#فرقتنا_عادات مكتمله

الحلقه28

#فرقتنا_عادات
#الحلقة_الثامنة_والعشرون
^^^^^^^^^^^^^^^^^^^😊^^^^^^^^^^^^^^^^^^^^
👍👍👍👍👍 قبل ما 📖📖📖📖📖📖📖
و 📝📝📝📝📝📝 بعد تكملوا
________________________________________
انا قصدك بنمشي لألماااااانيا اه قلبي الصغير لايتحمل
فاضل_ههههههههههه هبله لكن تو بنبدوا نجروا ع الفييزا انا عندي صاحبي يخدم في السفارة الألمانيه تو يساعدنا
ريماس_شن فيه خيرك تضحكي زي الهبلة
انا_تو فاضل يقولك
فاضل_بنرجع لألمانيا وبنرفعك انتي والهبله معاي سياحه شهر بما انه عطلتكم بدت
ريماس_ قول والله
فاضل_والله بنرفعكم كان حصلتوا الفيزا
وبدت ريماس تنقز وتجري في الحوش وانا تحمست زيها وبدينا انقزوا وبعدها شبحنا في فاضل الي صاايخ بالضحك
هو وماما
ماما_طيح سعدك انتي وياها ياسر هبال اينااااس ريماااس سادكم
هفتت انا وريماس خش صهيب
صهيب_خيركم صوتكم في الشارع
ماما_الله غالب من هالبنات امطلعات صوتي ماتقولش وحده مخطوبه والثانيه عابين عليها محاميه
صهيب _علاش شن صاير ...شن درتي انتي وياها
انا_شيء
ريماس_ صهيييييب
صهيب_شن فيه خيرك تتبسمي
ريماس_ابنمشوا مع فاضل لألمانيا
صهيب_شنوووو
انا_بيرفعنا شهر سياحه ....
صهيب_ مادخليش ابنمشي معاكم
ماما_ رافعهم علي حسابه وانت علي حساب من بتمشي
صهيب_ وانتي وين مشيتي يانبع الحنان
ماما_ احلم والله ماعاطيه قرش وبوك الفلوس الي عندها بدي يبنيلك انت وخوتك ريح روحك بس
صهيب_ الله غالب المنكوب منكوب والمحظوظ محظوظ ديما بناويتك الي يبوه ياخدوه وانا ولد البطه السوده
فاضل_وكان انت ولد البطه السوده امالا انا ومحمود وكريم شن انقولوا شرينا الأرض بفلوسنا والحوش بنيناه بفلوسنا بوك ماصرفش علينا قرش وحتى جوازنا بفلوسنا
ماما_درنالكم الدهب والفضه وكسوتكم مناماشفته
وهما بنبلوهم الحياش والباقي عليهم
صهيب_قتلك منكوب كانوا بيديروا كل شيء نقيت انت ماصار من شيء
انا_هههههههه حق منكوب
فاضل_ هيا انا تو سلام
ماما_في حفظ الله وليدي
صهيب_انا بنمشي انشوف مكان انأجره للصيديله
ريماس_خلاص استقريت بتفتح مع ياسمين
صهيب_ايه باش اتشد هيا الصبح ونرقد انا عارفيني مانحبش انوض بكري وانشد العشيه وهكدا
انا_ربي يسهللكم
طلع صهيب وانا خشيت للمطبخ غسلت الماعين امتع الفطور وحطيت الغدي ع النار
وريماس_ضمت الحوش ونضفت الحمامات
وبعدها خشي لداري قمت تليفوني شفت مكالمة واتساب من احمد رديت عليه رن لين فصل ومارد بعت مسج
وشوي ورد عليا
انا_الو
احمد_هلا حبيبي شن الجو
انا_تمام ...تعرف حبي بنمشي مع فاضل لألمانيا سياحه
احمد_جد ...قصدك بتجي
انا_شن انجي المااااانيا مش امريكا
احمد_قصدي عادي انجيك نقدم ع الشنغن من اهني وانجيك
انا__قصدك بنمشي لامانيا وانشوفك
احمد_اكيد لو جيتي حنشوفك واخيرا ياعمري مستاحشك موووووت نبي انشوفك ونحكي معاك
انا_ ربي يسهل هالسفره باش انشوفك
احمد_والله فرحااان ياحبي مش مصدق بنشوفك
انا_ههههههه قاعد كلام مافيش شيء اكيد
احمد_حتى ولو المهم فيه امل اني بنشوفك وتخايلي شهر كاامل بنتلاقى معاك ياااارب ياااارب نتلاقوا وانطفي شوقي ليك
انا_احمد...
