#فرقتنا_عادات مكتمله

الحلقه5

#فرقتنا_عادات
#الحلقة_الخامسة
:::::::::::::::::::::::::::::::::::::::::::::::::::::::::::::::::::::::::
لااااااايك قبل لاتقروا
والتعليق بعد اتموا نبي رااايكم في الحلقة وتوقعاتكم للحلقة الجاية
من اليوم حنكتب احمد بدل قيس في حوارات ايناس وقيس لكن مع اهله واصحابه حيقعد قيس باش ماتتلخبطوش
🙈🙉🙊
::::::::::::::::::::::::::::::::::::::::::::::::::::::::::::::::::::::::::
نضت الصبح نتكسل واول ماشفت تليفوني لقيت خمس رسائل
وكلهم من احمد
احمد_الساعة 12...(بالله عليك زيديني مكالمة حتى اليوم خااطري نسمع صوتك 😢) 
احمد_ الساعة 1 (لها الدرجة انتي قاااسية مكالمة شن بضرك انتي انا بنكلمك من رصيدي رني بس )
احمد_الساعة 3(شكلك راااقده وانا من شوقي مش قادر نرقد شن درتي فيا يابنت بس؟؟)
احمد_الساعة 3:45 (قاعده رااقده نوضي صلي قيام الليل وكلمني يااابنت نوووضي عللااش مش قادر نرقد وانتي راقده ولا ع بالك )
احمد الساعة 7:15_(انا تو في نهاية شارعكم اول ماتشوفي المسج بدلي واطلعي للمدرسة نبي انشوفك باش انروح نرقد مرتاح)
انا_هههههههههههههههه
ريماس_شن يضحك فيك ع الصبح ضحكينا معاك
انا_مديتلها التليفون
ريماس_ههههههه مسكينة طول الليل يراجي وانتي راقده اقوى وحدة امتع نوضي صلي قيام ليل....هههههههه
انا_ايييه
ريماس_نوضي بدلي نمشي انوتيلك فطورك خلي نرحموا العاشق الولهان باش يرقد
بدلت وفطرت وطلعنا كانت الساعة ثمانية الا تلت ولما سئلتنا ماما علاش طالعين بكري قلنالها عندنا امتحان وبراجعوا مع زميلاتنا
وصلنا للسياره وكان واقف متكي عليها ولابس نضارات
احمد_صباح النوور والسررور واغلى العطور
انا_صباح الخير شوفتني خلااص برا ارقد
احمد_ع اساس هامك نرقد ولا نموت ونحنى النضارات شوفي عيوني طوووول الليل نستنى فيك
انا_كانوا عيونه حمممر وهالات سوده وشكله يصخف_ احني اتفقنا علي مكالمة وحده
احمد_تي والله ماااقدرت كان مش عيب راني جيتك في الحوش تي حسي بيا يابنت خيرك هكي
انا_يا اخي مانقدرش مااانقدرش انخاف من خوتي انخاف علي سمعت بابا والعيله اصلا وقفتك اهني غلط غلللط
احمد_باهي ردي علي ع الواتساب نوعدك انخفف جاياتي ونلغي اتصلاتي
انا_تو انشوف روحي مانوعدكش راه
احمد_ااااه منك وخلاص بري لمدرستك خلي انوصلك بنروح نرقد ...
