#فرقتنا_عادات
#الحلقة_الثالثة
٭٭٭٭٭٭٭٭٭٭٭٭٭٭٭٭
ثاني يوم فاات عادي جدا الجو جميل وطبعا مافتناش ندى علقنا عليها لما شفناهم الفجر هههههههههه
وثالث يوم واخر يوم في المصيف
من الصبح انشوف في ولد المكتبه( طبعا هدا كيف سميته لاني مانعرف اسمه ) حوالينا وكأنه يراقب فينا
محمود_ماتقولوش علاش هداك الفرخ من الصبح يحوم علينا وين نشوف نلقاه
كريم_حتى انا طيرهالي
صهيب_وينه وينه
محمود_اوينه واقف غادي من الصبح وهو يراقب
ناض صهيب طول معصب
وصل لقيس
صهيب_اهلا خوي تفضل تبي حاجه
قيس_هلا لا والله تفضل انت تبي حاجه
صهيب_من الأخير خيرك من الصبح تراقب فينا احني معانا عويله وكانه جونا عجبك اسفين مانقدرش نعزموا عليك وياريت تهوينا الشط كبيييير حرك خطواتك وابعد
قيس_انا ماراقبت حد وانقعمز وين يعجبني ماسد جايين لبلادنا وفوقها تبي تتأمر عليا بالله ابعد من قدامي وارجع لامك
صهيب_نععععم وشد من حوايجه ..امييي لا هكي بديت تغلط راه
ماما_ايييه شكلهم بيتعاركوا نوض ياحاج
قيس_نحي ايدك راهو نكسرها..
محمود_قعمز يابوي تو انوضوا احني
وناضوا خوتي يجروا
وقيس جو صحابه يجروا
نادر_خيركم شن فيه
صهيب_من الصبح لاصق جنبنا ومعانا عويله قلت له ابعد بدي يغلط في الكلام
قيس_الشط مش ليك وقتلك مانراقبش فيكم عاجبني المكان وقعمزت فيه
محمود_مش المكان هدا بس من الصبح وانت ورانا واحني معانا عااااائله ولو سمحت انت والي معاك مانبوش مشاكل ياااريت تفارقونا بريحه طيبه
علي_حصل خير هيا قيس
قيس فك روحه من صهيب ومشي مع صحابه
....
عند قيس
نادر_خيرك حشمتنا مش ليك الحركات هادوا
احمد_ايه ووواااضحه تراقب فيه لااصق فيهم الزح مش حركاتنا هادوا
نادر_راهوم يعتبروا ضيفونا وفي بلادنا
قيس_تي اسكتواا اسكتوااا ماكانش قصدي نقرب منهم كنت ع اساس بنراقب من بعيد لبعيد
علي_هههههههههههههههه هدا من بعيد امالا عن قرب كيف يكون
احمد_يارجل قريب تقعمز معاهم هههههه
نادر_معدور عاد اول مره تعجبه بنت ...ولا مش بنت... اعترف لااااا..... استغفر الله العظيم ....حرررام راهو
قيس_ياااحيوووان ( حشاكم) شن قصدك اكيد بنت استغفر الله العظيم شن هالتفكير الي عندك
احمد_ايييوواه يا بنت وعاجباتك وترااقب
علي_ياغبي عطيها الرقم وين تكون بروحها مش مع عياله وخوتها اررررببببعه معاها
قيس_من قاللكم نبي نعطيها رقمي ولا ناخد رقمها...
نادر_وعلاش ياراس اللحم ترراااقب فيها من الصبح امالا
قيس_البنت كشكل بس انتبهوا ها شككككل عجبتني قلت نعرف وين تسكن بعد يرحوا وانتبعهم وين تقرا لانه شكلها صغيره ولو عجبني الوضع ناخد رقمها انفوت معاها وقت وبسس تفويت وقت ع قولتكم
احمد_تفوييت وقت .....عليها بعناد .. كان ماجيت يوم وقلت انحبها ونبيها خود الي تبيه
نادر_اووو فيها عناد وانا ليك مني الي تبيه لو ماطلعتش طايح بوجهك
علي_ شن غير رايك امس قلت مستحيل
قيس_ع الأقل انا تو عزابي نمشي معاها انجرب باش بعد نتزوج مانندمش لاني مش ناوي انخون المرا الي بنتزوجها فهمتوا ولا نشرح
علي_عموووما تو معاش تقدر اتبعهم ولا
احني لانهم شافونا لازم واحد ماشافوه معانا
احمد_مانعرف حد اهني انا
نادر_تو انكلم واحد من ولاد عمي وانقول شوري
قيس_تماااام ايوه هدا الكلام تو انخش نرقد وانا مرتااااح
احمد_ والله شكلك الا طحت هدا كله رااحه لانك ابتعرف حوشها
قيس_الضحه من الوذن للوذن 😁😁
نادر_باهي ايهم وحده الي عجباتك اناوشفت اربعه مقعمزات
علي_لا المصيبه الي عاجباته عندها توؤم
احمد_عاد مش اثنين مره وحده 😀😀 من اولها هكي
قيس_عاجبتني وحده بس وفيها فرق علي اختها
علي_هههههههههههههههه كان يحكيلكم ع الفرق شن بالله قول قول 😂😂
قيس_خيرك انت معاي درهتلي كبدي انتا والي معاك عليك صحبه غبره
احمد_غير قول بس شن الفرق
قيس_وحده عندها شاامه والثانيه لا
احمد_نعععم ومن قالك مش حاطتها بروحها ايديروا فيها البنات راه اولهم بنات خالي ههههه
قيس_لا شايفه عن قرب من قبل خبطت فيها في المكتبه وشفتها من غير مكياج لاشيء و واضح طبيعيه
نادر_لاا يا صار عن قرب !!! واتقول بتمشي معاها وقت تعرف كان نربح العناد ساعة الروليكس ناخدها منك
قيس_ياكلب ( حشاكم) من يومك عينك عليها
نادر_سممحه يافرخ
قيس_مافرخ الا انت 😏
.....
