حرب المشاعر {من تأليفي Macilia Ch}

{9}

#حرب_المشاعر
💘الحلقة 9💘:

مع الصباح... فتحت حياة عينيها بلعقل....شافت حواليها لقات روحها فشمبرا شابة أما تبان تاع سبيطار... حاولت تنوض اما مقدرتش حاسة روحها فشلانة... حاولت تتذكر واش لي جابها هنا
آخر مرة كانت فلكوزينة تحوس على دواء يخفف سطر تاع كرشها
بما أنو معدتها حساسة و هي فلعشا ممضغتش الطعام مليح زيد الستراس و القلق و الرعب لي مركبهولها أنس أثروا عليها على خطرة..... فهاديك اللحظة إنفتح الباب و دخل لؤي... لابس طابلية بيضا زادتو هيبة و إغراء زيد لابس نواظر زادت فيه النص... و كي عادتها لي متبطلهاش و عادة أغلب البنات (منهم أنا😂😂😂)  كي تشوف واحد شباب تتمعن فخلق ربي و  تقعد ضايعة فيه اما حياة تزيدلها فالدوزة و تغتصبوا بعينيها بلا ماجيب خبر ماشي ييديها فوق طاقتها
مبحلقة فيه كي القطة بعينيها  البني و في قلبها علاه حتى دوك باش شافاتو انو بقلاوة و شباب خير  من  انس....عندو جاذبية كبيرة ...لي جذبوها كثر هوما عينيه قعدت مركزة فيه حتى حمحم باش فاقت
لؤي:  أحم نشاءالله كملتي؟؟؟
تلبكت حياة:  أنعم إيه إيه كملت لالا لا مزال... يعني أ أ أ سامحني واش لي كملت؟؟؟
لؤي حكمو الضحك: راني نشوف انو آثار المخدر مزالت مأثرة فيك... أحم أحم لمهم لبارح بعد ما تغاشيتي جبتك للكلينيك لي نخدم فيها يعني بالأصل تاعي المهم صرا معاك تعسر هضم لازم تنتبهي لماكلتك و ماتخلطيش فيها حتى لازم تمضغي الماكلة مليح  و تبعدي على الستراس... نتمنى تكوني فهمتي.... دارتلو براسها إيه.. مع انو مافهمت والو من كلامو قعدت طول الوقت ساهية و ماشي مركزة...كيما قال يبدو أنو المخدر مزال مأثر فيها.... فطنت و ركزت مليح في هدرتو بعدما سمعت إسم أنس
لؤي:  بالمناسبة عيطت لأنس و راهو جاي...قريب يخلاص السيروم لوقت يجي  يكون خلاص و يخرجك.. بالشفاء سلام
خرج لؤي بعدما مدلها ورقة الدواء
اما هي فنحات الإبرة من يدها لي فيها السيروم... جبدت حوايجها من الخزانة لي لتم.... لبستهم و خرجت تتسرسب من الكلينيك بلا ما يشوفها لؤي.... آخر حاجة متمنيتها دوك انو تشوف أنس أعصابها تعبت حبت تشم شوية هواء بعيد عليه حتى الهواء لي تتنفسوا كي يكونوا فنفس البلاصة يخنقها...أصلا حتى انس آخر همو حالها و كي يجي راح يمرضها أكثر من ما هي مريضة
بعدما تطمنت انو خرجت راحت تجري و شدت اول طاكسي عارضها رايحة لواحد البلاصة خضراء تحبها كل ما تكون مهمومة تروحلها تشرح القلب هي بحاجة لهواء نقي تملا بيه صدرها فبلاصة الهواء المسموم تاع أنس...حبطت من الطاكسي بعدما خلصاتو....شافت حواليها مالقات حتى واحد اكيد  بما أنو مزال الوقت صباح بكري مزال باش تتعمر و يجو ناس تمشات بلعقل حتى وصلت قدام شجرة كبيرة قعدت فوق لحشيش طلعت  راسها تشوف فالسماء......شردت فالسماء الصافية و لونها الزرق الفاتح مع الغيوم البيضا  لي مزينتها دخلت لقلبها راحة و فرحة فنفس الوقت.... أما ماشي واش نحبو يصير .... وهي قاعدة و غايسة فالسماء ماشي جايبة خبر جاء واحد من موراها و حط حاجة على نيفها حاولت تقاوم و  تسلك روحها اما بلا فايدة حتى داخت بين يديه .... رفدها و حطها فالطوموبيل ملور ... ركب بعدها ديمارا  سقم الروطروفيزور جيهتها....يشوف فيها و يتبسم إبتسامتو لي مليانة شر 😈😈