احمد_عيونه ..وقلبه..وروحه..
انا_قاعد اتحبني ...
احمد_لا لاه ..انا ..مانحبكش...انا انمووت فيك نعشقك ...انتي حياتي وروحي وقلبي وفرحتي واجلى شيء صار في حيااتي ...نوسه. .لو في يوم قتلك نكرهك او اني ما انحبك راي كداااااااااب
انا_هههههههه انحبك يا احمد انحبك والله مشتاقتلك موووت
احمد_اانا اكتر ....حبي بنصكر عندي امتحان
انا_اوكي حبي بالتوفيق طمني بعد تكمل
احمد_اوكي سلام ياروحي
انا_سلام حبي ....
وطلعت كملت الغدي وتغدينا وكملت حوستي ..
عند ريماس
ريماس_الو
ايمن_الو
ريماس_شن الجو
ايمن_تمام ..كيف حالك ماستي
ريماس_تمااام  حبيبي عندي ليك خبر
ايمن_شن هو
ريماس_انا  بنسافر
ايمن_شنوووو اتبصري صح
ريماس_لا خوي فاضل يبي يرفعني معاه لألمانيا انا واييناس شهر سياحيه
ايمن_ كيف كيف شن تسافري المفروض تقولي خلاص بنقربوا العرس مش بتسافري ولا شهر مش اسبوع ولا اثنين
ريماس_حبي والله فرصه ماتتعوض وخاطري فيها بالله ماتحرمني
ايمن_ ريماس ...شهر راه ...والله ماهو رأي
ريماس_حبييييييبي يااااااعمري انت نعرفك مش حتحرمني
ايمن_ اوووووف يا ريماس تعرفي لو قاري فيك فاتحه كنت حرمتك منها لكن يلا امتا مسافرين
ريماس_شكراااا حبي شكراااا ياعمري انحبك انحبك انموت فيك
ايمن_امتا بتسافرواا
ريماس_مزال اليوم بس فاضل قاللنا
ايمن_ باهي تكلمني وتقوللي كل التفاصيل من اليوم
ريماس_باه حااضر
ايمن_مش ابتبعثي صور البيان وينهم ..
ريماس_تعال انت اليوم ونتفرجوا عليهم مع بعض
ايمن_وين انجي لاااا فكيني خوك صهيب كرهني
ريماس_هههههه لا علاش هو قالك حاجه
ايمن_لا ماقال شيء لكن كل مايشوفني وجهه يتغير عند الحق من لما كملتي امتحانات لليوم جيتكم ثلاث مرات هههههههه والإمتحانات ليها اسبوعين بس
ريماس_باه اسمع عندي فكره هيا مجنونه شوي
ايمن_ شن هيا
ريماس_اتجيني بعد يرقدوا كلهم من الباب الخلفي وانقعمزوا في الجنان وايناس تراقبلنا نتفرجوا ع الصور ونهدرزوا شن رايك
ايمن_ وكان يشوفنا بوك ولا واحد من خوتك شن بيكون منظري وقتها.... يعني مادرتها قبل مانخطب انديرها تو وانا خاطبك ونقدر انجيك لاااا لاااا وبعدين كان جيت مانريحش روحي
ريماس_ هههههههه انت حر انا قتلك علي رأيي لكن انت شكلك ماتبيش تشوفني
ايمن_ انتي تستفزي فيا تبيني انجي صح ؟؟
ريماس_ايه نبيك اتجي ...
