#فرقتنا_عادات مكتمله

الحلقه17

#فرقتنا_عادات
#الحلقة_السابعة_عشر
::::::::::::::::::::::::::::::::::::::::::::::::::::::::::::::::::::::::::
لايك❤ قبل لا تقروا
وتعليقكم ع الحلقة
وتوقعاتكم للحقة الجاية بعد تكملوا قراية
:::::::::::::::::::::::::::::::::::::::::::::::::::::::::::::::::::::::::
ريهام_باه وتو شن بيصير
معتصم_اوييينه دارك خشي ديري شن تبي فيها كل شيء وتلقي حتى ثلاجة صغيره معبيه وفيها حماام هيا جناح اصلا ومانبيش انشوفك وجهك لين نطلع من الحوش
ريهام_نحت الكاب وجت تتقرب منها وحطت ايدها علي رقبته
معتصم_ابعدييي ماتمسينيش بكل ولو تحسابي روحك بتغريني ف احلامك انا كلي ملكنتي خولة ومن زماااان ونا محرم علي غيرها
ريهام_خولة وخولة اوووووف
ومشت لدارها
وخش معتصم لدار دايرها ليه بدل ولبس التوته وصكر الدار وفتح لاب تب امتعه وبدي يتفرج علي صور عيد ميلاد خولة الأخير
....
خولة شافتهم خاشين وهو يضحك وفرحان عكس لما كانت هيا معاه
خشت لسريرها وقعمزت ولمت رجليها ودكت راسها
وقعدت تتخايل فيها وهي معاه وهو فرحان ومدللها ويقوللها في الكلام المعسل الحلو
حست ب سكاكين في قلبه والدموع عبو عيونها حاولت تتماسك لاكن غلبوها حبيبها مع غيرها بكت لقبل الفجر  وبعدها ناضت توظأت وصلت قيام الليل وبعدها بدت تدعي
يااارب يامجيب دعوة المضطر ادا دعاه
يارب انت القائل ادعوني استجب لكم
يارب ها انا ارفع يدي اليك فلاتردها خائبة ياااارب انت من زرعت حبه في قلبي وقدرتي ليا ما انا فيه واحمدك يارب علي قضاءك وقدرك وادعوك اما ان تزرع حبي في قلبه او تتزع حبه من قلبي ياااارب هناك الم يعتصر قلبي فبرده ياارب برده كما بردت النار علي سيدنا ابراهيم اللهم بارك لي في اهلي و زوجي وذريتي اللهم اميين
وبعدها صلت الفجر
و ولعت التلفزيون وقعدت تقلب وكل شوي تسرح وتبكي
لحد الساعه 11الصبح
رن تليفونها
والمتصل كان _عصوووم 💖
خولة_الو
معتصم_جهزيلي فطور ليا ولي ريهام
خولة_نعممممم في احلاااامك
معتصم_بصوت عاللي _غصبا عنك عشر دقايق وانجي ناخده
خولة_اتنوض اتوتي فطورها  حلوه حتى هادي شغالة بوها اني
معتصم_انا جايك وتو انشوفوا شغالة بوها ولا مش شغالة بوها ( طبعا دار هدا كله بس لانه يبي يشوفها)
خولة_كانت خايفه شوي وانفتح الباب
ناضت تجري صكرت دار النوم بلمفتاح
معتصم وصل للدار_افتحييييي الخارب
خولة_مانييش امشي
معتصم_راه نكصره الباب افتحيي خيرلك
خولة_لااااااا وشوية وتسمع فيه يخبط فيها
مشت تجري فتحت
معتصم_علااااش ماتفتحيش من الاول
وقرب بيهزبها شاف عيونها دااااااابلاااات وحمر وهالات سوده وااضح مش راقده
خولة_لاحظت انه عيونه حمر كان واضح انه مش راقد _انت رقدت امس
معتصم_تفاجأ من السؤال_آه اييه
خولة_وخير عيونك حمر كأنك مش رااقد بكل
معتصم_انا رقدت انتي شكلك مارقدتي
خولة_تفكرت عيونها دمعوا_مااقدرتش نرقد
معتصم_وعلاااش
خولة_ تبي تعرف؟؟
معتصم_ما يهمنيش ( خاف تحكيله يضعف)
خولة_ اسمع معتصم الله يعطيك مافي بالك اخطاني والله مانقدر انديرلها فطور تبي فطورك بروحك حاااضر من عيوني لكن هيا مستحييل وماترعشنيش انا مرا حامل وعلي سبلة
معتصم_باه ديرلي فطوري
خولة_بفرحه ...بتفطر اهني
معتصم_ ايه بسرعه وديري قهوه من غير سكر رااسي بينفجر
خولة_باه وجري للمطبخ جهزت احلى فطور بريوش بالعسل والشكلاطه وعليه مكسرات وشاهي وقهوه ودحي وطن وزيتون وزبادي وحليب وفروبي ومربي وزبده طاولة الأكل عبتها
معتصم_خش مصدووم _خيرك حاطه هدا كله
خولة_آه ....قلت يمكن جعان هلبا
معتصم_ايه جعان لكن مش مفجوع
خولة_حشاك  .....اصلا حتى اني جعانه
معتصم_ باهي قعمزي ....
