#فرقتنا_عادات مكتمله

الحلقه27

#فرقتنا_عادات
#الحلقة_السابعة_والعشرون
*********************☺******************
لايك قبل ماتقرواااا 💟👍👍👍👍👊
والتعليق بعد تكملوا
******************************************
فاطمه_محلاكم بكري مع بعض خفت انعينكم
انا_ ايييه بالله يافاطمه انحبه انمووت فيه وتو قصة هالبعثه وبيبعد خاايفه ينساني
فاطمه_حسب ماشفت وسمعت من كلامك الولد طايحه بوجهه فيك ومانضني يسيبك
انا_البعيد علي العين بعيد ع القلب
فاطمه_ باه انتي بتنسيه؟؟ بيأثر فيك بعده وبتشوفي لغيره
انا__مستحيييل طبعا احمد من زمان ملكني
فاطمه_خلاص وهو نفس الشيء
انا_ان شاء الله ...
وبعد شوي جي بابا وروحت للحوش لقيت ريماس لاااهيه
انت_خيرك شن فيه
ريماس_ايمن جاي مع امه
انا_وعلاش شن فيهو
ريماس_يبوا يديروا بيان كبير ف الصالة
انا_وعلاش...
ريماس_قال العرس بيطول فبيدروا بيان توا خلاص لينا سنة خاطبين
انا_اها باهي ربي يسهل انخش انغير وانجيك انعاون...جايين ع العشي
ريماس_لما قال بنجي عزمتهم ...سقدي روحك قريب يجوا
بدلت بسرعه وطلعت لقيتها دايره شربة حوت مع حوت مشوي درت معه كفتة حوت...وكبة حوت دارتها ماما... وسلاطه مشويه و سلاطة خضره ودرنا عصير طبيعي والحلو درنا كب كيك محشي شكلاطه و كيكه بارده داراتها هيا من الظهر
وجت ام ايمن وخش ايمن مع بابا وصهيب وفاروق وهيثم ...
سلمنا وبعدها طلعت انا وريماس انجهزوا في العشي قدمنا في الاول عصير طبيعي بس من غير شكلاطه عشان بنحطوا العشي جهزنا كل سيء وجت ماما دارت تشك طبعا لازم منها قبل مانقدموا وحطينا العشي وتعشينا وريماس متحشمه من عزوزها شبه ماكلت مسكينه هههههه..وبعد العشي اتفقت ام ايمن  مع ماما ع كل شيء ع اساس حفلة لعيلتنا وعيلتهم مع شوي معازيم يعني المهمين بس وبتطلع ريماس مع ايمن بتشري القفطان والصاله والحلو والعصير  علينا والعشي عليهم مع منظمة الحفلة وبيجبوا زمزمات ..
خليتهم يتفقوا وخشيت رنيت علي احمد
احمد_حبيبتي
انا_عمري خلااص بتمشي
احمد_ياااعمري ماتبكيش والله انحس في روحي مسافر جثه بس اما العقل والقلب والروح قعدوا عندك
انا_كيف اندير لما نستاحشك هلبا كيف اندير لما قلبي يطلبك وانت مش معاي
احمد_ياحبي والله انحاول طول الوقت انكون معاك لو مش مكالمات مسجات ع الواتس او فايبر والله حنقعد ع اتصال معاك طول الوقت
انت_انت وين تو
احمد_لو انقولك ماتصدقيش
انا_ويييين
احمد__قدام بابكم الخلفي
انا_حي عليك
احمد_تعالي بنودعك
انا_صعب حبي الحوش معبي عندنا ايمن وامه وخوتي كلهم قاعدين
احمد_حبي اخر طلب انا بنسافر خلاص حتى طيارتي تأخرت عليها
انا_ اوكي انشوف الوضع قبل
احمد_بسرررعه
طلعت لقيت امي وام ايمن لااهين في الهدرزه وريماس اتجهز في الحلو والنسكافي وخوتي في المربوعه ومصكره طلعت طول وللعلم مالبست وشاح باش ماحد يلاحظ وكنت لابسه بدله اكحل وابيض قصير من قدام وطويبه من تالي وسروال ابيض توبو ...وكان شعري كيرلي وماسكته بمساكه و واصل لنهاية ظهري وحاطه مسكره وملمع شفاه
...
فتحت الباب وخش احمد
احمد_ اوا ماخشيت وشفتها شن انقول انسطلت ادروخت كانت تهبل اول مره انشوفها من غير حجاب ....انت هبله كيف تطلعي هكي وين حجابك
انا_انقولك الحوش معلي كيف بنلبس وشاح مش عاجبك بلاش سلام ولفيت بنمشي مسكني وكرني وحظني
احمد___انحبك يااااريتك بس حلاالي بنستاحشك موووت
انا_ بديت نبكي ..وحتى اني والله بنستحشك مانبيكش تمشي ونفس الوقت مانبيش انضيع فرصتك
احمد_ انحبك نووسه ورد بالك تقصي شعرك خليه هكي يهبل عليك
وفكني من حظنه وطلع....
