#فرقتنا_عادات مكتمله

الحلقه4

#فرقتنا_عادات
#الحلقة_الرابعة
****************************************** لاااااااااااااااايك قبل ماتقروا
والتعليق بعد الحلقة والله لو تشوفوا المعاناة الي نمر بيها باش انزل ليكم الحلقة اتعلقوا علي كل سطر بروحه
لو قعد التفاعل هكي تنزل الحلقات يوم بعد يوم 😥😞
******************************************
طلعت للسيارة مصدومه 😠 ومعصبه كيف يتجرأ ويفك تليفوني لا وفوق منها ياخد رقمي اوووف نستنى بس امتا نوصل لريماس ونحكيلها الي صار
وصلنا للحوش وجري لريماس في الدار
انا_كان تعرفي الي صار
ريماس_بالشويه خيرك خاشة تجري خلعتيني
انا_اسكتي بس واسمعي ( وحكتله كل الي صار)
ريماس_😧 حي قصدك فك منك تليفونك وكتب رقمه..
انا_اييييه شن نحكي من بكري اني
ريماس_وبتردي عليه؟؟
انا_انرد علي طياح سعده  شن انرد عليه والله كان ايشدني واحد من خوتي يدبحني 😱
ريماس_لكن شكله امكبد عليك
انا_😆 اه حتى انا شكلي بنكبد عليه 😍  ايهبل ياريماس يهبببل اه كل مانشوفه انحس انه في الدنيا هادي كلها مهناك الا انا وياه اااااه
ريماس_اش اش اس ياسخيفة الأدب 😁 هدا غير شكلك بتكبدي امالا كلن كبدتي شن بتقولي
انا_خيرك معاي الحق فيا الي نحكي معاك 😑 😡
ريماس_باه كان اتصل راك تردي 😒😉
انا_مش حنررد اصلا لو اتصل بنحط رقمه في الحضر
ريماس_راك تغطلي واتحطيه في المفضله هههه هههههههههههههههه
انا_😕
......
عند قيس
قيس_الووووو عليوه ياغالي
علي_ 😨الووو من معاي
قيس_ياكلب شن مسحت رقمي 😒
علي_لا 😵لكن استغربت الدلال مش ليك الكلام السمح
قيس_خزي اصلا مايطلعش عليك الدلال
علي_ باه من لخير شن تبي
قيس_خديت رقمها وااااخيييرا مش مصدق وجت صدفه
علي_ من هيا. ...اووووه امتا وكيف صار
قيس_لقيتها مع بوها في المحل ولمغ بوها بعد عليها خديت منها تليفونها ورنيت علي رقمي
علي_بااه بكل تو شوف جوك
قيس_تي مانحكيلك بكل شهر واسبوع وانا وراها
علي_لا وحاسبهم؟؟
قيس_ مش غير حاسبهم بالزبط شهر واسبوع وسبع طاش الساعه  هي... من اول يوم وقفت فيه في شارعهم
علي_ربك يستر تي اعترف وقول تحبها ياسطل
قيس_سللم مش فاض بنصكر
علي_من من تتهرب مني اني باه وقلبك الي بيتفجر هادا  كيف بتهرب منه ايجي يوم ويفضحك
قيس_سلاااااااااام 😩
........
