#فرقتنا_عادات مكتمله

الحلقه25&26

#فرقتنا_عادات
#الحلقة_السادسة_والعشرون
================================ لايك قبل ماتقروا
والتعليق بعد تكملوا 
نبي توقعاتكم للحلقة الجاية
================================ نسيت انقوولكم انه ياسمين جابت ولد وسموه زيد وتو عمره ثلاث شهور يهبللل جبيبي وكبيدتي ......
..........
ثاني يوم بعد هدرزوا القاسم و قيس في الحوازه
قيس_صباح الخير
امه قيس( زهرو) _صباح النور عندك ف المستشفى اليوم
قيس_ايه اليوم توكه بنمشي للعياده قبل وبعدها بنمسك في المستشفى
زهرة_شن صار مع خوك امس
قيس_ شن بيصير يعني مصكر راسه ويبيها
زهرة_وخيرك تتكلم هكي وكأنها حاجة عاادية
قيس_ يا امي خلاااص احني ف 2015 خلاااص معاش يمشي تفكيرك هدا فيه الي يتعرف هلي وحده بالنت ويمشي يخطبها معاش من يشبح للقبيله وعربيه ولا لا طرابلسيه ولا من الدواخل خلااااص العالم اطور
زهرة_انا متخلفة ولو يوقف علي هدب عيونه مانخطبها
قيس_ علاش انتي سألتي علي العيله سألتي ع البنت
زهرة_لا سألت ولا حنسأل قوله يعقل وتو انشوفله بنت كويسه نخطبهاله
قيس_وهو يبي هادي عاااجباته الولد كمل حوشه ويخدم ويبي يستقر معاها خليه حرر مش خير ماتخطبيله وحده وتحصلي في مشاكلهم وفي كل حاجه يقولك هادي الي جبتيها
زهرة_وخيرهم الجباليات اهو معز مرتاح وفرحان بيها وانت واسراء مرتاحين حتى هو زيكم حتى خلود الي يما دارت تحلف براس علاء ماتحنث
قيس_ معز وعارفينه من قبل يبيها ويحبها وانا من قالك مرتاح او راضي اصلا ع الزواج هدا وخلود من حظها طلع كويس وكان هدا راهي بكرري مروحه مطلقه
زهرة_وعلاش انت مش راااااضي خيرها اسراء الف من يتمناها شن ناقصها زين ودلال وبنت حسب ونسب
قيس_ خلي من الألف هادوت واحد يجي يتزوجها ويفكني منها
زهرة_شن هالكلام الي تقول فيه والله يسمع بوك يدفنك حي
قيس_الكلام معاكم تضيع وقت انا طالع
طلع ورن طول علي
انا_بصوت ناعس_الللووو حبي
احمد_ هلا ..نوووضي يامخمجه ياسرك نوم
انا_ ماعنديش محاضره مزال بنرقد
احمد_ ياريتني جنبك تو
انا_تعااال من شادك
احمد_ اه منك انتي متقوية عاااد عارفتيني مش حنجي في هالوقت
انا_هههههه باهي خلاص بنرقد
احمد_ياااارتني مخدتك ولا بطانيتك تعرفي بجد نبي انكون معاك تو محتاجلك هلبا
انا_علاش شن فيه!؟؟؟
احمد_ عارف روحي بنستاحشك لما انسافر  مش مستوعب فكرة اني نشتاقلك ومانشوفك
انا_ عادي تو نحكوا سكايب
احمد__ حبيبتي اول ماتفيقي بعدين كلمين ارقدي تو
انا_باهي حااااضر
احمد_انحبك
انا_وانا انمووووووت فيك
.....
