#فرقتنا_عادات مكتمله

الحلقه29

#فرقتنا_عادات
الحلقة_التاسعة_والعشرون
~~~~~~~~~~~~~~~~~~~~~~~~~~
لايك قبل ماتقروا
والتعليق بعد تكملوا
نتمنى تعجبكم
~~~~~~~~~~~~~~~~~~~~~~~~~~
ركبت للحجرة لقيت ريماس كيف طالعه من الدار وخشت لسريره وبدت تكلم في ايمن فايبر
وخشيت دوشت وصليت ورقدت تعبااانه مووت
....
ثاني يوم طلعنا فاضل ولفينا جنب الفندق ولفينا في المحلات الي جنب الفندق وبعدها رفعنا للمطعم تغدينا وكان احمد وراي كل مانتلفت انشوفه يضحكلي او ايأشرلي طنت فرحاااانه بنطير طالعه سياحيه وشبه مع حبيبي شن نبي اكتر
ريماس_تهمس لي..هدا بفضحنا
انا_شن بنديرلها متلا
ريماس_قوليله يهفت وبلا هالبوسات والجو مايشوفنا فاضل يردنا في اول طيارة لي ليبيا جثامين
انا_ههههههههه
سعاد( مرت فاضل)_شن يابنات عجبكم الغدي
ريماس_حلو باالدات الصوص الي علي اللحم
انا_ايه حلووو
سعاد_ هدا مطعمنا انا وفاضل المفضل
فاضل_شنو انوضوا خلااص ساد ابنرجعوا للفندق وغدوه بنمشوا للشقه
سعاد_نفس شقتنا الاولى!؟؟
فاضل_لا هديكا صغيره لا نفس المنطقه غير شقه اكبر فيها دارين وصاله صغيره ومطبخ بار وحمام واحد
سعاد_كويس المهم ماطلعناش من منطقتنا
فاضل_هي نوضوا
طلعنا من الفندق وزدنا لفينا شوية ماشاء الله بنيان وشعب رااااقي وبلااد نضييفه لما نتفكر ليبيا ننقهر احني عاشر دولة في احتياط النفط في العالم ومش مستفيدين شيء حاجه تقهر
روحنا وطلعنا للغرف وفاضل طلب منهم يطلعونا عشي فوق وطبعا وصا ع لحم حلال
دوشت وهدرزت مع فاطمه في الفايبر وريماس مع ايمن
وبعدها طق الريسبشن وجابولنا العشي
تعشينا وكلمنا فاصل يكلموهم ياخدوا السفره لاننا مانفهموش الماني
رن عليا احمد
انا_الو
احمد___حبي انزلي نستنا فيك
انا_وين ننزل في هالليل
احمد_ليل شن تحسابي روحك في ليبيا انزلي بنمشوا نتمشوا شوي مش متأخرين وكلمي ريماس كانك خايفه مني
انا_مش خوف منك خوف من فاضل
احمد_غير انزلي نستنا فيك في صالة الإنتظار
انا_باه
كلمت ريماس ومابتش تنزل معاي تشجعت لبست سروال ابيض جينز معاه كبوط كله فرو لونه وردي  ( شريته جديد اليوم) ومعاه وشاح ابيض ومخىبش بالوردي وقوانطيات بيض لانه ثلج
وسبيدرو فرو ابيض
ونزلت
احمد_كنت نستنا وخايف ماتنزل ..لين نزلت كانت تهبل كل مانشوفها قلبي يدق زي اول مره شفتها ..انحبها..كل مانشوفه قلبي يهس انحبك .وعقلي يقول انموت فيك..
انا_كنت نازله وشفته لابس كبوط اكحل جلد مع سروال بيج وشاح صوف بيج وسبيدرو اكجل ...مانتوقعش اني حنحب في يوم شخص اكتر من حبي ليه نحب كل شيء فيه ...
احمد_واخيرا نزلتي
انا_دوبني كملت
احمد_ طلعه اتهبلي..نووسه
انا_نعم احميده
احمد_ لاااا انا مانظمنش روحي ارجعي لغرفتك
انا_متأكد...وبديت انوخر ..نرجع
احمد_بدت توخر وعيونها دبلانات. ع اساس زعلانه.....ههه تعالي اهني شديتها من يدها وطلعنا من الفندق
انا_وين بنمشوا مانقدرش نتأخر
احمد_مش حنتأخروا فيه ملاهي قريبه من اهني وماتصكرش اليا الساعه 3:00 ف الليل انا_بجد....قصدك بنمشوا للملاهي
احمد_ايه هي
وبدينا نتمشوا تمنينا الوقت يوقف لو كنت نعرف شن بيصير بعدها  كنت خليتيه يتزوجني في هديكه الليله
خشينا للملاهي ومن اول ماخشينا وانا وهو نصوروا..
