#فرقتنا_عادات مكتمله

الحلقه22&23

#فرقتنا_عادات
#الحلقتين_الثانية_الثالثة_والعشرون
~~~~~~~~~~~~~~~~~~~~~~~~~~
لايك قبل لاتقروا ..........
وتوقعاتكم للحلقة الجاية ورأيكم في حلقات اليوم بعد تكملو
~~~~~~~~~~~~~~~~~~~~~~~~~~
الشباب_يباركوا
ونادر_فرحان بيطير
قيس_ غير راهو فمك ينشرك يابابا
علي_لا يابوي
احمد_لا جيل الجديد بابيتوا ولا داد ههههه
نادر_تي صقع عليكم او وريث في شلتنا
قيس__ فعلا مفروض احني انسموه
علي_عندي اسم سمح ..مراجع ههههههههه
الشباب _ههههههههههههه
احمد_لا شوف الاسم هادا مرعي
قيس_لا عاااد كيف بنسموه اسم سمح شن رايك في ...في....فرج عاد عصري وجديد وانادوه فرووووجه
الشباب_ههههههههه ههههههههه
علي_خلاص فرج
احمد/تم فرج
نادر_سموه لولدك. انت وياه الأسماء هادي انا ولدي بنسميه همام مختاره انا والمدام
قيس_هههههه انا كان تزوجت بنت عمي بنسني صغاري كلهم اسماء قديمة انتققققاااام من امهم
علي _هههههههههههه والله الا مهابيل احني
نادر_حي علي امي حي
قيس_خير بلاك
نادر_قبل لاتخش قالت كلم امي وامك انا اتصلت بيكم انتم ههههههه
قيس_وووووووه ههههههههه
احمد_خزيي ياحيوان بدل ماترعش امك ولا امه اترعشنا احني
علي_وحق الله لما قلت تعال في المستشفى قلبي وقف ..خزيي....
قيس_باهي كلم امك وخش لمرتك انا بنروح غدوه عندي مشوار
علي_وين؟؟
قيس_سبها
احمد_وين وين ؟؟
قيس_ س  ب ه اااااا
نادر_وعلاش شن عندك
قيس_ايناس عندها حالة وفاة وكلمتها اليوم متأثرة هلبا ابنمشي انشوفها
علي_بلا اهبال زايد وين بتشوفها بطق علي الباب واتقول بالله نادولي ايناس نبيها
قيس_نعرف كيف نصرف اني مانقدرش انخليها لازم انشوفها
احمد_حق ربي حبك هدا بيودرك انا بنروح نرقد وانت ان شاء الله تمشي للقمر مادخليش بيك
وطلعوا وكل واحد مشي لحوشه
.......
ثاني يوم
عند معتصم وخولة
معتصم_نوووضي ...نوووضي
خولة_خليني شوية نبي نرقد
معتصم_نوووضي واطلقيني بنوض وانتي لاصقه فيا
خولة_ خلينا راقدين مانبيكش اتنوض من جنبي
معتصم_ههههه انا عندي شغل مش زيك
بعدت خولة من عليه وجي بينوض رجعت رقدت مرة ثانية علي صدره
معتصم_ههههههههه نوضي ياكسولة
خولة_انلااااااا مافيش عمل اليوم
معتصم_معاش قدر يقاوم ورجع رقد ثاني
ومافاقوش للساعه 2 الظهر
............
عند قيس
طلع بعد الفجر ركب وولع السيارة يسخن فيه لين طق حد ع الروشن
شاف لقاهم علي وأحمد
نزل قيس الشباك _هههههه صباح الخير
علي_الخير الي يجي من وجهك انت وفتح السيارة وركب وراه
لف احمد وركب جنب قيس
قيس_ شن خطرلكم ؟؟
احمد_لان راسك يابس وغبي .هناك من يمشي لسبها هالطريق كلها بروحه الا انت ياغبي
علي_ولأن احني مهابيل وأغبياء زيك بنمشوا معاك انا بنرقد وين نوصلوا نوضوني
قيس_منورين
احمد_حرك السياره بلا سماط...
