#حرب_المشاعر
💘الحلقة 14: 💘
حياة: يو ي يوسف!!!واش درتلك حتى تحب تقتلني و تتخلص مني انا بواش أذيتك ؟؟؟نتا مريض نفسي لازملك سبيطار فهمت.... نتااا مريض نفسييييي بسيكوباااااات
شعلت عينيه بزعاف و راح لعندها بطرفة عين قبل ما تستوعب ولا تهرب
شدها من شعرها حتى وجعها... مريض إيه و صار الوقت تخلاص اللعبة لي بديتها... و مراحش تعرفي علاه درتلك هك راح تموتي بلا ما تعرفي
حياة: نعرف
يوسف: صار تعرفي ههه
حياة: إيه نعرف حكالي لؤي بعدما حاولت تلعب على نور و كشفاتك تخون فيها و حاولت تقتلك و كي فقت سفرك لؤي لبعيد و منعك انو تولي البلاد بسيف اصلا تستاهل
زيرلها على شعرها كثر... الناس يروحو حراقة من البلاد اما انا علاجال راجلك و ختك ال### جيت حراقة لهنا هههه......كيما خربلي حياتي و دمرلي مستقبلي هو....راح نقتلو مرتو لعزيزة الغالية على قلبو هههه كنت راح نقتل نور اما كي ظهرتي ختها راح نحرقها بموتك هههههه
ضحك و رماها على الأرض.... و بعد خطوات عليها ووجه سلاحو عليها
شافت فيه بحقد و غمضت عينيها مستسلمة لقدرها... دموعها هابطين على خدها
متحسرة على وليدها ولا بنتها لي مفرحتش بيه و لا لؤي لي ماشي عالم بوجودو اصلا
مع شارجا سلاحو.... زيرت على عينيها بقوة...و خرجوا ثلث رصاصات... بلا مايرفلو جفن حتى!!!!
اما بدل ماتحس بالرصاص حست بواحد محضنها فتحت عينيها لقات لؤي مقابلها يتبسم
طاحو دموعها يحرقو على خدها فكرة انو تلقى الرصاص فبلاصتها ليحميها صح تمنات يجي و يسلكها اما متمناتش يتوجع ولا تصيرلو حاجة
حياة: لؤ لؤي غير نطقت أسمو طاح قدامها يتنفس بسيف وعينيه يا دوب فاتحهم
الجيران غير سمعو صوت رصاص خرجو يشوفو لقاو يوسف خارج يجري و فيدو سلاح نص منهم وقفوه بسيف و شدوه لعندهم و خبرو الشرطة و نص لاخر دخل وين مرمي لؤي غارق فدمو و حياة قدامو تبكي و مصدومة عيطو للإسعاف حتى هوما
رفدت حياة راس لؤي حطاتو في حجرها تمسح على شعرو و وجهو و تبكي
حياة: لؤي متغلقش عينيك اقعد معايا متخلينيش انا انا و وليدك 😭😭😭😭
رفد لؤي يدو بسيف و حطها على كرش حياة و هي لتم وين زادت فريتم لبكا
لؤي: احلى خب خبر سم ع ت و ا ل ي و م ن ح ب ك ح ي ا ة ت ه ل ا ي ف ر و ح ك و ف و ل ي د ن ا....(أحلى خبر سمعتوا ليوم نحبك حياة تهلاي فروحك و فوليدنا )... مع كلمتو لخرى طاحت يد لؤي و غلق عينيه للأبد 💔
حياة: لؤي لا لا لؤييييييي نوض ماديرهاش بيا نوض لؤييييييي 😭😭😭😭😭😭😭
حكمتهاجارتها من كتافها تهدي فيها...خلاص يا بنتي ادعيلو بالرحمة
حياة: لا مستحيل لا لؤي لاااااااااااا😭😭😭😭😭😭 لؤي متخلينااااش لاااااااااااا 😭😭😭 حكمتلو يدو و باستها... لؤي... تضببت صورتو بين عينيها و طاحت تغاشات قدامو حتى هيا و شادة في يدو بقوة 💔
عندما تفاجئكم الحياة مفاجآت سيئة
حتى و إن تعثرتم...
يكون لديكم شخص تستندون على كتفه بثقة
و سبب لتتمسكوا بالحياة ..إن كان هناك أمل في قلبكم ....و للبدء من جديد
******
أنت تقرأ
حرب المشاعر {من تأليفي Macilia Ch}
Randomهل يجتمع الحب و هوس الإنتقام في آن واحد ؟؟ عقل مريض يقوده مهووس للإنتقام أم سيتغلب الحب الذي تسلل إلى قلبه خفية لتثور داخله حرب مشاعر بين قلبه و عقله و يا ترى من سينتصر في النهاية؟ (باللهجة الجزائرية ) {من تأليفي Macilia Ch} بدأت في أفريل 2019 إن...
