#فرقتنا_عادات مكتمله

الحلقه33

#فرقتنا_عادات
#الحلقة_الثالثة_والعشرون
****************************************
الحلقة ماقبل الأخيره ياااريت بما انه الرواية خلاص شبه تمت فياااااريت المتابعين الصامتين الليلة ينورونا بلاايك وتعليق
.....................................................................
ع احمد_خلي اناديها احسن وتفاهموا لو تبوا تكملوا او لا
قيس_ياااريت ياعمي هكي اريح
خش ع احمد ونادا بنته وطلعت وهيا متحشمه
اسراء_السلام عليكم
قيس_وعليكم السلام كيف حالك اسراء وشن جو الجامعه معاك
اسراء_تمام الحمد لله والجامعه تو بدت قاعدين انزلوا ف المواد
قيس_يا اسراء انا جاي بنسائلك انتي قبل ما اندير أي شيء
اسراء_علي شنو بتسألني
قيس_تو انتي عاجابتك قصة خطبنا هادي
اسراء_بخوف..علاش تسأل
قيس_ماتخافيش جاوبي بالي في قلبك جوابك حيحدد حياتك وحياتي معاك لو موافقه وراااضيه انكملوا فيها ولو رافضه كل حد يشوف حياته في الأخير هو اتفاق مش قرآن مانقدروش انغيروه
اسراء_بما انك جيت وسألت معناها نقدر انجاوب براحتي ...طريقة الخطبه لا عمري ماعجبتني ...لكن بجد انت شاب كل بنت تتمناك دكتور واخلاق كويسه تقرا برا والأهم تصلي وتخاف ربي ..مافيش بنت ترفض واحد بمواصفاتك ..لكن ع قد ماحاولت كل هالمده اني انحبك او نقبل بيك كخطيب و في المستقبل زوج ماتقبلت الفكره ابدا انت بجد معزتك بالزبط زي معتصم وخوتي الأولاد انا اسف لو كلامي زعجك او ضايقك لكن انت قلتها جوابي حيحدد حياتي..انا نبي نتزوج شخص انكون انحبه ويحبني ..نبيه ويبني زي زي اي بنت مش نفتح عيوني ع الدنيا وانا مربوطه بشخص لانه اهلنا قرروا هالشيء
قيس_ربي يعطيك مافي بالك ..وانت بنت اي شاب يتمناك يكفي كبر عقلك ..لكن والله اني انعزك بالزبط زي خواتي البنات وخفت نتزوجوا وتتحول حياتنا لجحيم لاننا الزوز مانشوفش لبعضنا كشخص ممكن نكملوا معاه حياتنا ..وتبي اي شيء انا خوك قيس وموجود امتا ماتبي ...
اسراء_تسلم ياارب وان شاء الله ربي يرزقك ببنت حلال تسعدك وتستاهلك
قيس_امين وربي يرزقك بولد حلال يستاهلك ويخاف ربه فيك وايكون يحبك
وطلعت اسراء وفض قيس كل شيء مع عمه وروح للحوش
زهرة_انت شن درت عمك كلم بوك وقال انك لغيت الخطبه الي بينهم
قيس_لغيناها انا واسراء لا انا نبيها ولا هيا تبيني
زهرة_معناها كلام خوك صح حتى انت حاط عينك علي بنت عربيه زيه ..آه ياقلبي بتجلطوني انتم
قيس_ريحي روحك لاعربيه ولا جباليه انا راجع لألمانيا وفكرة الزواج لغيتها بكللل في هالوقت لين ناخد الماستر
زهرة_خش لبوك يستنى فيك
قيس_بااه....وخش لبوه ..السلام عليكم
ع محمد_وعليكم السلام...شن الي درته يااولد كيف تمشي من راسك وتلغي كلام متفاهم فيه مع عمك من عشرين عام وتكسر كلمتي
فيس_يابوي غير ماتحرفش دمك وماتعصبش انت كيف طالع من جلطه
ع محمد_انت وخوك وراي لين تقتلوني
قيس_لا يابوي ربي يطول في عمرك انت اسمع بس
ع محمد_شن بنسمع ولا حتى انت عندك
قيس_لا يابوي مافيش بنت( وفي خاطره لو قتلك اليوم تمشي فيها) مشيت لعمي ونادينا البنت وسألتها انتي موافقه راضيه ع الزواج البنت رفضت .. وانا من زمان البنت مانشوفش فيها الا زي وحده من خواتي
علاش نتزوجوا لو احني الزوز مافيش قبول بينا
ع محمد_اطلع من قدامي انا ولدي الي يكسر كلامي معاش يلزمني في حوشي ..آه
قيس_غير يابوي هدي روحك بس ...هاك حبة الظغط اكيد ارتفعلك
خداها بوه وقعد قيس جنبه لين رقد وبعدين طلع
وهو في السيارة رن تليفونه
احمد_تي وينك ياجحش عرسي ومسيبني
قيس_ شن تبي الصبح كنت معاك
احمد_الحقنا في شارع بنشري حوايج للعرس
قيس_وشن تبي فيا مش معاك نادر اللبيس
احمد_نبيكم كلكم تعال بسرعه احني قريب نوصلوا
قيس_باه ...ربع ساعه انكون معاكم ...
