#حرب المشاعر
💘الحلقة 15💘:
دخلت حياة للدار و دخلاتو معاها ...قعداتو فالصالون
حياة : اقعد هنا دوك نجي سمعتني متتحركش
دارلها براسو ايه و هي راحت تشوف يماها وين
...دخلت لشومبرتها لقاتها راقدة...محبتش تنوضها ...غلقت الباب و راحت للكوزينة
بعد ما وجدتلو لماكلة و حطت الطباسا فالسنيوة
رفدتها و خرجت للصالون ...وصلت لعندو و حطتلو لماكلة قدامو توكل فيه
بعد نص ساعة و هي تحاول فيه ياكل
وقفت يماها قدام لباب ساكتة
حياة : شد كول لازم تكمل الطبسي ...شوف كيفاه راك نحفان ...زيد هادي
رامي : لا شبببعت خخلااص منقدرش نزيد
نسفت و ناضت تجمع الطباسا ..
حياة : كيما تحب ...دوك نوجدلك الدوش تنقي روحك من الوسخ اوكي
دارلها براسو ايه و عاود غاس كيما موالف
تنهدت حياة و غرست يدها فشعرها و بعثراتو
غير ناضت من الكرسي لقات يماها مقابلتها تشوف فيها
حياة : ماما ؟؟
علاه دخلتيه للدار حياة نسيتي بلي هو
قاطعتها حياة كي خبطت الطباسا فالطابلة
حياة : علابالي ...بلا متفكريني راني متفكرة مليح شكون هو أما الحاجة لي نسيتيها ...أنو معندوش ذنب بلي صار ...و فوقها مريض و لقيتو مطايش برا الدراري يضربو فيه بلحجر
...مقدرتش نخليه برا فهاد البرد
أما هو
حياة : ماما خلاص راح يبقا ...أما وين راهم والديه؟
هو ..هما ...يعني راحو بعد لي صرا
حياة بصدمة : كيفاه ؟؟ و خلاوه هنا مطايش و راحو ؟
لا هو كان ضايع حوسو عليه ملقاوهش و كي فقدو الأمل رجعو لدشرتهم
حياة : نظن مراحش ترميه برا زيد عندك نوميرو تاع يماه عيطيلها و قوليلها لقينا رامي !!
ايه ايه دوك نحوس عليه و نعيطلها
حياة : اوكي
غلقت الماء ...حطت يدها باش تتأكد إذا الماء دافي
خرجت من الدوش رايحة للصالون غير دخلت
لقاتو كيما خلاتو
تنهدت بشفقة على وضعو ...راحت تحط يدها عليه أما هو جبد روحو و تكمش كثر
حياة : رامي الدوش واجد ...هيا
أنس : حياااة
تخلعت حياة فبلاصتها و دارت شادة جيهة قلبها
أنس ؟؟!
أنس بزعاف : إيه أنس ...أنس
حياة : كيفاه دخلت مسمعتش و ..
.قاطعها أنس كي جبدها لعندو بقوة
..عندي المفتاح
عندك المفتاح !! كيفاه ؟
دورها جيهة رامي
هادا واش راهو يدير هنا
حاولت حياة تتملص منو اما مقدرتش كلما تقاومو كلما يزيد يضغط عليها بيدو و يوجعها
حياة : معندك مدخلك ..داري و حرة فيها
بعد وجعتني ...
جبدها أنس لعندو كثر حتى رجع ظهرها لاصق
فصدرو
قرب من وذنها يحكي بشوية
دخلني و نص ...من نهار مات لؤي دخلني فيك
على كلمتو ضرباتو بيدها لكرشو بقوة
بعد عليها أنس يتوجع
واش عندك في يدك ...آخخخخ
حياة : تستاهل ...
يمات حياة كانت فشمبرتها غير سمعت الصوت
خرجت تشوف واش راهو صاري
حياة ...أنس ؟ واش بيكم هك
ونتي حياة هكدا ترحبي بالضيف
حياة : ضيف ؟؟ هذا تسميه ضيف ماما ؟
صح ماشي ضيف ...هو فبلاصة وليدي لي مجبتوش ...دارت لعند أنس ...كيفاه راك وليدي ؟
ضحك أنس على جهة يلعب بحواجبو و يغزل فحياة
مليح يما حمدالله راح لعندها و باسلها جبهتها و حضنها و هو مزال يغزل حياة بحواجبو
حياة قعدت مصدومة ...سقسات بينها و بين روحها
واش تبدل كي كانت غايبة؟
خذات نفس و حمحمت باش يتعدل صوتها
حياة : ماما واش راكي تقولي ..هذا لبنادم
كرهلي عيشتي و دمرلي حياتي . ...و عذبني و قهرني ..و نتي عارفة هاد الشي و دوك تجي تقوليلي هذا وليدي ؟
أنت تقرأ
حرب المشاعر {من تأليفي Macilia Ch}
Ngẫu nhiênهل يجتمع الحب و هوس الإنتقام في آن واحد ؟؟ عقل مريض يقوده مهووس للإنتقام أم سيتغلب الحب الذي تسلل إلى قلبه خفية لتثور داخله حرب مشاعر بين قلبه و عقله و يا ترى من سينتصر في النهاية؟ (باللهجة الجزائرية ) {من تأليفي Macilia Ch} بدأت في أفريل 2019 إن...
