#حرب_المشاعر
💘الحلقة 10,💘:
قعد لؤي فلاصتو لا عرف يقدم ولا يوخر... يشوف بعينيه
و هوما يديرولها جهاز الصدمات... جسمها يطلع و يهبط بعد ثلاث محاولات باه إستقرت حالتها و قلبها رجع يدق من جديد كانو راح يفقدو الأمل اما الظاهر أنو إنكتبلها عمر جديد
لؤي لأول مرة يكون عاجز انو ينقذ شخص لأول مرة قلبو يوجعو على شخص و قعد متصنم فبلاصتو حركة لا
فتحت حياة عينيها بعد عدة محاولات بعدما حستهم ثقال قابلها سقف الشمبرا ... راسها يوجع و يسطر.... رمشت شحال من خطرة بعدها وضاحتلها الصورة....
حياة بصوت ضعيف : م ما مااا ماء
لؤي كان واقف قدام الطاقة عاطيها بظهرو غير سمع صوتها دار لعندها
*******
ليام: هيا نور مزال مشبعتيش
نور: نووو مزال الطريق طويلة قدامك
بعد إصرار ليام على انو نور تسامحو.... قبلت بعد إصرار كبير منو اما كان عندها شرط يدير واش تحب اما اكيد مراحش تسامحو هكاك راح تلعبلو على أعصابو شوية
قاعدة قدامو كي الولاد الصغار حاكمة فرشاة الماكياج تماكييلو
و دايخة من الضحك و هو يزيد شوية يطرطق من الزعاف اما شاد روحو على شعرة راح يشوف وين راح توصل اما بينو و بين روحو عندو شحال ماشافش ضحكتها حتى أنو توحشها هي و هبالها
*****
حط الكاس و جبد الكرسي لي قدامها و قعد
شبك صباعتيه بين بعضهم متوتر
لؤي: راكي مليحة حاسة روحك احسن
تبسمتلو حياة: مليحة خير من لي كنت
لؤي: معلابالكش شكون دار فيك هك؟
بلعت ريقها شحال من خطرة و نطقت بسيف: أنا ماشفتوش الصراحة خدرني اما بلعقت ريقها للمرة الألف شاكة في أنس
حياة: علابالي انو مراحش تصدقني أما
قاطعها لؤي: مصدقك.. قرب منها و رفدلها راسها
لي كانت محبطاتو
لؤي: إنتي ما درتي حتى حاجة تستدعي انو تحبطي راسك
ولا حتى تحشمي... انا مصدقك...
اعتبريني من هاد اللحظة صديقك ولا خوك
و أحكيلي كلش و ما تخبي عليا حتى حاجة
و انا راح نعاونك تبني حياتك و نحررك من أنس
أما لازم نعرف قاع التفاصيل حتى الصغيرة
من لي تعرفتي عليه حتى لدوك
حياة: هو مهددني بعايلتي و تزوجني بسيف ما نعرف كيفاه و خايفة منو أنا.... حابة نطلق منو اما...
لؤي: أنس كذب عليك
حياة بإستغراب: كيفاه؟؟
لؤي: كذب عليك متزوجكش
حياة: كيفاه؟ ههه تتمسخر يعني لعب عليا هاكذا ياك هو ههههههه
حطت يديها على وجهها و طرطقت بالبكا 😭😭😭😭😭
لؤي وجعو قلبو عليها و مالقا مايدير سوى يجبدها لعندو و يعنقها
وهي ماصدقت واحد عنقها كانت محتاجة لحضن تبكي عليه
شدت فالشوميز ديالو بقوة و بكات و فرغت هم قلبها فالبكا
بعدما سكتت بعدت عليه تشوف فيه بعينين منفخين من كثر البكا: واش راح ندير دوك حتى اهلي غضبانين عليا بسبابو أنا ضعت خلاص حياتي تدمرت رجعت تبكي أقوى من الأول أما ردو و سؤالو للؤي فاجئها و سكتها ضربة وحدة
لؤي: عندي الحل تتزوجيني؟؟
*******
قاعدة قدام المسبح تاكل فلاكريم
نور: ليوووووو ليووووو
ليام: خير صوتك ثقبني واشبيك تعيطي كي عجوزة الستوت
راني نطيبلك فطلباتك خليني فعقلي خير ما دوك نرفدك و نرميك من السطح نتهنا منك
بوزت نور شفافها كي لولاد الصغار: نهون عليك...اووف نسيتني علاه عيطتلك إيه هه.... ليو حبي عجزت النوض روح جيبلي تلفوني من الشومبرا... ذبلتو عينيها... بلييييز
ليام: الصبر هاني طالع بلا حركات الولاد الصغار راكي كبيرة
دار طالع للشميرا و هي ضحكت بخبث
نور: واحد زوج ثلاثة بوم
ليام: نووووووور موتك على يدي اليوم
ضحكت ضحكة طويلة و ناضت من بلاصتها تستناه يوصل ...من حظها الدوا لي تشربو يماها يرقد ولا تكون ناضت من عياطو
شدها الضحك كثر كي شافت حالتو المبهدلة معمر فرينة و صبيغة تقول قوس قزح طرطقت بالضحك في وجهو ههههههههههههههه
كانت دايرتلو مقلب كي يفتح الباب تاع شومبرتها لي كان شوية محلول يطيح عليه بيدون فيه صبيغة و لفرينة على راسو
ليام:تضحكي ياك؟؟ بعدما بهدلتي بحالتي...
خرجتلو لسانها و هربت تجري و هو موراها.... حكمها و رفدها و بدون سابق إنذار رماها فالمسبح
خرجت من الماء و هي مشمخة.... لقاتو يضحك عليها
نور: أعععع الماء بارد.....حمار بغل....قبل ما تكمل تهدر رما روحو فالماء وطرشها قاع
نور: اععععععع
ليام: صوتك ينوض الميت من قبرو يا عجوزة الستوت ههههههه غمزها و خرج يقطر من الماء
و هي ضربت الماء بيدها تتحلف فيه ليااااااااااام
أنت تقرأ
حرب المشاعر {من تأليفي Macilia Ch}
Diversosهل يجتمع الحب و هوس الإنتقام في آن واحد ؟؟ عقل مريض يقوده مهووس للإنتقام أم سيتغلب الحب الذي تسلل إلى قلبه خفية لتثور داخله حرب مشاعر بين قلبه و عقله و يا ترى من سينتصر في النهاية؟ (باللهجة الجزائرية ) {من تأليفي Macilia Ch} بدأت في أفريل 2019 إن...