وصلنا للمدرسة وروح للحوش
عند خلود تليفونها يرن
خلود_الووو حبيبي وينك من امس ماترد
أيمن_هلا غلاتي مهموم هلبا
خلود_تو تفراج ياحبي احني انخلوا املنا بالله كبييير
أيمن_ونعم بالله لكن امك وبوك سكروها بكل ماعطانيش فرصة بكل بالله كوكا حبيبتي ردي بالك توافقي علي غير يانتزوجوا بعض ياتقعدي عانس وانا عزابي  ههههه لين نموتوا لا انتي يلمسك غيري ولا انا نلمسك غيرك اوعديني حبيبتي
خلود_نوعدك انحاااول ولو وصلت للموت لكن انت ماتعرفش بوي وخوتي وااااعريين هلبا انا انخاف يديرولك حااجه انت بس نقطة ضعفي وغيرها مافيش شيء يخلني نخلف وعدي انحبك مووووت
ايمن_انموووت فيك ولو حتى وصلوا فيا ولو قتلوني ماتخليش غيري يلمسك
خلود_في هدي مانقدرش نوعدك مستعده نمووت ولا تصيرلك حاجه
ايمن_ان شاء الله مانوصلوش لهالدرجة اسمعي مافيش حد من عمامك خوالك نقدر انكلمه ويكلم بوك
خلود_عماامي هههه احرف من بوي وخوالي احرف واحرف مافيش الا قيس خوي كل العيلة تحترمه صح صغير لكن رااكز وعااقل هو احتمال يقنع بوي لو اقتنع
أيمن_وين نلقاه؟؟
خلود_ تو اكيد في الجامعة يقرا في قسم &٪&&
أيمن_خلاص تو كملت محاضرات لليوم تو نمشيله وادعي حبيبتي
خلود_ياااارب يجمعنا مع بعض وما يفرقنا وانكون لبعض ياارب
أيمن_آمييييييييين يااااااارب تو سلام ياعمري انكلمك بعد انشوفه
......
قيس_كنت كيف طالع من المكتبة انا وأحمد وتعبان هلبا مارقدتش كويس كلها ساعتين وكلمني احمد عشان المشروع
احمد_من هدا الي يأشرلك
قيس_ويينه
أحمد_تي اوينه 👆واقف جنب الكفتيريا
قيس_مانعرفه امشي انشوفه
أحمد_برا برووووحك انا بنروح جعان نووووم 😪
قيس_برا برا 💔هدا الصحبه ولا بلاش بلكي بيخطفني بيقتلني هكي طول اتبيعني 😔😖
احمد_انا في النوم انبيع حتى اهلي سللااام تو
قيس_ سلااااام 👋
....ومشيت للراجل الي يأشرلي انا اول مرة انشوفه وصلتلها
أيمن_اهلين قيس ولا
قيس_هلا وصلت تفضل
أيمن_يااريت نمشوا لمكان فاضي ومريح نتكلموا  فيه
قيس_نمشموا لكازا شن رايك
ايمن_لا شن رايك ع البحر احسن
قيس_تم اركب سيارتك والحقني ولا تعال معاي
أيمن_تو نلحقك بسيارتي
ومشوا  ودرسوا ونزلوا
بعد خمس دقايق درست سيارة ونزلوا احمد ونادر وعلي
أيمن_😨 من هادوا ؟؟ شن فيه؟
قيس_هلا ...شن جابكم😮؟؟
احمد_خوفتني 😁كلمت الشباب
قيس_☺منور يابرو ماصار شيء جاي يبيني في موضوع
علي_خود راحتك احني قراب منك 😎
قيس_😊عارفكم ماتقصروش خلعتوا الراجل
أمين_خلعوني 😦نحسابهم الا عصابه ولا حد جاي بيخطف ولا يقتل 😨
احمد_تي انت الي نحسابك بتخطفه ولا تقتله بالدات بعد طلعتوا من الجامعه
أيمن_حصل خير
نادر_امالا نستأدنوكم احني خودو راحتكم مشوا ااشباب وقعمز أيمن وقيس علي الشط
أيمن_والله شن بنقولك انا دكتور نقري في نفس كلية اختك خلود تقدمت امس وامك وبوك رفضوا والصراحة انا اختك والله نبيها ومانقدر نتخيل روحي واخد غيرها ولا هيا واخظه غيري
قيس_😣😣😣 باه وشن تبي تو اهلي رفضوا ونن لاخير مانسبوش عرب احني
أيمن_قتلك اني نبيها انا والله انحبها وجيت للحوش من بابه
قيس_تي تحشم اختي وانت تقول انحبها راهو ماسك روحي بالسيف
