#فرقتنا_عادات مكتمله

الحلقه16

#فرقتنا_عادات
#الحلقة_السادسة_عشر
::::::::::::::::::::::::::::::::::💙::::::::::::::::::::::::::::::::::
👍👍👍👍👍👍👍👍👍 قبل لاتقروا
💭💭💭💭💭💭💭💭💭بعد تكملوا
ونبي توقعاتكم للحلقة الجاية
:::::::::::::::::::::::::::::::::💙:::::::::::::::::::::::::::::::::::
صكر قيس من ايناس
ونزل تخبيط في ااسبيكرواااات
علي_تي اهفت ياااراجل ياااسر
احمد_تي خلللييييه ياعلي خلييييه
قيس_كان قلبه بيوقف لما كلماته ايناس المره الثانية كان صوتها يقطع و واضح تبكي كان خاطره يقوللها لا انا كداااب انا نحبك انا نبيك لاكن كل هالدنيا عكسي مانقدرش انعشمك اكثر لاني عارف في الأخير بنرخيك مش قااادر يا ايناس تي انا انحب جتى ضلك ع الأرض انا انحب حتى عفساتك تي انا لو بإيدي ناخدك لمكان مايوصل فيا حد ولا يشبحنا حد ولا يعرفنا حد تكوني ليا وانكون ليك لاكن انا لبنت عمي من لما عمري عشر سنين او اقل تي انا مفروض من الاول ماكلمتك لاكن ماقدرتش طيفك قعد معاي لين ضعفت وتنازلت ودرت شيء كنت لاغيه من حياتي بكل لاني سجين عيونك السود ومتيم لغمازت خدودك انا مانرقدش ليلي لو ماكنتي اخر من نسمع صوته ونتخايله...تي انا مش بس انحبك ...انا نعشق كل تفصيل فيك حتى شامتك الصغيرة فوق فمك
كل هادا كان يبي يقوله كان علي طرف لسانه لكن ماقاله
قعمز قيس في تركينه...وغلبوه دموعه
طول طلع علي واحمد
علي_تي مش حب هدا جنون شفته كيف
احمد_غبي والله لو مكانه مانفرط في بنت انحبها لهالدرجة وطز في كل من بيوقف ضدي
علي_تي يبكي والله وجعني قريب بكيت وكأنها ماتت مش انفصلوا
احمد_الموت اهون حاليا يتخايل في الي جاي يتخايل في فراقهم وزواجه من غيرها والأصعب زواجها هيا من غيره
علي_انا لاحب لا وجع قلب ادور العزيز واتجيبها فكني يصرلي زيه
احمد_هههههه شوية ونركبوله
علي_الله اعلم شن قاتله؟؟؟
احمد_اشبح شن ؟؟؟
......
عند ايناس
انا _نبكي مش مصدقه معقووووله احمد خلاص تم وانا نستنى امتا يقولي انه يحبني وهو يشوف فيا صديقة بس
خشت عليها ريماس
ريماس_😧😨😨😱 خيييييرك
انا_اه تعالي شووفي خيبتي طلع في تونس
ريماس_من ؟؟
انا_احمد احمد
ريماس_لاااا خيره شن صاير عندهم فيه حاااجه هو؟؟؟؟
انا_لاا ياريت ماشي مع صحابه وسمعت صوت بنات واغاني
ريماس_لا لالا معقووولة احمد مستحيييل تي يحبك يابنت مستحيل يديرها
انا__تي كلمني سألته ومانكرش وقالي احني اصدقاء بس اصدققاااااء تخايلي وانا الهبلة الي حبيتها ونيتنى في كلمة انحبك وهو دايرني بيفوت بيا وقت مش قاااادره نصدق ياريماس مش قاادره
ريماس_خزيييي مايستاهلش
انا_انا واجعتني روحي صدقته وخنت ثقة بابا وخوتي علي خاطرها شوهت سمعتي شوهت الصورة الي كنت راسمتها لنفسي وتنازلت علي خاطري قلبي قلبي الي سلمته ليه وطلع كداااب لعب علي واليوم مل فاااتني لا اعتدر لاحاول يتمسك بيا ولا شيء كاااني سباط نايلوا في رجله لوحه وغدوه يلقى غيرره
ريماس_اسكتي هو السباط مش انتي غدوه يجيك سيد سيده ماوقفتش عليه
انا_سيد من بالله وقلبي الي لتو مش مصدق ويقولي مرات مقلب مرات حظ يبي يفرقنا قلبي الي يعشقه انا والله نحبه تي اول حب هدا ياريماس
حضنتها ريماس وبدوا يبكوااا😨
........
