حرب المشاعر {من تأليفي Macilia Ch}

{7}

#حرب_المشاعر
💘الحلقة 7💘: 
نور راحت ترمي روحها من فوق أما فآخر لحظة شدها و جبدها لعندو بقوة شعرة كانت حا تروح فيها
نور : أطلقني.. أطلقني قتلك....تضرب فيه على صدرو اما هو ماتحركش... طلعت راسها ليه... صورتو مكانتش باينة مليح
الشراب لي شرباتو خلاها تشوف غير الضباب اما بعد لحظات توضحت الصورة
نور: انت.... واش مرجعك أنت خاين.. أنت....
حكمتها الدوخة و تغاشات بين يديه..
ترسمت بسمة على شفافو رفدها و طلعها فطوموبيلتو...
جبد تلفونها من جيبها و رماه فلرض....ركب و قلع رايح
******
لؤي حاول يتصل بأنس اما تلفونو مغلوق ممبعد تفكر انو سافر لعن زهرو... اصلا كل ما يحتاجو ما يلقاهش
لؤي حدد إشارة تلفون تاع نور.... مستناش دقيقة و راح للبلاصة يجري.... لحق لقا غير الطوموبيل و التلفون مرمي.. قرب و رفدو ملرض شاف الحافة و قرب منها و طاح على رجليه اكيد رمات روحها.... بقا ثواني على نفس الحالة... مصدوم مقدرش يستوعب
أنو نور رمات روحها....ماتت و ماعادتش موجودة .... خرجو من صدمتو تلفونو لي يصوني
جبدو من جيبو بسيف....يدو ترعش.. و أطرافو ماشي حاس بيهم قلبو يخبط بقوة
لؤي  : أ...أل..ألو
نور بصوت باكي : لؤي...
ناض لؤي بالزربة ماش مستوعب: نور نووووور هادي نتي ردي
نور:  أنا...
نطق ليام بعد ما نحالها التلفون:  أهلا لؤي
لؤي: ليام!!! يا @@@@
ليام:  هههههه رجعت يا صحبي رجعت هههههه راح  يوصلك ميساج فيه بلاصتنا .. احرص على أنو واحد ما متبعك ماتنساش انو نور مطلوبة سلام
لؤي:  اوكي

بعد ما وصلوا لليونان انس و حياة حبطو من الطيارة رايحين للأوتال يرتاحوا فيه حتى موعد العشاء وين راح يناقشوا أمور الصفقة
دخلت حياة لشمبرتها بعدما عطاها انس المفتاح و جابولها فاليزتها
قعدت تتأمل ثواني فالشمبرة عجبتها بزاف
رمات روحها على الفراش...بعدها ناضت باش تدخل للدوش
نحات خيمارها... وفتحت فاليزتها جبدت حوايجها لي دوش بيهم والباقي حا تستفهم ممبعد
اما أنس أول حاجة كي دخل لشومبرتو... دخل للدوش نحا حوايجو... حل الماء البارد و دخل تحت المرش
كي كمل لبس شورت و رما روحو على الفراش يرقد
*****
كانت راقدة فسابع نومة حتى فيقها صوت 🔊🔊التلفون رفداتو و ردت بلا ما تشوف شكون جاها صوتو
أنس:  نص ساعة نلقاك واجدة قدام لباب و غلق في وجهها كي العادة
فتحت عينيها و شافت فالتلفون لقاتو أنس
ناضت سقمت روحها على الفراش...شافت حواليها تستوعب هادي ماشي شمبرتها.....
حطت يديها على شعرها و ضحكت ...راهي باليونان....تفكرت العشا و الصفقة... ناضت تجري و تسب فانس نسات روحها وهي راقدة من العيا
حياة عوجت فمها تقلد فأنس:  نص ساعة نلقاك واجدة قدام لباب
حمار بغل حيوان اععععع حابة نشنشفوا واش حاسب روحو

