#فرقتنا_عادات مكتمله

الحلقه7

#فرقتنا_عادات
#الحلقة_السابعه
"""""""""""""""""""""""""""""""""""""""""""""""""""""""
لاااااااااااااااااااااايك قبل ماتقروا
والتعليق بعد ماتكملوا
نبي آرآكم للحلقة الجاااية
وتعليقااااتكم لحلقة اليوم
""""""'""""'"""""""""""""""""""""""""""""""""""""""""""""
خلود
_طول الطريق تبكي وأيمن بين عيونها
علاء_خلااص معاش تبكي قطعتي قلبي
خلود_كان كلامه وصوته  بالنسبه ليها قمة في الإزعاج _مزال الحوش بعيد
علاء_مستعجله هلبا شكلك هههههههههههههههه
خلود_اييييه تعبانه ونبي نرقد
علاء_اليوم ترتاحي أحلى راحه
خلود_اوووووووف
علاء_غير خيرك بس معصبه خليك ريلاكس...هي اهو وصلنا يا اغلى شيء عندي
خلود_فتحت الباب وبتنزل
علاء_لاااااا استني
خلود_خيرك شن فيه
علاء_نزل ولف بسرعه لجهيتها
وقامها من السياره_هاللحظة نستنى فيها من لما عمرك 20 سنة
خلود_كاانت مصدوووومه
دخلها علاء للجوش ونزلها وقعد شادها من خصرها بإيد والإيد الثانية ينحي في الكاب
خلود_اطلللقني ودفاته
علاء_خييرك متحشمه؟؟؟
خلود_انا.ً..انا...
علاء_اس اس انا بنتكلم تعااالي ومد يده تعاااالي
خلود_انا تعبانه هلبا وبنرقد ولفت وقالت وين دار النوم وشنطتي نزلها من السيارة
علاء_اوطي نمشي انجيب الشنطة وتو انوريك الدار
خلود_انهارت بالدموع تتخيل فيه أيمن ومهما كان حب أيمن في قلبها لكن حرراااااام تتخايل حد مكان زوجها قررت انها ترقد باش تنسى
علاء_تعالي انوريك الشقه
خلود_ماااانبيش نبي بس دار النوم بنرقد
علاء_كان مصدوم وكلامها نرفزه _تعااااالي
هادي دار النوم وهادي شنطتك وخدي بجامته من الدولاب وطلع
بدل حوايجه وقعمز يدخن
خلود_بدلت لبست توته حراريه بيضه ورفعت شعرها وهيا حلوه شقرا وعيونها خضر وكبار وملامحها طفوليه وحلوه بكت وبعدين قررت انها تتوضأ وتصلي طلعت من الدار وشافت علاء يدخن وباين انه مضاايق خشت للحمام ( حشاكم)
علاء_سمع الحمام اصكر طفي الدخان وناض للدار قعد يدور في الفيلوا بسرعه لين شافه معلق خداه وقعد يشم فيه وساااارح لين سمع صوت
خلود_طلعت من الحمام وما لقاته في الصاله خشت للدار وشافته شاد الفيلو ويشم في رحيتها فيه
خلود_شن ادير
علاء_صكر الدولاب وطلع بدون ولا كلمه
خلود_لبست المصليه وصلت ودعت انه ربي يلهمه الطريق الصح
وهيا اتصلي خش عليها علاء
علاء_جيبي صلاية الثانيه تلقيها في الصاله
طلعت خلود جابتها طرحتها وراه وكبر وصلو ركعتين مع بعض
لف علاء بعد الصلاة وحط يديه عاي راسها
""اللهم اني أسألك خيرها وخير ماجبلت عليه واعوذ بك من شرها وشر ماجبلت عليه"أمين
علاء خدي يدها وحطها علي راسه _قولي نفس الدعاء
خلود_وعيونها يدمعوا_"اللهم اني أسألك خيره وخير ماجبل عليه وأعوذ بك من شره وشر ماجبل عليه"
خلود لفت بتمشي شد يدها_تعالي نبيك بنحكيلك حاجه
ومشوا  للصاله وكانت قاعده بالمصليه قرب منها ونحى الطرف الي من فوق _انا ليا سبع سنين نستنى نشوف شعرك مش باش ننحرم منه لليلة دخلتنا انتي لو تعرفي بس قداش نحبك وماحبيتش انخون صاحبي ونكلمك من وراه لهدا اول ماكملت هالفيلا خطبت طول بس صدمتني لو انتي خايفه او متحشمه عادي اىتاحي مش حندير شيء انتي مش راضيه بيه لكن ياخوفي يكون فيه شاب ثاني في حياتك او انك مغصوبة علي لأنه مهما كان حبي ليك مانقدرش نقربك وقلبك مع غيري فياريت تريحيني فيه حد في حياتك واهلك غصبوك علي
خلود_ فكرت بإنه هدا نصيبها وحتى لو اطلقت مستحيييل اهلها حيزوجوها لأيمن وخصوصا بعد عرفوا انهم علي علاقة _شن رايك ننسوا الماضي لاتسألني علي ماضيا ولانسئلك علي ماضيك ونوعدك من هاللحظه اني نصونك وعمري مانخونك ولا حتى في خيالي حنحاول بكل جهدي اني نمسح الماضي حنعيش معاك كإني انولدت من جديد وانت نبي منك نفس الشيء
علاء_موافق لكن بشرط
خلود_شن هو
علاء_انكملوا ليلتنا احني عرسان واهم موضوع لتو مابدينا فيه وانا خلاص معاش عندي صبر
خلود_تحشمت ووجهها كله ولا أحمر
........واحني خلاص معاش لينا علاقه بيهم عرسان....