كانت ليله تهبل لعبنا في كل الألعاب وتصدقوا ماخفتش كنت فرحانه اني معاه
احمد_كانت اجمل ليله في عمري كنا طول الوقت نضحكوا كنت هايم معاها مع ضحكتها كلامها ومرات تجري وتلف تشبح فيا وادير حركات هبله نضحك من وسط خاطري ..تصدقوا لو قلتلكم في حياتي ماضحكت هالضحك لو نعرف بالي حيصير بعد شهور كنت خطفتها و قريت فيها فاتحه كنت مستحيل انفوت هالفرصه لكن الايام كانت داسه المستقبل ومحتفظه بيه
انا_حيييي الساعه3:00
احمد_ماكسيت بالوقت هيا انروحوا
روحنا ولما وصلنا للفندق
احمد_شكرا نوستي لاحلى ليله وشكرا لانك وثقتي فيا
انا_العفو..وشكرا حبيبي لانك كنت قد هالثقة وهالليله في عمري كله مستحيل ننساها
احمد_هيا خشي خلااص
انا_بنخش لاكن قبل ..قربت منه...و.خديت الوشاح الي كان علي رقبته
احمد_قربت مني ...فرحت ..نحسابها بتعطيني بوسه لكن الهبله خدت الشال الي كان علي رقبتي _ردي الشال صقع ..
انا_ انلاااا ...ابناخده
احمد_شنوو لا هاتي جاي
انا_لا بناخده دكره لهالليله
احمد_باهي حتى انا نبي دكره
انا_شن تبي
احمد_ اممممم نبي ..نبي...هاتي قوانطياتك
انا_هاك ها نحيتهم وعطيتهم ليه
احمد_مدت القوانطيات ..شديت ايديها ..وبستها علي ايديها الأثنين
انا_شد ايديه وبدي ايبوس فيهم انا بديت نرعش وخاااايفه وقلبي بيطلع من مكانه لكن في نفس الوقت فرحاااااانه
احمد_هي خشي صقع
انا_باه سلااام
احمد_سلام
خشيت نجري وركبت للغرفه لقيت ريماس راااقده
دوشت وخشيت للسرير وبديت نتفرج ع الصور الي خديناهم مع بعض ونضحك كان فيه لقطات اتموت ضحك
