#فرقتنا_عادات مكتمله

الحلقه10 و 11

#فرقتنا_عادات
#الحلقة_العاشرة_والحادية_عشر
::::::::::::::::::::::::::::::::::::::::::::::::::::::::::::::::::::::::::
لاااااااااااااااااااااايكاتكم قبل لا تقروااااااااااااا
والتعليق بعد تكملوا
أكيد يهني رأيكم في الحلقة ...
وتوقعاتكم للحلقة الجاية يحمسني
::::::::::::::::::::::::::::::::::::::::::::::::::::::::::::::::::::::::::
وصل قيس والشباب للمزرعه طقوا مافتح حد
قيس_علي انقز داخل السور افتح الباب
نقز علي وفتح الباب
أحمد_خلي انشوفه قاعد ولا لا دخلوا السيارة وصكروا الباب

طق احمد ع الباب مافتح حد عاود طق بالقوة سمع صوت حركة داخ_افتح انا احمد يانادر جايك انا والقروب
شوية وفتح نادر
وصل قيس وعلي
علي_اووووف سن هالريحه
أحمد_نااادر انت كنت تشرب
قيس_لااا خيرك شن صاير معاك هالوسخ مش لينا خيرك
نادر_تي اسكتوا وتكلموا بالواحد ولا روحوا
مش اني الي شارب امس كان ولد عمي اهني ومعاه شباب فتحوها خماره علي مالزيت شيء تنحواا مابوا يروحوا
علي_تي خلعتني يافرخ نحسابك انت
أحمد_تي اطلعوا برا الريحه تخنق اهني
نادر _خلي نفتح الرواشن وانجيكم ...
....
قيس_احكي شن فيه مش خليناك بتمشي لبنت عمك شن صار
نادر_اووووووووووووووووووف
علي_خيرك رفضاتك ولاشن
نادر_ماكلمتهاش
أحمد_تي احكي واحني ناخدوا في الكلام منك بالقطاره..
نادر_روحت شيكت وبخت اغلى عطر عندي وساعتي وطلعت علي سنقنة عشره وصلت خشيت اندور فيها شفتها و واقف عليها واحد قلت أكيد زميلها لين مدلها كيسة هدايا كبييره وباقة ورد وهيا فرحت ولقيتها واااخده راحتها معاه شكله حبيبها
علي_لا يا راجل...
قيس_مش سألتها قبل وقالت مافيش حد
نادر_ايه ..وحلفت فوقها...تي مش مصدقه كنت نستنى في هاليوم وفجأة كل شيء انقلب
أحمد_انت متأكد انه حبيبها بلكي هدية لوحده من صاحباتها بلكي خطيب او حبيبي وحده من صاحباتها ومتعارك معاها ويبي يصالحها او عندها مناسبه علاش طول فكرت في الشينه..مش طول عمرك تقول نوثق فيها وهيا فنانه وحساسة الكدب مش ليها
نادر_لاكن
قيس_لا لكن لا سو كلام أحمد صح انت علاش ما تسألها
نادر_تي شن بنقوللها
قيس_تو انخمموا في حاجه نوضوا خلي انلموا هالوسخ ااي في الإستراحه وكان ايجي بوك يلزك من الحوش
نادر_ايه والله منورين والله كان ماجيتوا راني انجينت
قيس_لانك خبل مفروض كلمتنا اول ماصار الموضوع
نادر_تي اسكت ضلمت عندي بكل يعني حط روحك مكاني ليا ثماني اسنين نستنى في هاليوم ويصير هكي تي حتى في خيالي مافكرت في غيرها نظمت كل حياتي علي شانه تي حتى الخوش الي بنيته درتلها فيه مرسم شن تحكي انت
علي_لا والله عندك الحق وان شاء الله تكون نصيبك ياااارب
خشوا الشباب وبدوا يلموا ويضموا في الإستراحه
لين فجأة
قيس_لقيتهاااااااااااا
نادر والشباب جوه يجروا_شن هيااااااا
قيس_الفكره خيركم..
نادر_خزيي خلعتني نحسابك اشبح شن لقيت اهني
قيس_بلاااااش مانيش قايلك علي الطريقة الي بتعرض بيها علي بنت عمك الموضوع
نادر_جي يدحنس_تي انت مافيش زيك بكلللل افكارك ولا عبقريييية مش زي اني غبييي
قيس_زيد زيد قاعد مارضيتش اني