وخشيت متقابل مع صهيب طالع من المربوعه
صهيب_وين كنتي
انا_ نحساب المطر تصب طلعت مهناك شي
صهيب_مطرررر..... وين سمعتيها خشي  خشي ومعاش تطلعي لما يبدا في المربوعه رجاله وحسابك قاعد ماتم غير يروح ااراجل
انا _باااهي مادفش
خشيت للمطبخ
ربماس_وين كنتي
انا_بعدين نحكواا
وخشينا جنب ام ايمن وهدرزه وضحك جوها خيال العزوز سعد ريماس
ام ايمن_ خلاص عاد سمطناها من بكري عندكم
ماما_لا والله بالله زيدي شوي
انا_ايه عميمه اقعدي شوي ثاني
ام ايمن_انا ياحنه ماوراي شيء لاراجل يطلق ولاعمود يفلق هههههه انت الحاج اكيد بيرتاح
ماما_ههههههه لا ياحنه الحاج بكري خش داره وقاعدين الولاد مع بعض وطلبوا شاهي تو وضحكهم واصل لاخر الشارع
ام ايمن_ربي يدوم لمتنا والله ايمن ماينسجم بسهولة حتى عند خواله وعمامه يسلم ويطلع طوول الحمد لله منسجم مع الاولد اهني
ماما_ الحمد لله والله حتى اولادي يشكروا فيه
انا_عميمه كيف حال هند وبنتها
ام ايمن_ الحمد لله لاكن البنت ياودي عيااطه مهبله امها
ماما_ العيل العياط يقلق ياودي ويتعب امه
ام ايمن_ ايه انشديني انا والله هند زمان مايصكرلها فم مادام فاتحه عيونها حتى فمها مفتوح انبدلها ونرضعه ونصكر عليها دار ونطلع تبكي لين تدرخ وترقد لكن هيا الا اتزازي بيها والبنت شيء لين تقلقني في جرتها كان جتني مرات انا نتصل براجلها لاش يىوح بيها
ماما_هههههه ياوخيتي كبرنا ماعندنا جواجي للصغار وعياطهم
ام ايمن _اييه والله....لا خلاص والله هداك هو الساعه 11 ونص
ورنت علي ولدها وقبل مايروح طلب يشوف ريماس خشت لبست وشاحها علي لبستها
وكانت لابسه سروال اكحل وبلوزه للفخده لونها فوشيا دايره مكياج خفيف حطت وشاح اكحل وفي اطرافه فرشات لونهم فوشيا
طلعوا خوتي وخشت هيا
سلمت عليه
ايمن_واخيرا طلعتي تصدقي عمري ماقعدت مع حد هكي حتى اقاربي انسلم ونطلع طول لكن ع خاطرك قعدت
ريماس_سلم خاطرك ...كيف حالك
ايمن_فيه حد يشوف هالزين كله ويبدا حاله مش باهي ..تي حالي تو فووق الريح ..
ريماس_ دوم ان شاء شن عجبك العشي
ايمن_تسلم ايدك زي العسل ..لكن مش حرام عليك توكليني حوت وانروح بروحي مفروض تروحي معاي
ريماس/ علااااش خيره الحوت...عندك حساسيه منه ولا شن ..
ايمن_ههههههههههههه لا مش حساسيه عند الناس كله الحاجه هادي
ريماس_شن هيا
ايمن_ بري ابحثي في النت وتعرفي اكتبي فوائد السمك
ريماس_شبه فهمت عليه ...اها تو انشوف
ايمن_وقوليلي شن لقيتي
ريماس_باه...خلاص امك بتروح
ايمن_غير راجي شوي
ريماس_شن
ايمن_قرب منها ...مش مفروض تودهيني بطريقه حلوة
ريماس_ناضت وبدت توخر_كيف يعني!؟؟
ايمن _قرب بسرعه وشدها ولصقها ع الباب ....
هكي يعني ...قرب منها هلبا وهيا ترعش وشويه وغمضت عيونها لين حست نفسه ع خدها وباسها بالشوية وبعد
ريماس_كانت دايخه ومدورخه....مش حرام الي درته
ايمن_ههههه شن بنديرلك بصراحه انتي لاتقاومي..وبعدين ربي غفور  رحيم
ريماس_وشديد العقاب ...
ايمن_والله ماقدرت نمسك روحي وبعدين احمدي ربك جاتك هكي ساهله
ريماس/_ باهي سلام تو
ايمن_سلام ماترقديش بنتصل بيك
ريماس_باه ..
.....
وروحت ام ايمن
وشبحت تليفوني لقيت مسج من احمد
( حبيبتي انا ركبت في الطيارة تو وشويه وبتقلع اول مانوصل تو انرن عليك واتساب او فايبر خلي تليفونك مربوط بالنت...