احمد_روحت وطول الطريق انشم في قوانطياتها كانت عالقة فيهم ريحتها ...عطرها المفظل جون ريشموند
وصلت دوشت وحطيت قواطنتياها جنبي ع الوساده ورقدت نحلم باليوم الي حتكون فيه حلالي ومرتي وتشاركني في كل تفاصيل حياتي
انا_نعسني النوم وانا نتفرج ع الصور
وفاتوا اياام وانتقلنا للشقه وكان الجو يهبل
وفي يوم كنت راااااقده رن موبايلي
شفت لقيته احمد
انا_بصوت ناعس اللوووو
احمد_اه ياااقلبي محلا صوتك وانتي ناااعسه
انا _ هههه شن تبي متصل مش قبل مانرقد كنا انهدرزواا
احمد_سمعت اغنية تفكرتك وقلت لازم تسمعيها
انا_وشن هيا
احمد_اغنية لماجد المهندس اسمها تناديك اسمعي
ﺗﻨﺎﺩﻳﻚ ﺭﻏﺒﺎﺕ ﺍﻟﻤﻘﺎﺑﻴﻞ ﻣﻦ ﺍﻷﺭﺽ ﻭﺍﻧﺘﻲ ﺑﺎﻟﻤﺠﺮﺓ
ﺗﻬﺎﺩﻱ ﻋﻠﻰ ﻏﺼﻦٍ ﻣﻦ ﺍﻟﻠﻴﻞ ﻭﺗﻤﺎﺩﻱ ﻋﻠﻰ ﺍﻟﻘﻠﺐ ﻭﻣﻘﺮﻩ
***************
ﺗﺮﻯ ﻛﻞ ﻫﺎﻟﺪﻧﻴﺎ ﺗﺴﺎﻫﻴﻞ ﻣﺎﺩﺍﻡ ﺇﻧﻨﺎ ﺑﻨﻌﻴﺶ ﻣﺮﺓ
ﺗﻠﺪﻳﻦ ﻭﺗﺰﻳﻦ ﺍﻟﺘﻌﺎﻟﻴﻞ ﺗﺼﺪﻳﻦ ﻭﺗﺼﺪ ﺍﻟﻤﺴﺮﻩ
***************
ﻭَﺃُﻧَﺎﺩِﻳﻚَ ﻭَﺩَﻣﻮﻋَﻲ ﻫﻤﺎﻟﻴﻞ ﻭَﻓِﻲ ﺍﻟﺼَّﺪْﺭَ ﺗﻨﻬﻴﺪﻩ ﻭ ﺣَﺮَّﻩُ
ﺃَﺣُﺒَﻚَ ﻭَﻣَﺎ ﻟِﻠْﺤَﺐِّ ﺗﺄﻭﻳﻞ ﻭَﻟَﺎ ﺷَﻔَﺖْ ﻣِﻨْﻚِ ﺇﻟّﺎ ﺍﻟْﻤَﻀَﺮَّﺓَ
***************
ﻭﺍﻧﺎﺩﻳﻚ ﻭﺩﻣﻮﻋﻲ ﻫﻤﺎﻟﻴﻞ ﻭﻓﻲ ﺍﻟﺼﺪﺭ ﺗﻨﻬﻴﺪﻩ ﻭ ﺣﺮﻩ
ﺃﺣﺒﻚ ﻭﻣﺎ ﻟﻠﺤﺐ ﺗﺄﻭﻳﻞ ﻭﻻ ﺷﻔﺖ ﻣﻨﻚ ﺇﻻ ﺍﻟﻤﻀﺮﻩ
***************
ﺗَﻨَﺎﺩِﻳُﻚَ ﺭَﻏْﺒَﺎﺕِ ﺍﻟﻤﻘﺎﺑﻴﻞ ﻣِﻦْ ﺍﻷﺭﺽ ﻭَﺍُﻧْﺘِﻲ ﺑِﺎﻟْﻤَﺠَﺮَّﺓِ
ﺗَﻬَﺎﺩَّﻱ ﻋَﻠَﻰ ﻏُﺼْﻦٍ ﻣِﻦْ ﺍﻟﻠَّﻴْﻞِ ﻭَﺗَﻤﺎﺩِﻱ ﻋَﻠَﻰ ﺍﻟْﻘُﻠَّﺐِ ﻭَﻣَﻘَﺮَّﻩُ
***************
ﻭﺗﻤﻮﻧﻲ ﻳﺎ ﺭﻳﻢ ﺍﻟﻤﻜﺎﺣﻴﻞ ﻋﻠﻰ ﺍﻟﻘﻠﺐ ﻓﻲ ﺧﻴﺮﻩ ﻭﺷﺮﻩ