وماتستغربوش تصرف خلود هدا أمر واقع وكان لازم تكمل لان الطلاق مش حل وهيا بنت عيلة مستحيل تخون راجلها حتى ولو كانت تعشق أيمن لان قصتهم حبهم وصلت نهايتها......
.......
عند قيس( أحمد) وايناس كانت عباقتهم ببدايتها وماتكلموش اول سبوع فيها كانت ايناس مشغوله مع عمامها وعماتها قعدوا عندهم اسبوع وثاني اسبوع قيس انشغل في عرس اخته ومافضاش للمكالمات
يوم الخميس ف الليل .......
انا_الوو
احمد_هلا هلا استاحشتك
انا_مبروك علي اختك ربي يهنيها
احمد_بصوت حزين_ان شاء الله
انا_خيرك كأنك مضايقك
أحمد_لا عادي شن جوك انتي
انا_تمام خايفه امتحانات الفترة الأولى يبدوا الإسبوع الجاي ...
احمد_اوووه ان شاء الله بالنجاح
انا_امين شن صار في مشروعك كملته
احمد_لا اصلا قاعدين ماتبتناش علي موضوع معين
انا_ربي يعاونك
احمد_يسلمك باهي ماتبيش تبليلي ريقي بكليمة حلوة
انا_اشرب اميه
احمد_اه وخلاص من بين كل شباب ليبيا انا الوحيد الي امعيشاته صاحبته جفاف نشفااان
انا_مش عاجبك عادي من تو نلغوا كل شيء
أحمد_متسبله انتي
انا_شن تبيني نترجاك تكمل معاي مش انا الي نلحقك فيك
أحمد_باه مش اتشديها انتي تجري وراي وانت الي ترجتني راه مانحباش الجو هدا
انا_باه وشن تحب ياسي احمد
احمد_انحب انحب انحب امي وبابا وبابا معمر وليبيا
انا_هههههههههههههههههههه
أحمد_هههههه معاش تضحكي
انا_من قالك ضحكني
أحمد_اااااه بالله يابنت كيف بس قدرت تقلبي عالمي هكي كل شيء قبلك مخطط ومعروف مرسوم بمجرد ماخشيتي حياتي قلبتي كل شيء
انا_كيف كان مخطط وكيف قلبته انا
أحمد_ايجي يوم ونحكيلك مش وقته تو
امتى عيد ميلادك ؟؟
انا_علاش بتجيبلي هدية
احمد_لا منحباش الجو هدا كل مناسبة هدية
انا_باه عموما يوم ميلادي  26/8/1998 وانت
احمد_10/10/1991
انا_ماشاء الله مفروض متخرج انت
احمد_قتلك سافرت
انا_ايه حق ...لكن فات عيد ميلادك
احمد_ايه ..من لما كنت انتبع فيك
انا_ايه وشن الألوان الي تحبها
احمد_الأسود والحني والأزرق وانتي
انا_الأسود سيد الألوان طبعا والأزرق والوردي والدهبي
احمد_شفتي حتى ف الألوان دوقنا متشابه
انا_صدف حلوه
احمد_احلى صدفه بعمري يوم شفتك
انا_خلااص بنرقد تصبح علي خير
احمد_باهي ياقطوس النوم تصبحي علي خير
..........
عند أيمن
أيمن_معقوله ياخلود كوكا في حضن غيري كوكا لبست الأبيض لغيري يااااارب ياااارب برد هالنار الي في قلبي ياااارب نسيني حبها يااااارب انت عارف مقدار حبها في قلبي مكانتها في قلبي عارف كيف ملكت روحي وقلبي يااارب نسيني فيها يااارب
وقعد ساعات وهو ع البحر للفجر بعدين شغل سيارته ورجع للحوش
.....