رقدت ونضت ع الساعه 12:00 ومشت ماما للمدرسة وهيثم لاهي يجري علي اوراقه وفاروق فتح كافي مع صحابه ويمسي من الصبح مايروح ال الليل وصهيب يجري علي مشروعه خلاص بيتخرج من ااصيدله وريماس في الجامعه
ماما حاطه الغدي ع النار قعدت راد بالي منه ولفيت عالحوش ضميته ونشرت الدبش وبعدها كلمت احمد
انا_الو
احمد_الساعه 1:00 هدا وين نضتي
انا_لا ليا ساعه كنت انحوس
احمد_ انتي في الحوش
انا_ايه....حاصله بروحي ماما في المدرسة وريماس ف الكليه
احمد_وخوتك
انا_الي هادا لاهي ف روحه
احمد/_اهااا باه شن غداكم
انا_ كسكسي
احمد_اع حشا النعمه
انا_بالعكس حلووو
احمد_بالصحه عليك ..نوسه
انا_نعم
احمد_لازم انصكر انا في العمل ومشغول شوي
انا_اوكي سلام ربي يعاون
احمد_سلمك يانوستي سلاللم
.......
في الليل رن تليفون فدوى
رقم غريب ماردتش
واتصل ثاني وماردت
بعدها جاها مسج
( السلام عليكم ..كيف حالك فدوى ...وشن اخبارك ..انا احمد ..خطيبك كان قاعده متفكره ههههه كله من خوك   ....لين قريب ننسوا انا مخطوبين ..عموما خنبت الرقم منه ردي عليا)
وشوي ورن تاني
فدوى بعد تردد وخوف ردت_الو
احمد_الو هلا فدوى
فدوى_اهلين احمد
احمد_ كيف حالك
فدوى_تمام وانت
احمد_الحمد لله واخييييرا سمعت صوتك
فدوى_ هههههه عادي لو اتصلت قبل كنت رديت
احمد_ لو حصلت رقمك من قبل كنت اتصلت اليوم بس غافلت خوك وخديت الرقم لو يعرف يقتلني
فدوى_ههههههههههه
احمد_ لا عاد مش من اول مكالمه بتهبليني شن هالضحكه الحلوة ...
فدوى_ام....هههههه
احمد_تضحكي ثاني نهبل اني خليك عاقله ومعاش تضحكي
فدوى_انت اضحك فيا
احمد_ باه معاش انضحكك لاني والله مانقدر نتحمل صوتك وضحكت في مره وحده هلبا عليا
فدوى_ باهي شن تبي متصل
احمد_ شن نبي شن نبي شن نبي .....نبي نبي ..نبي
فدوى_هههههههههههههههه هدا كله تفكر
احمد_ ههههههههههههه تي شن هالسؤال انخاف انقولك معاش تردي عليا بكل
فدوى_معناها ماتقولش
احمد_قصدك تبي تتكلمي معاي حتى انتي وخايفه  ان نقولك حاجه معاش تردي
فدوى_حي عالتحليل والتفكير مفروض تخدم محلل سياسي
احمد_نخدم الي تبيه انتي
فدوى_ نقدر نسألك
احمد_اكيد ...
فدوى_عندك علاقات قبل ..؟؟؟
احمد_ نجاوب بشرط تجاوبي حتى انتي
فدوى_ايه انجاوب
احمد_علاقتين وحده في الثانوي كانت تقرا معاي طبعا مراهقة شويه ومليت منها
وااثانية في الجامعه كانت هيا سنه اولى وانا رابعه قعدنا فترة وبعدها انفصلنا وانخطبت بعدها ومعاش نعرف شيء عليها
فدوى_ بس ...
احمد_بس وتبي الحق الطب مايخليش وقت للعلاقات
فدوى_مابعدكم الحق جماعة الطب  سبع سنين
احمد_حتى هيا ارواح ناس بإيدينا
فدوى_فعلا ..شن تخصصك انت
احمد_باطنه
فدوى_ماشاء الله يعني اكتر تخصص عليه زحمه
احمد_ايييه هلبا مش شوي... مش مصدق اني واخيرا نتكلم معاك وعندي رقمك
فدوى_لهالدرجه كنت تبي تكلمني
احمد_واكتر انشوف فيهم كلهم الي حبيبته والي صاحبته والي خطيبته والي مرته كلهم غزل ورومانسيه وانا خاطب وخوها حارمني
فدوى_هههه شكلك كاره علي
احمد_هههه لا مش هكي لكن درهلي كبدي كل مانقوله بنشوفك ولا نبي انكلمك
يقول كان عاجبك هكي باهي كان هدا بلاش
فدوى_عااادي لو انت مكانه حتكون زيه علي حزار
احمد_لا القصه في اني حطيت عيني عليك وكنت نبي انكلمك من وراه دايرها زي العقاب ليا
فدوى_ يمكن ..