ايمن_حاااااضر لكن دنبك ع جنبك تحملي ما ايجيك بعدين
ريماس_اوكي نستنى فيك سلام
ايمن_سلام انحبك مااستي
ريماس_حتى انا انحبك
.......
جتني ريماس العصر تدحنس وتلسن
ريماس_انوووسه نوووووسه وخيتي الغاليه توؤمي الغالي
انا_هاتي من الأخير شن تبي
ريماس_ايمن بيجي اليوم
انا_ لاا لاه مش معقولةه.....شن الجديد اول امس كان عندنا
ريماس_ خزي ياحيوانه...المهم بيجي ف الليل..و (حكت خطتها...وطبعا كنت مجبورة انوافق لانها ياااما وقفتلي قبل مع احمد)
انا_باه خلاص تم
ريماس_ربي يخليك ليا
ةجي الليل ورقدوا خوتي بابا وماما وجي الوقت الي بيجي فيه سي ايمن
طلعت ريماس وكانت لابسه توته حلوه وحطت وشاح ع راسها ومشت تفتح ف الباب الخلفي
ايمن_والله الي هبلت اني
ريماس_غير خش بس
ايمن_ انا شييييباااني ع حركات المراهقه هادوا
ربماس _قعمز قعمز
ايمن_وهااادي تقعميزه تعااالي قعمزي جنبي
قعمزت ريماس وكانت مجهزه سفرة قهوة مع حاجات حلوة
ايمن_والله ياريماس الي فترة طويله خطبتنا معقولة بنستنى سنه اخرى باش نتزوجوا
ريماس_باحبي الطب سنواته هلبا ع الأقل ناخد سنتين عند اهلي وانكمل الباقي عندك
ايمن_غير خلي انقربوا العرس والله انعاونك في كل شيء المهم نتزوجوا واتكوني حلالي عااجبك هكي نتلاقوا زي المخانب
ربماس_ كانك ماتبيش نوض روح بلااش مافيش داعي اتنكد عليا
ايمن تو هادا كلام ينقال لو كنت مانبيش ماكنت جيت انا كان نلقى تو انروح بيك معاي
ريماس_...اححممم...انصبلك قهوة
ايمن_اتغيري في الموضوع...صبي قهوة
ريماس_ اقرب شوف صور البيان
ايمن_خلي نفتح الفلاش ..فتح الفلاش وبدوا يتفرجوا
ريماس_ شفت هادي حلوة صح
ايمن_حلوات الصور كلهم وهادي بناخدها معاي
ريماس_لااا فكني وكان يشوفها حد عندك
ايمن_مش حيشوفها حد هاتيها ..
ريماس_به
ايمن_مااستي
ريماس_نعم
ايمن_نحي الوشاح نلي انشوف شعرك
ريماس_لااا مستحيل
وجت بتنوض
ايمن_قعمززي تعاالي
ريماس_ماتخوفنيش منك ثاني
ايمن_باه غير قعمزي قاعد ماشبعت منك
عدلت تقعميزتها
وقعدوا يهدرزوت قريب ساعه وانا انعس وبعدها روح وطبعا خطف منها بوسه ع خدها قبل مايروح
وخشت هيا مبسووووطه وتتبسم وضمينا اثار الجريمه ورقدنا
فاتوا اسبوعين
ودرنا المقابله مع السفاره وطلعت الفيزا وانا كنت في قمة السعاده وريماس تزغرت
فاضل_خلاص بنحجز بعد اسبوعين وبنسافروا
انا_الحمد لله الحمد لله واخيرااا بنسافرواا
ريماس_مش مصدقه ......قرصتها انا..اييي
انا_باش اتصدقي ...
وقلتها لأحمد وط
طاااار بالفرحه....وريماس_حكت لأيمن وتنكد وطارتله ..
بعد اسبوعين
عند معتصم .وخولة
معتصم روح من الورشه الظهر فتح الباب ويسمع اوس يبكي
معتصم_السلام عليكم....خووولة ...حبي...وينك...