في الليل
انا_تصبحي علي خير ماما بنخش نرقد
ماما_تصبحي علي خير
خشيت لسريري وقمت تليفوني بنعدل المنبه شفت  اربع مكالمات فايته ومسج المكالمات من احمد 😨 والرسالة مكتوب فيه
قيس( احمد) _ماتبيشي اتردي متحشمه ولا تتغلي ولا خايفة عموما كانك تتغلي يحقلك بصراحة انت تهبلي هبلتيني في جرتك عموما مش حنقلقك في الليل اكيد عندك مدرسه غدوه ...تصبح علي خير يارقييق انفاسه نوم العوافي قلوبنا حراسه... 💜
انا☺😊☺😊 كنت فرحانه وخايفه ومتحشمه وكل المشاعر خلطت علي بعضها عندي
وتاني اليوم
نضت الصبح علي صوت المنبه طفيته وخشيت للحمام( حشاكم)  جليت سنوني وتوضيت وصليت ولبست الزي وسمعت تليفوني جاني مسج مشيت بنشوف من قامته ريماس
ريماس_شن هدا ؟؟؟؟؟ مش قلتي بتحطيه في الحظر
انا_نسيت ؟؟ هاتي الموبايل
ريماس_لاااا لين نمسح المسج
انا_لا والله ماك ماسحتيه لين انشوفه
ريماس_لاااا بنمسحه 😈
انا_ريماااااااااااس بالله عليك بلا جو هااااتي
وبدت تجري في الدار وانا وراها لين شديتها
وشفت المسج
( صباح الورد لأحلى ورده ف الدنيا نستنى فيك في نهاية شارعكم باش انوصلك للمدرسة ماتتأخريش عندي جامعة )
انا_البسمة من الوذن للوذن
ريماس_اشييييه هدا كلها ابتسامه غير راهو فمك ينشرك بس
انا_خلاص مش قادره مش قاااااادره نبي انشوفه بسرررعه البسي وشاحك نستنى فيك لوطى لو تأخرتي بنمشي وانخليك
ريماس_هييي شغلي دماغك والله لو واحد من خوتك يشك بس ايييشك يدبحوك انتي وياه وبعدين مس قلتي عيالي وثقتهم ومستحيل انكلمه وين راح كلامك
انا_من قالك بنكلمه بنشوفه بس هيا ريماس بسرعه بالله عليك
ريماس_باااهي حاااضر تو انشوفوا اخرة هالدراه الكبد الي دايرتيه اطلعي هي
وطلعنا وانا كل خطوه نمشيها دقات قلبي تقوى لين لمحت سيارته وهو متكي عليها
خلاص قلبي بيوقف ونمسح في وجهي كأني دايره عمله مش بنشوفه من بعيد
ريماس_خيرك تسبلي في عيونك وتتمايلي اشحطي روحك مررض ياسامطه 😏
انا_والله لا إراديا مش بقصدي 😍
قيس_شفتهم من بعيد جايات هداك وين تنفست مش عارفه هالبنت كيف قلبتني هكي مش قاادر بعدها عليا كل ماتقرب اكتر قلبي يدق اكتر  محلاها ومحلا طلتهت اترد الروح
انا وصلنا ليه
قيس_صباح النور والورد والفل والجوري وكل الورد الي في الدنيا .....
انا _😯  ماقدرتش انرد مع انه في خاطري رديت بكل الجمل الصباحيه هههه
قيس_بالله ردي عليا اجبري بخاطري من فجر ربي واقف نستنى فيك كلمة بس
انا_معاش اتجي خلاص بتجيبلي الكلام من الجيران
قيس_والله مش بإيدي قلبي يجيب فيا عمونا حااضر انحاول انتي لو تردي علي مكالماتي ع الأقل تعوضيني شوية بصوتك معاش انجيك ردي مره وحده ولو ماعجبك الوضع معاش نتصل بيك
انا_لو رديت مره وحده معاش تتصل
قيس_ايه معاش نتصل لو انتي هكي تبي
انا_خلاص الليلة لما نفضى تو انرن عليك
قيس_نستنى في اتصالك علي احر من الجمر هيا بري لمدرستك وقت عليك
وركب سيارته وقعد ورانا لين وصلنا وبعدها فات
ومع الظهر روح قيس للحوش ولقي امه متوترة وبوه يعارك في خلود
قيس_خيركم شن فيه
امه_تقدملها صاحب معز خوك وهيا رافضه وماتبيش وهدا رابع واحد اترده
قيس_وعلاش خيره صاحب معز ماينفعش يعني ولا شنو
خلود_مانبيشي مانبيشي خيركم معاي بالغصب هو الزواج مش بالغصب
بوه ح محمد _ لا بالغصب لما يبدا راجل كويس يبدا الموضوع غصب وانا بوك وادرى بمصلحتك
خلود_والله لو بتغصبوني عليه اليوم الي بنطلع فيه من اهني عروس ليه تنسوا انه عندكم بنت واسمها خلود
وخشت لدارها وبدت تبكي 😭😭