بعدما لبست و حطت آخر لمسات المكياج على وجهها... ناضت لبست الطالون... رفدت بوشاتها وطلت على المراية رمات بوسة وخرجت... لقات أنس قدام باب شمبرتوا لابس كوستيم بلو نوي عاطيها بضهروا يخربش فتلفونو... شمبرتها و شمبرتو متقابلين..
حمحمت حياة.... دار أنس لعندها و شاف فيها ملفوق لتحت بعدها نطق
أنس: هيا طولتي الضيوف يستناو.... دار حابط للتحت و هي موراه  تسب فيه بين شفافها
حياة: بغل جحش عديم ذوق مستفز مستبد.... كانت تمشي موراه
و تسب فيه بكل ماعندها من ألفاظ متولهتش انو حبس حتى خبطت فيه... شدت راسها تتوجع وهو دار لعندها
أنس:  وصلنا... مرة اخرى شوفي قدامك ولا ديري نواضر... ضحك و توجه للطابلة وين قاعدين الزبائن
حياة سقمت روحها و رسمت بسمة على شفايفها و لحقت أنس بعدما سلمت عليهم قعدت قدام أنس لي بدا يهدر و يضحك معاهم
كان فالطابلة أنس و حياة و مقابلهم راجل فالخمسينات و جون و وحدة تبان فالعشرين صابغة شعرها ولابسة روبة قصيرة مع مكياج يلمع ⭐✨
طول السهرة و انس يهدر معاهم باليونانية و هي قاعدة مافاهمة والو... حبت تعرف علاه جابها.... باش تقعد تبحلق فيهم و الأدهى أنو هاديك لي معاهم راشقة عينيها فأنس شوية و حا تاكلو غزلت منها
دار انس عند حياة لقاها تشوف فأندريا و مزعوجة تزيد شوية و تهجم عليها تخنقها
تبسم بخبث  و ناض لعندها مد يدو لأندريا
انس تكلم باليونانية:  هل تسمحين لي بهذه الرقصة؟
وهي أكيد مراحش تفوت هاد الفرصة شداتو من يدو و ناضو يشطحوا... و حياة ملهيك تغزل... كان حاب الجون لي كان معاهم يرقص معاها أما حياة ماحبتش و ناضت رايحة للتوالات
لحقها انس كي شافها ناضت كانت خلاصت الاغنية  و رجعوا للطابلة....إستأذن منهم و لحقها
قبل ما تدخل جبدها من يدها لعندو
حياة حاولت تجبد يدها أما مقدرتش
حياة:  يدي أطلقني
شاف أنس فعينيها و إبتسامة مرسومة على وجهو  و نطق: غرتي!! *****
لؤي وصل لعند نور طبطب فلباب خرجلو ليام طبعو ودخل يحوس على نور لقاها قاعدة قدام الطاقة سارحة تخمم .. خرج اسمها بين شفافو بنبرة واحد مكسور 💔 و فنفس الوقت بنبرة لي غير كيما رجعتلو الروح.....الأهم كي شافها قدامو اما لباقي مايهمش
لؤي: نور!!!
جرا لؤي جيهة نور جبدها و حظنها عندو و هي مكانتش من المعاكسين ضماتو بقوة تبكي على جهد جهدها
و ليام ملهيك يشوف فيهم متحسر على الوضع لي وصلولوا
غفات نور بين يدين لؤي رفدها و دخل لأول غرفة عرضاتو و حطها على السرير و خرج بعدما غطاها
شافو ليام خارج راح لعندو
لؤي:  واش جابك بعد هادو السنين؟؟!!
ضحك ليام على جيهة:  كرهت من الغربة ورجعت لبلادي و لناسها لي نحبهم ....خير نلقاك ماشي فرحان كي رجعت... مزالك زعفان مني كي رحت بلا ما ودعتك؟!!
شافو فبعضهم ثواني كل واحد منهم حاول يبين صرامتو اما فشلو كي ضحكو فوجوه بعض و راحو تعانقوا بحرارة
مع العشية ناضت نور و راحو.....لؤي راح يدير جهدو باش ميخليهاش تدخل الحبس أصلا هي مريضة و مزالت تتعالج و راح يثبت أنو مكانتش فوعيها و ليام طبيبها النفسي راح يشرف عليها و يدخلوها لكلينيك تتعالج و الدراهم يديرو كلش راح تخرج كي الشعرة من العجين ... و يوسف لي نجحت عمليتو و نجا من الموت راح يعاونهم بما انو ماماتش
********
رجعت حياة للطابلة بعدما وقفت أنس عند حدو و سمعاتو كلام خاطر فات حدو  أما هو حالف يدير لي فراسو... أشار لسارفور ينفذ لي يدير واش وصاه....رجع انس للطابلة بإبتسامة على وجهو قعد بعدها جا السارفور دارلو براسو إيه بعدما جمع الطباسا سقساهم إذا يشربو حاجا هوما طلبو شراب أما حياة طلبت عصير الفراز جابلهم السارفور طلباتهم بعدما حط منوم فكاس حياة حطهولها قدامها....دار لعند انس ودارلو إشارة بلي نفذ.... حكم انس كاسو و شرب منو و الضحكة ما فارقتش وجهو و هو يشوف فالخطة ديالو تنجح قدامو... حياة شربت الكاس قاع بعدها بدقايق  بدات تنعس... ناضت طالعة لشمبرتها بعدما هدرت معاهم بالاونقلي و استأذنت منهم.... فتحت باب شمبرتها و من النعاس لي شدها رمات روحها على الفراش بلا ما تبدل حوايجها و رقدت.

