#فرقتنا_عادات مكتمله

الحلقه2

#فرقتنا_عادات
#الحلقة_الثانية
★★★٭٭٭★★★
بابا_باهيا كملوا قهوتكم بسرعة خلي انروحوا..
كملنا قهوتنا ونزلنا لوطى خدينا جيلاطي وطلعنا...
.....
عند قيس وصل لصحابه في الكافي_
علي_هلا وينك من بكري نستنوا
قيس_كنت في المكتبه جبت الكتب الي نبوها انا وأحمد للمشروع
احمد_حصلتهم كلهم؟
قيس_لا فيه زوز مهناش في ليبيا وصيت معز غدوه ماشي لألمانيا ايجيبهم معاه شن صار في الحالات كم حصلت وحده
احمد_سبعه ومزال ثلاثة
علي_بالله عليكم فكوني من دوتكم ووانتم ديما قرااايه قرااايه
قيس_علي شن تبينيا نهدرزوا سيااسه ملينا منها الكوره ومانتابعش فيها..
علي_ علي الحب عطك دب
قيس _🙍🙍
احمد_ههههههه حتى هدا مش شوره
علي_ونادر_ هههههههههههه والله حق مرات لين انشك فيه مش طبيعي
قيس_تي والله الي يقعمز معاكم زيكم خزي ياكلب ( حشاكم)انت وياه .. وكيف بينوض
نادر_غير قعمز بنقولكم حاجه
قيس_شن تبي لخص بسرعه طارت النيه من وجوهكم
احمد_شكله بالرسمي طارتله بلا جو زايد انبصروا احني
علي_باهي سؤال بس ياقيس
قيس_اووووف اسأل يابارد هي
علي_علاش ماعندكش ع جو البنات بكل
قيس_ لأني ياحمار حياتي مرسومه اساسا فعلاش نعلق روحي او نعلق بنت الناس بيا وميصير شيء هكي احسن
نادر_عندك الحق تصرف عليهم رصيد في الفاضي..
احمد_من هما؟؟
نادر_البنات ياحمار الي بيكلمهم..
قيس_باه قول شن تبي
نادر_ولاد عمي فاتحين مصيف جديد الصيف هادا ووعطوني شاليه اسبوع شن رايكم نمشوا زرادي
قيس_وين اهني في طرابلس ..
نادر_لاااا في زواره..
علي واحمد_اوووو
قيس_تمام اصلا نبي نغير جو
نادر_خلاص غدوه الساعه سبعه نتلاقوا قدام حوش قيس..
علي واحمد وقيس_تم
.......
ثاني يوم عندنا نوضنا من الفجر وتينا حطينا بضاعتنا وطلعنا للمصيف
انا وريماس وفاروق ركبنا مع كريم
وصهيب وهيثم وماما ركبوا مع بابا
وطول الطريق واحني انغنوا مع المسجل وفاروق وكريم كل ماتفوت سيااره يلفوا لينا ويفنصنوا باش نوقفوا تصفيق...(ماقلتلكم انه خوتي حازااارين وهلبااااااااا لين سماط)
وركبنا مع كريم مش بس لأنه جوه حلو ....لا لانه سيارته مضلمه...
ولحقنا محمود ومرته وصغاره ...
وصلنا وكان المصيف يهبللل والميه صااافيه والجو حلووو عاد في نص شهر تسعه.
دخلنا بضاعتنا وقعدت ماما ومرت محمود يديروا في فطور واحني مشينا مع كريم نتمشوا ع الشط
انا_كريم صحه خلي انخشوا قبل ماتقوا الشمس..
كريم_لااا قلنا بعد المغرب للفجر عموا لين تملوا وتو لاااا.
ريماس_بالله عليك شويه بس
كريم_ 😎خلي نلقوا مكان فاضي قبل وقعدنا نتمشوا وكريم يعلق وينكت واحني صايخين بالضحك بعد شوي لحقنا فاروق وصهيب والجو حلو و وصلنا لمكان متقي وفااضي فرحنا وبدينا انعموا انا وخوتي وجونا سمح لين سمعنا صوت بنت تضحك ومعاها رااجل
البنت_ياااسرك حبي تو يشوفنا حد
الراجل_خلي ايشوفوا حلاااالي ومرتي غير تعالي بس
البنت_ههههه لاااا نتحشم حبي
الراجل_غير تعالي بس من شن خايفه...
