حصونه المهلكة

نقاش

اولا صباح الخير ليكم كلكمممم⁦♥️⁩⁦♥️⁩🙈 اتمنالكم يوم جميل ومشرق وسعيد عليكم⁦♥️⁩⁦♥️⁩

ثانياً ... كنت وعداكم بمناقشه لاحداث الروايه واللي فيها اسمحولي اولا اعرفكم بنفسي .. انا شيماء الجندي .. كاتبه حصونه المُهلكه واللي فعلا اهلكتني انا شخصيا في افكارها 😂🙈⁦♥️⁩ الحقيقه الروايه دي اكتر روايه هتلاقوها مختلفه شويه لأني بناقش قضايا كتير فيهاا بس مشكلتكم مش صابرين عليا وهي محتاجه صبر جاااامد يعني مثلا انزل فصل لاسيف ومشاعرها تشتموا فهد وهو يستاهل الشتيمه😂😂😂 انزل فصل لفهد ومشاعره تفتكروا اني عاوزه اسيف ترجعله🤦😂😂 وأنا ملمحتش بحرف واحد حتي عن مشاعر اسيف ناحيته بعد كلامه 😂😂⁦ ... نسيب الهزار بقا ونيجي للجد وعاوزاكم تىكزوا معايا جداااا جدااا فيه .... انا مستنيه كل ده عشان الاقي حد فهم تفكيري بس للاسف لازمزاوضح شويه واسيبكم تكملوا بتفكيركم ... احب أوضح حاجه انا قرأت كتير جدا في حوار المرض النفسي وده كان سبب رئيسي اني اعمل الروايه والروايه غرضها الاول مناقشه الامراض النفسيه اللي بنزرعها في اطفالنا بلا شعور مننا ....

اولا الروايه بعيده تماماً عن ان البطل يهين البطله وكان قرب يموتها وهي تقولها كمااان ياحبيبي مسمحاك ياااقلبي من كل قلبي 🙂 كده انا ببقي بستخف بعقولكم وبشجع البنات الصغيره انها تتقبل الضرب وبشجع الراجل انه يهين المرأه طالما هي هتفتحله احضانها وتستقبله ... لو تركزوا شويه هتلاقوني وصفت ام فهد انها دفعت حياتها تمن لمريض نفسي ... هل انتِ عشان تربي ابنك او بنتك تقبلي يشوفك بيحصل فيكِ كده ؟!!!  ... دينا قال وجعلنا بينكم موده ورحمه ... عارفين يعني ايه موده ورحمه ؟!! يعني مش انتقام زي اللي فهد عمله يعني ايه اروح اخد بنت من بيت اهلها اهينها واضربها واطلع روحها واقولها معلش اسف ؟!! وده اللي اسيف استنكرته .. مجرد تسامحه ماقبلتهاش ياجماعه وانتِ لو سامحتي وهو انسان طبيعي واخده بالك من طبيعي ؟!! تبقي كاارثه تبقي هتطلعي جيل فاشل زي اللي بنشوفه حاليا وزي فهد مرييييض نفسي ... افهموا ان فهد حصل فيه كده لما شاف امه حصلهااا كده انتِ بتدمري اسره كامله عشان سكوت او حب وده اول حاجه بناقشهااا انا ضد تعنيف المرأة وقهرها بالشكل ده ولو اي بنت قبلته علي نفسها تبقي كارثه اغلب الروايات وده مش انتقاد لاي حد بتقول ان البطل يضرب ويهين والبطله الحنونه هتستقبل ده .. مش ملاحظين ان رغم براءه اسيف المتناااهيه مسامحتش ولا استحملت ده ؟!! انا لو بشجع العنف وطبعا مع شخصيه اسيف الملائكيه كنت خليتها ترجع لفهد واقننعتكمم انه اتغير لكن انا بقالي اكتر من ١٠ فصول تقريبا عارضه ليكم حقيقية فهد وحقيقه اسيف وانتوا نفسكم متقسمين تسامحه او لا ترجعله او لا ....  الحب يعني كرامه ولو الشخص هيحبها هيحب يعليها ويرفع راسها ويعملها كرامه مش يهينها ويضربها ويذلها ويقولها بحبك ... ولو انتِ بنت بقولك اهوه متقبليششش متوافقيش علي ده والا هتشيلي ذنب ولادك كمان اللي هيشوفوا امهم بتتهان كده ... الواقع فيه زي ام فهد كتييير كتيررر جدا وانا اعرف منهم كمان قصصهم .. ويمكن ده تاااني سبب خلاني اناقش الروايه الروايه بجد فيها من الواقع وفهد موجود منه كتييير بسبب اهله بقي مريض ومرض فهد انه اتخول لانسان عنيف هجومي عاوز يهاجم اي حد قصاده ...