#حرب_المشاعر
💘الحلقة 13💘:
ناضت نور صباح تتكسل دارت دوش خفيف باش تصحصح بعدها لبست حوايجها... رفدت صاكها و خرجت من الشومبرا
كانت خارجة من الباب تاع برا غير فتحت الباب حتى سمعت صوت يماها
صفاء: نور بنتي خارجة بلا فطور ارواحي تفطري قبل بعدها اخرجي.... دارتلها نور و عينيها تتشاعل بزعاف
نور: بنتك!! و نفطر ههههه ....بعياط....منيتك علاه قعد فطور فهاد الدار ولا عشا ولا غداء هاا قولي بكل صحة وجه جاية تقوليلي نفطر؟؟؟
فطورك افطريه وحدك يامات قليلة حتى انا راح نروح من هاد الدار و اقعدي فيها وحدك و افطري بغرضك.... آآ و اعرضي صحاباتك المنافقين لي يهتموا غير بالدراهم و شعرهم و ماكياجهم و يبكوا و يندبوا عليه كي يفسد و إستمتعي معاهم.... قربت منها و كملت هدرتها بهدوء مستفز....طحتي من عيني كنت دايراتك مثلي الأعلى و نفتخر فيك مع اللخر. ..ضحكت بإنكسار... رميتي بنتك من لحمك و دمك و خليتيها و قلتي عليها ميتة... حرمتيني من ختي كل هاد السنين... لا لا حرمتيني من خواتاتي الزوج عفراء و حياة نتي السبة فالمشاكل و حياة دفعت ثمن حاجة مادارتهاش
بسبتك ماتت عفراء و بسبتك انس مولاش يفرق بين الصح و الغلط بسبتك ختي تمرمدت و مزال مزال تعرفي حاجة كرهتك و نكرهك و متزيديش تقوليلي بنتي متستاهليش تكوني ام ولا يتقالك ماما آخر مرة نقولهالك متزيديش تعترضي طريقي ولا تهدري معايا يامات و نروح منا حتى انا متخلينيش نقول كلام جارح يجرحك و يجرحني... دارت و خرجت
اما صفاء غير خرجت نور قعدت على اول كرسي قابلها منهارة صح مبينتش كي هدرت معاها نور هذه عادتها متبينش ضعفها لحتى حد أما إنجرحت و تألمت بيدها خسرت ولادها بيدها خربت كلشي
غير خرجت و غلقت الباب... رفدت يديها الزوج تمروح على عينيها
نور: نور متبكيش راح تجوز هي حبت كوني قوية فففف تنفسي
ليام: معامن راكي تهدري؟؟ ههههه وحدك هبلتي
غير سمعت صوتو استغفرت و راحت تمشي بلا ما تقيمو
ليام: نور يا نور حبسي!! نوووور
نور: اوووف صرعتني واش تحب!!
ليام: حاب نهدر معاك دقيقة
نور: ما عندي ليك حتى دقيقة حتى ثانية مراح نمدهالك من وقتي
ليام: نور... جرا لعندها وقابلها و ركع عند رجليها... نور مديلي فرصة وحدة نهدرو بلييييز
ضجكها منظرو كيفاه عامل و هو راكع و لا محروق باه تمدلو فرصة يهدر برك... ههه خلاص نوض و قول واش تحب اجري
ليام قعد راكع و نطق بكلمات ماكانتش تتوقعهم نور ولا بالاحرى صدمها
ليام: نور تقبلي تتزوجيني؟!!!
نور: هبلت واش راك تقول بعد من قدامي متخلينيش نشوف خليقتك بعد اليوم... ناض و حبسها قبل ما تروح كي حط يديه الزوج على كتافها يترجاها بعينيه
ليام: نور مديلي فرصة انا حاب نكون معاك و نتزوجك مرانيش نتمسخر...
نور: بعد ل..
ليام:خليني نهدر... مديلي فرصة إذا وافقتي راح نكون أسعد واحد اما إذا رفضتيني نوعدك راح نروح و مراحش تشوفي خليقتي طول عمرك ولا نسببلك إزعاج اما طلبي الوحيد تخمي فعرضي... بعد يديه من عليها و دار ماشي
نور: ليام
دار ليام فرحان حسبالو راح توافق... انعم
نور: مافيهاش تخمام انا رافضة مستحيل نتزوجك ولا تربطني بيك اي علاقة.. قالت كلامها و تجاوزاتو و راحت
كان متأمل توافق بعدما غارت و باستو البارح حس انو مزالها تحبو و ماحبش يضيع الوقت ولا يضيعها اما هي صدماتو برفضها و اكيد راح ينفذ واش قال و راح يروح للأبد 💔 روحة بلا رجعة
أنت تقرأ
حرب المشاعر {من تأليفي Macilia Ch}
Losoweهل يجتمع الحب و هوس الإنتقام في آن واحد ؟؟ عقل مريض يقوده مهووس للإنتقام أم سيتغلب الحب الذي تسلل إلى قلبه خفية لتثور داخله حرب مشاعر بين قلبه و عقله و يا ترى من سينتصر في النهاية؟ (باللهجة الجزائرية ) {من تأليفي Macilia Ch} بدأت في أفريل 2019 إن...