نادر_يااارب يااقيس..قول امين
قيس_امين..لكن علي شن
نادر_ تبهدلك الكبيده واتجي تجري تطلب عوني ياكلب( حشاكم)
قيس_باه صكر امه الموضوع هدا
نادر_علاش ماتحبش تتكلم عليها ...علاش ادير في روحك مش مهتم مع انك من لما جيت وانت كل دقيقه تتفقد تليفونك تراجي في اتصال ولا مسج منها صح ولا لا...
قيس_نااااااااادر اسسسسكت
نادر_ايجي يوم وانشوفك ياقيس به قول فكرتك شن
قيس_بعصبية لأنه عارف ان قروبه حافضينه .. اتصل بيها و..........
نادر_حلوه الفكره خلي انكلمها
نادر_الووو
زينب_هلاااا وينك ليا اسبوع نرن ما انحصل فيك
نادر_قاعد شن الجو
زينب_تماامووو ..مش قلت يوم الإثنين انك جاي وينك استنيتك ماجيت
نادر_جيييت بس شفتك واقفه مع واحد روحت ماحبيت نضايقكم
زينب_واحد ....من..
نادر_مانعرفش واحد جابلك هدية و ورد قلت بلكي حبيبها
زينب_ههههه قتلك يومها ماعندي حد وهدا ياسيدي خو صاحبتي لمى الي تزوجت من فتره وسافرت..كان عندها ودزت معاه هدية و والورد هو مهندس زراعي و عنده محل ورد جاب معاه بس
نادر_اووو هكي صار
زينب_ايييه هدا هو خيرك انت تحساب فيه حاجه بينا؟؟
نادر_تبي الحق ايه
زينب_مش سألتني وقتلك ماعندي حد ...
نادر_قلت يمكن خافت او تحشمت من ماقدرت اتقول
زينب_انت تعرف اني مستحيل اندس عليك شيء
نادر_باهي خلاص اسف معاش انعاودها وانشك فيك
زينب_احسن لك مره ثانية مش حنفوتها بالساهل
نادر_مش حيكون فيه مره ثانية اصلا...انتي وين تو
زينب_في الحوش نرسم ..
نادر_من هناك في الحوش
زينب_انا وماما ومحمد لطن بيطلع عنده بضاعه في المينا علاش تسأل
نادر_خليك في الحوش ماتطلعيش انا جاااي
زينب_مرحبتين بيك
نادر_باهي هي سلاام
زينب_سلااام
.......
علي_غير راهو فمك ينشرك من الضحك
نادر_اني؟؟؟
علي_لا لا قيس...تي انت من غيرك
نادر_تي اسكت قلبي الي يضحك مش فمي
قيس_لا هكي هلبا علينا احني
احمد_برا ياعلي اقطف الليم خلي انمصوا
علي_هههههههههههههههه لا نادر يقطف لنا حوازتهم
قيس_غير احكي شن صار
نادر_طلع خو صاحبتها جايبلها هدية من اخته مسافره المهم مش حبيبها
علي_وباه تمام
أحمد_مره ثانيه خلي ظنك طيب مش طول اتفكر ف الشينه
نادر_هيا روحوا بنطلع
قيس_مصح وجهك اتلز فينا
نادر_تي قاعده هيا وامها بس بنستغل الفرصه ونحكيلها
علي_رد بالك تمشي هكي
أحمد_ماتوصيش حرييص
نادر_تي اطللللعوا وانتم تهدرزوا وراي دوش وحلاقه وستين الف حاجه.
....
عند زينب
زينب_ماااااماااا
امها_اني في داري تعالي
زينب_ماما نادر ولد عمي بيجي راه
امها_من قالك ..
زينب_هو تو اتصل
امها_وانتي فرحاانه عاد
زينب_وعلاش بنفرح عاديه اني
امها_معاش تكدبي عليا الفرحه باينه في عيونك
زينب_لا فرحان ولاشيء عاديه اني بنخش اندوش قبل لايجي كان جي دخليه
امها_ولاش بدوشي استقبليه هكي ..
زينب_مااااما خيرك اليوم مركزه هلبا عاادي ياماما بندوش ظاقلتش بنصدر
امها_بااه خشي فيسع قريب ايجي
خشت زينب دوشت ولبست بلوزه طوييييله زيتونية مع سروال جينز ووشاح بيج فيه ورق زيتوني
وطلعت استنت أكتر من ساااعه وماجاش
امهغ_معاش تستني شكله مش جاي بري تغدي سلم بنتي انا بنخش انقيل ..