#حرب_المشاعر
💘الحلقة 16:💘
غلقت حياة عينيها حتى هيا
كانت حتتراجع أما لوقتاه ...حتى هي حابة تمدلو فرصة ...الدنيا فانية و قصيرة وهي حابة تعيش حابة تتنفس حابة تطوي الصفحة و تبدا صفحة جديدة ...تكذب إذا قالت أنو كانت تحب لؤي ...حاولت تحبو أما فشلت قلبها ما دقش ليه ...و كي تزوجاتو و عاشت معاه حتى لو كانت مدة قصيرة مقدرتش تحبو لأنو مسمحلهاش و معطاهاش فرصة ...علاقتهم كانت مبنية على الإحترام برك ...دايمن كان بارد معاها ....مشافتش اللمعة لي في عينيه كي تهدر معاه ولا الفرحة لي في وجهو ..حتى أبسط حاجة عليها مكانش يعرفها ...جامي حسسها بإهتمامو ..كانت عايشة #حرب_مشاعر داخلها و مزالها حتى لدوك عايشتها حابة دوك و فهاد اللحظة أنو تتهنى تحط نهاية لهاد الحرب لي عايشتها
كي ضغط أنس على الزناد ...حست حاجة في قلبها ...قلبها وجعها ...خافت ...خافت لأول مرة
...فتحت عينيها على وسعهم نادمة ....شافت فأنس لحظات تحاول تقرا تعابير وجهو و فنفس الوقت تتأكد إذا مصرالو والو
طاح المسدس على اللرض و طاح قلب حياة معاه
****
كانت قاعدة برا فالجنينة غايسة فالسماء
تتذكر
بعد أسبوع من لي مات لؤي ...كانت مدمرة و عيانة ووجهها صفر ...دخلت لدارها هي و ليام... أسبوع كامل كانت مع أنس و يماها فدار لؤي ...إختفاء حياة زاد على مابيها ...حبت تروح لدارها تريح شوية و تشوف راجلها توحشاتو ...
مع أنو استغربت ...عندو ايام ماسقساش عليها ....دخلت لدار ...الحالة هادية راحت ديراكت لشمبرتهم ...فتحت لباب و حوست عليه مالقاتوش ...خرجت و حوست قاع الدار كيفكيف ...عيطتلو فالتلفون مغلق ..كانت تتوقع تلقاه هنا أما خاب ضنها ...عاودت طلعت للغرفة ...رفدت صاكها من لرض خارجة ...الجو خانقها هنا الأفضل تخرج تشم شوية هواء على الأقل ينعشها
...كانت خارجة من الغرفة أما حبست كي لمحت ورقة فوق مخدتها ....مشات جيهتها بخطوات ثقال خايفة و قلبها يدق بالزربة
شدت الورقة تقرا فيها مع كل كلمة تقراها دمعة تنزل من عينيها ...عاود راح و خلاها مرة أخرى ... خانها و خان ثقتها ...كسر قلبها لي حبو ...راح و خلالها ورقة برك ...انغرت بيه و انخدعت مكانتش تتوقع أنو يدير هك ...طاحت فلرض تبكي و تشهق و تعاود تقرا بعينيها لي تعمرو دموع " راني رايح نور و هاد المرة مراحش نعاود نولي كان عندك حق كلامك كان صحيح حبي لعفراء كان كبير و مستحيل يتنسا و مع موت لؤي صاحبي المقرب مبقاش طعم أني نبقا فبلاد خذات العزاز على قلبي مقدرتش نخدعك كثر سامحيني أما حبي لعفراء أكبر ..حاولت نحبك و نبدا حياة جديدة معاك أما هذا هو القلب ماشي كل حاجة نتمناوها تتحقق ..سامحيني ..ليام "
رجعت للواقع كي وجعها راسها ...شدت راسها و دخلت لداخل تحوس على دواها ...لقات العلبة فارغة
نور: ينعل حظي ل### وقتك دوك خراااا اوف
حكمت صاكها و خرجت لأقرب فارماسي ...تمشي بسيف من الدوخة ماتعرف يمينها من شمالها ....فهاداك الوقت كان برا يحمل الكراطن لي جابهم و يدخلهم لدارو ..على تلفيتو شافها قاعدة فبلاصتها متتحركش شادة راسها و سيارة جاية ملهيك راح تدحسها ...زرب حط واش في يدو و جرا لعندها جبدها من كتفها حتى ضربت فيه بقوة
آدم : راكي مليحة ؟؟
شافت فيه نور لثواني بعدها طاحت مغاشية بين يديه
أنت تقرأ
حرب المشاعر {من تأليفي Macilia Ch}
Randomهل يجتمع الحب و هوس الإنتقام في آن واحد ؟؟ عقل مريض يقوده مهووس للإنتقام أم سيتغلب الحب الذي تسلل إلى قلبه خفية لتثور داخله حرب مشاعر بين قلبه و عقله و يا ترى من سينتصر في النهاية؟ (باللهجة الجزائرية ) {من تأليفي Macilia Ch} بدأت في أفريل 2019 إن...