شكلهم عرسان
انا وخوتي 😨😨😨انصدمنا خلاص معاش قدرنا نتحركوا وكلنا انشوفوا لبعض والعرسان ياناري مايندروا علينا
صهيب_هيا بالله قبل مايزيد الوضع😁
انا وريماس_خلاص اضربينا بموس مانزلوا قطرة دم
كريم_صكر فمك ياحمار 😠ماتشوفش في خواتك قلنالك مليون مره تحششششم شوي
طلعنا_وجري للشاليه وفاروق وكريم ورانا ونسمعوا في ضحكهم وصهيب قدامنا وانا وريماس_خلاااص شادات روحنا بالغصب بنضحكوا😁😁😁😁
وصلنا وخشينا للمطبخ وننفلقوا بالضحك
انا_هههههههههههههههه هههههههههههههههه😂
ريماس_هههههههههههههههه😂 هههههههههههههههه صهيب مايتحشم بكل
انا_ههههه باهي الي تكلم هو قريب تكلمت انا والله كان قعدنا شويه راني متت من الموقف
ريماس_هههههههههههههههه يستاهلوا باش مره ثانيه معاش يبعدوا بينا
ندى_خيركم تضحكوا ضحكونا معاكم
انا_تعالي تعالي نحكيلك
هدا ياستي مشينا لمكان بعيد باش انعوموا وطبعا معانا خوتي بادي قارد 😁هههه وخشينا وكيف انسجمنا ونضحكوا لين نسمعوا صوت 😱بنت تسحنن هيا و ولد شكلهم عرسان وهو يترجى فيها ويقول حلاااالي ومرتي وين تلقينا احني وكلنا انسمنطنا لين يتكلم صهيب ويقول_هيا بالله قبل لايزيد الوضع
ندى_هههههههههههههه والله صهيب مايتحشم
ريماس_باهي الي محمود مش معانا ههههه
ندى_كان مشي معاكم راهوا لزكم ورفعني اني هههه
انا_خزي تحشمي علي وجهك معاك قصر ههههه
ريماس_ههههه
ندى_اطلعوا ياقاصر انتي وياها امكم تستنى فيكم ...
....
عند قيس واصحابه
قيس_تي وينه احمد
نادر_قريب يوصل
علي_اوينها سيارته
بعد شويه
احمد_صباح الخير
قيس_صباح القايله وينك لتو الساعه 10
احمد_رفعت امي للمختبر عندها تحاليل
نادر_ لاباس عليها ..هيا كلنا نركبوا في سيارة قيس
ركبوا و وصلوا للمصيف
نادر_خلي نمشي لولد عمي ايجي ايورني الشاليه
قيس_مش تريح علينا الشمس قويه وانا جعان 😒
نادر_باهي راك تاكلهم مش معطل 😀😁
قيس_😑😑
وبعد شوي جي هو و ولد عمه سلم عليهم و وراهم الشاليه
وكان تلات ديار وحمامين ومطبخ ومكيف ومفرش كان درجه اولى وحطوا حوايجهم ودوشوا وجابولهم الغدي رقدوا والعصر طلعوا للبحر قعدوا اليا الليل وداروا شويات والجو يهببلل
.........
عند ايناس
_انا _هيا ياكريم خلي انعموا
كريم_ماتمليش انتي خلاص خشي ارقدي الساعه 2:00
انا_هيا طلعه للبحر بعد وين صحه صحه كريم نوض
كريم_اخر مره واتخشي ترقدي
انا_باه 😏
وعمنا وجونا سمح وخشي رقدت وفي الفجر
ريماس_ايناااس اينااس نوضي
انا_شن تبي خليني ابنرقد
ريماس_نوضي و واطي صوتك خلي انعوموا الجو يقتل
ايناس_هيا  هيا ......اني انحب البحر مووت مانقدرش انقاوم بكل
نضت غسلت وجهي وجليت سنوني توضيت وصليت وكلمت بابا وطلعنا...
عمنا انا وريماس والجو يهبل...