وبعد ست ساعات
انا_الو صباح الخير
احمد_صباح النور وين يسكنوا جدودك في سبها
انا_علاش
احمد_انا قريب نوصل لسبها ابعثتي العنوان
انا_حييي مجنون انت احمد شن تبي جاي
احمد_ جاي بنشوفك مانتحملش دموعك اني
انا_حبيبي ....انت والله بتجيبلي قطع رقبتي
احمد_ نقطع يديه الي يحاول يقربك
انا_ انحبك والله انحبك
احمد_حتى انا  ...ابعثتي عنوان الحوش في مسج
انا_ قول انحبك قبل..
احمد_مانقدرش مش بروحي
انا_من معاك ...
احمد_احمد وعلي ...
انا_اها...باهي تو نبعتلك الوصف للحوش من لما اتخش من بوابة سبها
احمد_اوكي
بعتله الوصف وكلمت ريماس طبعا وهزبتني لين سلخت وجهي
وبعد ساعه رن نقالي
انا_هلا وصلت حبيبي
احمد_ايه
انا_الحمد لله ع السلامه
احمد_يسلمك ..نبي انشوفك كيف ايصير
انا_لف من خلف الحوش فيه نخل وزي الحوازة صغيره وتو انجيك لكن درس سيارتك بعيد ...
احمد_باه خلاص ما اطوليش
انا_خشيت جهزت سفرة فطور وكدبت علي الي ف المطبخ وقلت لخوتي
وطلعت بيها وريماس كالعادة تراقب ..
نزل احمد ونزلوا معاه صحابه وحتى هماويراقبوا
وصلت وشفته حطيت الصفرة ودموعي نزلوا لا إراديا أول ماتدكرت سبب جيته جاي بيعزيني في كبيدتي
اظبطته وبكيييت بكيييت لين فديت وهو يصبر
احمد_خلاص حياتي وحدي الله
انا_مش مصدقه والله ما امصدقه انه خلااااص فرح معاش بنشوفها
احمد_ياعمري والله مانتحمل دموعك تقتل فيا
وهدا كله وانا في حظنه وبعدها فطنت لروحي
بعدت عليه
انا_نمسح في دموعي ..الحمد لله علي سلامتكم
احمد_الله يسلمك....شن الي جبتيه
انا_فطور ليك ولأصحابك
احمد_علاش امتعبه روحك
انا_لا عادي مافيشي تعب
احمد _احكي كيف سمعتي ومن قالك
انا_ اتصل بيا ....خطيبها ....نتكلم ونبكي..... وقالي ...لتو.صوته في ودني وهو يتكلم ويبكي ويقولي فرح خلااااص
احمد_الله يصبركم .... هدا مكتوب من لما امها جابتها...
انا_لكن مخليا فرااااغ كبير كلنا مش امصدقين وفاتها
احمد_اهم شيء ديما ادعولها وكثروا من الصدقة علي روحها
انا_ان شاء الله
احمد_حبيبي جايب حليب وبضاعة فطور نحطهالك اهني ولا وين تبيها
انا_علاش امكلف روحك والله الخير كاثر
احمد_واجب ياعمري ومافيشي كلافه تو انكلم واحد من الشباب يحطوه جنب الباب
قرب مني ومسك يديا
احمد_ياعمري خلاص معاش تبكي انا مانتحمل دموعك والله
انا_مش بإيدي ولا بإرادتي
احمد_علي خاطري ياعمري ورفع يديا وباسهم _انحبك موووت ودموعك يعدبوا فيا معاش تبكي
طبعا لما مسك يدي خفت لكن لما باسهم شعور اه لاااااايوصف خوف علي فرح علي توتر ..وحرارتي حسيتها شيطت مش ارتفعت...