ﺇﺫﺍ ﺟﻴﺘﻲ ﺃﺳﺘﺎﻫﻠﻚ ﺑﺎﻟﺤﻴﻞ ﻭﺇﺫﺍ ﻛﺎﻥ ﻣﺎ ﺗﺒﻐﻴﻦ ﺣﺮﻩ
***************
ﻓﺪﻳﺖ ﺍﻟﻮﺳﻴﻌﺎﺕ ﺍﻟﻤﻈﺎﻟﻴﻞ ﺭﻣﺎﺡ ﺍﻟﻬﻼﻙ ﺍﻟﻤﺴﺘﺸﺮﻩ
ﻭﺧﻄﻮﺍﺗﻚ ﺍﻟﻠﻲ ﺑﺎﻟﺨﻼﺧﻴﻞ ﻟﻬﺎ ﻓﻲ ﺍﻟﺼﺪﺭ ﻭﺍﻟﻘﻠﺐ ﺟﺮﻩ
***************
ﻭﺳﻮﺍﻟﻴﻔﻚ ﺑِﻜُﻞَّ ﺍﻟﺘَّﻔَﺎﺻِﻴﻞَ ﻭَﺻُﻮَّﺗَﻚَ ﺑِﻬَﺎ ﻟﻠﻪ ﺩَﺭَّﻩُ
ﺃَﺑِﻲ ﻣِﻨْﻚِ ﻣَﺎ ﻳَﻨْﻬَﺪُّ ﻟِﻲ ﺣَﻴْﻞَ ﻋَﻠَﻰ ﺷِﻲ ﻣَﺎ ﻳَﺴْﻮَﻯ ﺍﻟﻤﺒﺮﻩ
***************
ﻭﺳﻮﺍﻟﻴﻔﻚ ﺑﻜﻞ ﺍﻟﺘﻔﺎﺻﻴﻞ ﻭﺻﻮﺗﻚ ﺑﻬﺎ ﻟﻠﻪ ﺩﺭﻩ
ﺃﺑﻲ ﻣﻨﻚ ﻣﺎ ﻳﻨﻬﺪ ﻟﻲ ﺣﻴﻞ ﻋﻠﻰ ﺷﻲ ﻣﺎ ﻳﺴﻮﻯ ﺍﻟﻤﻀﺮﻩ
***************
ﺗَﻨَﺎﺩِﻳُﻚَ ﺭَﻏْﺒَﺎﺕِ ﺍﻟﻤﻘﺎﺑﻴﻞ ﻣِﻦْ ﺍﻷﺭﺽ ﻭَﺍُﻧْﺘِﻲ ﺑِﺎﻟْﻤَﺠَﺮَّﺓِ
ﺗَﻬَﺎﺩَّﻱ ﻋَﻠَﻰ ﻏُﺼْﻦٍ ﻣِﻦْ ﺍﻟﻠَّﻴْﻞِ ﻭَﺗَﻤﺎﺩِﻱ ﻋَﻠَﻰ ﺍﻟْﻘُﻠَّﺐِ ﻭَﻣَﻘَﺮَّﻩُ
***************
ﻭﺃﺑﻲ ﺻﺎﺩﻗﺎﺕ ﺍﻟﺘﻬﺎﻟﻴﻞ ﺇﺫﺍ ﺟﻴﺖ ﺃﺑﺸﻜﻲ ﻭﺃﺗﺸﺮﻩ
ﻣﻦ ﺍﻟﺤﻆ ﻭﺃﺷﺒﺎﻩ ﺍﻟﺮﺟﺎﺟﻴﻞ ﻭﻋﺜﺮﺍﺕ ﻭﻗﺘﻲ ﺍﻟﻤﺴﺘﻤﺮﻩ
***************
ﻭﻃﻤﻮﺣﺎﺗﻲ ﺍﻟﻐﺮ ﺍﻟﻤﺤﺎﺟﻴﻞ ﻭﺧﺬﻻﻧﻬﺎ ﻣﻊ ﻛﻞ ﻛﺮﻩ
ﺃﻋﺪﻝ ﺍﻟﻤﺴﺎﻭﻱ ﻳﻄﻴﺢ ﻗﻨﺪﻳﻞ ﻭﺃﻫﺰ ﺍﻟﺠﻔﻦ ﻭﺗﻄﻴﺢ ﻗﺮﻩ
***************
ﻭَﺃُﻧَﺎﺩِﻳﻚَ ﻭَﺩَﻣﻮﻋَﻲ ﻫﻤﺎﻟﻴﻞ ﻭَﻓِﻲ ﺍﻟﺼَّﺪْﺭَ ﺗﻨﻬﻴﺪﻩ ﻭ ﺣَﺮَّﻩُ
ﺃَﺣُﺒَﻚَ ﻭَﻣَﺎ ﻟِﻠْﺤَﺐِّ ﺗﺄﻭﻳﻞ ﻭَﻟَﺎ ﺷَﻔَﺖْ ﻣِﻨْﻚِ ﺇﻟّﺎ ﺍﻟْﻤَﻀَﺮَّﺓَ
كملت الأغنية وانا.....هااايمه..كلماتها حلوة وصوت ماجد المهندس  رومانسي...
احمد_نوسه نووستي حياتي ..نبيك نبيك معاي تو مش قااادره
انا_ هههههه انت شن واخد في هالليل
احمد_ههههه واخده جرعه حب زايده ومش قادر نرقد تعااالي نهربوا ونقروا فاتحه وتمت
انا_لا والله وعلاش بنهرب معاك تعال اخطب ونتزوجوا شن المشكله
احمد_ان شاء الله ربي يكتبك من نصيبي
انا_ان شاء الله
......