احمد_ماقلتيش عندك علاقه قبل ولا لا
فدوى_هو الحق مش علاقه بس اعجاب متبادل مع مدرس معاي في المدرسه لكن ماتعداش هالمرحله وبعدها هو مشي لمدرسه ثانيه وتمت
احمد_اها....باهي تو خزني رقمي وبيناتنا الو ونبيك غدوه اتفيقيني
فدوى_باه ...تصبح علي خير
احمد_وانتي من اهلي ..
........
ثاني يوم
عند معتصم و خولة
معتصم _تبي حاجه بنمشي
خولة_ايه بنقولك بنمشي لحوش اهلي اليوم بنتغدا عندهم
معتصم_باه اوكي لكن لما بنروح بنخطم عليك ونروح معاك
خولة___حبيبي وجت قربت منه وحطت يديها علي رقبته
معتصم_شن فيه جايه تتمايلي
خولة_ نبي نقعد عند اهلي الي الليل
معتصم_هلبا حبيبتي انا والله مانقدر انخش للحوش وانتي مش فيه
خولة_صحه حبيبي خلود بتجي العشيه وليا وقت ماشفتها
معتصم_ امممم.....باه لكن بشرط
خولة_شن هو
معتصم_ في الليل ....و وشوش في ودنه
خولة_حييي ...باهي
معتصم_اوكي سلام تو وباسها ع راسها
....
روح قيس للحوش منتهي كانت عنده توكه في المستشفى وخش رقد
ومع الساعه
11
جت خولة معاها ولدها
ام قيس_هلا هاتيه وليدي
خولة_غير سلمي عليا اني قبل
ام قيس_ انت شابعه منك عطيني اوس
وخدت اوس وبدت تلعب فيه خشت خولة نحت وشاحها وحطت صاكوا ولدها وشن جابت معاها في دارها
خولة_ماما شن درتي غدي
ام قيس_حطيت تو ع النار رز مسقي
خولة_اووووو استاحشت الرز من يديك خلود بتجي العشيه
ام قيس_ايه قال بوك بكري انا لتو صحيحه هالوجه ماتكلم فيا  بوها بس كانها بتجي ولا سمعت بحد مريض
خولة_ربي يهديها كيف حال قيس وقاسم
ام قيس_قيس مش مريحني فيه موال ف راسه وقاسم قاعد مهبلني بهالزنتانيه
خولة_حتى انتي يا امي اخطبيها وخلاص ريحيه وارتاحي
ام قيس_ والله وانضحك الناس عليا يقولوا زهرة ناسبت الزنتان الي بينا وبيهم عداوة لاااا ولو يمووت مايخدها
خولة_ياقعادك يام اتبعي في كلام الناس لين اتودري الولد ...قيس وين...
ام قيس_ في داره راقد امس عنده توكه
خولة_ربي يعاونه امتا بيسافر
ام قيس_ بعد شهر بالك
خولة_خلاااص معاش مزال هلبا
ام قيس_ايه خلاص حت التفويض المالي قالوها اسبوع وتعال خوده
خولة_ربي يسهلله غريبة بوي مازوجاش قبل مايسافر
ام قيس_والله عرض عليه ورفض قال ع الأقل يقرا سنتين ويشوف وضعه بعدين ساهل لكن خوك مش مريحني يومها قال كلام خاايفه يدير شيء ولا يكون حاط عينه علي بنت اخرا
خولة_اصلا هالخطبه من اساسها غلط خطبتوله وهو عمره عشر سنين وهيا قاعده تمرد والله حرام عليكم
ام قيس_ احني ادرا بمصلحتكم ..
خولة_بنمشي انشوف قيس
ام قيس_تلقيه راقد ...