عند ايناس
ريماس_ايناس نوووضي الساعه 10:30  وعليك الغدي نوضي بابا جاب رشده كسكاس وقال نبيها ع الغدي
انا_باهي ها نوضت شن خطر عليه الرشده تو بصله وجو وتو ماما تقولك ديري حاجات حاره معاها واااااك
ريماس_من بكري هيثم وفاروق قالوا لماما يبوا امبطن وبوريك
انا_ديريهم انتي انا بندير الرشده بس
ريماس_غير نوضي ساهل بعدين ....حق امتا رقدتي امس
انا_الساعة  2
ريماس_ حييي هدا كله وانت تحكي مع احمد
انا_ايه اتصل تالي من الليل
ريماس_فكك والله لو يسمع كريم ولا صهيب يدبحوك
انا_انتي من جماعة دكرهم ونكد عليهم
ريماس__باه نوضي نوضي
.....
نوضت وجهزت الغدي كله بروحي بالحار ريماس هربت ...
وتغدينا وكان الجو الحلو لكن ريماس طول الوقت ساارحه
كملت حوسة الغدي وركبت لداري
انا_ريماس خيرك سارحه ليا اسبوع وضعك مش عاجبني
ريماس_نحكيلك وماتتهزيش عليا
انا_تي احكي مش متهزيه عليك
ريماس_شوفتي الجيران الي ساكنين قبالنا
انا_ايه الي جو يومها وعندها بنت اسمها هند تخدم في التخطيط حاجه زي هكي ولا
ربماس_ايه هيا عندها خو دكتور في الجامعة شوفته بعد روحوا عمامي من عندنا كان شمله متعارك مع حد او حاجه هكي المهم بديت نستنى فيه هو كشكل حلوو لكن الي جدبني ليه حسيته حزييين وجعني وبعدين اخته حكتلي انه يبي بنت وتزوجت ياناري علي ماحاااولت انحيه من دماغي شي كان مايزيد يعشش أكتر هبلني طول اليوم انخمم فيه
انا_ايييوه يا كلبه( حشاكم) علاش ماحكيتيلي من الأول
ريماس_ماجتش فرصه
انا_ قصدك اعجاب ولا حب ولا شن بالزبط
ريماس_مااااانعرفش
انا_شن تحسي لما تشوفيه
ريماس_نفرح وقلبي يبدا يدق بسرعه ونسخن
انا_هدا حب ياهبله
ريماس_لا شن حب وبعدين قتلك الي يحبها تو اتزوجت
انا_بروحك قلتيها تزوجت
ريماس_اول شيء الولد عمره ماينسى بنت سيباته مش هو سيبها وثاني شيء حتى ولو حبيته مستحيل انخش لحياتي كتجربه اولى بعد حب فاشل
انا_حي ع التحليل علاش اتعقدي ف الموضوع انتي
ريماس_هو اساسا معقد يعني هو يحب بنت وتزوجت واكيد قاعد يحبها ونادم انه ماتزوجها هو يعني اي علاقة حيخشها  تو بيخشها بس باش ينسى حبيبته يعني مستحيل يكون جدي فيه وفي كل شيء بيقارن بين البنت الجديده وحبيبته وانا من جيه مستحيل انكون هالبنت فهمتي
انا_وجهة نظر برضوا عموما ربي يكتبلك الي فيه خيرتك ....
.....
عند خلود...
علاء_نوضي ياعروس
خلود_خوله اخطيني بنرقد
علاء_هههههههههه انا مش خوله
خلود_تفكرت صكرت عيونها بقوه وعضت شاربها التحتي_أسسسفه نسيييت
علاء_غير نوضي بس امي اتصلت وقالت بعد ساعتين بتجيك المزينه باش تمكيجك للمحظر
خلود_حييييييي نسيييت وناضت تجري للحمام ( حشاكم)
علاء_غير قولي صباح الخير قبل
خلود_ طلعت راسها من الحمام وشافته متكي علي مدخل الصاله _صباح النور
علاء_صباح الفل بسرعه خلي نفطروووووا من بكري انوض فيك
خلود_باه ..