في ليبيا
عند القاسم
القاسم_كنت مستاحشها ليا يومين ماشفتها معاش جت للعمل
اتصلت بيها مااانقدرش نتحمل مانشوفها
القاسم_الوو
دانية_هلا
القاسم_كيف حالك
دانية_استاااحشتك انا معاش نقدر خلاااص
القاسم_انا بنموت من فراقك دانيه افسخي هالخطبة
دانية_فسختها
القاسم...شن.....كيييف..امتا
دانية_من تلات ايام وخوتي ضربوني وحبسوني في الحوش قالوا لانا دلعناك معاش دايرتيلنا احساب
القاسم_جد حبيبتي ..يعني خلاااص معاش مخطوبه لحد انتي
دانية_ايه ...
القاسم_وعلاش ما اتصلتي علاش ماقلتيش
دانية_ تو بس جابتلي امي التليفون كانوا واخدينه حتى هو
القاسم_انحبك انحبك انحبك
دانية_حتى انا انحبك انحبك
القاسم_استاحشك كرهت اهلي وحياتي كرهت الحوش كملت البني ومعاش مشيتله بكل
دانية_حتى انا كل ليله نبكي وندعي ربي ينهي هالخطبة بأي طريقه كاانت
القاسم_الحمد لله تو مستحيل نخسرك ثااني مستحيييل
دانية_ وانا مستحيل نرضى بغيرك ولو يقتلوني
القاسم_تي يافرخه استاحشتك وحق ربي
دانية_حتى انا ...اممم وين انت
القاسم_في حوازتنا ليا فترة معاش نمشي للحوش
دانية_وعلاش
القاسم_ من لما امي رفضت تخطبك وانتي بعدها انخطبتي .خلاص معاش طقت اهلي كلهم
دانية_لااااا حبيبي هادي امك واهلك كيف اطاقتعهم معقوووولة
القاسم_هدا الي صار ..احكيلي شن صار معاك هالفتره كلها
دانية_ باه...تعرف اول ما انخطبت..( وحكت كل شيء وكملوا مكالمتهم للفجر اشوااق و وعود انهم مستحيل يتفرقوا ثااني ....)
......
عند علاء وخلود
علاء_ هيا ياعمري عندي اثاث بيوصل اليوم وخوك من بكري يرن
خلود_باهي حبي نلبس عبايتي بس
طلعت ..هي
علاء_ابتطلعي هكي ..
خلود_حبي من بيشوفنا انا من السياره للحوش طوول
علاء_حلي انا من غير مكياج قريب نلبس خمار مش هكي مكياج كامل  جيبي خمارك حبي
خلود__  بااااااااهي
لبست خمارها وطلعت
وصلت لحوش شيابينها
سلبت عبايتها وكانت لابسبه بدلة بسروال واسع لونها ازرق ملكي وهيا من فوق الصدر علي شكل سبعه والباقي دانتيل من عند الصدر لنهاية الظهر وكم وكانت لبسة انييقه لان عندهم عيلة عمهم وماشافوهاش بكل لانهم مسافرين وروحوا من اسبوع بس
خشت بدت اتسلم عليهم
مرت عمه_اهلا مبروك مع انها متأخرة لكن الله غالب ماحظرناش العرس
خلود_الله يبارك فيكم قالت عميمه كنتوا مسافرين
وسلمت علي بنتاها الأثنين الاولى كانت عاديه وسلامها عادي اما الثانية سلمت بروس صوابعها وماباركتش بكل
استغربت خلود وماتريحتش بكل للبنت
البنت_كم عمرك
خلود_ 27 سنة ..يااا
البنت_علا اسمي علا
خلود_بالجوده
البنت_ماردتش بكل ...
خلود_طارتلها ...وانتي شن اسمك واشرت ع البنت الثانيه
البنت_هداية
خلود_عاشت الأسامي بالجوده
هداية_تعيشي بيك اكتر
علا_سمعت انك انغصبتي غصب علي علاء صح ولا وكنتي تبي عربي صح
خلود_انصدمت... لااا ما انغصبتش علي علاء
علا_سمعت حتى حبيبك الاول بهتلك فيديوا فتحوه في الصاله وهاظا علاش طلعتي تبكي بعبرتك مع علاء
امها_صكري فمك
علا_والله سألت عاادي
ام علاء_ساكته وتشبح لي خلود
خلود_انا وعلاء الحمد لله متريحين ونحبوا بعض
علا_انا ننشد
فيك حق الكلام ولا لا...