عند قيس كلن راقد لين رنيت انا
ق
احمد_الو😪
انا_ هلا حبيبي شن راااقد غريبه
احمد_اها امس مارقدتش
انا_علاش
احمد _حبيتبتي والله بنرقد وامس سهران مش قادر نفتح عيوني اول مانوض انكلمك
انا_انا مستحشاتك امس ماتكلمناش ف الليل
احمد_حااضر ياعمري تو نوعى بعدين ونتكلموا لين معاش نلقوا منقولوا لكن تو تاااالف بنرقد
انا_باه نوم العوافي نحبك
احمد_انموووووت فيك
صكر مني
وسمع صوت وراه تلفت لقي الباب مفتوح وخولة متكيه ع الحيط
خولة_من هااادي
قيس_صكري الباب واطلعي
صكرت الباب وجت جنبه
خولة_قيس يقول حبيبتي وعمري وانمووت فيك من هادي
قيس_اطلللعي بنرقد
خولة_وحق ربي كان ماقلت الا مانقول لأمي كل الي سمعته
قيس_ واااااك ...فتح تليفونه وفتح خزنة الصور وطلع صورتي واخدها ليا في الجامعه
_اهيا
خولة_محلااااها من هادي
قيس_ لا اله الا الله مش شفتيها خلاااص نحكوا بعدين بنرقد
خولة_وين طحت فيه....
فنص فيها قيس..
خولة_خلاااص باهي لكن لما انوض تحكي كل شيء
قيس_ ويسمعها حد منك والله نقتلك وتنسي انه عندك خو اسمه قيس ...حتى خلود لا بالدات خلود لاااااا
خولة_باه ارقد ...لمن حلوه البنت شن اسمها
قيس_خووووووووله
طلعن تجري ...
..........
والقايله ناض قيس مدروخ وتاااعب تلاقى مع خولة طالعه من الحمام بولدها
قيس_اووووه اوس عندنا تعال
خولة_استنى بس انلبسه حفاظته فيما انت خشيت للحمام
خش قيس لحمام حشاكم و هيا لبست ولدها وعطراته
حطت ولدها ومشت وتت غدي قيس
طلع قيس صلى الظهر وقعمز يتغدى
خولة_باه شن قصة السمحه الي كنت تكلم فيها
قيس_ اسمه ايناس ...تقرا قانون لينا مع بعض تقريبا سنتين ...نبيها لكن مع موضوع خطبتي وامك وبوك وتفكيرهم مش عارف نصرف انحس. في روحي مكتف
خولة_قيس قيس يحب حيي عليها
قيس_وعلاش مستغربين كلكم شن مش انسان اني
خولة_لا مش هكي قصدي ديما حركاتك وافعالك محسوبه حتى كلامك موووزوون مش متهور وعمرك ماخليت مشاعرك تتحكم بيك 
قيس_اصلا انا مستغرب في روحي كيف هكي لكن الي نعرفه ومتأكد منه اني نبيها ..
خوله_ صعبه ياقيس صعبه هلبا احسن حل انك تنساها ومن تو ماتعشمش البنت معاك انت تعرف بوي وامي قصدي مانبيش انحطمك لكن انا اختك ومانبيش نكدب عليك الموضوع منتهي من تو ادا كان القاسم الي مش خاطب ولاشيء وبكري كلمت امي رفضت وصكرتها فما بالك ب انت خاطبينلك اسراء من لما كنتوا صغار..قصدي لو فضت هالخطبه احتمال بوي وعمي يتقاطعوا
قيس_ نعرف لكن حااولت ننفصل عليها ماااقدرت اليوم الي ماتكون هيا فيه ومشاركه في تفاصيله مانحسباش من عمري ياخولة انحبها نعشقها مش انحبها بس لما انشوفها او نسمع صوتها قلبي يبدا بيطير من مكانه خولة انا حكيتلك لانك اقرب حد عندي في هالحوش انتي والقاسم بس الي تعرفوا بالموضوع ومانبيش حد يعرف اوعديني خولة
خولة_وعد والله مانقوله لواحد
قيس_تعرفي حكيتلك لاني كنت نبي نحكي لحد يفهمني ونعرف انك اكتر وحده حتفهمي
ام قيس_تفهم شن
خولة_ طبعه الواعر
قيس_هههههههههه
ام قيس_لا قيس ماهو واعر الا مع الي يستهالوا
.........