أيمن_شن الغلط بس برا اسأل عليا لو لقيت عيب واحد ترفضني علي خاطره معغش نرجع ونطلبها بكل خلود قالت انك الوحيد الي ممكن تساعدنا
قيس_من من خلووووود ....وناض وشده من رقبته
ايمن_كح كح كح ...اححححمم
قيس_طلقه تنسااااه هالموصوع نهائيا تنسااااه
أيمن_حط روحك مكاني اني اختك انحبها نعشقهتاالله تربحك اوقف معاي مااااانقدرش انسيبها ماااانقدرش ننجن كان تاخد غيري
قيس_انا مش غبي زيك انا مانعلقش قلبي بحب مستحيل واختي نعرف كيف انربيها من اول وجديد
ودف ايمن ومشي
أيمن جري وجي قدام قيس_اضربني اني ماتمسهاش ماتضربهاش اضربني اني فش غلك فيا اني
نزل قيس فيه ضرب وجو جماعته
قيس_بصوت عااالي وتكشيخ بررررروووووا خلوووووني بروووحي بروووووا رووووووحوا
علي دف الشباب ومشوا
طبس قيس وشده من حوايجه ..... هدا شيء بسيييط كنت نقدر نقتلك لكن شفت حبك ليها في عيونك وشفعلك انك جيت وخطبت لكن بنقول نجوم السمي أقربلك من اختي
ولوحه ع الأرض ومشي
ركب سيارته وشاف جماعته واقفين يستنوا فيه رفع ايده 👋واشرلهم يروحوا 
وروح للحوش وطووووول لدار خلود خش وصكر الدار
قيس_انت علي علاقه معاه صح
خلود_ ترعش وخاايفه _اااااه ...😨
قيس_تكلللللمي خير مانخرب وجهك اختي واكبر مني مانبيش نغلط
خلود_هزت راسه بإيه
فيس_هاتي موبايلك والأي باد والكمبيوتر هاتي كل شيء
خلود_علاااش .....باهي اسمعني
قيس_كان نسمعك نقتلك ياسر سمعته هو
خلود_مدتله كل شيء وهيا تبكي
قيس_توافقي علي صاحب معز و الكليه غدوه ناخدلك اجازة مرضيه معاش فيه مشي ولو ترفضي ولا تتواصلي معاه نقتلللك
خلود_اقتلني من تو مستحيل نتزوج غيره مستحيل
قيس_قدم وكيف بيضربها لف وصكر عليها الباب من برا بالمفتاح وخش لداره وصكر الباب
وطاح ع السرير
قيس_اووووووف شن هالقصة معقوله اتجي هالقصة ف الوقت هدا الي نتعرف فيه ع ايناس ماااانقدررش مااانقدرش نوقف معااهم مستحيل اناسبوا عرب اصلا بوي وامي مستحيل يوافقوا ...لكن صدمني لما قال حط روحك مكاني..زعما نقدر نقدر نخليها تنزف لغيري تلبس الأبيض لغيري ...عاااادي اصلا اني مانحبهاش تو لما انكلمها انمل منها انا عاجبني شكلها تو لما نعرف طباعها نفوتها وانقول شن عجبني فيها..ااكيد هدا الي بيصير
.........
ثاني اليوم نضت مالقيتش لا مسجات ولا مكالمات من احمد وما مشيتش للمدرسه لان خلاااص بنجهزوا روجنا بنتتقلوا نوضنا ووضمينا جلستنا والصالون وحوايج الشتي والملابس الزايده كلها وبعتناها للحوش الجديد يومين واحني انجهزوا وماشفتش لا مكالمات ولا مسجات
وفي الليل رن تليفوني وكانت فرح ( فرح هادي عمتي لكن من نفس جيلي ماتستغربوش اصلا جدي متزوج اربعه زوز توفوا وزوز قاعدات المهم فرح هادي مواليد 95 هادي بعد ايناس الكبيييده اكتر حد مقرب مني )
انا_هلا كبيدتي ووووين  مغطسة
فرح _يااعيوني الجامعة بدت وانا لااهيه امتا بتجو لسبها استاحشتك موووت
انا_ان شاء الله في العطلة
وقعدت نحكيلها علي كل شيء الحوش الجديد وحكيتلها علي احمد
وأكتر من مره يخش عليا انتظار ولااا عبرته قعدت قريب ساعتين وانا وياها نحكوا ...
