#فرقتنا_عادات
#الحلقة_الواحده_والثلاتون
////////////////////////////////////////////
لايك قبل ماتقروا
والتعليق بعد تكملوااا
________________________________________
احمد_ هاك هديتك
انا_وعلاش كلفت روحك ...شكرا
احمد_عفوا ..افتحي شوفيها
فتحتها ولقيتها تعليقة فظه وفيها مفتاح مرصعه بحجر حلووو ومعاها حديده مرصعه بنفس الحجر
احمد_ هدا مفتاح قلبي علقيه في رقبتك وردي بااالك تنحيه
والحديده اقري شن مكتوب فيها من داخل
قريت مكتوب فيها..( انتي ليااا ...)
احمد_ماتنحيهاش هالأسوارة من يدك الا لو ملك غيري قلبك الا لو حبيتي في يوم غيري
انا _وعد مش حنحيها ابدا لاني مستحيل انحب غيرك انت اول واخر حب
ريماس_وبإذن الله اليوم اخر يوم في عمرنا هيااا هيا اطلعي قبل ما ايجي صهيب
احمد_هههههههه هيا سلام اطلعي قبل اختك تقتلك
انا_باه سلااام
وطلعت طاااايره من الفرحه ...
ريماس_وحق ربي ما تتحشمي ولا تستحي معقووولة احضان شن تحسابي روحك فيقي لروحك ايناس بلا اهبال ماتخليشي يهزا عليك ديما دايره الي يبيه اطلعي تطلعي طوول تعاالي تمشيله عقلك وييين اتحبيه ما اعترضناش لكن مش لهالدرجه في حاجان حرراااام
انا_ تعرفي الكلام الي تقولي فيه كل يوم انقوله لروحي لكن لما نتلاقى معاه ونشوفها ننسى الناس والدنيا ننسى العيب والغلط ومرات حتى الحرام والحلال معاش نفرق بينهم نتبع قلبي بس عااارفه غلط لكن والله والله مانقدر انقاومه
ريماس_مدام مش قادرة تقاوميه معاش تتلاقي معاها يا ايناس ليكم سنتين مع بعض عمره مافتح موضوع الخطبه ولا الزواج لأمتا بتقعدوا هكي انا معاك ..واضح انه يحبك ويموت فيك ..لكن علاش ماتكلمش ع الزوااج ولا الخطبه لتو...
انا_ساكته ونسمع عارفه كلامها صح علي قد حبيه ليه لكن هالموضوع شاغلني شرت ريماس العباية الي تبيها ورنينا علي صهيب جي
وروحنا
عند قيس وقاسم
قيس_كلمت بوك
القاسم_لا اليوم بنكلمه
فيس_يستر الله اسمع ماتقولش انه اني عندي علم لين انشوفوا ردة فعله قبل
شوية وخش قاسم لبوه في المربوعه
القاسم_السلام عليكم
ع محمد_عليكم السلام ..اووووه قاااسم عندي ان شاء الله خير
القاسم_ههه لا كل خير ان شاء الله وقعمز جنب بوه
وع محمد يتفرج علي التلفزيون وملاحظ انه القاسم متوتر ويحك في ايديه في بعض
ع محمد_عطييني الزبده طوول مافيش داعي للمقدمات
القاسم_ اااه....
ع محمد_الموضوع الي مخليك متوتر هكي عطيني زبدته بلا مقدمات
القاسم_بوي فيه بنت عاجبتني ونبي نخطبها
ع محمد_وكلم امك عليه ولا تبيني نمشي انا .
القاسم_مااهو .....ويحك في راسه....هيا زنتانية
ع محمد_هههههههههههه بلا بصاره سامطه
القاسم_لا بجديات انتكلم البنت زنتانية
ع محمد_ وانا بنعدها بصاره ونوض من احداي
القاسم_يااابوي الله يربحك اسمعني ع محمد_لو الموضوع هدا مانبيش نسمع شيء ولو تبي اي بنت جباليه من زوارة من يفرن من جادو ومن وين ماتبي حاااضر ادلل لكن عربيه ولو تموت ماتتزوجها و وقف بيطلع
وقف قاسم قدامه
القاسم_يابوي والله البنت كويسه وعيلتها كويسه انت بس اسأل عليهم ولو لقيت عيب فيهم انا مستعد ننساه الموضوع نهاااائي
ع محمد_عيبها انها مش من ثوبنا ....
القاسم_يابوي انا البنت نبيها وتحرم عليا بنت غيرها
ع محمد_بصوت عالي...انت عارف روحك شن تقول ولا لا...بلا اهبال ودوه فاضيه ..
القاسم_يااابوي من الأخير نحبها
ع محمد_ضربه كف...ياصحيح الوجه ياقليل الترباية وتقول فيها في وجهي
القاسم_ رفع راسه ....لو ما تبي تخطبها نرفع عمي احمد وخالي يخطبوها
ع محمد_مش خاطبها ولو درتها ورفعت غيري يخطبها لا انت ولدي ولا نعرفك وجنازتي محرمه عليك
القاسم_سامحني يابوي تمنيت انت تكون موكلي يوم تنقرا الفاتحه وتباركلي لكن انت اخترت وانا اخترت ..باس راس بوه ... سامحني يابوي انا عطيت كلمة للبنت و وعدتها وانت علمتني اني وعد الحر دين.....
وطلع
أنت تقرأ
#فرقتنا_عادات مكتمله
Ficción Generalملخص الروايه #فرقتنا_عادات ﻃﺒﻌﺎ ﺣﺘﻜﻮﻥ ﺍﻟﺮﻭﺍﻳﻪ ﻣﻌﺘﺪﻣﻪ ﻋﻠﻲ ﺍﻟﻮﺍﻗﻊ ﻟﻜﻦ ﺷﺨﺼﻴﺎﺗﻬﺎ ﻣﻦ ﺧﻴﺎﻟﻲ ﺣﻨﻤﺰﺝ ﺷﻮﻱ ﻣﻦ ﻗﺼﺺ ﺳﺎﻣﻌﺘﻬﺎ ﺍﻭ ﻗﺎﺭﻳﺘﻬﺎ ﻃﺒﻌﺎ ﺍﻟﺤﻘﻴﻘﻴﻪ ﻣﻨﻬﺎ ﺣﻨﺸﻮﻑ ﻛﻴﻒ ﺑﺎﻟﺮﻏﻢ ﻣﻦ ﺍﻧﺎ ﻓﻲ ﺍﻟﻘﺮﻥ ﺍﻟﻮﺍﺣﺪ ﻭ ﺍﻟﻌﺸﺮﻳﻦ ﻟﻜﻦ ﻗﺎﻋﺪﻩ ﻋﺎﺩﺍﺕ ﻣﺘﺨﻠﻔﻪ ﻭﻗﺪﻳﻤﻪ ﻋﺎﻳﺸﻴﻦ ﻋﻠﻴﻬﺎ ﻭﻣﺘﺸﺒﺘﻴﻦ ﺑﻴﻬﺎ...