وفطروا و كلوا لين انفلقوا
معتصم_انا بنخش نرقد امس رقد تالي ونضت الصبح بكري
خولة_بصدمه... بترقد اهني ؟؟؟؟
معتصم_شن ماتبيش نركب عااادي مادا بيا اني
خولة_لاااااا .قصدي براحتك ...
خش معتصم رقد وضمت خولة الماعين وخشت شافاته راااقد يسسهف وهيا مش راقده خشت دوشت ع السريع وغرقت روحها بعطرها جاااادور ولبست بيجامه حرايريه بييج شورت قصيره وسوريه سيور وخشت جنبه
فاق معتصم من ريحة عطرها
فتح عيونه شوية وجبدها لحضنه خشت في حظنه وقعدت تستنشق في عطره الي مخلط بريحة الدخان الي حبتها هلي صدره هو وبس
معتصم_غير راك تشطفني وانت من بكري تشمي تقول مدمنة
خولة_ههههههه ههههه ماكنت انحب ريحته الدخان بكل بس بعدك انت ادمااان
معتصم_هههههههههه غير راه ايجي يوم ونلقاك ادخني
خولة_عيونها دمعواا...لو جي هاليوم اكيد انت مش حتكون معاي واكيد حنديرها يوم نفقدك ومانقدرش نرقد ونشري عطرك وندخن ونبخ العطر لين نرقد ..... او لما انشم ريحتها علي صدرك
معتصم_....ماحبش ينكد عليها اكتر ...ارتاحي جايه وعليها.....&$$٪$ زيطي مادامك بروحك تو الي ترقدي اهني
خولة_قصدك امس ماصار شيء
معتصم_هو ما ايخصكش لكن بس عشان تسكتي وتخليني نرقد لاااا قتلك جت مريضه
خولة_الحمد لله ان شاء الله ما يصرش بكل
معتصم_تي خلاص ارقدي
خولة_اه فقتدك امس هلبا ماقدتش نرقد
معتصم_ابتسكتي وترقدي ولا نركب فوق
خوله_لا خلااص
ورقدوا للساعه ثلاااثة بعد الظهر فاق معتصم وانسحب بالشوية وركب فوق
.....