فتحت عينيها مع الصباح بعدما حياة جهرها الضو...فاقت من نوم راسها واجعها شداتو ما بين يديها تمسد فيه.... فتحت عينيها تستوعب وين راهي... هادي ماشي شمبرتها  تقعدت بالزربة على الفراش تحاول تربط الخيوط راسها واجعها تحاول تتذكر آخر مرة وين كانت....حبطت راسها تتذكر حتى شافت روحها بلا حوايج غير بدوبياس تجمعت الدموع فعينيها و زربت جبدت لغطا تغطي فروحها فهاديك اللحظة نفتح الباب... وبان أنس و الضحكة مالية وجهو
أنس:  صباح الحب كيفاه صبحتي!!؟
حياة:  واش راك تقول اما حب أما بطيخ واش راني ندير فشمبرتك و وو حوابجي شكون نحاهملي إنطق
ضحك أنس و قعد على حافة الفراش قدامها... شدها من دقنونتها يهدر... انا نحيتهملك مرتي و حر فيها
ضربتلو يديه و ناضت تعيط بعدما لفت الدرا عليها ... واش راك تهدر حاب تهبلني
أنس:  اللطف عليك يا مرتي العزيزة خرج ورقة من جيبو و وراهالها... شوفي ورقة 📄 لي تثبت زواجنا
نحاتهالو حياة من بين يديه تقرا فيها ماشي مصدقة عينيها
شافت فيه و الدموع مالية عينيها تكذب انت تكذب قطعت الورقة طراف طراف أما هو فضحك
أنس:  هههههه قطعي كيما تحبي الأصلية عندي و غمزها
شدت راسها حاسة روحها باش تدوخ سقساتو بهدوء:  واش صرا لبارح... هاديك الدقيقة حستها عوام جازو عليها و هي تستنى ينطق بكلمة
أنس: الحق مانحبش نضغط عليك اكثر من هاك هو ماصرا والو ...انتي هاك تحبي الطريقة الصعبة كنت حاب نديرلك عرس مطرطق اما حتى هاك محبيتيش خليتك تمضي على ورقة قتلك عليها تخص الخدمة أما كانت ورقة الزواج ... قرب منها و شدها بسيف عليها.... قرب وجهو منها و نطق بنبرة حنينة أما تخوف... مانحبش نمسك بلا رضايتك حتى ولو كنتي مرتي نحب نحس بيك و أنتي فايقة وفعقلك و نحبك تتفاعلي معايا هههههه نحب نحس بكل أنش فيك.. باسها بسيف كيما كل مرة  و هي تبعد عليه اما والو اما هاد المرة بوستو وجعتها بعد عليها
أنس: جهزي روحك راجعين للبلاد نعلنو على زواجنا  غمزها و دار خارج
حياة بالعياط:  أنت مريض نكرهك سمعت نكرهككككك.... طاحت على الأرض تبكي و تلعن فزهرها لي طاح مع مريض كيما هو

قاعدة فوق الكرسي تاكل فضفارها تشوف حواليها بهستيرية... قعد قدامها يشوف فحالتها... شدلها يديها بين يديه فلحظة حبست على الحركة... تتنفس بسيف تقول خلاص الأكسجين 
نطق بعدما حس بلي مراحش تنطق
ليام: نور حبيت نفسرلك علاه رحت بلا ما نودع حتى واحد أنا..
قاطعاتو نور:  بسبة عفراء... نحات يدو من عليها  و دارت تشوف فعينيه
اما تبقا خاين... خاين للعشرة لؤي تضرر منك صاحبو من الصغرة لي حطك بمثابة خوه يتكل عليك و يلقاك فوقت الشدة أما نتا خذلتو... بصوت فيه عتاب و انا؟؟  ماشي نتا قلتلي كي تحتاجيني تلقايني هااا؛!!  فنهار لي كنت تاع الصح محتاجتك ملقيتكش كنت هنا و رحت كسرتلي قلبي و رحت
ليام:  عندك حق اما... ناض من بلاصتو رايح للطاقة عاطيها بظهرو ... نتي خسرتي ختك صح أما أنا خسرت الطفلة لي نحبها حتى كي تشجعت نعترفلها طارت من بين يديا كنت نأجل الموضوع خايف اكثر شي من رفضها  خاطر كانت تعتبرني كي خوها اما بين ليلة و نهار  مولاتش موجودة نشوف فيهم واحد واحد كيفاه يبوسولها جبهتها و يبكيو مودعينها  اما انا مقدرتش نودعها و مقدرتش نشوفهم يدفنوها هربت إيه صح هربت...
ناضت من بلاصتها و دوراتو لجيهتها... لمحت الدموع لي فعينيه
ضحكت بإستهزاء... كلنا تضررنا من موتها و أنس توأمها أكثر شي نصفها الثاني هبل بعد موتها و تبدل  ...عفراء....كانت بهجة الدار أما كي راحت كل واحد تدمر و انت ما جي والو قدامهم ولا قدامي حتى ألمنا أكبر منك و هذا سبب ماش كافي لتبرر بيه
..عذر اقبح من ذنب ...انت ما خسرتش لي تحبها برك.. بيديك خسرت صاحبك و خسرتني انا... قربت منو كثر تضرب فيه بصبعها على صدرو وأنت السبب الرئيسي لحالتي و وين وصلت أنت المذنب الوحيد.