قيس_قلت معاش بنكلمها قبل لانتعلق ويصير فيا زي خلود وايمن ...قعدت يوم وثاني يوم ف الليل خلاااااص معاش طقت استاحشتها اتصلت بيها لقيتها انتضااار خلاص نااار ركبت فيا معاش قدرت اتصلت مره ثانيه وهيا انتضار قعدت اكتر من ساعه ونص انتضار بننجن خلاص وبها نتصل ماتردش  كلمتي علي ماعندي غيره يساعد بلا تسهويك
علي_ايوه شن فيه خيرك ايعز عليك الإتصال وقت ابنوم
قيس_لقيتها انتظار
علي_باه طولت؟؟
قيس_اكتر من ساعه ونص ..
علي_اول مره؟؟
قيس_ايييه
علي_اسألها وشوف شن تقولك وكان كدبت حتحس بيها ولو كانت شاطره في الكدب  تو تشدها مره ثانيه
قيس_ماتىدش علي من بكري نتصل
علي_جرب من رقم ثاني
قيس_باه اوكي سلاام
....كيف بنرقد رن علي رقم
انا_ألوووو
احمد_تعرفي اتردي ع الأرقام الغريبة تو علاش ماترديش عليا
انا_من معاي
احمد_احمد يا إيناس ااي من بكري يتصل  ولا عبرتيه
انا_باهي شن تبي تعبااانه وبنرقد
احمد_مع من كنت تتكلمي اكتر من ساعه ونص وانت إنتظار
انا_وشن دخلك انت انتظار وضع طيران اش خصك
احمد_تكلللللمي مع من كنتي تحكي
انا_تعباااااانه وبنرقد سللاااااام
احمد_لو تصكري وماتقولي غدوه تلقيني قدام حوشكم
انا_تصلح علي خير
صكرت عليه وطفيت النقال كنت تعبانه ومش قادره انركز وهو يتكلم ومعصب وماخاطريش نشرح رقدت ونصت الصبح بدلت وبنمشي للمدرسه لأنه عندي اختبار وريماس مش متشيه بتقعد تلم مع ماما اخر الحاجات غدوه بننتقلوا نهائيا
وانا طالعه خليت كريم كيف نايض بيمشي للعمل
طلعت ونننصدم 😨  سيارته قدام حوشنا
جيت جري للسياره وطقيت ع الروشن
انا_شن ادير اهني خوي تو يطلع يشوفك امشييي
احمد_في من كنتي اتكلمي
انا_وقته هو وقته تو
احمد_من كنتي تكلمي
انا_غير امشي ورن عليا تو انرد عليك
احمد ولع سيارته ومشي وانا جري مع الشارع باش مايشوفني كريم جنب الباب ويسألني
وشويه ورن موبايلي
ورديت عليه
انا_مجنووووون انت
احمد_عارف روحي مره ثانيه نسألك تجاوبي من كنتي اتكلمي
انا_عمتتتتتي اكبر مني بتلات سنين وصاحبتي واختي وزي ريماس عندي ولينا فتره ماتلاقينا فقعدنا نحكوا علي اخبارنا وطولنا ارتحت تو
احمد_اخر راحه بري للمدرسة تو وفي الليل ردي عليا
انا_مش حنرد ومعاش تتصل وفي خاطري كان غير ماتصكرش بس صوته بعد راااق يقتل
::::::
#يتبع
#najah_alhaj