وفاتت الساعتين ومافيش شي وايناس تستنى .......
فاتت الساعة الثالثة ومهناك شيء
انهارت بالبكي
....
بدي تليفونها يرن قامته
المتصل _عشقي
ايناس تشبح ومش مصدقة رقم احمد المدار
تجري نوضت ريماس
ريماس_خيييرك ياهم
انانووووووضي احمد يتصل من رقمه في ليبيا
ريماس_شن يبي....وبعدها حيييي قصدك رووح الساعه كم
انا 3:30
ريماس_وردي بيفصل
وفي اخر لحظه
انا _الووو ونبكي
احمد_اللووو ..وين انتي
انا_في الحوش انت الي وين ولا هدا وين خشيت ليبيا
احمد_اطلعي من بابكم الخلفي
انا 😨😱 نعمممم
احمد_انا قدام بابكم الخلفي اطلعي بسرعه
انا_مانقدرش شن نطلع تو
احمد_انا جيت من توووووونس علي خاطرك ماتقدريش تطلعي فم الباب عشان خاطري هيا وبسرعه ولا نرجع ل تونس
انا_باه شويه بس وصكرت
ريماس_شن صااار
انا_يستنى قدام الباب الخلفي راقبي الوضع وانا بنمشي نشوفه ولو صار شيء طووول رني علي
ريماس_من جد بتطلعي تو خيرك هبلتي
انا_بنطلع معقولة جي من تونس انا مانطلعه فم الباب غير شوفي الوضع بنجهز روحي ونلبس عبايتي
درت ماسكرا وملمع شفاه هااادي وبخييييت عطري جووون ريشموند فزييييع العطر هدا في الصيف
ولبست عبايتي و وشاحي
وطلعت انا وريماس نختلوا لين وصلنا للباب الخلفي خشت ريماس باش تحرسلي هههههه وانا فتحت الباب بالشوييييه
خش احمد
احمد_ انحححبك
انا_من الصدمه قرييب طحت _آه
احمد_نعشقك
انا_شنوو
احمد_نموووت فيك
انا_غير شويه شويه
احمد قرب مني _واخيرا ارتحت وقلتهالك انا انحبك من اول يوم تلاقينا فيه من اول مرة تلاقت عيونك بعيوني حبيتك  ملكتي قلبي بعيونك السود مهما نوصف مستحييل نوفي حبي ليك ولهادا ...خدي يدها وحطها ع قلبه ...اتحسي فيه تحت يدك نبضاته كلها بإسمك كل قطرة تطلع من شراينه ليك ومنك
انحبك نوستي ومن زمااان انحبك هلبا انحبك موت انحبك انتي عشقي وغرامي وهيامي انتي احلا حلم واجمل واقع انتي شيء لو فقدته ننتهي اليوم كنت حنموت بمجرد تخايلي للفكره بس فكرت انك غدوه احتمال مش حتكون فيه معااي خفت صدقيني خفت نفقدك بالنسبة للي صار
انا_حطيت يدي علي فمه_مانبيش نعرف اهم شيء انك جيييت ...احمد رد بالك تعاودها ثاني
رنت عليا ريماس
انا_حييي اطلع اطلع هدي ريماس اكيد جي حد
....
طلع ونحيت العباية والوشاح حطيتهم في شباك دارنا من الخلف وخشيت
ريماس_ياااحيونه عطلتي
انا_من ناااض
ربماس_ماناض حد سااعه وانتي واقفه قلبي قريب وقف وانا نستنى
خشينا للدار وحكيتها كل شيء
ريماس_حيي كاني انا ولا راهو قتله حتى انا انحبك ونعشقك
انا_ماهو انتي حماره فسدتي اللحظه
ريماس عاادي تتعوض
شوي ورن احمد
انا_الوو
احمد_الوو شن صار
انا_لا مهناك شيء بس خافت انا عطلت برا
احمد_باه معناها امورك تماام
انا _ايه بتروح
احمد_كان بتطلعي مره ثانية نرجع عااادي
انا_ههههه لا نسأل بس
احمد_بنروح بالشباب خلاااص بيرقدوا
انا_احمد
احمد_عييونه
انا_انا ....انحبك
احمد_ماسمعتش ..عاودي
انا_لا نتحشم مانقدرش
احمد_تي عاوديها لينا سنه جفاف الزح
انا_انحبك ..