........
انا _ياريماس مانبيش نطلع بالله عليك
ريماس_تطلعي غصبا عنك شن كان بكيتي وحبستي روحك بيطلق وبيجيك خلاااص انسيه
انا_ اسكتيي اسكتيي.... انا اصلا معاش نبيه ...
وبديت نبكي...معاش نحبه..معاش مستاحشاته ..اصلا.عادي مش اول وحده ولا اخر وحده يلعب عليه ولد
ريماس_تي اسكتي معاش تبكي...نوضي اطلعي معانا اتغيري جو نووضي وغلاتي عندك
انا_مسحت دموعي باه..انتم وين بتمشوا
ريماس_بنمشوا لشارع .&$٪$ ياسمين بتشري جبه وانا بنشري لبسه للجامعه وانتي تبي لبسه خلاص الجامعه بدت
انا_مانبي شيء بندور معاكم بس
عند قيس ..
وصل لقاهم في المحلات يدورو
قيس_شن الجو ..ماشريت شيء لتو
احمد_نستنى فيك اسمع بنشري البدله هيا الاولى
قيس_البدله هديه مني شوف شن يعجبك وادلل ياطيري
احمد_والله فيه فلوس ماادورش
قيس_عارف عندك..لكن هدي هدية ..
احمد_ياسرك هديتني ثرايات الحوش كله
قيس_مش بينا غير خش هيا
احمد_عجباته بدلة جاكتها بيضه حلوة رقبتها كحله والسروال اكحل ..من ارماني .. 💓💓وركبلها قرواطه حمره باش يكسر اللون وسبته كحله
وخلصوا وطلعوا
وبعدها شروا لبسات كاجول وبيجامات للنوم وبعدها خشوا لمحل كبير للزي العربي الليبي التقليدي ..
نادر_سمح المحل هدا شريت منه في عرسي
علي_وغاااالي
قيس_ هههههه اتقول انت بتدفع شن دخلك
احمد_هههههه ماهو بكري حلف انه الزبون منه
الشباب_ههههههههههه
قيس_خود اغلى واحد هالمريته ( البخيل) هدا
علي_مش قصة مريته ... ياخد الي يعجبه
عندي انا
انا_تي هيا رجلي تكسروا رني علي راجلك
ياسمين_غير شويه بس نبي هدية لكريم عيد ميلاده الأسبوع الجاي بنشريله لبسه حايره بين كاجول ولا عربي
انا_انحس العربي احلى
ريماس_ايه حتى انا بناخد لأيمن عنده عرس لصاحبه وقتله يلبس عربي قال ماعنداش لانه ماايحبه نبي نهديه باش يلبسها
ياسمين_باه خلي انشوفوا محل للعربي
انا_من وينلك الفلوس ريماس
ريماس_محمود عطاني امس
انا_باهي بسرعه
ريماس_شوفي المحل هداكا شكله حلو
انا_وغاااالي شوفي منظره واضح غالي
ياسمين_خلي انشوفوه
عند قيس
احمد _عجبك هدا !؟؟
قيس_اه
نادر_من بكري تتفرج علي الزبون هدا
علي_خش قيسه
قيس_تي لا فووت
احمد_انا عجبني الأزرق بنخش انقيسه
نادر_والله تخش اتقيسه
قيس_باه خلي يطلع احمد تو انقيسه
نادر_عندهم حجرتين قياس خش خش قيس للحجرة الثانيه
وخشينا احني
وهما يلفوا
وانا راسي في الارض سمعت صوت شباب رفعت عيني
علي_خشوا بنات في الأول واطيت عيني وبعدها رفعتها وفنصت ونخصت نادر جنبي
نادى_حي ع ا&٪ الجو هادي مش
علي_اييه اسكت حي عليها بيطلع
انا_شبهت عليهم بعده بدوا يوشوشوا ويشبحولي ...تفكرتهم ..اصحاب ..احمد..