جت خلود وكانت تشكي من علاء لانه مايبيش يعاين ع الصغار
.......فات باقي اليوم عااادي
وروحت خلود وخوله
ع خلود
وصلت للحوش
وعلاء طلع مع معز شوي وبيرجع عندهم حسابات نص السنه بيصكروهم
دوشت خلود وبدلت لبست توته شرط لاصق اكحل مع بدي رصاصي مكتوب عليه بالوردي وحطت روج وردي هااادي وربطت شعرها ديل حصان مع مسكره ورسمة اي لاينر حلوة
وبخرت الحوش وجهزت توته لعلاء نفس الاوان شرط اكحل وتشيرت رصاصي
خش علاء واستقبلاته كالعاده بإبتسامه وبوسه ع خده
علاء_ شن الجو حبي
خلود_لما انشوفك نبدا في افضل حالاتي
علاء_كلامك هدا يهبل فيا
خلود_جهزتلك حوايجك خش دوش
علاء_والله هاااالك ونبي دوش دافي
خلود_خش وتو انوتي سفره فواكه وعصير _
علاء_حطي مكسرات
خلود_باه غير خش بس
خش دوش وهيا جهزت السفره وحطتها في الصاله وقعمزت ع التلفزيون تستنى شوية وطلع
علاء_امتا شريتها التوته هادي مانتفكرش
خلود/انا شريتها الفترة الي فاتت لقيتها نفس لون بيجامتي خديتها
علاء_ شكرا حبي
خلود_مش بينا حبيبي قعمز
علاء_اااااه تعبان بكل
خلود_تبيلك اجازة
علاء_ايه
خلود_حبيبي شن رايك نمشوا للأردن سياحيه
علاء_ اوووووووف هالسيرة ماتمليش انتي
خلود_علااش رافض فكرة الكشف نمشوا انشوفوا بس
علاء_انا بنرقد
خلود_علاااااء شن فيه احكي مش حل كل مانفتح الموضوع ياتسكتني ياتهرب
علاء_ عصب ...وطارتله .....خاااااايف نخسرك خااايف تسيبني ......هدا علاش نتهرب ونصكر ف الموضوع
خلود_وعلاش بنسيبك شن فيه
علاء _انا مشيت وعاينت عندي ..دوالي
خلود_شنوووووو امتا وشن هما هادوا
علاء_ يبوا عمليه ومش ديما ناجحه عمليتهم مشيت عاينت من بعد ست شهور زواج قلت انعاين اني قبل انشووف ولما طلع التحليل وعرفت المشكله سكتت
خلود_من قالك بنسيبك انا مضايقه من الناس واسألتهم اولهم امك وخواتك ديما يسؤلوا
حبيبي نمشوا لااردن اجازة ليك وسياحه ليا ونسؤلوا دكاتره وانشوفوا ومانقولوا لخد انا بنمشوا للأردن نقولوا تركيا مغرب اي شيء
علاء_ ياخلود يا حبي عمليه وقصه بعدين كل شيء ع الفاضي يطلع
خلود_الي عند ربي مش بعيد دعاااء بس واجتهاد بسيط منا وربي يرزق بس كتر من الإستغفار طول اليوم وانا زيك وبإذن الله بعد سنة ايكون ولدنا بينا هيا حبيبي ماتصكرهاش
علاء_ خلاص حاضر عشان انتي وعشان هالعيون الخضر حااضر من غدوة نبدا في الإجراءات
ريحتني ياحبي والله كان هالموضوع زي الجبل ع قلبي
خلود_كيف تفكر اني يمكن انسيبك مستحيييل انا مانقدرش نبعد عليك انحبك والله نحبك
علاء _من خوفي انا شايفك ومش امصدق يا خلود والله خوفي اني نخسرك عشان هالموضوع كان مجنني
خلود_قربت اكتر منه وحطت راسها ع كتفه_مايفرقنا الا الموت بس اطمن حبيبي
علاء_ ربي يحفظك ليا هيا نرقدوا
خلود_لاااا تعال جبت فيلم يهبل اسمه ماليفسنت لا انجلينا جولي جديد _ناضت ومشت للداى امتع النوم_ تعاال خلي نتفرجوا عليه في دارنا
وجيب معاك الصفره
.............
