو القراية
:::::::::::::::::::::::::::::::💔💔::::::::::::::::::::::::::::::::
خلود_كانت تحوس في المطبخ وفجأة
_حيييي كم ليها متأخره...قعمزت تحسب ...ليها شهرين ..حييي
وجري لبست عبايتها وطلعت ع رجليها لأقرب صيديلة وشرت تست للحمل ورجعت للحوش وطول للحمام ( حشاكم) وطلعت شادة التست تستنى في
خلود_اوووف مطولهم هالعشر دقايق _وشوي وطلع الخط الأحمر الثاني .....لااااا مش مصدقه ...الحمد لله ...وبدت تبكي الحمد لله...وقامت تليفونها بتتصل بعلاء وحطت ع الرقم..وبعدها انهارت بالبكي_علااااش بس المفروض انكون فرحانه ياما استنيت وتخيلت هاللحظه و تو مش قااادره انقولك... ياما خططت لهالحظه ... لكن سبحان الله ..مش قادره نتصل ونبشرك مش قاادره ننسى لاكلامك ولا خيبت ظني فيك . .. علاش بس ..معقولة نطلع حامل في الوقت ..لمن بنقولها تو من بيفرح ام علاء الي تبيني نطلق ولا علاء الي شاك فيا لمن بنقولها...قعمزت بكت لين دهشت وقامت التليفون
خلود_الوو
خولة_هلاا وينك مغطسه ليك قريب تلات اسابيع حتى لحوش اعيالي معاش جيتي
خلود_تبكي ...خووو وو  لة
خولة_خييييرك تبكي شن صاير معاك
خلود___انا حا.....م...ل
خولة_بجد الف الف مبروووك حبيبتي لوووووولوووولي
خلود_ايبارك فيك انتي اول وحده تعرف
خولة_ قصدك قبل حتى علاء ولا دايره مفاجأة
خلود_اسكتي بالله بنموووت
خولة_علاااش العفو شن صاير
خلود_ياما صار يومها مشيت لحوش شيابني جاي عمهم وعياله كانوا مسافرين سلمت عليهم ومن لما خشيت عندها بنت ماتريحتلهاش بكل سلمت بروس صوااابعها و شبحاتها تخوف وفتحت موضوع ايمن وقلبت القصة وانا من الصدمه معاش عرفت شن انقول كلااامها في جرت بعضه وعمتي تفنص فيا ونادوا علاء كنت واثقه مستحيل يصدقها لكن صدقها وروح بيا شكك فيا وفي تربيتي وقال...خنقتها العبرة ..لمي دبشك وروحي..قريب متت ياخولة..خشيت لميته وجيت بنطلع قلت لاااازم نثبت انه كلامها غلط وانها اتبلت عليا خديت المصفح وحلفت عليه ...وطلعت ركبت ف السيارة جي نزلني وسكر علي الحوش ومن يومها معاش نتكلموا سبحان الله اول ماعرفت قمت التليفون وجيت بنرن عليه تفكرت كيف لزني يومها وكيف صدقهم وكدبني تراجعت علي الأتصال وتو بنموت لاني مش قادره انبشره بأكتر خبر يستنى فيه اكتر خبر حيفرحه ..مقهورة منه هلبااا بعد ارتحت ولقيت الأمان والحب لقيت كل شيء فيه بلمح البصر ضااع تو كل يوم انقول تو بيجي يروح بيا او يطلقني
خولة_معقولة يصير هدا كله وماتحكيلي كيف هكي يصدق هو وبعدين علاش عزوزك تقول طلقها شن من ابسط شيء وبعدين قصة قديمه وقبل ماتتزوجي شن هدا ..شورهم مسبلين...اسمعي وخيتي بري تو ديري غدي حلوو وفي الليل البسي وتأنقي وديري جوك وخبريه حبيبتي هدا الخبر حيردكم زي قبل هادي فرصه
خلود_ لا يااخولة لو بنرجعوا بس ع خاطر البيبي مانبيشي مش حنقوله عليه عمدي شيء في بالي وبنديره
خولة_شن هو!؟؟
خلود_تو نحكيلك بعدين وتو سلام
خولة_سلاام ومبروط مره ثانيه
خلود_يبارك فيك
جهزت الغدي دوشت ولبست بجامه عاديه كحله حراريه وبخرت الحوش شوي وخش علاء
خلود طبعا مابينا لاسلام ولا كلام
خس هو يدوش طلعت وتيت طاولة الأكل شويه وجي يتغدى تغدينا وغسلت المطبخ طلعت شفته لقيته في الصاله يتفرج ع التلفزيون
خلود_ علااااء
علاء_لما نادت قلبي رد عليها قبل لساني كنت مستاحشها مووت مستاحش كلامها وضحكها وهبالها._نعم
خلود_نبيك في موضوع صكر التلفزيون
علاء_صكرت التلفيزون_شن هو