انا_انا عطلت لازم نمشي ...نادي اصحابك وافطر وخلي السفرة اهني تو انجيها
بعدين خشيت
رن احمد علي _علي واحمد ونادهم
علي_اووووه جايبه فطور تفهم ف الأصول شكلها
احمد_لكن طشه البنت حداك
فيس_صقع عليك اصلا فيها جو
علي_ايه شفتك واخد راحتك واحضان وزايط
احمد_كان ماهو اني محروم حتى الو مافيش
علي_انت تصكر فمك
قيس_هههههههه هههههههههههههه هدا الي يناسب صاحبه
احمد_كلمه والله مزودها خطييييبتي وكان كلمتها
علي_تبي هكي باهي مش عاجبك بلاش
قيس_مش لهالدرجة ياعلي وكان كلمها شن المشكلة
علي_يصير خير كول انت وياه مزال المرواح
قيس_انا بنرقد ف المرواح وانتم سوقوا
كملوا الفطور وحطوا السفرة والي جايبه احمد جنب الباب
ومشوا رن علي احمد
انا_الو
احمد_الوو اسمعي حطيتلك السفره والي قتلك عليه جنب الباب وانا خلاص طالع بنروح
انا_خيرك مستعجل ....
احمد_الي نبيه حصلته وخلاص بنروح
.......
وفاتت شهور علي وفاة فرح
وانا بديت في الجامعة
ريماس بدت تكلم في أيمن لكن قاعد مش واخد راحته معاها خاااايف يحب مرة ثانية مع انه ريماس عاجباته هلبا
اما ريماس بدت تقرا وايمن جاها مره وحده بس في الجامعه وفطروا مع بعض
جت الإمتاحنات وانقطعت نهائي علي احمد القانون صعب ويبي قرااايه هلبا
واحمد مقدر هالشيء
.........
عند خولة في حوش شيابينها
خولة واسراء ف المطبخ
وخش معتصم للحوش وهما مايندروش عليه
خولة_اسمعي انا لازم انروح بكري اليوم
إسراء _علاااش مريضه اتحسي في روحك بتجيبي
خولة_لااااا اليوم عيد ميلاد معتصم ودايرتله مفاجأة وامس درت كيكة و حاجات حارة واليوم بندير الرز وبنزين الحوش لازم انروح بكري
اسراء_كلمي بابا بعد الغدي يروح بيك
خولة_ايه عندك الحق
طبعا كله ولسوء حظ خولة سمعه معتصم
روحت خولة وحطت الرز ع النار وقلت الكبده والمكسرات وجهزت كل شيء في صوانيه علي التسخين بس
وكانت في الشهر السابع .....جهزت الحوش وزيناته وعبت الحوش بالنفافيخ علي شكل قلوب لونهم احمر ....وبعدها خشت دوشت واستشورت شعرها وحطت مكياج خفيف مع رسمة ايلاينر حلوه. وروج احمر وقفطان حوامل حلوو لونه احمر في الدهبي مع كندره مش عالية لونها دهبي وكملت كل شيء
واستنت .....استنت ....استنت جي المغرب والعشي والساعه_10 _والساعه 11  ومعتصم ماجاش
اتصلت بيه
خولة_الو
معتصم_الو شن فيه
خولة_انت وين نستنى فيك
معتصم_فوق عند ريهام ....وتسمع في صوت موسيقى هااادية
خولة_انزل شوية بس نبيك
معتصم_مش فاضي شن تبي
خولة_شوية بس هيا بالله عليك
معتصم_كان فضيت تو انجيك معتصم حط التليفون ودار روحه نسي ماصكرش
خولة_ مابتش اتصكر لانه عرفاته نسي ماصكرش
ريهام_كل عام وانت بخير حبيبي اموووووواه
معتصم_وانت بخير ياعمري ومعاي ديما
ريهام_هادي النكد كانت تكلم فيك
معتصم_ايييه اوووف منها نكدت عليا
ريهام_كان اطلقها وتفكنا منها..