انحبك نوسه اليوم دوختيني قريب لغيت السفره انت من قبل حلوه لكن من غير حجاب كنتي حاجه خياااال اه ولا ريحتك وانتي في حظني اه وخلاص ...نعشقك ..والله نعشقك....وبنستاحشك ...سلام😘 )
قريتها مره واثنين وثلاثه وضميت مع ريماس وخشيت لدارنا تفرجت ع الصور الي خديتهم اليوم معاه في المطعم وكانوا حلوات صورته وهو يتغدا وقبل الغدي وهو يشرب في الشاهي وهو يضحك صورت كل شيء تقريبا وسجلت فيديوا ليه وهو يقول انحبك
( وطبا هو نفس الشي بهدلني بالصور وصورني فيديوا ويقولي اعترفي قولي انحبك وانا نضحك وتحشمت انقولها ويصورها وبعد معناه قلتهاله..في الفيديو)
اتفرجت عليهم وجت ىيماس اتقصص ع شن صار وحكيتله ع المطعم ولما جاني في الحوش وهزبتني طبعا كالمعتاد وبعدها حكتلي شن قاللها ايمن ع الحوت
انا_ههههههههههههههه غبيه ياريماس غبيه ههههههههههههههههه
ريماس_بلا سماط شن غبيه اهيا علاش خيره الحوت عجبني اني
انا_ياهبله قصده ع ....&$$
ريماس_حيي عليك احرج تو يقول هالجاهله وووووه هههههههههههههه وحق ربي الا غبيه
.......
سافرت خلود مع علاء للأردن
وسافر خوي هيثم للاردن
عشان قريته
وتخرج صهيب اخيرا من الصيدله وفتح مع ياسمين صيدليه
...صهيب خوي من لما هزباته هديل بنت عمتي وهو امسيب سريب البنات بكل وكل شوي ماشي لسبها يبي يشوفها لانه حطها في راسه ويبي يكسرلها راسه لانه هزباته ....
وفاتت ثلاث شهور صح انا واحمد طول الوقت ع الواتساب مع بعض لكن استاحشته مووووت كملت السنه الأولى في الكليه ونجحت امتياز وااحمد لله
وريماس_نفس الشيء فرحانه بايمن ومش مصدقه وخلاص
روحت خلود ودار علاء العمليه وقال الدكتور لازم تنسوا مشكلة الصغار عنكم وتعيشوا طبيعي لانه التوتر يأثر ع الحمل
....عند معتصم وخولة
معتصم__السلام عليكم
خولة__وعليكم السلام شوف شوف بدي يوقف مع الحاجه
معتصم_ياسلااام سلم ولدي هيا بابا هيا ماشاء الله
خولة_يهبل شوف كيف مثبت روحه
معتصم_شاده في الكرسي بقلب ورب خايف يطيح ههههههه
خولة_ههههه حبي خش دوش فيما سخنت الغدي وحوايجك واتيات
معتصم_باه ...
خش ايدوش بدت اطق عليه
معتصم_تي  خيرك
خولة_.....
معتصم فتح الباب دفاته وخشت جري وبدت ترجع ...
معتصم_حبيبتي خيرك
خولة _غسلت وجهها وخدت صابون وبدت تشم ...
معتصم_غير اطلعي من الحمام بس طلع وهو وراها لين حطها ع السري
خولة_بالله طفي ع الغاز وجيبلي اوس حداي وخش كمل الدوش
معتصم_خيرك حبي شن محصله برده
خولة_مانعرفش فجأة
معتصم_ باه ارتاحي ...وطفا الغاز وجابلها اوس ودوش ع السريع وطلع بدل
معتصم_حبي هيا نوضي البسي عبايتك نرفعك للدكتوره ..تشوفك
خولة_لاااا مافيش داعي
معتصم_بتنوضي ولا نرفعك بين يديا
خولة__لا يا عمري مافيش داعي شاكه في حاجه بس
معتصم_شن...
خولة_شاكه مرات حامل الد&٪٪ تأخرت عشر ايام
معتصم_شوي بس غلاتي نشوف العياده انجيب اختبار وانجي
خولة_غير اقعد تغدى قبل
معتصم_بعدين بعدين ....طلع جري وجاب تست ورجع
معتصم_هيا ياعمري نوضي وشوفي
خولة_خشت وطلعت ماده شواربهاو
معتصم_شن صار
خولة_اوووووف حامل كله منك
معتصم_نهضها وبدي يلف بيها _مبروووووك ياعمري انتي الف ااف مبروك
......
عند ايناس
انا_صباح الخير اووه الدكتور عندنا
فاضل_صباح النور تعالي
ماما_صباح النور
قعمزت جنب فاضل
فاضل _انا بترجع لألمانيا
انا_لا علااش فرحنا بيك والله
فاضل_لكن بناخدك انتي و ريماس تغيري جوي شهر بالكثير
انا_والله جد تحكي
فاضل _جد الجد
#يتبع
#najah_alhaj
والله نكتب وعيومي بيتغمضوا غدوه انزيدكم حلقة ثانيه