خلود جيت قعمزت ع الصالون_علاء هالوضع انا مانقدرش نستمر فيه...وخدت نفس...انا شفت انه افضل حل انه ننفصلوا فترة انا نمشي لأهلي وانت اقعد فكر براحتك لو انت مش مصدقني ومصدق كلام بنت عمك ..عيونها دمعوا..ابعثلي ورقتي لحوش عيالي ..علاء_ شنووو
خلود_خليني انكمل كلامي بعدين تكلم..ولو مصدقني تعال وروح بيا انا تليفوني حيقعد مفتوووح.. عندك اي سؤااال علي الموضوع اتصل ونجاوبك
علاء_طلووع من الجوش لااا
خلود_ولامتا ..هالوضع
علاء_بمزااجي انا ماسد غالطه وجايه تتشرطي
خلود_انا ماغلطتش
علاء_غطلتي ..لما دسيتي عليا قصة هالفيديو الي انعرض ليلة زفتنا
خلود_ شن بنقووول انا لاطلبته منه ولا نندري عليه لين فتحوه في الصالة
علاء_تعرفي شن الي قاااهرني اني لا الفيديو ولا كلام امي ولا كلام التافهه علا لاااااا انا مقهور لاني في الوقت الي كنت نجري ونتعب ونجهز في روحي باش انكون مناسب ليك لما نتقدملك انتي كنتي اتحبي غيري واكيد كان يتغزل فيك واتحبوا في بعض وانا الأهبل مانندري علي شيء
خلود_ وانا ماكان عندي علم شن نوحي انا
وبعدين شن ينفع الماضي الأهم الحاشر انا انحبك وانت اتحبني واحني متزوجين علاش انهدوا كل شيء علي مااااضي
علاء_الماااضي هدا الي انتي هااازيه عليه قااااااهرني تفهمي قااااهرني حبه ليك قاااهرني كيف كان حبكم قوي لدرجة تحمل ومشي لكل واحد من خوتي وطلبك منهم واحد واحد واحبسه معز وضربه حبكم كان قوي وتبي تقنعيني انك نسيييتيه ومعاش تحبيه انا سألت عليه وطلع خااطب من سنة خطب يمكن لو سمعتي بمشكلتي قبل ما يخطب كنت طلبتي الطلاق ورجعتيله
خلود_انت شن تخررف لو ماكنت انحبك ماكنتش تو..ح ..وسكتت...ارفعني لعيالي توو الوضع خلااص لايطاق
علاء_طلوع من الحوش مافيش ماافييييش
وناض مسكنها من يدها و وقفها ..ومشي للدار _انطمري اهني ... وكيف بيدفها
خلود_لاااا..ماادفش
علاء_ استغرب كيف عيطت..
خلود_حضناته يااااغبي انحبك انت ..بعد تزوجتك عرفت انه حبي الي قبلك كان حب مراهقة ..انت حبي انا انمووووت بلااااك انا مانبيش غيرك
علاء_ انا انمووووت فيك لكن بننجن انحاول ننسى الموضع مانقدرش وحظنها بالقوة ....نبي نرجعوا زي قبل نبي ننسى هالموضوع
خلود_عندي ليك مفاجأة
علاء_بعدها عليه_وشن هيا
خدت يده وحطتها علي بطنها
علاء_ عيونه دمعوا ونزل علي ركبيه...لااااا ......متأكده......ويمسد علي بطنها
خلود_وهيا تبكي ..انا ..حااامل...
علاء_وقف وحظنها....الف مبرروك حبييتي الف مبروووك...ورفعها وبدي يلف بيها
خلود_يامجنون حطي دوختني
علاء_حطها وباسها علي &٪$
مبروك يااعمري مش مصدق واخيرا بنشوفوا صغارنا ...اسمعي معاش فيه حركه بكل غدوه اتجيك شغاله ومعاش فيه طلوع من الحوش الي يبيك يجيك انت تو حامل بولي العهد
خلود_شن اني اول وحده نحمل كلهم يحملوا ويتحركوا ويطلعوا وعااادي بطل هبال ومعاش ترعش الي يشوفك يقول لينا عشر سنين متزوجين هما كلهم سنتين بس راه
علاء_اسف ايف حبيبتي لاني جرحتك واسف لأني خيبت ظنك وما وقفت معاك وسكتتهم كلهم والله انحبك ومانعيش بلاااك مستحيل حتي يوم العركه لما ...حطت يدها علي فمه
خلود_اسس مانبيش نعرف الي نبي نسمعه سمعتها انت اتحبني وماتقدر اتعيش من غيري وانا انحبك ومانقدر انعيش من غيرك وهادا اهم شيء الي مش عاجبه ينحررررق مايهمنيييش
علاء_والله امي اتحبك لولا كلام علا
خلود_مانبي حد يحبني انت اتكفي عن الناس كلهم
علاء_نعشققك نعشق كلامك نعشق حبك ليا نضراتك نعششششقك
خلود_حتى انا انحبك ....ونعشقك . ...ونموووووت فيك ....