احمد_تي انمووت فيك انا تي نعشقك آه منك وخلاااص
انا_باهي خلااص تصبح ع خير
...احمد_وانتي من اهله
.....ركب السيارة
علي_واااخيرا انتهى اللقاء
احمد_ شن صار ارتحت تو
قيس_اخر راااحه نبي نرقد 
احمد_اه مهناش ليم انمصوه
علي_هههههه
قيس_وصلوني انا وخود يا احمد السياره و وصل علي وروح انت ابعد واحد من اهني
احمد_باهي هيا بنرقد
وصل قيس و وصل لحوش علي
علي_تنزل ترقد اهني
احمد_زعما
علي_انزل انزل شن بيرفعك للحوش
احمد_خلاص والله معاد فيها بنطيح علي وجهي
خش علي وجاب فراش ومخده وبطنية لأحمد
علي_انا بنرقد داخل وانت ارقد اهني وصكر الباب ماحد بيجيك اختي بتطلع من الصبح اتقري وامي مانجيش للمربوعه خود راحتك
احمد_منووور عليوه تصبح علي خير
.....خش علي رقد  واحمد نحي السوريه والسبته ورقد طوول وكانت الساعه قريب الخمسة
مع الساعه سبعه الصبح
ام علي_خييىك وين ماشيه
فدوى_مخدتها في ايدها وبطانيتها ف الإيد الثانية _وتتكلم وشبه رااقده_للمربوعه المكيف مايخدمش في داري الليل كله مارقدت
ام علي_والمدرسة
فدوى_ياماما مش ماااشية مارقدتش بكل
وخشت للمربوعه لقت واحد راقد ومتغطي كله تحسابه علي خشت بالشويه وخدت تركينه وحطت مخدتها ورقدت وتغطت
موصفات فدوى_حليوووه وشعرها متوسط لتحت نص الظهر بشوي لونه عسلي من ربي عيونها كبار ولونهم عسلي جسمها معدل مش رشيقه لكن مش سمينه وقصيروونه
مع الساعه ثمانية احمد وصله مسج وهو في العاده نومه ثقيل لكن بقدرة قااادر سمع المسج خدي التليفون ولقاه من علي
( اسمع صكر المربوعة بالمفتاح الضي ضعيف واختي مكيف دارها ماينفعش مرات ترقد في المربوعه)
وناض احمد بيصكر الدار ويشوف فدوى راااقده
احمد_حي علي امها حيي ...تي كيف الراي تو
وقعد مقعمز يحك في وجهه وراسه _انوضها وخلااص
مشي بينوضها انصدم بالملاك الي راقد كانت فاتحه شعرها وراقد زي الأطفال بالزبط احمد قعد هااايم ويشبح بس
بعدها فاق لعمره
احمد_احمظ استغفر الله العظيم اخت علي ياحمار اخت صاحبك
شوية وبدي يفيق فيها
احمد_نوووضي نووضي اختي نووضي
فدوى_هممممم اخطاااني بنرقد
احمد_غير نووضي اختي وين نخطااك
فدوى_استغربت الصوت...فتخت عيونها وكيف بتعيط حط احمد يده علي فمها_اسسيس
شن بتفضحينا انا احمد صاحب علي وامس روحنا اموخر وعلي عرض عليا انبات اهني ونضت لقيتك جنبي اهني فا اسكتي ..ونحى يده
فدوى_خااايف وترعش ...نحسابك علي خوي
احمد_حصل خير نوضي واطلعي قبل لا ينوض
ناضت فدوى وشكرت احمد وخشت
ورجع احمد رقد وسكر المربوعه بالمفتاح
..........
قوة علاقة القاسم بالبنت الي تشتغل معاه وكان اسمها دانية
..........
بعد اسبوع
كانت اليوم زفة معتصم علي ريهام
......
وزفها وجابها للحوش وخولة تراقب من حوشها لانه بني شقة  صغيره فوق الحوش لريهام
خشت ريهما ولاااصقه في معتصم
وخولة تبكي بتمموت
ومعتصم عارف ان خولة وتراقب ويمثل انه فرحاان بيطير
خسوا لشقتهم
ريهام_عصوومي نحيلي الكاب مانشوف في سيء
معتصم_بلا طرررووووح احني متفاهمين علي كل شيء هالزواج ع الورق بس
ربهام_لكن اني انحبك انت جرب مش حتخسر شيء عطينا فررصة
معتصم_لشنو الفرصه قلتها وانعاودها انا خولة انحبها وزواجي منك قرصة وذن ليها لي شيء في خاطري اني انا انتي لاتقارني بيها جسمها وشكلها وروحها كلها علي بعضها حللوة
ريهام_ولأمتى هالوضع بيقعد
معتصم_انا انقرر
#يتبع معش قدرت خلااص بنرقد كتبته كلهم اليوم الحلقتين الي بكري نزلوا والحلقة هادي
#najah_alhaj