خولة_ خشت عليها وصكرت الدار بالمفتاح _خلااص اسكتي ياسر بكي واسمعيني كويس
خلود_كيف نسكت وأيمن مش متخايله نتزوج غيره ياخوله والله نموت لو ننزف لي غيره
خولة_وييينه خيره ماتقدمش علاش ماجاش خطبك
خلود_هو اصلا يبي انا الي خايفة وانأجل في الموضوع
خولة_الموضوع مايتأجلش كلميه وخليه يتقدم وربي يسهل و ايوافقوا اهلي
خلود_اووووف خلي انكلمه
...خلود_الوو حبيبي
أيمن_هلا غلاتي
خلود_صاحب معز تقدملي وبويا يبني انوافق وقال بنغصبك عليه
أيمن_شن يغصبك والله لو يزفك غيري نقتلك ونقتله ونقتل روحي
خلود_بعيد السوء عليك حبيبي انا لو ننزف لغيرك نموووت
أيمن_المووضوع معاش يتأجل غدوه بنجيب  امي معاش فيها خلااااص وماتقوليش لا لأمتا بنراجي لين تتزوجي غيري
خلود_لا مش حنقول لا ربي يكتبلنا نصيب مع بعض ياارب
أيمن_امييين يااارب
....في الليل
بعد رقدت العيلة كلها وريماس قعمزت جنب الباب تحسبا لاي حد ايجي لدارنا
خديت نفس عميييق واتصلت بيه رن رن رن ليين فصل ومارد
انا_ماردش
ريماس_احسن طفي تليفونك وخلي نرقدوا
انا_ كيف بنطفي التليفون اتصل هو
ريماس_هوااا؟؟؟؟
انا_اييه
ريماس_ردييي
انا_الوو
قيس_الووو وهلاااا ومرحبااا شن هالصوت الحلو
انا_شكرا تفضل شن تبي مني؟؟
قيس_اول شيء اسمي احمد نقرا في لغة انجلزية اخر سنة بنتخرج عمري 25 سنة انحب الشعر والخيل ايام العطل كله في حوازتنا عندي فرس اسمها العنود وشكلي بنغيره ايناس
انا_باه وشن تبي مني
قيس_نبي نتعرف عليك اعتبريني صديق
انا_مس محتاجه اصدقاء اختي ريماس اتكفي وتوفي
قيس_غير هدي اعصابك وارخي روحك علاش تتكلمي بنرفزه
انا_مش عاجبك صكر مادا بيا
قيس_حتى وانتي معصبة صوتك حلو خاطري نسوف شكلك تو لابسة توته السروال من شكل والتب من شكل وشعرك مشفشف
انا_ انا بدون ما انحس_بالعكس كيف طالعة من الدوش ولابسة بجامه جديده وشعري مانخلصش فيه مخليلته كيرلي
ريماس_😨😨 ياحمااره ناقص الا تبعتيله صوره
انا_انأشرلها باش تسكت
قيس_هههههههه عندها الحق اختك كان تبي تبعتي صورة والله مانكره نفرح بيها
انا_مش بقصدي حكيت راه مانحبش مش يتكلم علي لبسي ولا شكلي
قيس_اااه شن درتي فيا يابنت بس عمري مافكرت اني انكلم بنت او نجري وراها باش ناخد رقمها
انا_تو قصدك اني اول بنت اتكلمها
قيس_تصدقي وتأمني بالله من غير العائلة انتي اول وحده
انا_غرييببه مش قادرة انصدقك
قيس_صدقي والله اول بنت من اول ماشفتك في المكتبة مارحتيش من بااالي بكل في زواره خلاااص حتى صحابي خليتهم بس باش انشوفك تي قريب حصلت طريحه من خوك ع خاطرك يابنت
انا_ههههههههه من قالك الصق فينا
قيس_ بالله معاش تضحكي نسمع صوتك وضحكتك في يوم وااحد هلبا عليا
انا_باه
قيس_جماعتي كلو وجهي يتهزوا عليا كيف لاصق فيكم
انا_هههههههه
قيس_معاش تضحكي يابنت بتهبليني
انا_باه وتو شن تبي
قيس_احكيلي عليك
انا_ماعندي مانقول
قيس_خيرك احكي عمرك وتخصصك وشن ناوية تقري مستقبلا
انا_عمري 18 سنه ونقرا ادبي ونبي انكون محاميه انحب القراية والسيارات الروايات
قيس_ماشاء الله في القراية زي بعض حتى انا انحب القراية لكن اتحبي السيارات؟؟؟
انا_اييه ونخم في الأنواع والتعديلات الي ع السيارت وانسوق وسواقتي كويسة لكن لو تحب القراية كيف لتو ماتخرجت؟؟
قيس_اااه.... ما.....انا وقفت تلات سنين بعد الثانوية
انا_ااااهااا علاش
قيس_ اااه..سافرت المانيا .....وخدمت شوي وبعدها رجعت للقراية
انا_المحل الي شفتك فيه ليكم؟؟
قيس_لاااااااا لعمي
انا_اه انت امازيغي ..