عند ايناس
_ريماس_حي شوفي ياماما الولد جو معاه ولاد كان مش يضربوا خوتي
ماما_ياحليلي انا جابينلي السكر من دون الناس نوض ياعبدالسلام جيب ولادك
وكيف بينوض بابا جو خوتي
كريم_هيا فيسع كملوا الغدي بنروحوا
بابا_تعرف يافرخ صهيب وكان ماتركح وتعقل اندك لعمامك في سبها تخدم معاهم في التمر ومعاد تشوف طرابلس 👌
صهيب_علاش يابوي شن درت نقعد نتفرج وهو يكحل في خواتي ولا كيف انا مانتحملش من الاخير
بابا_وبنات الناس انت تكحل فيهم عااادي
صهيب 😔واطى راسه وسكت
بابا_مادام انا حي وموجود بينكم انا نصرف انا نحكي معاه مش تمشي تفنتر من جنبي وكاني زينه وين انموت بعدين تصرفوا..
كريم وهيثم ومحمود_ربي يطول في عمرك يابوي
ريماس_نوضي ايناس نوتوا حوايجنا 😉
انا_هي
كريم_راجوا انوصلكم
ونضنا
كريم_تعرفوا لو يطلع الفرخ جاي علي خاطر وحده فيكم وانتم متفاهمين معاه ندبحكم من غي قبله
ريماس_😰 والله مادخلي انا اصلا اول مره انشوفه اهني
انا_حتى اني مادخلي بيه ولا نعرفه ايوه 😶
كريم_انا نبهتكم خشي بسرعه وتوا حوايجكم ولما اتكملوا رنوا علي وانا انجيكم بنمشي نشري قهوه
....
وطلع كريم
و وتينا حوايجنا
ريماس_قولي اعترفي شن علااقتك بيه تكلمي
انا_تي والله مانعرفه خيرك وبعدين معقوووله اندس عليك حاجه زي هكي
ريماس_علاش من اول يوم وصلنا وهو ورانا ..
انا_وين ندري عليه بري اسأليه
ريماس_ووه بكري قلبي قريب وقف
انا_حتى النفس قطعته اني
كملنا لمينا كل الشاليه ورنينا علي كريم
وجي ورفعنا
.....
وطلعنا روحنا
ولحقنا ولد عم نادر ومالحضناشي بكل لأنه يخدم في المكافحه ومتعود علي المطاردات
أنت تقرأ
#فرقتنا_عادات مكتمله
Ficción Generalملخص الروايه #فرقتنا_عادات ﻃﺒﻌﺎ ﺣﺘﻜﻮﻥ ﺍﻟﺮﻭﺍﻳﻪ ﻣﻌﺘﺪﻣﻪ ﻋﻠﻲ ﺍﻟﻮﺍﻗﻊ ﻟﻜﻦ ﺷﺨﺼﻴﺎﺗﻬﺎ ﻣﻦ ﺧﻴﺎﻟﻲ ﺣﻨﻤﺰﺝ ﺷﻮﻱ ﻣﻦ ﻗﺼﺺ ﺳﺎﻣﻌﺘﻬﺎ ﺍﻭ ﻗﺎﺭﻳﺘﻬﺎ ﻃﺒﻌﺎ ﺍﻟﺤﻘﻴﻘﻴﻪ ﻣﻨﻬﺎ ﺣﻨﺸﻮﻑ ﻛﻴﻒ ﺑﺎﻟﺮﻏﻢ ﻣﻦ ﺍﻧﺎ ﻓﻲ ﺍﻟﻘﺮﻥ ﺍﻟﻮﺍﺣﺪ ﻭ ﺍﻟﻌﺸﺮﻳﻦ ﻟﻜﻦ ﻗﺎﻋﺪﻩ ﻋﺎﺩﺍﺕ ﻣﺘﺨﻠﻔﻪ ﻭﻗﺪﻳﻤﻪ ﻋﺎﻳﺸﻴﻦ ﻋﻠﻴﻬﺎ ﻭﻣﺘﺸﺒﺘﻴﻦ ﺑﻴﻬﺎ...