ونادا مالقهاش وخش للدار شاف اوس مقعمز ويبكي وخولة رااقده
والدار مضلمه فتح الشباك
معتصم_خوولة .خيرك الولد فاااحم من امتا يبكي ....وقام اوس  ..خوولة ..وطبس عليها لقاها دااايخه
حطت الولد وجاب عطر واميه بخلها وجهه وشممها العطر فاقت
معتصم_ خيييرك حبي من امتا دايخه
خولة_ما نعرفش من الصبح وانا اندوخ وانفيق ونرجع اندوخ...وين اوس نسمع فيه يبكي ماقدرت انوضله
معتصم_نرفعك للعياده خير
خولة_ ياااريت ع الأقل انركب تغدية ننشط مش قاادرة
معتصم_رجع نهض اوس....اووووف الولد يبي تغير
خولة_خيرله حبيبي
معتصم_انييييييي مستحيييل تو نرفعه لامي
خولة_من جدك انت بترفعه لامك تبدله
معتصم_مااانقدرش اععع
خولة_مش مووت هيا حاجه عااديه
معتصم_لاااا وحطه وخش للحمام ويسمع فيه يبكي
طلع_نووضيله خولة بدليله بس ولا انقولك غير اغسليه والباقي ساهل تو انديره
خولة_بجد مش قااادره نوقف لو وقفت حنطيح
معتصم_اووووووووف ونهض ولده وخش للحمام
وخولة_تسمع الا في اووف ووع ومره مره كبده تلعب ..ووووع
خولة_ههههه
طلع معتصم مشنقل ولده بايديه الزوز وحطه ع السرير لبستله خولة الحفاظ وهو كمل تاباقي وبدل لخولة حوايجها ورفعها للعياده وبفولها تغديه وركبتها ومشي هو رفع اوس مع ساكوا حوايج لامه باش تهتم بيه هاليومين ...
عند ايناس
.....
ماما_تبكي...رد بالك من خواتك يافاضل
بابا_اوينه عطيت لخوك فلوس ليكم خودوا الي في خاطركم كله ولازم تكلموني كل يوم وماتفوتوش صلاتكم
كريم_باي ياتوؤم الشر ريحوا غادي وفكونا منكم
فاروق_لااا ماتسمعوش كلامه رووحوا بنستاحشوكم
صهيب_يتكلم ضامن عنده مراة تحدد وتجهزله كل شيء واحني من عندنا غيرهم وامك ماعندها جهد شهر وتروحوااا طووول اتزيدوا يوم نلحقكم
كلنا_هههههههههههه
طبعا لازم منها الدرما اتقول بنهاجروت مش شهر وراجعين طبعا ودعناهم كلهم حتى نساوين خوتي وبست زييد وقرصته لين مرجته مسكين وبوه كريم يهزب فيا والولد يبكي
ومشينا للمطار وصلنا محمود خوي وعطانا خمس مية دولار لكل وحده فينا قال منه هو وكريم
...........
وصلنا لدبلن وكان الجو مسقع ماتقولش صيف واول ماطلعنا من المطار شفت احمد واالله شاده روحي بالسيف قريب نمسيله وهو الإبتسامه من الوذن للوذن وانا دموعي سبقوني ليا قريب خمس شهور ماشفته
حدفلي بوسه من بعيد وركب في سياره ولحقنا لين وصلنا للفندق وهو ورانا ..خش فاضل لحجرته وانا وريماس خشينا لحجرتنا
بعت رساله ع الواتساب
انزلي نستنى فيك
ونزلت طول شفته في ااصالة يستني طول حظنته
احمد_نوووستي استاحشتك يااعمري
انا_انا اكتر ونزلت من حظنه

احمد_ استاحشت وجهك وضحكتك وغمازاتك واكتر شيء عيوونك انحبك والله نحبك ...
انا_حتى انا استاحشتك استاحشت انشوف روحي في عيونك الخضر ..انحبك واللله انحبك
احمد_حبي تو اركبي انتي تعبانه من السفر وانخاف خوك ينزل يشوفك يديرلك قصه  غدوه نتلاقوا ان شاء الله
انا_باه سلام تو
#يتبع
#najah_alhaj