معتصم_ياحبي هيا حامل وانا خايف ع الجنين اما هيا مش طايقها بكل كل الي اندير فيه بس لأن الدكتوره قالت لازم تقعد مرتاحه نفسيا لانها حاولت تنتحر قبل وانا نبي الولد اتجيبه وبعدها تنحرق
ريهام_اوووف مانحبهاش تقرب منك يابيبي
معتصم_شن بنديروا نتحملوا هيا خلاص هانت ..تعرفي ولا نقولك خليها تقعد تخدمك وتربي الصغار وانتي تقعدي أميرتي مرتاحه ومدلله
ربهام_ههههههههههههه فكره والله ...لاااا مانبي حد يشاركني فيك
معتصم_فكينا من سيرتها...شن جبتيلي هدية
ريهام_هههههه مش اهني تعال ف الدار
واهني خولة صكرت
وبدت تبكي بعبرتها
طاحت ع الأرض وتبكي من جدها وجعتها روحها كانت متأمله بحبه كانت تستنى فيه يعترف وطلع لا حب لاشيء كله ع خاطر العيل بس
وقعدت تبكي ساعه وبعدها ناضت نحت الشموع وبدت اتلم في الطاولة لين انفتح الباب لفت وجهها وشبحاته
خولة_اطللللللللع اطلععععع براااااااا
معتصم_مش قلتي تعال
خولة_جاته ودفاته_امشييي اطلع معاش نبي انشوفك امشيلها
معتصم_بصوت عاااالي _هدا حووووشي انخش امتا مانبي ونطلع امتا مانبي
خولة_خلاااص معناها اني نطلع
خشت لحمام غسلت وجهها وطلعت لمت شعرها وبدلت حوايجها وهيا تنفض بالعبرة
معتصم_ بلا اهبال واربحي راحتك خير
جت وقفت قدامه_ مش منهمكش ...مش كله ع خاطر البيبي...انا تو انجيبه في حوش عيالي وانجيبهولك ولا نبي نشبحك لا انت ولا هو ....ياريتني ماعرفتك ولا شفتك ..
معتصم_مافيش طلوع تقعدي اهني
خولة_بنطلللللع وتو بنكلم قيس ايجيني
معتصم_في احلامك
خولة_شن تبي ...شن تبي مني فهمني بس قتلك البيبي تو انجيبهولك مانبيشي مانبي شيء منك ولا نبي أي شيء يفكرني بيك
معتصم_شن حاسة انتي
خولة_نعمممم
معتصم_شن حاسة تووو انت شن حاسة
خولة_شن هالسؤال
معتصم_قلبك يوجع فيك روحك بتطلع مافيش الم اصعب من هالألم..انا عيشتين هكي خمس سنين كل يوم انقول تو اتحن تو تلين انا انحبها تو اتحس بيا وانتي شيء وكأنك حجر
تتفكري لما انجيك وماتبيش تطلعي تتفكري في كل عيد ميلاد انجيب هدية واترديها عليا
تتفكري ولا نسيتي
تتفكري لما انجيك للجامعه وتتهربي ماتبيش اتشوفني ودايرتيني مضحكة انتي وصاحباتك
خولة_امتا
معتصم_ماتنكريش سمعتك بودني كنت الوقت هداكا قاعد مانهتمش با الموضى واللبس كنت شاقي انوسع في عملي وجيتك للجامعه ببنبلغك وانبشرك اني بنفتح اول معرض ليا كنت نبي انقولهالك اول وحده
ولما قريب نوصلك
سمعتك قلتي
ووووك عليا جاني منظره زي الراعي
لتو ترن في ودني وقته حلفت اندمك عليها هالكلمه
لكن فاتت سنين وقلت خلاص ننسى يمكن ماتقصدش وصلني بعدها كلام انك ديما تتهزي علي وعلي لبسي ومنظري
كنتي دايرتيني مضحكه ليك ولي صحابتك حتى اصحابي يتهزوا ويقولوا فوووتها فكك منها وانا قلبي مش راضي ....قررت وقتها نكسرك انخليك تحبني وتوصلي للمرحلة الي وصلتها في حبك و وقتها نكسرك وانخلي قلبك ايحس الي انا حسيته تتوجعي زي انا بناخد مكانك وانتي خودي مكاني
يعني زي قول الشاعر
بسوي مثل ما اشوفك تسوي وافعل افعالك
خولة_تبكي ...وتو شن تبي
معتصم_ خشي لداااارك
خولة_خلاص مليت لأمتا بتقعد تعامل فيا هكي
معتصم_خشييييي قتلك
خولة_مش خااااشه نبي انروح لحوش اعيالي
معتصم_اتروحي لعييينك .