ريهام_وين كنت نضت مالقيتك
معتصم_حاجة ماتخصكش جهزي روحك باش تمشي لحوش عيالي
ريهام_وعلاش ماخاطريش نطلع
معتصم_اتنفدي بس انتي والا بنخصم من الفلوس الي تفاهمنا عليها
ريهام_باهي لكن جعانه نبي نتغدى
معتصم_المطبخ قدامك نوووضي طيبي
ريهام_اوووف انا مانحبش المطبخ
معتصم_اقعدي جعانة وش دخلي اني
ريهام_ارفعني لمطعم
معتصم قبل بيقول لا وبعدها_باه جهزي روحك بسرررعه
ريهام _دقيقه بس
وجهزت روحها وجو طالعين نزلو من الدروج تلاقوا مع خولة وفي ايدها السلة امتع الدبش
خولة شافت ريهام لابسة ومشيكه ولاصقه في معتصم طااارتلها قريب نقزت عليها
ربهام_معقوووووله مافيش حتى مبرروك ياخولة
خولة_ وعلاش بنبارك  😏 اظني ما حصل شيء امس
ريهام _انصدمت...وفي خاطرها كييف عرفت
معتصم_تو ايصير ولا حبي رهومه
ريهام_اكييييد ياعمري هيا خلي انلحقوا علي مطعم حلو قبل لايفوت وقت الغدي
معتصم_هيا غلااي ....
وفاتوا خولة
وخشت متنكده ومهومه 😔
......
عند فرح
مصعب_غلااااي
فرح_حبي واخيراا معقولة ثلاث ايام تليفونك مقفل قريب كلمتك علي رقم العمل
مصعب_والله مافضيت انحك رااسي غلاي ...احسن شيء ما اتصلتي علي رقم العمل رد بالك اديريها
فرح_حاضر كيف حالك
مصعب_تمااام حال الحرب والدم هالدواعش ملغمين كل مكان وخسرنا واااجد من شبابنا
فرح_الله يرحمهم شهداء بإذن الله قول حبيبي امتا جاي والله استاحشتك من لما خطبتني معاد شفتك
مصعب_ياغلاي انتي عارفه الوضع اهني انا رقييب في الجيش مش ظابط عاادي مانقدرش نبعد علي موقع العمليات
فرح_ مصعب والله استاحشتك بالله ولو ساعات بس
مصعب_صعب الفترة هادي اصلا اول مابنجي بنتزوجوا  انجيبك اهني جنبي
فرح_ياااريت يسهل الله ...آه تؤ تؤ آه
مصعب_خيييرك
فرح_راااسي يامصعب
مصعب_قتلك الف مره بري عايني يابنت
فرح_والله مشيت ماحصلتش صورة والدكتور شكله غبي والله ماعارف راسه من رجليه تبيلي مشيه لطرابلس وخوتي و ولادهم مش فاضين كل واحد حايس في عمره
مصعب_مش راي هدا ديما راااسك يوجع فيك
فرح_ان شاء الله خير
مصعب_باهي انا خلاص لازم انصكر ياعمري
فرح_لااااا تي كيف تكلمنا حبي
مصعب_غيرصكري تو
صكرت فرح اوووووف شن هدا مانحصلش معاها كلمتين بكل
ثاني يوم طق الباب
طلعت فرح .._من
الشاب_افتحي انسة فرح انا من طرف الرقيب مصعب
فتحت فرح الباب
الشاب _ياريت تجهزي نفسك واتجي معاي الرقيب يستنى فيك
فرح_وشن يضمن لي انا
الشاب_اظني عندك ولد اخ اسمه حسن هو الي كلمه الرقيب وحتى هو جاي بس خشي جهزي نفسك لانه مستعجل
وخشت لقت مسج من مصعب
مصعب
( صباح الورد حبي بيجيك شاب من طرفي بيجيبك لعندي انتي وحسن وانا كلمت حسن  باش ايجي معاك ماتعطليش غلاااي انا مستعجل 😘 )