وفات الشهر بلمح البصر وخلاص غدوه بيسافر قيس
في الليل
احمد_حبي خلاص سادك بكي لك اسبوع تبكي قريب نلغيها مره وحده
انا_نبكي ...مش مستوعبه فكرت انك بتبعد عليا هكي مش حتهبل واتجيني مش حنشوفك في الجامعه مش حتجي وتباركلي بنجاحي مش حتكون اهني لو مرضت او صار اي شيء ليا ...مش حنشوفك لما نستاقلك مش حندوب في عيونك وانت تشبح فيا
قيس_ ماتفكرتيش تتغزلي فيا الا تو وانا غدوه مسافر..
انا_تتهزا عليا طبعا انت فرحان ماشي لأمريكا وبنات امريكا
قيس_ نوووسه لو يحطولي كل بنات العالم وقالوا اختار وحده ومعاها مليون اجني ولا  انتي وياخدوا كل الي عندي ...نختارك انتي لانك تغني علي هالشيء كله مشكلتك ماتعرفيش قداش انحبك والله يانوسه مافي حاجه واجعتني في هالسفرة الا انتي وعيلتي وصحابي اما غير هكي مايهمني في ليبيا حاجه. صح بلادي ومستحيل نسمح لحد يوصل فيها لكن الحق بلاد خاربه وشعبها جاهل اصلا العرب كلنا جاهلين امشيتنا امريكا واسرائيل بكيفها
انا_كنا في سفرتك ورومانسين خاشينا ع السياسه
قيس_انغيرلك في جوك ياهبلة اهو وقفتي بكي
انا_امتا طيارتك
قيس_في الليل
انا_بتجي للكليه غدوة
قيس_انتي غدوة بتجيني
انا_ وييين انجيك يااحمد احني في ليبيا رااه
احمد_غدوة اخر يوم ليا في ليبيا ونبي نتغدا معاك
انا_مانقدرش شن بنقول لامي لبابا لخووووتي
احمد_مادخليش اتجي وخلاص ابنبعتلك العنوان واسم المطعم واتجي
انا_مططططععععم شن تحكي انت افرض شافني حد يعرفني
احمد_مش حيشوفك حد المطعم لصاحبي علي وخوه وحجزت الصالة امتع العائلات كلها لينا
انا_حبيبي والله ماانقدر انخاااف وبعدين من بيجبني
احمد_انا انجيبك وانردك
انا_شنو انجنيت انت تبي نركب معاك
احمد_خلاص اتجيبك فاطمه مش عندها سياره
انا_تو انشوف مانوعدكش
احمد_لو ماجيتي بنسافر بدون مانشوفك ماتحرمني منك تعاااالي
انا_بااه حاضر انشوف فاطمه وانقولك
.....