خولة_ خدت موبايلها وبترن علي قيس
خدي معتصم الموبايل وحدفه ع ااحيط
خولة_شن تبي منييي شن تبي انا بنمشي الليله لعيالي وخلااااص انت انتقتمت وانا نتأسف ونعتدر ع الوجع الي سببته ليك ونوعدك اني معاش نطلع في حياتك ثاني وتو خليني نبي انروووح لحوش عيالي
معتصم_اووووف ماتفهميش انتي ..شدها من يدها ودخلها للدار وصكر عليها واتكا ع الباب وبدوا دموعه ينزلوا...لما شافه اول ماخش كانت تصخف تبكي وتلم ف السفرة وكلامها كان زي السكاكين تنغرس في صدره لكن لما حكي الي صار زمان ارتاح شوي كان ناوي يزيد يكمل يعدبها اكتر
لكن  الأسف الي طلع منها واحتمال انه يخسرها كان قااااتل بالنسبة ليه صح يبي ينتقم منها لكن مايقدرش يعيش بلاها
خولة_اطق من داخل_افتح الباب خليني نمشي معتتصم افتح الباب انا مريضه انا تعبانه والله مريضه
فتح الباب بسرعه
لقاها مقعمزة وتبكي وتتألم
معتصم_خييييرك
خولة_وجع وجع رهيب مش قااادرة
طلعها ومشي للعياده
دخلوها طوول
ومعتصم خااايف عليها يرعش ويدور في الممر
وبعد شوية جاته الممرضه
الممرضه_عفوا انت زوج المدام خولة محمد
معتصم_ايه
الممرضه_تعال معاي انت لازم توقع علي اوراق
معتصم_اوراق شن
الممرضه_تو الدكتورة تشرحلك
وصل للدكتورة
معتصم_خير يادكتورة شن فيها خولة
الدكتورة_والله المدام حالة ولاده وبما انها في السابع فلازم توقع ع الملف احتمال انديرولها عملية هيا لتو وضعها طبيعي لكن هيا خااايفه هلبا شكلها مدلعه
معتصم_انشوفها قبل مانوقع
الدكتورة_باه تعال معاي قاعدة في حجرتي هيا
ومشي معاها معتصم وخش لقاها ادور في الحجرة وتبكي
معتصم_ قرب منها _شن قالوا مرتك دلوعه ومن بكري تبكي
خولة_تتوجع وتبكي_انا خاايفه الوجع قوي هلبا وقالوا مزال بيقوة روح بيا  انا معاش نبي خلااص غ
معتصم_يضحك شن هو الي معاش تبيه
خولة_معاش نبي انجيب بنروح قلولهم يديروا شيء يوقفوا الوجع منبيش انجيب اصلا مزال موعدي قاعده ف السابع
معتصم_ههههههههه انتي دلوعه وخوافه انا بنمشي انوقع علي اوراق الدخول وماتعطليش جيبي ولدي فيسع نستنى فيكم وباسها علي جبهتها
خولة_ تبكي..لو متت رد بالك منه وعطيه لماما تربيه
معتصم_انتي بتربيه ومعاش تخافي انا قريت في النت تتوجعي شوية وتو اتجيبي
هيا تو ربي يحفظك ليا وانشوفك قريب
وطلع معتصم
وشوية وزاد الوجع عند خولة
وبعد ساعة
الممرضه_الحمد لله علي سلامة المدام ومبروك مازاد عليك 
معتصم_الله يبارك فيك كيف حالها هيا
الممرضه_تعبت شويه وتعبتنا معاها بالدلع لكن تو كويسه
معتصم_كويس الحمد لله والولد
الممرضه_وضعه ممتاز لكن طبعا حطوه في الحضانة بيقعد فيها لين يكمل التسع شهور
معتصم_الحمد للله يااارب وهيا نقدر  انشوفها
الممرضه _لا مزاال
اتصل معتصم بأمه وام قيس وبشرهم وطبعا لاموا عليه لانه ماخطم عليهم
.....ومشي معتصم للحضانة وشاف ولده وصوره وكان احلى لحظات عند معتصم
وبعدها مشي لخولة
معتصم_الحمد لله علي السلامة
خولة_الله يسلمك ...