فرحت بدلت بسرعه لبست بلوزه بيضه قصيره من قدام وطويله من خلف معاها سروال حني واااسع وكندره بيضه و وشاح حني ومكياج خفيف مع روج حني مات ( mat( 
وجي حسن وركبت معاه ووصلت للقاعده الجويه ومشت للمهبط قاللولها تستنى في المدرج وقفت في مكان مخصص شوي وجت هوليكبتر نزلت طلع منها مصعب بلبسة الجيش
وعيون فرح قلوب قلووب كانت اللبسة طالعه عليه تهبل
وقف بعدين وفتح ايديه واشر براسه وبصوت عااالي تعااااالي
مشت تجري فرح وهوووب حظنها وقعد يلف بيها
ببعدها حطها
فرح_احلى مفاجأة
مصعب_والله جاي علي خاطرك ياغلاي حتى امي بنشوفها خطف ونرجع
فرح_يسلم خاطرك تهبل البدلة عليك
مصعب_والله من كتر ماتتكلمي علي شكلي ببدلة الجيش وانك خاطرك تشوفني فيها ع الطبيعه طلعت اليوم بدلة جديده وسفتي جيديد ورتب عليها الأوسمه والترقيات باش تشوفيها
فرح/تهبببل طالعه عليك مااشاء الله مش مصدقه والله ما امصدقه
مصعب_تعاالي خلي انخشوا داخل
وخشوا لمكتب كان مجهز وواتي وقعمزو يهدرزوا وهما فرحانين ببعض وحكوا قداش ما يحبوا بعض وحكوا علي فترة الي فاتت وكيف فرح كانت تستاحش فيه وهو حكاله كيف تعلق بيها من اول مره تلاقوا وانه يحبها بجد مش مجاملة لا يحبها وكانها علااقة مش خطبة عادية 
مصعب _تليفونه يرن
مصعب_الوووو
مصعب_اممم فات الوقت بسرعه هيا شغل المحرك معاش نقدر نعطل اكتر شوية وطالع
فرح_شنوووو بتمشي😞
مصعب_اسف حبي بس لينا ساعتين مع بعض راه وانا والله مشغول بس جيت عشانك
فرح_ربي يعاونك خلي انرن علي حسن
رنت علي حسن وقال انه يستنى فيها
مصعب_هيا حبي سلام تو
فرح_سلام
مصعب_اسمعي
فرح _نعم
مصعب_طالعه طررف في االبسة وكان مش انخاف من الحرام ماتروحي سليمة اليوم
فرح_هههههههه معناها الحمد لله انك تخاف ربي لاني بعيد عنك سخيفه ومانصدق  ههههههه
مصعب_ هههه تغرييي فيا انتي
فرح_ببراءه ..._انييي ابدا
قرب منها _ قلتي انك سخيفه
فرح خااافت_لاااا انبصر اني
قرب مصعب اكتر وطبع بوسه بشويش علي خدها_هههه هبله انتي فرووووووحتي
فرح_كانت فرح قعده مصدووومه من حركته
مصعب_غلااي بعد تفيقي من الصدمة  اطلعي سلام تو
طلع مصعب
وقعمزت فرح تمروح علي وجهه _ووووه عليا قلبي قريب طلع من مكانه
رن عليها حسن وطلعت روحت
وحسن يعلق عليها كيف مشت تجري واظبطاته وعلي صحة وجهها
فرح_والله خطيبي وقريبا زوجي
حسن_ قال ليا انه الأسبوع الجاي نفس اليوم حيقرا فاتحه
فرح_بجد ماقالش
حسن_بعد طلع منك خطم علي وقالي
فرح_الله لوووووولولي
حسن_تحشمي ولد خوك
فرح_نتخشم منك انت؟؟!! ولد خوي رااه انا عمتتتك
حسن_وانا اكبر منك
وقعدوا يتناقروا ليين و صلوا للحوش
........