انا_ريماس بالله بري جيبي شكلاطه و قهوة
ريماس_باهي ماتخشيش لين انجي
انا_باهي ماتعطليش بس ..😍 هيييي شوفي غادي
ريماس_وين 😕
انا_جنب الخيمه التالته غادي
ريماس_الله 😍 ع الرومانسيه شكلهم عرسان
انا_بالك عرسان امس ههههه
ريماس_هههههه شوفي كيف شادها 😍 قلبي تفترش خلاااص
انا_قلبي الصغير لايتحمل
ريماس_حيييي هدوا محمود وندى
انا_ههههههه خوك طلع رومانسي واحني نحسابوهم عرسان
ريماس_ما شاء الله محلاهم مع بعض
انا_باهي بري بسرعه ...
مشت ريماس_
عند قيس
علي_راقد لين ولع الضي_تي طفي الخارب ابنرقد
قيس_نووض معاي انحصلو غطسه
علي_سبحان الله هالعاده الي عندك لاازم الفجر يعني؟؟
قيس_ارقد بلااش نمشي بروحي ..
طلع وعام  شوي بعدين بدي يتمشى لين لمح بنت امقعمزه ع الشط وشادا موبايل في يدها
وكانت الشمس كيف زارقه والجو حلوووو قعمز حتى هو ويتفرج علي شروق الشمس  وكان مش بعيد عليها يعني ملامحهم باينه لبعض
انا_وينها عطلت وتلفتت بندورها شفت نفس الشاب الي خبطت فيه في المكتبه
قيس_والله الا هيا امتع المكتبه عليك صدفه تبارك الله عليها
انا_خفت و قفت ومشيت للشاليه وكيف بنخش لاقتني  ريماس طالعه معاها القهوه والشكلاطه
ريماس_خيرك روحتي
انا_انبدل وانجي نحكيلك
ريماس_ماتعطليش القهوة تصقع
طلعت وقعمزت ع الشط
قيس_مسرع بدلت حوايجها تو كانت لابسه عبايه و وشاح اخضر وعادي لابسه بلوزه وسروال و وشاح احمر
علي_خيرك ابتهبل ولا شنو تكلم في روحك
قيس_تعرف البنت هادي تو كانت لابسه لبسة تانيه اقل من دقيقتين وجت جايبه القهوه ومبدله
علي_كيف
قيس_تو كانت امقعمزه اهني لابسه وناضت وفي اقل من دقيقتين جت امبدله معاها القهوه تفحفخ...
علي_بالك سلبت العبايه
قيس_مش نفس الوشاح
وقاعدين يتناقشوا لين جيت انا
شبح قيس لعلي _هههههههههههههههههههه
علي_ياحمار شكلهم توؤم
قيس_لكن شفتها محلاااها 
علي_وهدا علاش طالع انت اهم شيء انك طلعت طبيعي زينا وتشبح للبنات
قيس_خزي شوف شن نحكي انا وهو شن يحكي
علي_ ايهم وحده عجباتك ههههه
قيس_هههه الي تو جت
علي_ماهم زي بعض كيف عرفتهم
قيس_انا عجيتني البنت الي تو جت شن دخلك انت
علي_نوض نمشوا من جنبهم شوفها عن قرب
قيس_نوض اصلا شايفها عن قرب قبل لكن مايضرش كان شفتها مرتين ..
وناضوا وفاتوا جنبنا ويفنصنوا فينا
ريماس_مصح وجههم شفتيهم كيف يبحلقوا
انا_ايه شفتي الأشقر الطويل
ريماس_ايه محلاه
انا_هدا الي خبطت فيه في المكتبه
ريماس_اه 😨
انا_ايه شفتي الصدفه
ريماس_متأكده انها صدفه 😒
انا_شن قصدك😡
ريماس_تو يبان كانها صدفه ولا لا 🙅
انا_نوضي نوضي خلي انعموا قبل لاينوض كريم ويهزبنا..
.....
قيس_تبارك الله عليها عيون سبحان الي خلقهم
علي_زي بعضهم لكن فعلا الزوز طروووف
قيس_فيه فرق
علي_ويين
قيس_الي عاجبتني عندها شامه بين الخد و الفم
علي_هااابا 😎بين الخد والفم كيف بس شبحتهم..
قيس_قول ماشاء الله
علي_ماشاء الله تبارك الله زرقاء اليمامه هههه.....باه وشن بدير بتعطيها رقمك
قيس_ طبعا لااا 😥
علي_علاااش جرب معاها مش عاجباتك
قيس_مستحيييل وصكر ع الموضوع
....
#يتبع
آراكم وتعليقاتكم تهمني

النت عندنا شبه معدوم والحلقة جاهزه من الساعه تسعه