معتصم_طبس عليها وباس راسها_ خفت عليك ياخواافه
خولة_دموعها نزلوا_ الحمد لله تو بتفتك مني
معتصم_ نفتك منك لاااااا ياعمري انتي مرتي وبتقعدي علي ذمني لين ربي يأخد امانته
خولة_ انت خيرك كل ساعه برأي
معتصم_مش وقته هالكلام انتي ارقدي وارتاحي ابنمشي للحوش تو انجي وباسها علي ..... وروح
لحوش ريهام وطلقها وعطاها المبلغ الي متفاهمين عليه 50.000 صح ريهام كانت عارفه نهاية هالزواج لكنوكانت اتحب معتصم وكان عندها امل انه يحبها لكن معتصم صدمها بحبه او الأصح عشقه لخولة
ونزل لحوش خولة وضم الحوسة وكان فرحان خلاص بتبدا الحياة الي يحلم بيها مع خولة  جهز الحوش وطلع شري سرير للبيبي مع انه مش حيروح 
ودوش ورقد ساعه
وبعدها ناض واتفق مع شركة اتجي اتزينله الحوش 
ووجاب اخته اسراء وخوه محمد في الحوش باش اتجيهم الشركة
ومشي  للعيادة ثاني
خولة_وينك عطلت
ام قيس( زهرة)_غير يوصل مسكين طووول هكي نازلة فيه .مبروك مازاد عليكم
معتصم_الله يبارك فيك ....هدا حالها ماتعرفش ترحب
خولة_انا....
معتصم_لا انا ...كيف حالك تو
خولة_الحمد لله ...وجع يمشي وايجي ...شفته الولد
معتصم_ قصدك ولدنا ..شفته
خولة_انا شفته في الشاشه بس
قعمز معتصم جنبها _شوفي صورته بكري لكن صغييير هلبا
خولة_حلاااته وليدي يهبل
معتصم_هههههههه ....وين امي؟؟؟
خولة_جت تحمدت ف السلامه وروحت قالت خليت الجغوم ع النار
معتصم_قصدك هدا الي نصه حلبه وووووع
خولة_هههههههه هدا كويس للنافس
معتصم_نسي امها ...واحلى ناافس حياتي انتي ..