بعد ايام عند القاسم ودانية في الإداعة
دانية وصلها بوها  وخشت
هناء_( صاحبتها وتخدم معاها في الشؤون الإدارية للٱذاعة) صبااحووو
دانية_صباح الخير شن الجو
هناء_تماام الحب يستنى فيك
دانية_هههههههه انا ماشيتله
هناء_في مكتبنا راهوا
دانية_تمام
خشت لمكتبها
دانية_شن ادير اهني انت؟؟؟
القاسم_والله مكتب حبيبتي عندك مانع
دانية _انا ماعنديش حبيب
القاسم_من قال انتي انا انحب زنتااااانية
دانية_اطوووول انت ياجادوي
القاسم_ونفتخر بيها
دانية_زنتانية وراسي عالي نفرح لما يقولوهالي
القاسم_اااالي ياا .....هيا يا زنتانيه جبتلك فطور
دانية_اووووه من قبل الجادوين كرماء
القاسم_ياهبلة تي ناكلك راه
دانية_ايصيرلك امساك بعدين انا لحمي جاف
القاسم_وينه اللحم كلك عظام معصصة
دانية_ وبالك مش عاجبك
القاسم_تي عاجبني وسكتي امخووومخني
دانية_باه هيا تو قريب ايجي المدير معاش انلحقوا نفطروا
فطرت هيا وياه
القاسم_شريتها الأرض
دانية_جد حبيبي !!!؟
القاسم_أكيد امس تميت وراقها
دانية_وباهي الف الف مبروك
القاسم_مبروك علينا حبي تو بنبدا نبي فيها
دانية_يااارب ياحبيبي اهلك يوافقوا
القاسم_بإذن االله يوافقوا لما يشوفوني جدي وبحوشي ومصمم عليك
دانية_ ياااارب .....هيا تو اطلع عندي عمل
القاسم_بعد عبيتي بطنك بتلزي
دانية_ههههههههه اكيد اهم شيء بطني
القاسم_البطن قبل الوطن هههههههه هيا حبي سلام تو
دانية_سلام
طلع القاسم وخشت هناء
هناء_طيب فيكم ساعه وانتم تفطروا
دانية_حتى هو فطور مع حبي
هناء_ربي يجمعكم ببعض
دانية/اميين ...شن صار في فرج
هناء_مقدمك تو تعرفت علي واحد في الانستاغرام يهبل
دانية_ياقعادك هكي كل مره واحد
هناء_ انكسد عليهم زي مايكسدوا علينا
دانية _فلسفتك وتفكيرك من قبل ما يعجب فيا
هناء_كل واحد براحته
.........
عندي انا وريماس
انا_تي هيا من بكري يستنى
ريماس_اصبري خلي نلبس وشاحي
ياسمين_هيااااااااا كريم عنده عمل
انا_انا بنطلع وانتي الحقي
طلعنا وكنا انجهزوا لعرس فرح لانهم حددوا الفاتحة وبعدها بعشر ايام العرس
وصلنا كريم للمحلات وقالوا لما انكملوا نرنوله
انا كلمت احمد وقتله بنطلع للمحلات وقال بيجيني
وريماس كلمتها هند وعرفت منها انا احني بنمشوا للمحلات علي خاطر العرس وكلمت خوها باش ايجي لعندنا واحني ماعندنا خبر
........
وبدينا بلفتنا ورن علي احمد وقال وصل
وجي لعندي وانفصلت عليهم بديت انلف معاه
وخشينا لمحل وشفت قفطان يهبل
كان لونه ازرق دااكن قصير من قدام وطويل من الخلف منفوخ وكت من فوق وفيه حزام ابيض مع فيوكه بيظه كبيره من الخلف تححححفه لكن سعره كان يجلط اربع مية وانا معاي تلت ميه بس
لاحظ احمد انه عجبني واني لما شفت السعر فته طووول
احمد_كم مقاسك انتي
انا_38 علاش
احمد_عفوااا ...نبو من هدا رقم 38
انا_لاااا
فنص فيا احمد سكتت
خداها وخلصه وطلعنا
انا_علاش كلفت روحك
احمد/شن مش عاجبك
انا_لا بالعكس يهبل
احمد_خلاص اهم شيء عجبك تو تبيله كندره وشن تاااني
انا _تو نشريله برووحي
احمد_لبستك هادي هدية مني بكل مستلزماتها تعالي شوف محل الأحدية هادا