لين انفتحت حجرة القياس وطلع منها احمد صاحب حبيبي وبعدها انفتحت الحجرة الثانيه وكان هو ..لابس زبون ...ومواطي راسه يساوي فيه كان الزبون خيااال لونه اخضر زيتوني منقوش بالدهبي ..رفع عيونه وكان اللون عاكس عليهم خفت انعينه وبدون ماننتبه قلت _مااااااااشاااء الله
قيس_لبست الزبون وفتحت الباب وانا انعدل فيه وسمعت _ماشاء الله وكان صوت نوسه نحساب روحي انتخايل ركزت شفتها قدامي
ريماس ياسمين مصدومات
وانا واحمد مركزين في عيون بعض ...عيوني دمعوا..وقربت منه وقفت قدامه
قيس_خفت يدمعوا عيوني لبست نضراتي وجيت بنتلفت وقفتني
انا_استنى...نحيت النضرات ...هكي احلى ..طالع عليك الزبون ...الف مبروووك ..خلي ناخدلك صوره ..للدكرى....طلعت تليفوني وبنصوره
قيس_نحت النضارات وباركت لي دموعها معبيات عيونها وقالت بتصور
نادر_هيا وقت ياشباب مزال باقي دبشك يا احمد
انا_صوره بس ....صورته ....الف مبروك
وطلعت ونضارته قعدوا في يدي وريحة عطره عالقه فيا لاني قربت منه هلبا..قعدت نمشي ودموعي ينزلوا يعني مش كدبه الفاتحه فعلا بيتزوج شن هدا الحظ الي عندي طول الشهر محبوسه وهو يجهز للعرس ويوم نطلع نتلاقى معاها يشري في زبون عرسه
لحقت عليا ريماس وحظنتي
ريماس_ماتعدليش شفتيه كيف ناسي ولا كانه في يوم كنتوا مع بعض لامتا بتقعدي تبكي ..
ياسمين_خلاص نوسه فوتيه كداااب والله مايستاهلك
انا_انا نبكي علي روحي علي غبائي نبكي علي الي ضيعته معاه من وقت وانا مصدقاته نبكي علي حبيبي الي شفته اليوم يشري في حوايج عرسه الي بيكون مع وحده غيري ....
ياسمين_خلي انرن علي كريم الناس تتفرج
مسحت دموعي وقعدنا انلفوا لين جي كريم وركبنا معاه
....
عند قيس طلعت من عندنا
نادر_تي شن هدا شن هالصدفه
علي_بكل سبحان الله
قيس_خلي انخش انبدل ..خشيت بدلت دورت نضارتي مالقيتها ..تدكرت انها عندها ....طلعت ورجعت الزبون مكانه... انا طلع كملوا انتم ...طلعت ركبت سيارتي وقعدت نراقب فيها وانا نبكي لين روحت مع خوها....
......
كريم_خيرك ايناس ...شن باكيه شكلك
انا_لا ..غير مريضه بس
كريم_مريضه. .شن نخطموا علي عيادة..
اتا_لالا...مافيش داعي تو انروح ونرتاح يبدا حالي باهي
وصلنا للحوش
بكيت لين فديت ورقدت من غير عشي
.....
وتزوج احمد وفدوى وكان عرس حلو...
وكان احمد وفدوى طايرين ببعض ومبسوطين
وبدت الجامعه وبديت نمشي شاده في قرايتي بس لينا اسبوعين انداموا وفاطمه لاحظتها متغيره شويه تلبس وتتأنق اكتر من قبل شكلها فيه حد عاجبها لكن بجد الفترة هادي ماكانش عندي جو اني نسألها ولا نبي نعرف من قلت خليها تحكي بروحها