قيس_اييه كيف عرفتي
انا_المحل مكتوب عليه الجبالي للثريات
قيس_ااه وانتي من وين
انا_امي من يفرن وبوي من سبها
قيس_ما شاء الله من عايلة من في يفرن
انا_عايلة ٪٪##٪
قيس_اها معروفة العايلة هادي في الجبل
انا_اييه هلبا وحتى عايلة بوي من اكبر العائلات في سبها والمشاكل والمصالحات ديما اعمامي وبوي هما الي يحلو فيه
قيس_ماشاء الله بالجوده
انا_بيك اكتر ..انت من عايلة من
قيس_ عايلة &٪$$
انا_من وين انتم زوااارة؟؟
قيس_لا من جادوا
انا_تشرفت بيك
قيس_انا اكتر
انا_احمد خلاص بنصكر
قيس_باهي نتكلموا غدوه
انا_احني اتفقنا مكالمة وحده
قيس_يعني بجد بجد معاش تبي تكلميني انتي
انا_ ااه
قيس_بالله عليك خلي انجربوا ..
انا_لااااا مانقدرش
قيس_براااحتك
.......
ثاني يوم
جاب ايمن امه لحوش خلود
ام قيس_ هلا
ام ايمن_اهلين
ام قيس_تفضلي تفضلي
ام ايمن _زاد فضلك
وخشت قعمزت وعرفت بروحها وعرفتها ام قيس عربية
ام  أيمن_ والله نبي بنتكم خلود لولدي ايمن دكتور في الجامعه والله ولدي مش شكران فيه ما شاء الله عليه صلاي خادم علي راسه بحوشه وسيارته واهلاقة كل الناس تشمر فيه واسألو عليهم وايجيكم الخبر
ام قيس_سامحني ياحاجة بناتي الزوز مخطوبات
ام أيمن_سامحيني ماعندي علم ربي يسعدهم ويكمل عليهم وتو سلامتكم
طلعت ام ايمن
في السياره
ام ايمن_قطعت وحهي البنت معطية
ايمن_شن معطيه؟؟ مهناش منه الكلام هدا
ام ايمن_تو امها قالت بنات الزوز معطيات
ايمن_لا غير ماتبيش اتناسب عرب
ام ايمن_وبلاش منهم انجيبلك احسن منها
ايمن_نبيها هيا مانبي احسن منها
ام ايمن_وهما مايبوش يعطوك
ايمن_تو انحطك ونمشي لبوها في المحل
ام ايمن_ياولدي شكلهم مايعطوش للعرب
ايمن_وانا البنت انحبها ونبيها ومستحيل انخليها لغيري
حط امه ومش لبوها في المحل
ايمن_السلام عليكم
ح محمد_وعليكم السلام
ايمن_ياحاج نبيك في كلمه بروحنا نمشوا لحوشك ولا نقعمزوا اهني
ح محمد_ انخشوا لمكتبي في الدور الثاني
ورمبوا وخشوا
ح محمد_تفضل شن تبي ياولدي
ايمن_يا حاج انا دكتور نخدم مع بنتك خلود في الجامعه والبنت ماشاء الله عيلة ونسب واخلاق تبارك الله جاي نطلبها منك والخطبة هادي شكليه المره الجاية بنجيب عمامي وخوالي لان بوي متوفي
ح محمد_ماعنديش بنات للزواج
ايمن_علاش ياحاج اسأل عليا ولو لقيت عيب واحد من حقك ترفض
ح محمد_ياولدي انا ماناسبش عرب
ايمن_لا ياحاج ماتصكرهاش عااد والله انعيشها اميرة والي تبوه انديرهولها
ح محمد_ياولدي نصيبك مش عندنا ومان هدا هو موضوعك انساه من تو
وروح ايمن مكسور الخاطر...
#يتبع
#najah_alhaj
والله من بكري وانا انحاول واشتركت بنت الشفرة لأنه النت امتع المتينا مفصول عندي من اربع اياام يعني بعد جهد جهيييد باش نزلت ياااريت تتكرموا بتوقعاتكم للحلقة الجاية ..