و ....معاش دخلنا احني
...........
عند ايناس
ركبنا الطايرن وروحنا
وصلنا للحوش واستقبلتنا ماما بالدموع
كريم_اوووف حوش اهلي بلاكم ماينخش بكل كيف بنديروا كان تزوجتوا
صهيب_لا مافيش زواج حت ايمن قولله ماصارش
فاروق_معااش فيه طلوعمن الحوش ذهرررر
بابا_غير اطلقوا بنياتي خلي انسلم عليهم
حضنا بابا ودمعوا عيونه
فاضل_شن اني مايتسلمش عليا ولا شنووو
امه_هلا بالغالي الحمد لله علي سلامتكم
محمود_شن اني مانسلمش ولا كيف يابوي
طلقنا بابا وسلمنا علي محمود وخشينا للبنات في المطبخ سلمنا عليهم ندي وياسمين وياسمين تبكي
ياسمين_ياكلبة انتي وياها معاش فيه سفر بكللل والله انجي انخش لداركم نبكي لين ايطلعني كريم ولا عميمه
انا_ياااهبله سن متنا احني اهو اتقول امس سافرنا
ريماس_مانحسابش ابتستاحشونا هكي
ندى_والله الحوش سكت اخيي بلاكم انجي للمك نلقاها اتسبح في دموعها معاش تمشوا مع بعضكم والله قريب هبلت
....وفي العشيه جي ايمن وخش للمربوعه وطلعتله ريماس
ايمن_ماااستي الحمد لله علي سلامتك واخيرا رجع نور حياتي
ريماس_تسلم ربي يسلمك
ايمن_شن جو رحلتكم
ريماس_اتهببلل المانيا حاجه خياااال
ايمن_غيرتي جو اهم شيء
ريماس_ايه والله
ايمن_استاحشتك مووووت
ريماس_حتى اني
ايمن_انحبك
ريماس_انموووت فيك
ايمن_امي بتجي غير اتصلت هند وقالت جايه ماقدرتش تطلع
ريماس_مرحبتين بيها في اي وقت
ايمن_مش قلتي صورتي تعالي قعمزي جنبي و وريني صوركم
حولت ريماس جنبه وبدوا يتفرجوا وبعد شويه ريماس انتبهت ان ايمن ساكت من فترة وتلفتت ولقاته مقابل وجهها وتحس في نفسه علي وجهها سااااخن..بدي قلبها يدق بسرعه
ايمن_انحببك واستاحشتك معاااش فيه طلوع برا البلاد الا معاااي وقرب وجهه
ريماس__اه...وكيف بتلف مسك ايمن وجهها ورجع قابلها وباس جبهتها
ايمن_ربي ما يحرمني منك
ريماس_لما باس جبهتها غمضت عيونها وابتسمت لا اراديا
ايمن_تقدري تفتحي عيونك تو .
ريماس_هههه.وفتحت عيونها
ايمن_خلاص اني لازم نمشي
ريماس_لا استنى شوي وخشت وجابت هدية لأيمن
ايمن_شن هدا
ريماس*هديتك افتحها في الحوش وقول رايك وهدي هديه لأمك وهدي لهند والبيبي
ايمن_تسلمي ياعمري كلفتي روحك
ريماس_ايسلمك
روح ايمن
وفاتت ثلاث شهوور رجع فاضل لألمانيا بعد تلات ايام بس من مرواحنا لانه خلى مرته وبنته بروحهم ..
وفدوى.واحمد تعلقوا ببعض هلبا لكن فدوى عنييده وماتتنازلش واحمد مايحبش هالشيء فيها علي لتو ماعنده علم بمكالمات احمد وفدوى
نادر_هااايم مع زينب حب حياته و ولدهم امحلي ايامهم اكتر واكتر
............