امها_انهيييي خلاص علا
ام علاء_خلود شن هالكلام
خلود_شاده دموعها بالغصب.... انا الي عندي قلته انا مانغصبتش علي علاء والحمد لله مرتاحين ونحبوا بعض والثاني كله دوا فاضيه
ام علاء_ شن قصة الولد الي تتكلم عليه علا والفيديوا الي دزه
علا_انا انقولك اعميمه ...كنتكم الي تتفشكوا بيها وين تمشوا تشكروا فيها...كانت اتخب واحد دكتور معاها ف الجامعه عربي وتقدملها واهلها رفضوه وطبعا هو مشي لخوتها كلهم يبيها ولما سمع معز خوها صاحب علاء الي حصل علاء فيها باش ايدس عارهم امتع اختهم ..طبعا ظربه وحبسه عنده وخلود مابتش توافق لين هدودها انهم يقتلوه لو رفضت علاء وهادا علاش وافقت ومسألتيش ليش لتو ماحملت اكيد قاعده تحبه وتبيه هدا كان مش تلعب من ورا علاء المسكين مايعرف شي
خلود_وهي تبكي_صكري فمك مانسمحلكش توصلي فيا انا اشرف منك انا عمري ماخنت راجلي ومش بنت محمد ال٪$$٪ الي ادير هكي
علا_تقدري تنكري انه جي يوم الخفلة قدام الصاله
خلود_والله ايجي ايطير مايهمنيش اني انا من لما انقرت فاتحتي علي علاء عمري مارفعت عيني في راجل غيره
علا_يعني جاك
ام علاء_شن هادا معقوولة واحني الي نحسابوك بنت عيله محترمة طلعتي امتع علاقات وجايبتيه للصاله لليلة زفتك علي ولدي انتي مستحييل تقعدي عنده اكتر ماقعدتي وتو اتكلمي واحد من خوتك يروح بيك
خلود_سن هالكلام ياعميمه حرام عليك والله عيب هالكلام كيف اتصدقيها ويين دليلها ع كلامه
ام علاء_ وعلاس ماحملتي لتوا قولي
خلود_هدا الشيء بيد ربي مش بيدي
ام علاء_ انا بنتصل بعلاء ايجي يسمع الكلام منك ومنها
خلود_كلميه ....كنت واثقه انه علاء مستحيل يصدق كلام زي هدا فيا
ام علاء _اتصلت بعلاء
علاء_نعم يام
ام علاء_تو اتجي بسررعه
علاء_خير شن فيه
ام علاء_تعااال..وصكرت
هداية_همست لاختها...حرام عليك شن بتستفيدي انتي
علا_نخرق قلبه زي ما حرق قلبي مش انا الي يرفضني ويرفض حبي علي خاطر من هااادي والله نحرقهم الزوز
هدايه_انتي وحده مرييضه
شوي وجي علاء
خش للحوش لقي خلود تبكي وامه معصبه و واضح الجو مشحون
ام علاء جيب مرتك وتعال ..وتعالي ياعلا
ودخلتهم للمربوعه
ام علاء ..اسمع شن سمعنا علي مرتك
علاء_ تي شن فيه وخيرك تبكي خلود
خلود_ والله تكدب بنت عمك تكدب
علا_ انتي الكدابه
علاء_احترمي نفسك هييي مرتي هادي
علا_باه اسمع مرتك ياعلاء كانت تحب واحد ودار المستحيل باش يتزوجها ولأنه عربي اهلها رفضوا و وقت انت تقدمت وخطبتها سمع خوها معز..معز صاحبك الي دبسك في اخته..ومشي حبس الولد وهددها لو ماوافقت يقتله وهدا علاش وافقت وحتى ليلة زفتكم جي للصاله وبالأمارة بعد ركبتوا درس جنبك وباركلك
علاء_شن تخرفي انتي وحتى ولو شن دخل خلود لو ايجي سن هيا نادته
علا_شوف هدا الفيديو بعتهولها ليلة زفتكم وفتحوه قبل لاتخش انت
تفرج عليه علاء وبدي يغلي .....كيف خلود ادس عليه حاجه هكي .وتم الفيديو وبعدعا علاء تفكر لما وقف عليه ايمن وباركله
علا_واسمه ايمن هدا علاش داير حرف A
خلود_حبيبي احني من اول ليله اتفقنا ننسوا الماضي صح