خولة_تفنص فيه وتشبح لامها
امها_هههههه خليه مسكين فرحان نساني مرة وحده
معتصم_تحشم......ماقالولكش امتا بتطلعي
خولة_نبي نقعد مع ولدي
معتصم_شن تقعدي مع ولدك بيقعد شهرين اهني
خولة_مانبيش انخليه بروحه
معتصم_قالت الدكتور لازم اتجي يوميا مرتين الصبح والعصر باش ترضعيه
خولة_كوويييس بكل
امها_نمشي نسألهم امتا بتطلع
معتصم_خليك مرة عمي تو نمشي انا
وطلع معتصم
وخولة فرحانه بطير
وجاها _هيا وتي حوايجك خروج والعصر نرجعوا عشان الرضاعه
وجهزت روحها وطلعت
وصلت للجوش وخشت لقاته مزين بالنفافيخ ع الأزرق والأبيض ومعاها تول ع الأبيض والأزرق كان الحوش يهبل
معتصم_انستي الحوش ياماما
جت امه تزغرت ومعاها الوشق و وراها اسراء ومحمد خومعتصم باركولها وساعدها معتصم لين وصلت لدارها وكلهم طلعوا وقعد معتصم وخولة بس ناض سكر الباب
معتصم_انساعدك تبدلي
خولة_ شن هالتغير امس تبي اطلقني واليوم تتغزل فيا
معتصم_والله ماوقته هالكلام لكن حاظر انا تزوجت ريهام بس باش نكسرك بعد تأكدت انك تحبيني
خولة_شنووووووو
معتصم_وكان زواج ع الورق بس مقابل مبلغ الفلوس ....وشن تاني...انا انحبك وانمووووت فيك ومافيش مرا في الدنيا تقدر تاخد او حتى تهز مكانتك في قلبي
خولة_انا نحلم صح
باسها ع ...
معتصم_ماتحلميش هيا امي تستنى بتعطيك الجغووم وووع كيف تاكلو فيه
خولة_انا قاعده مصدومه ..وريهام وين؟؟؟ وكيف توافق علي زواج زي هكي ؟؟
معتصم_وووك هالسيرة ريهام اتحبني وتوقعت بعد الزواج نحبها او تغريني لكن مانجحتش وتو روحت لحوش اهلها واحني ابنبدوا حياتنا مع ولدنا
خولة_انت تفكيرك كااارثي
معتصم_هههههههههه حبك في قلبي هو الكارثي
خولة_لااااا انا هلبا عليا هدافي يوم واحد عقلي استك
معتصم_غير هيا بدلي وخلي دماغك يستك بعدين براحته
...........
عند القاسم ودانية
القاسم_الووو دندوني
دانية _تبكي ....الووو
القاسم_خييرك شن فيه
دانية_انا انخطبت ووو اهلي وافقوا وخوتي ضربوني قالوا توافقي عليه غصبا عنك
القاسم_شن تقووولي انتي وانا
دانية_واللله مانبيه وحق ربي انحبك لكن ضربوني والخميس الجاي تلبيسة
القاسم_لا ماديريش هكي انا نجري في البني وانحاول ننقنع في خوالي وعمامي باش يوقفوا معاي وانت توافقي علي اول واحد
دانية_ والله قلت مانبي بكيت وعيطت اخر شيء ضربوني قاسم حبيبي سامحني والله حااولت انكلم فيك وحوايجي دم قالو جاهز بحوشه وراضي اني نخدم في الإداعه وشغله كويس وراجل محترم
القاسم_لااااا انا غدوة نتلاقى معاك ونتفاهموا
دانية/كيف تبيني نتلاقى معاك وانا مخطوبة صح انحبك وصح نتمنى انكون معاك تو لكن خلاص مخطووووبه ...تحكي وتبكي.مخطوووبه انا عندي ..  خوت وانخاف علي سمعتهم وسمعتي ...انحبك سااامحني ياااريت تمسح رقمي
القاسم_ شن تقولي دندون انتي ليا ليا اني والله نموت لو تتزوجي غيري
دانية_بعيد السوء ربي يعوضك بواحده خير مني يااريت تمسح رقمي
القاسم_نمسح رقمك من قلبي ولا عقلي انا حافظ كل شيء عليك ومخزنه في قلبي كيف بنمسحه ...اووووف انحبك انحبك انحبك يكتبك من نصيبي عاجل واو اجل ربي يرعاك ويكون معاك..ردي بالك تقوليله انحبك ولا اي كلمه رومانسيه نقتلك انتي وياه بعدها
و #يتبع
كتبت الحلقتين وانا مريييضه امس شقشيقه في رأسي واليوم  بطني بنتقطع بالوجع
ادمونتكم نجاح مريييضه من امس العصر لكن قاومت وكتبت حلقتين
ياااريت تعجبكم
#najah_alhaj