وكملت كل شيء وشكرته لين عصب وسكتني من كتر ماقلت شكرا 
عند ريماس
تلف هيا واياسمين
ايمن_ريماااس
تلفت ريماس وتشوف ايمن
ايمن_اهلا ومد يده
ريماس_مصدوومه وترعش_اهلا وسلمت عليه
ايمن_سمعت انه عندك عرس قلت انجي انشوف ذوقك في اللبس
ريماس_اه هند قالتك
ايمن_ايه ...نلف معاك ولا لا
ريماس_عاادي بس انكلم اختي اتجي لمرت خوي دقيقة بس
ورنت علي
انا_ايووه كريم جي
ريماس_لااا ايمن جي
انا_ايمن من ...لااااا ماتقوليهاش
ريماس_ايه تعالي بسرعه مع ياسمين انا بنلف معاه  تعطلي نفرمك
انا_خلاص تمام جاية انتي وين
جنب محل _-٪٪-# امتع العبايات بسررعه و صكرت
انا_احمد لازم نمشي خطيب ريماس جي وبيلف معاها ومرت خوي بروحها
احمد باه امشي قدامي نوصلك ونروح
ومشينا ليين وصلنا
احمد_كنت ماااشي بنوصلها لين شفت ايمن وااقف جنب ريمااس صارلي استك معاش قدرت نتحرك خلااص شن هالصدفة قاتلي نوسه انه خطيب ريماس اسمه ايمن لكن ماتوقعتاش ايمن نفسه الي يبي خلود زماان لفيت وطول رجعت ماكنتش نبيه يشوفني روحت طوول
انا_اهلا ايمن
ايمن_هلا وين كنتي
انا_فيه محل نعرفه عنده قفاطين حلوات مشيتله وخديت منه
ريماس_الله ؟؟؟؟شريتي ؟؟؟؟؟وانا نستنى فيك ابنشروا زي بعض
انا_فيه منه قاعد
ايمن_لا شن رايك هالمره كل وحده تشري بشكل مختلف مش خير
ريماس_زعمااا
انا_عادي تغير ولو ماعجبك شيء نمشوا ناخدوا زي بعضنا بري تو لفي وشوفي
مشت ولفت هيا وأيمن ومنسجمين مع بعض وكانهم يعرفوا بعض من سنين وريماس كانت فرحاااانه بطير
وأيمن مستغرب كيف مرتاح هلبه معاها وندم انه معطاش لنفسه ولريماس فرصة طووول هالمدة انه يتعرفوا علي بعض بس خطبها ومعاش دورها
خشوا لمحل وريماس عجبها قفطان
أيمن_حلو
ريماس_بجد
ايمن_والله حلو وانيق هلبا خشي قسيه
ريماس_ماهو لازم حد يشوفني ويعطي رايه
ايمن_عادي انا انشوف
ريماس_آه ...لاااا بلاش
ايمن_نبصر خشي بس قيسيه وت تعرفيه في اللبس أكتر
ربماس_بااه
خشت وقاساته وكان قفطان جيهة الصدر والظهر كلها فصوص صغييير فضي ومن تحت طرف مشماشي هاااادي طوله حاير لنص الساق كن قفطان حلووو وعجب ريماس هلبا بعد قاساته
قررت تشريه
لكن ايمن دفع حقه هو وشرتله شوز فضي وفيه خيوط يرتبطوا ع الساق ونهيته وره مشماشيه
وياسمين ماشرتش قفطان لانها قاعده مالبست قفاطينها شرت بس لبس حوش وعباية مناسابات زي الكاب هكي تلتبس فوق القفاطين الكبار والصدرة
وجانا كريم وروحنا
وجي يوم الفاتحه وقبلها بيوم مشينا لسبها وكانت فرح فرحاااانه
ومجهزة نفسها
كانت الفاتحة في مربوعة جدي لانها كبيرة
ودرنا غدي للعيلة وعيال مصعب
وجي وقت قراية الفاتحة عند الرجالة
وعندنا احني كانت فرح مدايرة مكياج خفيف ولابسة قفطان وردي هااادي بسيط وحلو
وكنا نستنوا في قراية الفاتحة لين فجأأأأأة 😨
هووووووووووووووووووووووب
اطيح فرووووحه في وسطنا وانقلب الحوش عياط وصدمه
حاولت انفيقها بالميه والعطور مابتش
بعت طول لبابا وخش معاه الاولاد ومصعب اول ماقالوا فرخ داخت ومعاش وعت ناض يجري مع شباب العيلة وخشو وشافوني مضبطتها ونبكي فكوها مني وطلعوا للمستشفى
#يتبع
#najah_alhaj