عند القاسم ودانية
دانيه_صباحووا حبي
القاسم_صباحي انتي شن الجو
دانية_بيك احلووو
القاسم_شن كلمتي امك
دانية_ايه كلمتها وقالت لو يبيك يجيب حد من اهله كبير وكان عنده خواات و خووت يجيبهم مادامه يبيك وشاريك ومايعيبه شيء خلاص يتقدم
القاسم_جد.  يعمي لو جبت عمي وخالي وخوتي وخواتي اهلك يوافقوا حتى لو امي وبوي رافضين
دانية_لاني اقنعت امي يوم كامل وانا انق ولد كويس وبخدمته وحوشه وانا وياه نبوا بعض  وعيلتهم كوبسه بس امه وبوه مايحبوش يناسبوا العرب وطبعا بستييين واسطه باش اقتنعت انها تستقبلكم
القاسم_واخييييرااااااا ياحبي بدي فيه امل
دانية_يعني انت بتتزوجني غصبا علي اهلك
القاسم_ايييه لو رفضوا ماعندي مانديرلهم مستحيل نخسرك
دانية_يااارب يقتنعوا ونتزوجوا واحني مرتاحين واهلك وأهلي راااضيييين
القاسم_أميييين ياااارب تو سلام حبي بنكلم خوي قيس
قيس كنت راقد رن تليفوني
القاسم_الوووو
قيس_هلا يافرخ ..ويين مغطس
القاسم_قاعد في هالدنيا شن حالك انت
قيس_تمااام
القاسم_بتجي الفترة الجاية
قيس_ايه ان شاء الله انكمل امتحانات وجاي
القاسم_ تمااام ميه المية
قيس_علاش شن فيه
القاسم_مش قتلك البنت الي نبيها فسخت الخطبه ورجعنا مع بعض
قيس_ايه ..
القاسم_ياسيدي نبي نخطب ونتزوجوا خلاص كلمتي عمي احمد( اب معتصم) وخالي علي وقالوا لو رفض بوك يخطبها احني نخطبوهالك وامه وافقت قالت ايجيب خوته وخواته وحد كبير معاهم ...
ولو بوي وامي رفضوا انا بنتزوجها مسنحيل انضيعها ثاني
قيس_ لا ان شاء الله نقنعوا بوي وامي ونخطبوهالك
القاسم_ان شاء الله والفال ليك
قيس_امييييين
قاسم_امتا بتجي
قيس_شهر شهر ونص وبنجي
القاسم_باهي انشوفك بخير من تو حطلي خطه كويسه نقنعوا بيه اهلك
قيس_باااه بلا زنين
.........
ودرت الإمتحانات ونجحت بمعدل عاالي وريماس نفس الشيء
كنت مع احمد ديما متواصلين
حبنا كبر وتعلقنا ببعض اكتر ومعاش نقدروا نفارقوا بعض طول اليوم اما مسجات او مكالمات فايبر
....
طلعت مع ريماس في عباية عاجبتها بتشريها
وطلعنا صهيب وقال بعد تكملوا رنوا علي فااروق يجيكم يروح بيكم
حطنا وانا نلف في السوق لين فجأة حد مسك لي يد
انا_هييي ونتلفت انصدمت...
احمد_كيف حالك ياهبله
انا_حييي امتا روحت
احمد_اليوم الفجر
انا_الحمد لله علي السلامه ونزربز نبي نحظنه غير تحشمت في السوق..استاحشتك مووووت
احمد_الله يسلمك...انا استاحشتك اكتتر
انا_انا اكتر
احمد_خشي للمحل الي غاادي امتع المعدات الطبيه شفتيه
انا__اييه شفته...
احمد_خشيله تو انجيك ...اوووه ريماس اسف مانتبهتش كيف حال
ريماس_كويسة الحمد لله علي سلامتك
احمد_الله يسلمك بري بسرعه نبيك
مشينا وهو ورانا لكن بعيد شوي
ريناس_كيف عرف ان احني اهني
انا_بكري الصبح نهدرزوا قتله بنجي اهني
ريماس_راااك ادسي حاجه انتي
خشينا للمحل وكان فاااضي
خش ورانا
انا طوووول حظنته
احمد_لما حظنتني ....كأني غااارق وحصل طوق للنجاة كنت مستاحشها مستاحش عطرها
انا_كنت نبي حظنه..مستاحشاته هلبا ومش امصدقه انه قدامي
ريماس_اححححححممممم
احمد_طول فقت لعمري وبعدت....
انا_.....فكينا بعض.لقيتها اتفنص فيا.. عرفتها طاارتلها
احمد_هادي هديتك
#يتبع
#najah_alhaj