طلعت خلود من الحمام خشت للدار جريي لأنها لابسه ديشمبر الحمام ولافه فوطه علي راسها
وخشت وصكرت الدار بالمفتاح ولفت
علاء_برووووحك صكرتي الدار
خلود_حييي مانحسابكش اهني نسيت حوايجي لبست الديشمبر وطلعت
علاء_ناض وقرب منها تو انت لامتا بتهربي يعني
خلود_لفت وبتفتح الباب حظنها علاء من الخلف ونحى يدها من  علي المفتاح
علاء_ماتخافيش ماناكلش اني
خلود_والله وقت واحني لتو مافطرنا وشويه والمزينه اتجي
علاء_انا نبي بوسه بس وحده بس ...ولفها لعنده و....😘
خلود_داااخت معاه..
علاء_غير راك اطيحي بس هههه
وعض خدها وفتح الدار وطلع
خلود قعمزت علي حاشية السرير وتمروح علي وجهها الي حساته يطبخ
علاء_طلع من الدار مبسوط وفرحان واول ماخش للمطبخ نقز _وااخيييييرا دختي بين ايدي ااااه ...حي كان تخش وتشوفني انكلم في روحي تقول مهبول ..
بدلت ولبست سرول اتش دي أكحل وبلوزه حمره من غير كمام قصيره من قدام وطويله من الخلف وفيه من الخلف فيوكه كبيره كحله
ولبست كارونه كحله وفيها فيوكه كبيره كحله وهيا شعرها اشقر طبيعي ..وطلعت
علاء_اش اش شن هالزين كله لاااا ماعاش فيه مش للمحظر قعمزي بس وقابلني انا لين نشبع منك
خلود_تسلم هدا من دوقك ..
علاء_لا ماتكلمنيش بالرسمي كاني حد غريب
خلود_كيف انكلمك يعني
علاء_يعني ياغلاتي انتي تحلي الكلام بكلمه حلوه مش جفاف هكي
خلود_حاظر من عيوني
علاء_تسلمي يانور عيوني انتي قعمزي خلي نفطروا قبل لاتجي المزينه...
......
وبدوا الإمتحانات وكنت ما انكلمش فيه بكل مرات انرد علي مسجاته وأغلب الوقت تليفوني مقفل
عند قيس...
كنت مشغول عليها هلبا هيا اترد مرات علي مسجاتي لكن الأغلب تليفونها مقفل مستاحشها هلبا وكل يوم ندعي انه الباص تخرب باش انشوفها حتى من بعيد ونعرف حوشهم وين
رن تليفونه
قيس_هلا
نادر_هلا تي وينك
قيس_قاعد ..كيف حالك
نادر_تمام تعال
قيس_وين ؟
نادر_انا والشباب في القهوه تعال كسد
قيس_اوكي ربع ساعه وانكون عندكم
نادر_تم سلام
قيس_تشاو
.......
وصل للقهوه
علي_اوو عين وقابل وينك
نادر_زايط مع الكبيده شن يبي فينا
أحمد_تي خلوه يقعمز قبل وانت استلمتوه
قيس_هدا علاش مانجيش انا
نادر_كنت اتجي اول واحد يا كلب( حشاكم) تو بديت تتغلى عندك غيرنا شن تبي فينا
قيس_لا والله اصلا امتحانات مانكلمش فيها
نادر_لأي مرحله وصلتوا
قيس_مرحلة شن
نادر_انت وياها لوين وصلتوا
قيس_في شن تكلم كلام نفهمه
نادر_يعني قاعدين تتعرفوا ولا وصلتوا حبيبي وحبيبتي ولا بدتيوا في كلام ومشاكل المتزوجين ..
قيس_بتصنيفك هدا انا بين التعارف والمرحله يلي بعدها
أحمد_ان شاء الله لتو ماقلتلها انك تحبها
قيس_من قالك اني نحبها
علي__تي وااضحه
نادر_من عيونك يابروا تي تو تتكلم وعيونك يضحكوا
قيس_لا يا يبكوا غير انت غالط
أحمد_باه مش ماتحبهاش اتصل تو وقلوللها انك خلاص معاش تبيها وفيه بنت ثانيه خشت ع الخط وتبي تنفصل عليها
قيس_لااااا مستحيل
علي_شفت كيف ماهانتش عليك لو انك ماتحبهاش كنت قلت عادي ورفعت التليفون واتصلت
قيس_البنت امتحانات ومانبيش انفسد عليها قرايتها انوفت معاها هالسنه وانفوتها
احمد_باه تو انشوفوا..
نادر_شن رايكم نتعشوا ع البحر ناخدوا لحم وانديروا شوايات
قيس_تمام انا علي اللحم
نادر_وانا الفحم والماعين
احمد_انا المشروب والعصير
علي_وانا عولة الشاهي
قيس_نوضوا هي وعلي الساعه سته نتلاقوا في مكانه
الشباب _تم
#يتبع
أرآكم وتعليقاتكم تهمني
#najah_alhaj