وبعد جهد طلعنا خطه انا وفاطمه وريماس الي هيا اني بنروح مع فاطمه لانه عندي امتحان صعب وبنشرح لفاطمه وبعدها بابا يجي يروح بيا من حوشها وتم
نضت ثاني يوم لبست جمب سوت اسود قماشه واقف وثقيل عليه جاكه حمره طويله لنص الفخده  ووشاح احمر في الأكحل وشنطه كحله وكندره كعب وحطيت ميك اب في شنطتي لاني مانحطش فيه في الجامعه
طبعا صكرت بطم الجاكه لما كنت في الجامعه وبعدها مشيت لاحمد وقبل لانوصل رنيت عليه وصلت للمطعم لقيته يستنى قدام الباب وكان لابس سروال اكحل وسوريه زيتونيه عليها جاكه كحله ونضارات سود كان يهبل
خشينا وشفت شباب مقعمزين في الاستقبال واول ماخشينا واحد منهم مشي قدامنا والثاني مد صندوق لاحمد
خشينا لصالة العائلات كنت خااايفه نرعش قريب نبكي شن جابني اهني كان مش هبله خست فاطمه معاي طبعا
وصلنا لطاولتنا وكان مجهز طاولة بعييده علينا لفاطمه وبكل وقاحه قال
احمد_فاطمه سامحيني لكن جهزتلك طاولة غادي نبي نحكي معاها براحتي
فاطمه_لا عااادي مش مشكله
مشت فاطمه لطاولتها والشاب الي معانا
علي_خود راحتك وتو انكلموهم يركبوا الغدي
احمد_منوور عليوه ونحى النضرات
ومشي الولد طبعا انا متنحه فيه لون عيونه مع ااتشيرت الزيتوني كيف اشقر سبحان الله خفت انعينه وشوي وفقت لروحي لما لقيته يضحك و واضح انه انتبهلي
انا_اححممم هدا علي صاحبك
احمد_ايه
انا_نمشي لاحمام شوي وانجي
احمد_خودي راحتك
خشيت للحمام وحطيت ماسكرا وريمت عيني من داخل بقلم اكحل ودرت شوي كريم من ديور وبودرة ديور وروج مات من بروجوا احمر وشوي برونزي علي وخدودي
وطلعت
احمد_قعد متنح و وقف ....
انا_خيرك واقف قعمز
احمد_ شن هدا ...
انا_شن
احمد_الي ع وجهك
انا_اها ...شوي ميك اب
احمد_نووسه وحق ربي شاد روحي بالسيف عليك من غير مكياج اما اتطي روج احمر وبتقبليني وحق ربي نخطفك ونسافر بيك
انا_هههههههههههههه
احمد_معاش تضحكي ياهمي بتهبلني البنت وقعمز قابلني ويمسح علي وجهه ولحيته ويتفرج
انا_ياااسرك عاد عقدتني
احمد_نحبك
انا _ حتى انا
احمد_نعشقك
انا_حتى انا
احمد_بنقتلك
انا_حتى....ههههه
احمد_ههههههه واالله بنستاحشك نووسه
انا_والله مانعرف كيف بندير بعد تمشي
احمد_حنتكلمو كل يوم  انهدرزوا بالسكايب ..اوعديني تستني لين نرجع ونخطبك اوعديني ماتسيبنيش
انا_نوعدك لو وعدتني انت قبل
احمد_بشن
انا_اوعدني انه قلبك مايسكنه غيري انه عقلك مايفكر في غيري اوعدني اتحبني كل يوم اكتر اوعندي ماتخوني اوعدني لو في يوم انتهي حبك ليا تقولي انا اول وحده ماتتطعنيش في قلبي
احمد_نووعدك عمره قلبي ما ايدق لغيرك ولاعقلي يفكر في غيرك ونوعدك مانخنونك ولا نطعن قلبك ونوعدك لو في يوم انتهي حبي ليك حيكون هاليوم اكيد اخر يوم في عمري
انا_انحبك ...ونوعدك نستناك ونوعدك مانسيبك ابدا حتى لو سيبتني نقعد نستنى
احمد_ايوووه هكي نرتاح
وجابوا الغدي وتغدينا وبعدها جابوا شاهي
طلعت من شنطتي حديدة فظه منقوش عليه اسمي واسمه وبينهم جملة ربي مايفرقنا معاها قلب وترتبط ربط بخيط وربطته ع يده
احمد_شكرا حبيبتي سمحه بكل ومش حنحيها من يدي الا في الحمام بس
وطلع احمد الصندوق وكان فيه ...نضارات معاهم نقال اي فون 6s وساعه وخاتم زي الدبله
احمد_لبسني الخاتم هدا خطبه بينا احني وبإذن الله حنجي ونخطبك اول مايتحسن وضعي
انا_مش حنحيه من يدي الا لو في يوم تأكدت انك معاش تحبني
وكملنا غدانا وروحت .....
#يتبع
#najah_alhaj
اليوم نت الواي فاي رجع ادعوا يقعد باش نرجع ننشر يوميا تصبخوا علي خير